Mahāparinirvāṇasūtra 4

तत्र भ(गवान् आयुष्मन्तम् आनन्)दम् (आ)मन्त्रयते ॥ आगमयानन्द येन पाटलिग्रामकः ॥

tatra bha(gavān āyuṣmantam ānan)dam (ā)mantrayate || āgamayānanda yena pāṭaligrāmakaḥ ||

Sanskrit only: no published translation is held for this verse.

एवं भदन्तेत्य् आयुष्मा(न् आ)नन्(द्)ओ भगवतः प्रत्यश्रौषीत् ॥ अथ भ(गवा)न् (मगधेषु जनपदेषु चर्यां चरन् पाट)लिग्रामकम् अनुप्राप्तः पाटलिग्रामके विहरति पाटलके चैत्ये ॥

evaṃ bhadantety āyuṣmā(n ā)nan(d)o bhagavataḥ pratyaśrauṣīt || atha bha(gavā)n (magadheṣu janapadeṣu caryāṃ caran pāṭa)ligrāmakam anuprāptaḥ pāṭaligrāmake viharati pāṭalake caitye ||

Sanskrit only: no published translation is held for this verse.

अश्रौ(षु)ः पाट(लिग्रामी)य्(अक्)आ ब्राह्मणगृहपत(य्)ओ (भगवान् गौतमो मगधेषु जनपदेषु चर्यां चरन् पाट)लिग्रामकम् अनुप्राप्तः पाटलिग्रामके विहरति पा(ट)लके चैत्ये ॥

aśrau(ṣu)ḥ pāṭa(ligrāmī)y(ak)ā brāhmaṇagṛhapata(y)o (bhagavān gautamo magadheṣu janapadeṣu caryāṃ caran pāṭa)ligrāmakam anuprāptaḥ pāṭaligrāmake viharati pā(ṭa)lake caitye ||

Sanskrit only: no published translation is held for this verse.

एकान्त्(अनि)षण्णान् पाटलिग्रामीय(कान् ब्राह्मणगृहपतीन् भगवान् इ)दम् अ(वो)चत् ॥

ekānt(ani)ṣaṇṇān pāṭaligrāmīya(kān brāhmaṇagṛhapatīn bhagavān i)dam a(vo)cat ||

Sanskrit only: no published translation is held for this verse.

पञ्चेमे ब्राह्मणगृहपतय आदीनवाः प्रमादे ॥ कतमे पञ्च ॥

pañceme brāhmaṇagṛhapataya ādīnavāḥ pramāde || katame pañca ||

Sanskrit only: no published translation is held for this verse.

इह ब्र्(आह्म)णग्(ऋह)पतयः प्रमत्तः प्रमाद्(आधिकरणहेतोर्) महतीं भोगज्यानिं निगच्छति ॥ यद् ब्राह्मणगृहपतयः प्रमत्तः प्रमादाधिकरणह्(एतो)र् महती(ं) भोगज्यानिं निगच्छति ॥ अयं प्रथ्(अम) आद्(ईनवः प्रमादे ॥)

iha br(āhma)ṇag(ṛha)patayaḥ pramattaḥ pramād(ādhikaraṇahetor) mahatīṃ bhogajyāniṃ nigacchati || yad brāhmaṇagṛhapatayaḥ pramattaḥ pramādādhikaraṇah(eto)r mahatī(ṃ) bhogajyāniṃ nigacchati || ayaṃ prath(ama) ād(īnavaḥ pramāde ||)

Sanskrit only: no published translation is held for this verse.

पुनर् अपरं ब्राह्मणगृहपतयः प्रमत्तः प्रमादाधिकरणहेतोर् यां याम् एव परिषदम् उपसंक्रामति यदि वा क्षत्रियप(र्)इ(षदं यदि वा ब्राह्)मणपरिषदं यदि वा गृहपतिपरिषदं यदि वा श्रमणपरिषदं तत्र तत्र मद्गुर् उपसंक्रामत्य् अनुदग्रो ऽविशारदः ॥ यद् ब्राह्मणगृहपत(यः) प्(र)मत्तः प्रमादाधिकरणहेतोर् यां याम् एव परिषदम् उपसंक्रामति पूर्ववद् यावद् अविशारदः ॥ अयं द्वितीय आदीनवः प्रमादे ॥

punar aparaṃ brāhmaṇagṛhapatayaḥ pramattaḥ pramādādhikaraṇahetor yāṃ yām eva pariṣadam upasaṃkrāmati yadi vā kṣatriyapa(r)i(ṣadaṃ yadi vā brāh)maṇapariṣadaṃ yadi vā gṛhapatipariṣadaṃ yadi vā śramaṇapariṣadaṃ tatra tatra madgur upasaṃkrāmaty anudagro 'viśāradaḥ || yad brāhmaṇagṛhapata(yaḥ) p(ra)mattaḥ pramādādhikaraṇahetor yāṃ yām eva pariṣadam upasaṃkrāmati pūrvavad yāvad aviśāradaḥ || ayaṃ dvitīya ādīnavaḥ pramāde ||

Sanskrit only: no published translation is held for this verse.

