Mahapratisaramahavidyarajni 2

धारणी दुष्कृतस्यैषा सर्वदुष्टप्रमर्दनी

dhāraṇī duṣkṛtasyaiṣā sarvaduṣṭapramardanī

Sanskrit only: no published translation is held for this verse.

यस्याः श्रवणमात्रेण पापा गच्छन्ति संक्षयम् । सर्वसत्त्वसुखदा ह्य् एषा सर्वव्याधिप्रमोचनी

yasyāḥ śravaṇamātreṇa pāpā gacchanti saṃkṣayam | sarvasattvasukhadā hy eṣā sarvavyādhipramocanī

Sanskrit only: no published translation is held for this verse.

कारुण्यात् सर्वसत्त्वानां लोकनाथेन भाषिता । परित्राणाय सर्वेषां देहिनां दुर्गतिगामिणाम्

kāruṇyāt sarvasattvānāṃ lokanāthena bhāṣitā | paritrāṇāya sarveṣāṃ dehināṃ durgatigāmiṇām

Sanskrit only: no published translation is held for this verse.

अनया कृतरक्षस् तु प्रविशेद् असुरालयम् । अडकवतीं तथा गच्छेद् राक्षसाणाम् आलयं भुवि

anayā kṛtarakṣas tu praviśed asurālayam | aḍakavatīṃ tathā gacched rākṣasāṇām ālayaṃ bhuvi

Sanskrit only: no published translation is held for this verse.

भूतनागपिशाचानां युद्धे भैरवदारुणे । अधृष्यः सर्वशत्रूणां सर्वभूतगणैर् अपि

bhūtanāgapiśācānāṃ yuddhe bhairavadāruṇe | adhṛṣyaḥ sarvaśatrūṇāṃ sarvabhūtagaṇair api

Sanskrit only: no published translation is held for this verse.

ग्रहाः सर्वे विनश्यन्ति नामग्रहणकीर्तनैः । स्कन्दोन्मादा अपस्माराः पिशाचा डाकिनीस् तथा

grahāḥ sarve vinaśyanti nāmagrahaṇakīrtanaiḥ | skandonmādā apasmārāḥ piśācā ḍākinīs tathā

Sanskrit only: no published translation is held for this verse.

ओजोभक्षा महातेजा हिंसन्ते मानुषीं प्रजाम् । ते सर्वे स्तम्भिता भोन्ति प्रतिसरस्यैव तेजसा

ojobhakṣā mahātejā hiṃsante mānuṣīṃ prajām | te sarve stambhitā bhonti pratisarasyaiva tejasā

Sanskrit only: no published translation is held for this verse.

परचक्रा विनश्यन्ति काखोर्दा ये च दारुणाः । मन्त्रकर्मा न बाधन्ते मूलकर्माच् च मुच्यते

paracakrā vinaśyanti kākhordā ye ca dāruṇāḥ | mantrakarmā na bādhante mūlakarmāc ca mucyate

Sanskrit only: no published translation is held for this verse.

न विषं न गरं नाग्नि न शस्त्रं नैव चोदकम् । अशनिर् विद्युतश् चैव कालवायुर् न बाधते

na viṣaṃ na garaṃ nāgni na śastraṃ naiva codakam | aśanir vidyutaś caiva kālavāyur na bādhate

Sanskrit only: no published translation is held for this verse.

सर्वशत्रून् प्रमथ्नाति विद्याराज्ञ्या हि तेजसा । सर्वे ऽर्थास् तस्य सिध्यन्ति जयं प्राप्नोति नित्यशः

sarvaśatrūn pramathnāti vidyārājñyā hi tejasā | sarve 'rthās tasya sidhyanti jayaṃ prāpnoti nityaśaḥ

Sanskrit only: no published translation is held for this verse.

यः कश्चिद् धारयेद् विद्यां कण्ठे बाहौ बद्धापि वा । तस्य सर्वाणि कार्याणि सिध्यन्ते नात्र संशयः

yaḥ kaścid dhārayed vidyāṃ kaṇṭhe bāhau baddhāpi vā | tasya sarvāṇi kāryāṇi sidhyante nātra saṃśayaḥ

Sanskrit only: no published translation is held for this verse.

