Mahapratisaramahavidyarajni 3

अतिविस्मयम् इदं देव दृश्यते नरकसंकटे । प्रशान्ता दारुणा दुःखाः सत्त्वानां कर्मजाश् च ये

ativismayam idaṃ deva dṛśyate narakasaṃkaṭe | praśāntā dāruṇā duḥkhāḥ sattvānāṃ karmajāś ca ye

Sanskrit only: no published translation is held for this verse.

प्रशान्तास् ते ऽपि अङ्गारा देहस्था देहिनां सदा । करपत्त्रा न बाधन्ते क्षुरधारा न सज्जते

praśāntās te 'pi aṅgārā dehasthā dehināṃ sadā | karapattrā na bādhante kṣuradhārā na sajjate

Sanskrit only: no published translation is held for this verse.

अस्त्राश् च भग्नाः सर्वे प्रशान्ता लोहकुम्भयः । असिपत्त्रवने पत्त्रा न बाधन्ते कर्मजाः पुनः

astrāś ca bhagnāḥ sarve praśāntā lohakumbhayaḥ | asipattravane pattrā na bādhante karmajāḥ punaḥ

Sanskrit only: no published translation is held for this verse.

यमस् त्वं धर्मराजो ऽसि धर्मेण शासयसे नृणाम् । इदं तु कारणं नाल्पं त्वम् अस्माकं वक्तुम् अर्हसि

yamas tvaṃ dharmarājo 'si dharmeṇa śāsayase nṛṇām | idaṃ tu kāraṇaṃ nālpaṃ tvam asmākaṃ vaktum arhasi

Sanskrit only: no published translation is held for this verse.

ततो ऽसौ धर्मराजा धर्मात्मा धर्मनिश्चयः । करुणाशयनष्टानां वचनं श्रुत्वेदम् ईदृशम्

tato 'sau dharmarājā dharmātmā dharmaniścayaḥ | karuṇāśayanaṣṭānāṃ vacanaṃ śrutvedam īdṛśam

Sanskrit only: no published translation is held for this verse.

किम् एतत् कथ्यतां शीघ्रं कथम् एतत् पुनर् ब्रुवन् । ततस् ते दुष्टसत्त्वानां यमपुरुषाः सुदारुणाः

kim etat kathyatāṃ śīghraṃ katham etat punar bruvan | tatas te duṣṭasattvānāṃ yamapuruṣāḥ sudāruṇāḥ

Sanskrit only: no published translation is held for this verse.

यमस्य धर्मराजस्य इदं वचनम् अब्रुवन् । अयं देव महासत्त्व उत्पन्नो नरकसंकटे

yamasya dharmarājasya idaṃ vacanam abruvan | ayaṃ deva mahāsattva utpanno narakasaṃkaṭe

Sanskrit only: no published translation is held for this verse.

अवीचिर् यस्य नामेदं तेनासौ संकट उच्यते । कर्मणां यस्य वैचित्र्यं सत्त्वा येन सुखीकृताः

avīcir yasya nāmedaṃ tenāsau saṃkaṭa ucyate | karmaṇāṃ yasya vaicitryaṃ sattvā yena sukhīkṛtāḥ

Sanskrit only: no published translation is held for this verse.

सुखितो ह्य् एष सर्वत्र पुनर् यास्यति सुरालयम् । यमो ऽपि धर्मराजा वै दृष्ट्वा कथयति विस्मितः

sukhito hy eṣa sarvatra punar yāsyati surālayam | yamo 'pi dharmarājā vai dṛṣṭvā kathayati vismitaḥ

Sanskrit only: no published translation is held for this verse.

महर्द्धिको ऽयं महच् चास्य शरीरं पौर्वजन्मिकम् । यथा धातुशतैर् वृन्दैः स्तूपं शोभति शास्तुनः

maharddhiko 'yaṃ mahac cāsya śarīraṃ paurvajanmikam | yathā dhātuśatair vṛndaiḥ stūpaṃ śobhati śāstunaḥ

Sanskrit only: no published translation is held for this verse.

प्रतिपत् स्मारयेद् यस् तु स न गच्छति दुर्गतिम् । सुगतिं गच्छते ह्य् असौ प्रतिसराभावभावितः

pratipat smārayed yas tu sa na gacchati durgatim | sugatiṃ gacchate hy asau pratisarābhāvabhāvitaḥ

Sanskrit only: no published translation is held for this verse.

अथवा नरकपाला वै गच्छथ पुष्कलावतीम् । तद् द्रक्ष्यथ महाकूटं देवतैः परिवारितम्

athavā narakapālā vai gacchatha puṣkalāvatīm | tad drakṣyatha mahākūṭaṃ devataiḥ parivāritam

Sanskrit only: no published translation is held for this verse.

ते पश्यन्ति तदा तत्र राजधानीसमीपतः । तच् च कूटं समन्तेन एकज्वालासमाकुलम्

te paśyanti tadā tatra rājadhānīsamīpataḥ | tac ca kūṭaṃ samantena ekajvālāsamākulam

Sanskrit only: no published translation is held for this verse.

मृतशरीरं च पश्यन्ति प्रतिसराबद्धकण्ठकम् । देवा नागाश् च गन्धर्वा यक्षराक्षसकिंनरैः

mṛtaśarīraṃ ca paśyanti pratisarābaddhakaṇṭhakam | devā nāgāś ca gandharvā yakṣarākṣasakiṃnaraiḥ

Sanskrit only: no published translation is held for this verse.