पुनर् अपरं ब्राह्मणगृहपतयः प्रमत्तस्य प्रमादाधिकरणहेतोर् दिग्विदिक्षु (पा)पको ऽव(र्णो ऽकीर्तिश)ब्दश्ल्(ओ)को ऽभ्युद्गच्छति ॥ यद् ब्राह्मणगृहपतयः प्रमत्तस्य प्रमादाधिकरणहेतोर् दिग्विदिक्षु पापको ऽवर्णो ऽकीर्तिशब्दश्लोको ऽभ्य्(उद्)ग्(अच्)छति ॥ अयं तृतीय आदीनवः प्रमादे ॥

punar aparaṃ brāhmaṇagṛhapatayaḥ pramattasya pramādādhikaraṇahetor digvidikṣu (pā)pako 'va(rṇo 'kīrtiśa)bdaśl(o)ko 'bhyudgacchati || yad brāhmaṇagṛhapatayaḥ pramattasya pramādādhikaraṇahetor digvidikṣu pāpako 'varṇo 'kīrtiśabdaśloko 'bhy(ud)g(ac)chati || ayaṃ tṛtīya ādīnavaḥ pramāde ||

Sanskrit only: no published translation is held for this verse.

पुनर् अपरं ब्राह्मणगृहपतयः प्रमत्तः प्रमादाधिकरणहेतोर् विप्रतिसारी कालं करोति ॥ यद् ब्राह्मणगृहपतयः प्रमत्तः प्रमादाधिकरणहेतोर् विप्रतिसारी कालं करोति ॥ अयं चतुर्थ आदीनवः प्रमादे ॥

punar aparaṃ brāhmaṇagṛhapatayaḥ pramattaḥ pramādādhikaraṇahetor vipratisārī kālaṃ karoti || yad brāhmaṇagṛhapatayaḥ pramattaḥ pramādādhikaraṇahetor vipratisārī kālaṃ karoti || ayaṃ caturtha ādīnavaḥ pramāde ||

Sanskrit only: no published translation is held for this verse.

पुनर् अपरं ब्राह्मणगृहपतयः प्रमत्तः प्रमादाधिकरणहेतोः कायस्य भेदान् नरकेषूपपद्यते ॥ यद् ब्राह्मणगृहपतयः प्रमत्तः प्रमादाधिकरणहेतोः कायस्य भेदान् नरकेषूपपद्यते ॥ अयं पञ्चम आदीनवः प्रमादे ॥

punar aparaṃ brāhmaṇagṛhapatayaḥ pramattaḥ pramādādhikaraṇahetoḥ kāyasya bhedān narakeṣūpapadyate || yad brāhmaṇagṛhapatayaḥ pramattaḥ pramādādhikaraṇahetoḥ kāyasya bhedān narakeṣūpapadyate || ayaṃ pañcama ādīnavaḥ pramāde ||

Sanskrit only: no published translation is held for this verse.

पञ्च त्व् इमे ब्राह्मणगृहपतय आनुशंसा अप्रमादे ॥ कतमे पञ्च ॥

pañca tv ime brāhmaṇagṛhapataya ānuśaṃsā apramāde || katame pañca ||

Sanskrit only: no published translation is held for this verse.

इह ब्राह्मणगृहपतयो ऽप्रमत्तो ऽप्रमादाधिकरणहेतोर् न महतीं भोगज्यानिं निगच्छति ॥ यद् ब्र्(आ)ह्मणगृहपतयो ऽप्रमत्तो ऽप्रमादाधिकरणहेतोर् न महती(ं) भोगज्यानिं निगच्छति ॥ अयं प्रथम आनुश्(अं)सो ऽप्रमादे ॥

iha brāhmaṇagṛhapatayo 'pramatto 'pramādādhikaraṇahetor na mahatīṃ bhogajyāniṃ nigacchati || yad br(ā)hmaṇagṛhapatayo 'pramatto 'pramādādhikaraṇahetor na mahatī(ṃ) bhogajyāniṃ nigacchati || ayaṃ prathama ānuś(aṃ)so 'pramāde ||

Sanskrit only: no published translation is held for this verse.

