Mahapratisaramahavidyarajni 8

येन रक्षाविधानेन महासिद्धिर् भविष्यति । यत्र तत्र कृता रक्षा भवत्य् अवध्यो न संशयः

yena rakṣāvidhānena mahāsiddhir bhaviṣyati | yatra tatra kṛtā rakṣā bhavaty avadhyo na saṃśayaḥ

Sanskrit only: no published translation is held for this verse.

निर्भयं निर्ज्वरं चैव सर्वग्रहनिवारणम् । नक्षत्रानुकूलं च कर्मसंकलछेदनम्

nirbhayaṃ nirjvaraṃ caiva sarvagrahanivāraṇam | nakṣatrānukūlaṃ ca karmasaṃkalachedanam

Sanskrit only: no published translation is held for this verse.

दुर्भुक्तं दुर्लङ्घितं चैव सर्वशत्रुगणैः कृतम् । दुःप्रेक्षितं दुर्लिखितं काखोर्दा ये च दारुणाः

durbhuktaṃ durlaṅghitaṃ caiva sarvaśatrugaṇaiḥ kṛtam | duḥprekṣitaṃ durlikhitaṃ kākhordā ye ca dāruṇāḥ

Sanskrit only: no published translation is held for this verse.

चूर्णमन्त्रकृतं चैव विषभुक्तं तथा गरम् । सर्वे तस्य प्रशाम्यन्ति रक्षां धारयते ऽत्र यः

cūrṇamantrakṛtaṃ caiva viṣabhuktaṃ tathā garam | sarve tasya praśāmyanti rakṣāṃ dhārayate 'tra yaḥ

Sanskrit only: no published translation is held for this verse.

प्रत्यङ्गिरा विपच्यन्ते यो विद्यां समतिक्रमेत् । परचक्रा दारुणा ये ऽपि प्रत्यमित्रा महाभयाः

pratyaṅgirā vipacyante yo vidyāṃ samatikramet | paracakrā dāruṇā ye 'pi pratyamitrā mahābhayāḥ

Sanskrit only: no published translation is held for this verse.

सर्वे ते प्रलयं यान्ति प्रतिसराशापतर्जिताः । बुद्धा रक्षन्ति सर्वज्ञा बोधिसत्त्वाश् च सूरताः

sarve te pralayaṃ yānti pratisarāśāpatarjitāḥ | buddhā rakṣanti sarvajñā bodhisattvāś ca sūratāḥ

Sanskrit only: no published translation is held for this verse.

रक्षन्ति प्रत्येकबुद्धाः श्रावकाश् च महातपाः । अन्ये च बहुविधा भूयो देवा नागा महर्द्धिकाः

rakṣanti pratyekabuddhāḥ śrāvakāś ca mahātapāḥ | anye ca bahuvidhā bhūyo devā nāgā maharddhikāḥ

Sanskrit only: no published translation is held for this verse.

रक्षां कुर्वन्ति तस्येमे अस्मिन् युक्तस्य नित्यशः । अस्याः श्रवणमात्रेण विद्यारक्षा अनुत्तरा

rakṣāṃ kurvanti tasyeme asmin yuktasya nityaśaḥ | asyāḥ śravaṇamātreṇa vidyārakṣā anuttarā

Sanskrit only: no published translation is held for this verse.

निर्भयं भवति सर्वत्र इत्य् एवं मुनिर् अब्रवीत् । दुःस्वप्ना दुष्कृता ये च उपसर्गा ये च दारुणाः

nirbhayaṃ bhavati sarvatra ity evaṃ munir abravīt | duḥsvapnā duṣkṛtā ye ca upasargā ye ca dāruṇāḥ

Sanskrit only: no published translation is held for this verse.

व्याधिस्पृष्टा महारोगैर् ये ग्रस्ता राजयक्ष्मणा । अन्ये च बहुविधा रोगा गण्डलूता विचर्चिकाः

vyādhispṛṣṭā mahārogair ye grastā rājayakṣmaṇā | anye ca bahuvidhā rogā gaṇḍalūtā vicarcikāḥ

Sanskrit only: no published translation is held for this verse.

ईतयो दारुणा ये च ग्रसन्ते मानुषीं प्रजाम् । मनुष्याणां विनाशार्थं हिंसकाः परमदारुणाः

ītayo dāruṇā ye ca grasante mānuṣīṃ prajām | manuṣyāṇāṃ vināśārthaṃ hiṃsakāḥ paramadāruṇāḥ

Sanskrit only: no published translation is held for this verse.