नित्यं रक्षन्ति देवेन्द्रा नागराजास् तथैव च । बोधिसत्त्वा महावीर्या बुद्धाः प्रत्येकनायकाः

nityaṃ rakṣanti devendrā nāgarājās tathaiva ca | bodhisattvā mahāvīryā buddhāḥ pratyekanāyakāḥ

Sanskrit only: no published translation is held for this verse.

श्रावकाः सर्वबुद्धानां विद्यादेव्यो महर्द्धिकाः । रक्षां कुर्वन्ति सततं प्रतिसराधारकस्य वै

śrāvakāḥ sarvabuddhānāṃ vidyādevyo maharddhikāḥ | rakṣāṃ kurvanti satataṃ pratisarādhārakasya vai

Sanskrit only: no published translation is held for this verse.

वज्रपाणिश् च यक्षेन्द्रो राजानश् चतुरस् तथा । तस्य रक्षां करिष्यन्ति दिवारात्रौ न संशयः

vajrapāṇiś ca yakṣendro rājānaś caturas tathā | tasya rakṣāṃ kariṣyanti divārātrau na saṃśayaḥ

Sanskrit only: no published translation is held for this verse.

शक्रश् च त्रिदशैः सार्धं ब्रह्मविष्णुमहेश्वराः । नन्दिकेशो महाकालः कार्त्तिकेयो गणेश्वरः

śakraś ca tridaśaiḥ sārdhaṃ brahmaviṣṇumaheśvarāḥ | nandikeśo mahākālaḥ kārttikeyo gaṇeśvaraḥ

Sanskrit only: no published translation is held for this verse.

सर्वे मातृगणास् तस्य तथान्ये मारकायिकाः । ऋषयश् च महातेजा देवाश् चैव महर्द्धिकाः

sarve mātṛgaṇās tasya tathānye mārakāyikāḥ | ṛṣayaś ca mahātejā devāś caiva maharddhikāḥ

Sanskrit only: no published translation is held for this verse.

नित्यं रक्षां करिष्यन्ति प्रतिसराधारकस्य वै । बुद्धाश् चैव महात्मानो विद्यादेव्यो महाबलाः

nityaṃ rakṣāṃ kariṣyanti pratisarādhārakasya vai | buddhāś caiva mahātmāno vidyādevyo mahābalāḥ

Sanskrit only: no published translation is held for this verse.

मामकी भृकुटी चैव तारादेवी तथाङ्कुशी । वज्रसंकलया श्वेता महाश्वेता तथैव च

māmakī bhṛkuṭī caiva tārādevī tathāṅkuśī | vajrasaṃkalayā śvetā mahāśvetā tathaiva ca

Sanskrit only: no published translation is held for this verse.

महाकाली च दूत्यश् च वज्रदूत्यस् तथा पराः । सुपाशी वज्रपाशी च वज्रपाणिर् महाबला

mahākālī ca dūtyaś ca vajradūtyas tathā parāḥ | supāśī vajrapāśī ca vajrapāṇir mahābalā

Sanskrit only: no published translation is held for this verse.

वज्रमाला महाविद्या तथैवामृतकुण्डली । अपराजिता महादेवी कालकर्णी महाबला

vajramālā mahāvidyā tathaivāmṛtakuṇḍalī | aparājitā mahādevī kālakarṇī mahābalā

Sanskrit only: no published translation is held for this verse.

तथा धन्या महाभागा पद्मकुण्डलिर् एव च । पुष्पदन्ती मणिचूडा स्वर्णकेशी च पिङ्गला

tathā dhanyā mahābhāgā padmakuṇḍalir eva ca | puṣpadantī maṇicūḍā svarṇakeśī ca piṅgalā

Sanskrit only: no published translation is held for this verse.

महातेजा तथा देवी धन्या च विद्युन्मालिनी । राक्षस्य् एकजटा चैव बुद्धा क्षितिकनायका

mahātejā tathā devī dhanyā ca vidyunmālinī | rākṣasy ekajaṭā caiva buddhā kṣitikanāyakā

Sanskrit only: no published translation is held for this verse.

