Mahapratisaramahavidyarajni 7

व्याधितानां च मोक्षार्थं स्त्रीनां गर्भसमुद्भवम्

vyādhitānāṃ ca mokṣārthaṃ strīnāṃ garbhasamudbhavam

Sanskrit only: no published translation is held for this verse.

भविष्यति च सत्त्वानां दारिद्र्यव्रणरोहणम् । उपवासोषितो भूत्वा नक्षत्रे पुष्यसंमते

bhaviṣyati ca sattvānāṃ dāridryavraṇarohaṇam | upavāsoṣito bhūtvā nakṣatre puṣyasaṃmate

Sanskrit only: no published translation is held for this verse.

बुद्धपूजापरो भूत्वा चित्तम् उत्पाद्य बोधये । करुणाम्रेडितचित्तेन मैत्र्या चापि समन्वितः

buddhapūjāparo bhūtvā cittam utpādya bodhaye | karuṇāmreḍitacittena maitryā cāpi samanvitaḥ

Sanskrit only: no published translation is held for this verse.

हिताधानपरश् चापि सर्वसत्त्वेषु नित्यशः । स्नात्वा चन्दनकर्पूरैः सकस्तूर्योदकेन च

hitādhānaparaś cāpi sarvasattveṣu nityaśaḥ | snātvā candanakarpūraiḥ sakastūryodakena ca

Sanskrit only: no published translation is held for this verse.

शुचिवस्त्राणि प्रावृत्य धूपितानि च धूपनैः । ततो मण्डलकं कृत्वा मृद्गोमयसमन्वितम्

śucivastrāṇi prāvṛtya dhūpitāni ca dhūpanaiḥ | tato maṇḍalakaṃ kṛtvā mṛdgomayasamanvitam

Sanskrit only: no published translation is held for this verse.

पूर्णकुम्भांश् च चत्वारः पञ्चमं मध्यमण्डले । पुष्पधूपाश् च गन्धाश् च दातव्यात्र महार्हाः

pūrṇakumbhāṃś ca catvāraḥ pañcamaṃ madhyamaṇḍale | puṣpadhūpāś ca gandhāś ca dātavyātra mahārhāḥ

Sanskrit only: no published translation is held for this verse.

धूपनं चन्दनं चैव स्पृक्कागरु तथैव च । पञ्चशर्करास् तुरुष्काश् च दातव्यानि विधानतः

dhūpanaṃ candanaṃ caiva spṛkkāgaru tathaiva ca | pañcaśarkarās turuṣkāś ca dātavyāni vidhānataḥ

Sanskrit only: no published translation is held for this verse.

नानाविधानि पुष्पानि यथाकालं यथाविधि । सर्वपुष्पफलैर् बीजैर् गन्धैश् चापि सुमण्डितान्

nānāvidhāni puṣpāni yathākālaṃ yathāvidhi | sarvapuṣpaphalair bījair gandhaiś cāpi sumaṇḍitān

Sanskrit only: no published translation is held for this verse.

घृतमाक्षिकदुग्धैश् च पावकैः पायसादिभिः । पूरयेद् बलिकुम्भांश् च लक्षणाढ्यान् सुमङ्गलान्

ghṛtamākṣikadugdhaiś ca pāvakaiḥ pāyasādibhiḥ | pūrayed balikumbhāṃś ca lakṣaṇāḍhyān sumaṅgalān

Sanskrit only: no published translation is held for this verse.

स्थापयेच् चतुरो दिक्षु पञ्चमं मध्यमण्डले । स्थापनीयाः शरावाश् च कोणेषु गन्धपूरिताः

sthāpayec caturo dikṣu pañcamaṃ madhyamaṇḍale | sthāpanīyāḥ śarāvāś ca koṇeṣu gandhapūritāḥ

Sanskrit only: no published translation is held for this verse.

चत्वारः कीलकाश् चापि खादिरा दृढवेष्टिताः । पञ्चरङ्गेन सूत्रेण वेष्टयित्वा विचक्षणः

catvāraḥ kīlakāś cāpi khādirā dṛḍhaveṣṭitāḥ | pañcaraṅgena sūtreṇa veṣṭayitvā vicakṣaṇaḥ

Sanskrit only: no published translation is held for this verse.

समभागेन माप्यैतान् निखन्यान् मण्डलाद् बहिः । एवं कृते लिखेद् विप्र यद् इच्छेत् सिद्धिम् आत्मनः

samabhāgena māpyaitān nikhanyān maṇḍalād bahiḥ | evaṃ kṛte likhed vipra yad icchet siddhim ātmanaḥ

Sanskrit only: no published translation is held for this verse.