सर्वे ते विनश्यन्ति रक्षा यत्र महाबला । अनेन कृतरक्षस् तु वध्यप्राप्तो ऽपि मुच्यते

sarve te vinaśyanti rakṣā yatra mahābalā | anena kṛtarakṣas tu vadhyaprāpto 'pi mucyate

Sanskrit only: no published translation is held for this verse.

यदि ग्रस्तः कालपाशेन नीतश् चापि यमालयम् । तस्य आयुर् विवर्धेत प्रतिसरालिखनाद् अपि

yadi grastaḥ kālapāśena nītaś cāpi yamālayam | tasya āyur vivardheta pratisarālikhanād api

Sanskrit only: no published translation is held for this verse.

परिक्षीणायुषो यस् तु सप्ताहमृत एव च । यावल् लिखितमात्रेण रक्षा एषा अनुत्तरा

parikṣīṇāyuṣo yas tu saptāhamṛta eva ca | yāval likhitamātreṇa rakṣā eṣā anuttarā

Sanskrit only: no published translation is held for this verse.

अथवा श्रवणमात्रेण कृतरक्षाविधानतः । सर्वस्वस्तिं अवाप्नोति सुखं जीवति ईप्सया

athavā śravaṇamātreṇa kṛtarakṣāvidhānataḥ | sarvasvastiṃ avāpnoti sukhaṃ jīvati īpsayā

Sanskrit only: no published translation is held for this verse.

अष्टषष्टिसहस्राणि कोटीनियुतशतानि च । त्रायस्त्रिंशाश् च ये देवाः सर्वे शक्रपुरोगमाः

aṣṭaṣaṣṭisahasrāṇi koṭīniyutaśatāni ca | trāyastriṃśāś ca ye devāḥ sarve śakrapurogamāḥ

Sanskrit only: no published translation is held for this verse.

रक्षार्थं तस्य सत्त्वस्य पृष्ठतः समुपस्थिताः । चत्वारो लोकपालाश् च वज्रपाणिर् महाबलः

rakṣārthaṃ tasya sattvasya pṛṣṭhataḥ samupasthitāḥ | catvāro lokapālāś ca vajrapāṇir mahābalaḥ

Sanskrit only: no published translation is held for this verse.

विद्याकुलशतैः सार्धं रक्षां कुर्वन्ति नित्यशः । सोमः सुमनाः सूर्यब्रह्मविष्णुमहेश्वराः

vidyākulaśataiḥ sārdhaṃ rakṣāṃ kurvanti nityaśaḥ | somaḥ sumanāḥ sūryabrahmaviṣṇumaheśvarāḥ

Sanskrit only: no published translation is held for this verse.

यमश् च माणिभद्रश् च बलदेवो महाबलः । पूर्णभद्रो महावीरो हारीती च सपुत्रिका

yamaś ca māṇibhadraś ca baladevo mahābalaḥ | pūrṇabhadro mahāvīro hārītī ca saputrikā

Sanskrit only: no published translation is held for this verse.

पञ्चालः पाञ्चिकश् चैव कार्त्तिकेयो गणेश्वरः । श्रीर् अपि च महादेवी वैश्रवणश् च सरस्वती

pañcālaḥ pāñcikaś caiva kārttikeyo gaṇeśvaraḥ | śrīr api ca mahādevī vaiśravaṇaś ca sarasvatī

Sanskrit only: no published translation is held for this verse.

शङ्खिनी पुष्पदन्ती च तथैवैकजटापि च । धन्या एता महायक्षा रक्षां कुर्वन्ति नित्यशः

śaṅkhinī puṣpadantī ca tathaivaikajaṭāpi ca | dhanyā etā mahāyakṣā rakṣāṃ kurvanti nityaśaḥ

Sanskrit only: no published translation is held for this verse.

षण्डानां पुत्रजननं गर्भस्थानविवर्धनम् । रक्षेयं महती तस्य यावज् जीवं भविष्यति

ṣaṇḍānāṃ putrajananaṃ garbhasthānavivardhanam | rakṣeyaṃ mahatī tasya yāvaj jīvaṃ bhaviṣyati

Sanskrit only: no published translation is held for this verse.