कापालिनी महाभागा धन्या लङ्केश्वरी तथा । अन्याश् च बहवो विद्याः सत्त्वानुग्रहकारिकाः

kāpālinī mahābhāgā dhanyā laṅkeśvarī tathā | anyāś ca bahavo vidyāḥ sattvānugrahakārikāḥ

Sanskrit only: no published translation is held for this verse.

तस्य रक्षां करिष्यन्ति यस्य विद्या करे स्थिता । हारीती पाञ्चिकश् चैव शङ्खिनी कूटदन्तिनी

tasya rakṣāṃ kariṣyanti yasya vidyā kare sthitā | hārītī pāñcikaś caiva śaṅkhinī kūṭadantinī

Sanskrit only: no published translation is held for this verse.

श्रीदेवी सरस्वती चैव तं रक्षन्ति सदानुगाः । महाप्रतिसराम् एतां या स्त्री धारयते सदा

śrīdevī sarasvatī caiva taṃ rakṣanti sadānugāḥ | mahāpratisarām etāṃ yā strī dhārayate sadā

Sanskrit only: no published translation is held for this verse.

सर्वसिद्धिर् भवेत् तस्याः पुत्रगर्भा च नित्यशः । सुखं गर्भाणि वर्धन्ते सुखं प्रसूयति गुर्विणी

sarvasiddhir bhavet tasyāḥ putragarbhā ca nityaśaḥ | sukhaṃ garbhāṇi vardhante sukhaṃ prasūyati gurviṇī

Sanskrit only: no published translation is held for this verse.

व्याधयश् चापि नश्यन्ति सर्वपापा न संशयः । पुण्यवान् बलवान् नित्यं धनधान्यैः प्रवर्धते

vyādhayaś cāpi naśyanti sarvapāpā na saṃśayaḥ | puṇyavān balavān nityaṃ dhanadhānyaiḥ pravardhate

Sanskrit only: no published translation is held for this verse.

आदेयवचनश् चापि पूजनीयो भविष्यति । शुचिर् धारयते यस् तु स्त्रियो वा पुरुषो ऽपि वा

ādeyavacanaś cāpi pūjanīyo bhaviṣyati | śucir dhārayate yas tu striyo vā puruṣo 'pi vā

Sanskrit only: no published translation is held for this verse.

स भवेत् सर्वसत्त्वानां मोक्षणार्थं समुद्यतः । सुखितश् च भवेन् नित्यं सर्वव्याधिविवर्जितः

sa bhavet sarvasattvānāṃ mokṣaṇārthaṃ samudyataḥ | sukhitaś ca bhaven nityaṃ sarvavyādhivivarjitaḥ

Sanskrit only: no published translation is held for this verse.

राजानो वशगास् तस्य सान्तःपुरमहाजनाः । नित्यं च ज्वलते लक्ष्म्या पुण्यराशिर् विवर्धते

rājāno vaśagās tasya sāntaḥpuramahājanāḥ | nityaṃ ca jvalate lakṣmyā puṇyarāśir vivardhate

Sanskrit only: no published translation is held for this verse.

सिध्यन्ते सर्वकल्पाश् च प्रविष्टः सर्वमण्डले । सर्वत्र समयज्ञो ऽसौ जिनस्य वचनं यथा

sidhyante sarvakalpāś ca praviṣṭaḥ sarvamaṇḍale | sarvatra samayajño 'sau jinasya vacanaṃ yathā

Sanskrit only: no published translation is held for this verse.

दुःस्वप्ना न प्रबाधन्ते सर्वपापहरं परम् । किल्बिषाश् चैव नश्यन्ति प्रत्यमित्रास् तथैव च

duḥsvapnā na prabādhante sarvapāpaharaṃ param | kilbiṣāś caiva naśyanti pratyamitrās tathaiva ca

Sanskrit only: no published translation is held for this verse.

सर्वग्रहविनाशार्थं भाषिता ज्ञानमहेश्वरैः । सर्वकामंददा ह्य् एषा भावयेद् यस् तु नित्यशः

sarvagrahavināśārthaṃ bhāṣitā jñānamaheśvaraiḥ | sarvakāmaṃdadā hy eṣā bhāvayed yas tu nityaśaḥ

Sanskrit only: no published translation is held for this verse.