शुक्लभोजनभुक्तेन लिखितव्यं सुखैषिणा । पटे वा वस्त्रभूर्जे वान्यत्र वा यत्र कुत्रचित्

śuklabhojanabhuktena likhitavyaṃ sukhaiṣiṇā | paṭe vā vastrabhūrje vānyatra vā yatra kutracit

Sanskrit only: no published translation is held for this verse.

लिखेत् स्त्रीषु पुत्रार्थी सम्यग् गोरोचनेन वै । मध्ये च दारकं कुर्यात् सर्वालंकारविभूषितम्

likhet strīṣu putrārthī samyag gorocanena vai | madhye ca dārakaṃ kuryāt sarvālaṃkāravibhūṣitam

Sanskrit only: no published translation is held for this verse.

रत्नपूर्णं तथा पात्रं वामहस्तेन धारयेत् । कार्यः पद्मे निषण्णो ऽसौ प्रफुल्लितविभूषिते

ratnapūrṇaṃ tathā pātraṃ vāmahastena dhārayet | kāryaḥ padme niṣaṇṇo 'sau praphullitavibhūṣite

Sanskrit only: no published translation is held for this verse.

मणिहारसुवर्णं च नानारत्नं विशेषतः । दुर्धर्षाश् चापि कर्तव्याश् चतुःकोणेषु पर्वताः

maṇihārasuvarṇaṃ ca nānāratnaṃ viśeṣataḥ | durdharṣāś cāpi kartavyāś catuḥkoṇeṣu parvatāḥ

Sanskrit only: no published translation is held for this verse.

एवं लिखेत् प्रयत्नेन यद् इच्छेज् जीवितुं सुखम् । कुङ्कुमेन लिखेत् वापि पुरुषानां तु विशेषतः

evaṃ likhet prayatnena yad icchej jīvituṃ sukham | kuṅkumena likhet vāpi puruṣānāṃ tu viśeṣataḥ

Sanskrit only: no published translation is held for this verse.

तस्येप्सितानि कार्याणि सिध्यन्ते नात्र संशयः । नानारूपाश् च कर्तव्या मुद्राचिह्नाश् च पद्मिनी

tasyepsitāni kāryāṇi sidhyante nātra saṃśayaḥ | nānārūpāś ca kartavyā mudrācihnāś ca padminī

Sanskrit only: no published translation is held for this verse.

द्वे पद्मे अथवा त्रीणि चत्वारि पञ्च वा लिखेत् । पद्मानां च तथा कुर्यात् केसराणि समन्ततः

dve padme athavā trīṇi catvāri pañca vā likhet | padmānāṃ ca tathā kuryāt kesarāṇi samantataḥ

Sanskrit only: no published translation is held for this verse.

सुपुष्पितं पद्मं कुर्वीत सदण्डं पट्टबद्धकम् । त्रिशूलं पद्मं कुर्वीताष्टकोणं पट्टबद्धकम्

supuṣpitaṃ padmaṃ kurvīta sadaṇḍaṃ paṭṭabaddhakam | triśūlaṃ padmaṃ kurvītāṣṭakoṇaṃ paṭṭabaddhakam

Sanskrit only: no published translation is held for this verse.

सपरशुं तथा पद्मम् अष्टपत्त्रं समन्ततः । सखड्गं पद्मं कुर्वीत स पद्मं सितम् एव च

saparaśuṃ tathā padmam aṣṭapattraṃ samantataḥ | sakhaḍgaṃ padmaṃ kurvīta sa padmaṃ sitam eva ca

Sanskrit only: no published translation is held for this verse.

शङ्खं पद्मे तथा कुर्यात् सर्वत्र विधिविस्तरम् इति । सर्वत्र विधिचिह्नानि कारयेद् विचक्षणः

śaṅkhaṃ padme tathā kuryāt sarvatra vidhivistaram iti | sarvatra vidhicihnāni kārayed vicakṣaṇaḥ

Sanskrit only: no published translation is held for this verse.

वर्जयेद् बालरूपाणि यत्र चित्तं प्रदुष्यति । देवरूपं च कर्तव्यं नानालंकारभूषितम्

varjayed bālarūpāṇi yatra cittaṃ praduṣyati | devarūpaṃ ca kartavyaṃ nānālaṃkārabhūṣitam

Sanskrit only: no published translation is held for this verse.

भिक्षुं वज्रधरं कुर्याद् दुष्टतर्जनतत्परम् । चतुरश् च महाराज्ञश् चतुःपार्श्वेषु संलिखेत्

bhikṣuṃ vajradharaṃ kuryād duṣṭatarjanatatparam | caturaś ca mahārājñaś catuḥpārśveṣu saṃlikhet

Sanskrit only: no published translation is held for this verse.