पुरुषाणां जयदा नित्यं युद्धे संग्रामभैरवे । अनेन वरदा भोन्ति देवता धर्मनिश्चिताः

puruṣāṇāṃ jayadā nityaṃ yuddhe saṃgrāmabhairave | anena varadā bhonti devatā dharmaniścitāḥ

Sanskrit only: no published translation is held for this verse.

अथवा पापविनाशे तु लिखनाद् एव मुच्यते । तथागता विलोकयन्ति बोधिसत्त्वास् तथैव च

athavā pāpavināśe tu likhanād eva mucyate | tathāgatā vilokayanti bodhisattvās tathaiva ca

Sanskrit only: no published translation is held for this verse.

यशश् च वर्धते तस्य पुण्यम् आयुश् च वर्धते । धनधान्यसमृद्धिश् च भविष्यति न संशयः

yaśaś ca vardhate tasya puṇyam āyuś ca vardhate | dhanadhānyasamṛddhiś ca bhaviṣyati na saṃśayaḥ

Sanskrit only: no published translation is held for this verse.

सुखं स्वपिति मेधावी सुखं च प्रतिविबुध्यते । अधृष्यः सर्वश्त्रूणां सर्वभूतगणैर् अपि

sukhaṃ svapiti medhāvī sukhaṃ ca prativibudhyate | adhṛṣyaḥ sarvaśtrūṇāṃ sarvabhūtagaṇair api

Sanskrit only: no published translation is held for this verse.

संग्रामे वर्तमानस्य जयो भवति नित्यशः । विद्यायां साध्यमानायाम् इयं रक्षा अनुत्तरा

saṃgrāme vartamānasya jayo bhavati nityaśaḥ | vidyāyāṃ sādhyamānāyām iyaṃ rakṣā anuttarā

Sanskrit only: no published translation is held for this verse.

सुखं च साधयेद् विद्यां विघ्नो ऽस्य न भविष्यति । सिध्यन्ति सर्वकल्पाश् च प्रविष्टः सर्वमण्डले

sukhaṃ ca sādhayed vidyāṃ vighno 'sya na bhaviṣyati | sidhyanti sarvakalpāś ca praviṣṭaḥ sarvamaṇḍale

Sanskrit only: no published translation is held for this verse.

क्षिप्रं च समयज्ञो ऽसौ भवेत् सर्वत्र जातिषु । वैश्वासिको भवेत् तत्र जिनानां गुह्यधारणे

kṣipraṃ ca samayajño 'sau bhavet sarvatra jātiṣu | vaiśvāsiko bhavet tatra jinānāṃ guhyadhāraṇe

Sanskrit only: no published translation is held for this verse.

सर्वमङ्गलसंपूर्णः सर्वसिद्धिमनोरथः । अनया लिखितमात्रेण सर्वसौख्यं समृध्यति

sarvamaṅgalasaṃpūrṇaḥ sarvasiddhimanorathaḥ | anayā likhitamātreṇa sarvasaukhyaṃ samṛdhyati

Sanskrit only: no published translation is held for this verse.

सुखं कालक्रियां कृत्वा भवेत् स्वर्गपरायणः । विवादे कलहे चैव विग्रहे परमदारुणे

sukhaṃ kālakriyāṃ kṛtvā bhavet svargaparāyaṇaḥ | vivāde kalahe caiva vigrahe paramadāruṇe

Sanskrit only: no published translation is held for this verse.

सर्वभयविनिर्मुक्तो जिनोक्तं वचनं यथा । स नित्यं जातिस्मरो भोति जातौ जातौ न संशयः

sarvabhayavinirmukto jinoktaṃ vacanaṃ yathā | sa nityaṃ jātismaro bhoti jātau jātau na saṃśayaḥ

Sanskrit only: no published translation is held for this verse.

राजानो वशगास् तस्य सान्तःपुरमहाजनाः । स मान्यश् च भवेन् नित्यं साधुभिर् लोकसंमतैः

rājāno vaśagās tasya sāntaḥpuramahājanāḥ | sa mānyaś ca bhaven nityaṃ sādhubhir lokasaṃmataiḥ

Sanskrit only: no published translation is held for this verse.

सर्वेषां च प्रियो भवति ये देवा ये च मानुषाः । रक्षां तस्य करिष्यन्ति दिवारात्रौ न संशयः

sarveṣāṃ ca priyo bhavati ye devā ye ca mānuṣāḥ | rakṣāṃ tasya kariṣyanti divārātrau na saṃśayaḥ

Sanskrit only: no published translation is held for this verse.