Mahāparinirvāṇasūtra 1

एवं मया श्रुतम् ॥

evaṃ mayā śrutam ||

Sanskrit only: no published translation is held for this verse.

एकं समयं भगवा(न्) राजगृहे विहर(ति) गृध्रकूटे पर्वते ॥ तेन ख(लु समयेन राजा मागधो ऽजातशत्रुर् वैदेहीपु)त्रो वृजिभिः सार्धं प्रतिविरुद्धः ॥

ekaṃ samayaṃ bhagavā(n) rājagṛhe vihara(ti) gṛdhrakūṭe parvate || tena kha(lu samayena rājā māgadho 'jātaśatrur vaidehīpu)tro vṛjibhiḥ sārdhaṃ prativiruddhaḥ ||

Sanskrit only: no published translation is held for this verse.

स एवं परिषदि वाचं (भाषते) ॥ अहम् इमान् वृजीन् ऋद्धांश् च स्फी(तांश् च क्षेमांश् च सुभिक्षांश् चाकीर्णबहुजनम)नुष्यांश् चोत्सादयिष्यामि विनाशयिष्याम्य् अनयेन व्यसनम् आपादयिष्यामि ॥

sa evaṃ pariṣadi vācaṃ (bhāṣate) || aham imān vṛjīn ṛddhāṃś ca sphī(tāṃś ca kṣemāṃś ca subhikṣāṃś cākīrṇabahujanama)nuṣyāṃś cotsādayiṣyāmi vināśayiṣyāmy anayena vyasanam āpādayiṣyāmi ||

Sanskrit only: no published translation is held for this verse.

अथ राजा मा(गधो ऽजातशत्रुर् वैदेहीपुत्रो वर्षाकारं ब्र्)आह्मणमगधमहामात्रम् आमन्त्रयते ॥

atha rājā mā(gadho 'jātaśatrur vaidehīputro varṣākāraṃ br)āhmaṇamagadhamahāmātram āmantrayate ||

Sanskrit only: no published translation is held for this verse.

एहि त्वं वर्षाकार येन भगवांस् तेनोपसंक्रम ॥ उपेत्यास्मा(कं वचनेन भगवतः पादौ शिरसा वन्दस्वा)ल्पाबाधतां च पृच्छाल्पातङ्कतां च लघूत्थानतां च यात्रां च बलं च (सु)खं चानवद्य(तां च स्पर्शविहारतां च ॥)

ehi tvaṃ varṣākāra yena bhagavāṃs tenopasaṃkrama || upetyāsmā(kaṃ vacanena bhagavataḥ pādau śirasā vandasvā)lpābādhatāṃ ca pṛcchālpātaṅkatāṃ ca laghūtthānatāṃ ca yātrāṃ ca balaṃ ca (su)khaṃ cānavadya(tāṃ ca sparśavihāratāṃ ca ||)

Sanskrit only: no published translation is held for this verse.

सु(खी भवतु वर्षाकार राजा मागधो ऽजातशत्रुर् वैदेहीपुत्रस् त्वं च ॥)

su(khī bhavatu varṣākāra rājā māgadho 'jātaśatrur vaidehīputras tvaṃ ca ||)

Sanskrit only: no published translation is held for this verse.

श्रुतं मे भदन्त वृजीनाम् अर्हताम् अन्तिके तीव्रचेतस आरक्षास्मृतिः प्रत्युपस्थिता कच्चिद् अनागताश् चार्हन्त आग(च्छेयुर् आगताश् चा)भिरमेरंस् ते च न विहन्येरञ् चीवरपिण्डपातशयनासनग्लानप्रत्ययभैषज्यपरिष्कारैः ॥

śrutaṃ me bhadanta vṛjīnām arhatām antike tīvracetasa ārakṣāsmṛtiḥ pratyupasthitā kaccid anāgatāś cārhanta āga(ccheyur āgatāś cā)bhirameraṃs te ca na vihanyerañ cīvarapiṇḍapātaśayanāsanaglānapratyayabhaiṣajyapariṣkāraiḥ ||

Sanskrit only: no published translation is held for this verse.

यावच् च वर्षाकार वृ(जी)नाम् अर्हताम् अन्तिके तीव्रचेतस (आरक्षास्मृतिः) प्रत्युपस्थिता भविष्यति कच्चिद् अनागताश् चार्हन्त आगच्छेयुर् आगताश् चाभिरमेर(ं)स् ते च न विहन्येरञ् चीवरपिण्डपातशयनासनग्लानप्रत्ययभैषज्यपरिष्का(रैर् वृद्धिर् एव वृजी)नां प्रतिकांक्षितव्या कुशलानां धर्माणां न परिहाणिः ॥

yāvac ca varṣākāra vṛ(jī)nām arhatām antike tīvracetasa (ārakṣāsmṛtiḥ) pratyupasthitā bhaviṣyati kaccid anāgatāś cārhanta āgaccheyur āgatāś cābhiramera(ṃ)s te ca na vihanyerañ cīvarapiṇḍapātaśayanāsanaglānapratyayabhaiṣajyapariṣkā(rair vṛddhir eva vṛjī)nāṃ pratikāṃkṣitavyā kuśalānāṃ dharmāṇāṃ na parihāṇiḥ ||

Sanskrit only: no published translation is held for this verse.

यावच् च वर्षाकार वृजय इमान् सप्तापरिहाणीयान् धर्मान् समादाय वर्तिष्यन्ते वृजिषु च सप्तापरिहा(णीया धर्माः सन्द्रक्ष्यन्)ते वृद्धिर् एव वृजीनां प्रतिकांक्षितव्या कुशलानां धर्माणां न परिहाणिः ॥

yāvac ca varṣākāra vṛjaya imān saptāparihāṇīyān dharmān samādāya vartiṣyante vṛjiṣu ca saptāparihā(ṇīyā dharmāḥ sandrakṣyan)te vṛddhir eva vṛjīnāṃ pratikāṃkṣitavyā kuśalānāṃ dharmāṇāṃ na parihāṇiḥ ||

Sanskrit only: no published translation is held for this verse.

एकैकेन तावद् भो गौतमाङ्गेन समन्वागता वृजयो ऽगमनीयाः स्यू राज्ञो माग(धस्याजातश)त्रोर् वैदेहीपुत्रस्य कः पुनर् वादः सर्वैः ॥

ekaikena tāvad bho gautamāṅgena samanvāgatā vṛjayo 'gamanīyāḥ syū rājño māga(dhasyājātaśa)tror vaidehīputrasya kaḥ punar vādaḥ sarvaiḥ ||

Sanskrit only: no published translation is held for this verse.

हन्त भो गौतम गमिष्यामो बहुकृत्याः स्मो बहुकरणीयाः ॥

hanta bho gautama gamiṣyāmo bahukṛtyāḥ smo bahukaraṇīyāḥ ||

Sanskrit only: no published translation is held for this verse.

यस्येदानीं वर्षाकार काल(ं) मन्यसे ॥

yasyedānīṃ varṣākāra kāla(ṃ) manyase ||

Sanskrit only: no published translation is held for this verse.

अथ वर्षाकारो ब्राह्मणमगधमहामात्रो भगवतो भाषितम् अभिनन्द्यानुमोद्य भगवतो ऽन्तिकात् प्रक्रान्तः ॥

atha varṣākāro brāhmaṇamagadhamahāmātro bhagavato bhāṣitam abhinandyānumodya bhagavato 'ntikāt prakrāntaḥ ||

Sanskrit only: no published translation is held for this verse.