ब्राह्मणे ईश्वरो लेख्यः क्षत्रियेषु महेश्वरः । शूद्रेषु सदा सौम्यं चक्रस्वामिनम् आलिखेत्

brāhmaṇe īśvaro lekhyaḥ kṣatriyeṣu maheśvaraḥ | śūdreṣu sadā saumyaṃ cakrasvāminam ālikhet

Sanskrit only: no published translation is held for this verse.

वैश्येषु वैश्रवणम् इन्द्रं चैव सुरेश्वरम् । दारके सदा लेख्यः प्रजापतिर् महामतिः

vaiśyeṣu vaiśravaṇam indraṃ caiva sureśvaram | dārake sadā lekhyaḥ prajāpatir mahāmatiḥ

Sanskrit only: no published translation is held for this verse.

श्यामवर्णा भवेद् या तु रौद्रं तस्याः समालिखेत् । गौराया रूपसंपन्नं लिखेन् नित्यं यशस्विनम्

śyāmavarṇā bhaved yā tu raudraṃ tasyāḥ samālikhet | gaurāyā rūpasaṃpannaṃ likhen nityaṃ yaśasvinam

Sanskrit only: no published translation is held for this verse.

स्थूलायां माणिभद्रश् च लिखितव्यः प्रयत्नतः । कृषायां पूर्णभद्रस् तु मया ह्य् उक्तं स्वयम्भुवा

sthūlāyāṃ māṇibhadraś ca likhitavyaḥ prayatnataḥ | kṛṣāyāṃ pūrṇabhadras tu mayā hy uktaṃ svayambhuvā

Sanskrit only: no published translation is held for this verse.

गुर्विण्याश् च महाकालं लिखेच् च ब्रह्मदेवताम् । अन्यांश् चापि यथापूर्वं विधिनोक्तान् समालिखेत्

gurviṇyāś ca mahākālaṃ likhec ca brahmadevatām | anyāṃś cāpi yathāpūrvaṃ vidhinoktān samālikhet

Sanskrit only: no published translation is held for this verse.

लिखित्वैवं प्रयत्नेन विधिदृष्टेन कर्मणा । धारयेत् सततं कण्ठे भद्रकं तस्य भविष्यति

likhitvaivaṃ prayatnena vidhidṛṣṭena karmaṇā | dhārayet satataṃ kaṇṭhe bhadrakaṃ tasya bhaviṣyati

Sanskrit only: no published translation is held for this verse.

ज्वालाग्रं चिन्तामणिं कुर्याद् वज्राग्रे पद्मसंस्थितम् । पद्मस्य केसरे पाशं चक्रं चापि तथा परम्

jvālāgraṃ cintāmaṇiṃ kuryād vajrāgre padmasaṃsthitam | padmasya kesare pāśaṃ cakraṃ cāpi tathā param

Sanskrit only: no published translation is held for this verse.

वज्रं पद्मे समालिख्य मुद्गरं पद्मसंस्थितम् । शक्तिं लिखेत् तथा पद्मे यथा विधिषु दृश्यते

vajraṃ padme samālikhya mudgaraṃ padmasaṃsthitam | śaktiṃ likhet tathā padme yathā vidhiṣu dṛśyate

Sanskrit only: no published translation is held for this verse.

ज्वालाग्रा मणयः सर्वे विस्फुलिङ्गसमाकुलाः । पट्टबद्धाश् च कर्तव्या यथा विधिषु कीर्तिताः

jvālāgrā maṇayaḥ sarve visphuliṅgasamākulāḥ | paṭṭabaddhāś ca kartavyā yathā vidhiṣu kīrtitāḥ

Sanskrit only: no published translation is held for this verse.

नागाश् च फणिनः कार्या मणिज्वाला नवशीर्षाः । ते ऽपि सर्वे प्रयत्नेन हृदि वज्रप्रतिष्ठिताः

nāgāś ca phaṇinaḥ kāryā maṇijvālā navaśīrṣāḥ | te 'pi sarve prayatnena hṛdi vajrapratiṣṭhitāḥ

Sanskrit only: no published translation is held for this verse.

पार्थिवानां बलं नित्यं सार्थवाहं लिखेद् बुधः । विद्याधराणां च सर्वेषां विद्यादेवीं समालिखेत्

pārthivānāṃ balaṃ nityaṃ sārthavāhaṃ likhed budhaḥ | vidyādharāṇāṃ ca sarveṣāṃ vidyādevīṃ samālikhet

Sanskrit only: no published translation is held for this verse.

चन्द्रसूर्यौ सनक्षत्रौ राहुकेतुग्रहाष्टकम् । लिखेच् च षण्डपण्डानां पुत्रलाभो भविष्यति

candrasūryau sanakṣatrau rāhuketugrahāṣṭakam | likhec ca ṣaṇḍapaṇḍānāṃ putralābho bhaviṣyati

Sanskrit only: no published translation is held for this verse.

निश्चयाद् विधिनालिख्य सर्वसिद्धिर् भविष्यति । तस्मात् सर्वप्रयत्नेन धारयेन् मतिमान् नरः

niścayād vidhinālikhya sarvasiddhir bhaviṣyati | tasmāt sarvaprayatnena dhārayen matimān naraḥ

Sanskrit only: no published translation is held for this verse.

प्राप्नोति परमं स्थानं स्वयम्भूवचनं यथा

prāpnoti paramaṃ sthānaṃ svayambhūvacanaṃ yathā

Sanskrit only: no published translation is held for this verse.

लोके ऽस्मिन् परमं सौख्यं परलोके सुखं परम् । त्रयस्त्रिंशभवनादौ स्थानं तस्य सुरालयम्

loke 'smin paramaṃ saukhyaṃ paraloke sukhaṃ param | trayastriṃśabhavanādau sthānaṃ tasya surālayam

Sanskrit only: no published translation is held for this verse.

जम्बुद्वीपे शुभे रम्ये विशिष्टे कुलसंमते । क्षत्रियेषु विशिष्टेषु ब्राह्मणेषु विशेषतः

jambudvīpe śubhe ramye viśiṣṭe kulasaṃmate | kṣatriyeṣu viśiṣṭeṣu brāhmaṇeṣu viśeṣataḥ

Sanskrit only: no published translation is held for this verse.

जन्म तस्य महात्मस्य विद्या सुखं च नित्यशः । सर्वबुद्धैर् न शक्यं हि पुण्यस्कन्धं प्रकीर्तितुम्

janma tasya mahātmasya vidyā sukhaṃ ca nityaśaḥ | sarvabuddhair na śakyaṃ hi puṇyaskandhaṃ prakīrtitum

Sanskrit only: no published translation is held for this verse.

यत् पुण्यं समवाप्नोति प्रतिसराधारको नरः । नरकद्वाराः पिथिताः सर्वस्वर्गद्वारा अपावृताः

yat puṇyaṃ samavāpnoti pratisarādhārako naraḥ | narakadvārāḥ pithitāḥ sarvasvargadvārā apāvṛtāḥ

Sanskrit only: no published translation is held for this verse.

सुखसंपत्तिसंपन्नो भविष्यति महामतिः । बुद्धाश् च बोधिसत्त्वाश् च आश्वासयन्ति च नित्यशः

sukhasaṃpattisaṃpanno bhaviṣyati mahāmatiḥ | buddhāś ca bodhisattvāś ca āśvāsayanti ca nityaśaḥ

Sanskrit only: no published translation is held for this verse.

कायेन सुखसंपन्नो बलेन महता भवेत् । यथापि तद् वै जिनेन्द्रोक्तं चक्रवर्ती भविष्यति

kāyena sukhasaṃpanno balena mahatā bhavet | yathāpi tad vai jinendroktaṃ cakravartī bhaviṣyati

Sanskrit only: no published translation is held for this verse.

आश्वासनं नृदेवानां त्रासनं दुष्टचेतसाम् । भविष्यत्य् अचिरेणासौ यस्य विद्या सुभाषिता

āśvāsanaṃ nṛdevānāṃ trāsanaṃ duṣṭacetasām | bhaviṣyaty acireṇāsau yasya vidyā subhāṣitā

Sanskrit only: no published translation is held for this verse.

नासौ हन्यति शस्त्रेण न विषेण न चाग्निना । नाकालमरणं चास्य दूरे गच्छन्ति पापकाः

nāsau hanyati śastreṇa na viṣeṇa na cāgninā | nākālamaraṇaṃ cāsya dūre gacchanti pāpakāḥ

Sanskrit only: no published translation is held for this verse.

दर्शनात् स्पर्शनाच् चैव श्रवणाद् एव सर्वतः । भूतग्रहविवादाश् च उदकाग्निभयं तथा

darśanāt sparśanāc caiva śravaṇād eva sarvataḥ | bhūtagrahavivādāś ca udakāgnibhayaṃ tathā

Sanskrit only: no published translation is held for this verse.

मृगा व्याडाहयो नागा व्याधयश् च सुदारुणाः । ते सर्वे न भविष्यन्ति येषां विद्या सुभाषिता

mṛgā vyāḍāhayo nāgā vyādhayaś ca sudāruṇāḥ | te sarve na bhaviṣyanti yeṣāṃ vidyā subhāṣitā

Sanskrit only: no published translation is held for this verse.

सर्वथा सर्वमारैस् तु शृणु वक्ष्यामि तत्त्वतः । पूजनीया भविष्यन्ति सर्वसत्त्वोत्तमा हि ते

sarvathā sarvamārais tu śṛṇu vakṣyāmi tattvataḥ | pūjanīyā bhaviṣyanti sarvasattvottamā hi te

Sanskrit only: no published translation is held for this verse.