पुनर् अपरं ब्राह्मणगृहपतयो ऽप्रमत्तो ऽप्रमादाधिकरणहेतोर् यां याम् एव परिषदम् उपसंक्रामति यदि वा क्षत्रियपरिषदं यदि वा ब्राह्मणपरिषदं यदि वा गृहपतिपरिषदं यदि वा श्रमणपरिषदं तत्र तत्रामद्गुर् उपसंक्रामत्य् उदग्रो विशारदः ॥ यद् ब्राह्मणगृहपतयो ऽप्रमत्तो ऽप्रमादाधिकरणहेतोर् यां याम् एव परिषदम् उपसंक्रामति पूर्ववद् यावद् विशारदः ॥ अयं द्वितीय आनुशंसो ऽप्रमादे ॥

punar aparaṃ brāhmaṇagṛhapatayo 'pramatto 'pramādādhikaraṇahetor yāṃ yām eva pariṣadam upasaṃkrāmati yadi vā kṣatriyapariṣadaṃ yadi vā brāhmaṇapariṣadaṃ yadi vā gṛhapatipariṣadaṃ yadi vā śramaṇapariṣadaṃ tatra tatrāmadgur upasaṃkrāmaty udagro viśāradaḥ || yad brāhmaṇagṛhapatayo 'pramatto 'pramādādhikaraṇahetor yāṃ yām eva pariṣadam upasaṃkrāmati pūrvavad yāvad viśāradaḥ || ayaṃ dvitīya ānuśaṃso 'pramāde ||

Sanskrit only: no published translation is held for this verse.

पुनर् अपरं ब्राह्मणगृहपतयो ऽप्रमत्तस्याप्रमादाधिकरणहेतोर् दिग्विदिक्षूदारः कल्याणः कीर्तिशब्दश्लोको ऽभ्युद्गच्छति ॥ यद् ब्राह्मणगृहपतयो ऽप्रमत्तस्याप्रमादाधिकरणहेतोर् दिग्विदिक्षूदारः कल्याणः कीर्तिशब्दश्लोको ऽभ्युद्गच्छति ॥ अयं तृतीय आनुशंसो ऽप्रमादे ॥

punar aparaṃ brāhmaṇagṛhapatayo 'pramattasyāpramādādhikaraṇahetor digvidikṣūdāraḥ kalyāṇaḥ kīrtiśabdaśloko 'bhyudgacchati || yad brāhmaṇagṛhapatayo 'pramattasyāpramādādhikaraṇahetor digvidikṣūdāraḥ kalyāṇaḥ kīrtiśabdaśloko 'bhyudgacchati || ayaṃ tṛtīya ānuśaṃso 'pramāde ||

Sanskrit only: no published translation is held for this verse.

पुनर् अपरं ब्राह्मणगृहपतयो ऽप्रमत्तो ऽप्रमादाधिकरणहेतोर् न विप्रतिसारी कालं करोति ॥ यद् ब्राह्मणगृहपतयो ऽप्रमत्तो ऽप्रमादाधिकरणहेतोर् न विप्रतिसारी कालं करोति ॥ अयं चतुर्थ आनुशंसो ऽप्रमादे ॥

punar aparaṃ brāhmaṇagṛhapatayo 'pramatto 'pramādādhikaraṇahetor na vipratisārī kālaṃ karoti || yad brāhmaṇagṛhapatayo 'pramatto 'pramādādhikaraṇahetor na vipratisārī kālaṃ karoti || ayaṃ caturtha ānuśaṃso 'pramāde ||

Sanskrit only: no published translation is held for this verse.

पुनर् अपरं ब्राह्मणगृहपतयो ऽप्रमत्तो ऽप्रमादाधिकरणहेतोः कायस्य भेदात् सुगतौ स्वर्गलोके देवेषूपपद्यते ॥ यद् ब्राह्मणगृहपतयो ऽप्रमत्तो ऽप्रमादाधिकरणहेतोः क्(आयस्य) भेदात् सुगतौ स्व्(अ)र्गलोके देवेषूपपद्यते ॥ अयं पञ्चम आनुशंसो ऽप्रमादे ॥

punar aparaṃ brāhmaṇagṛhapatayo 'pramatto 'pramādādhikaraṇahetoḥ kāyasya bhedāt sugatau svargaloke deveṣūpapadyate || yad brāhmaṇagṛhapatayo 'pramatto 'pramādādhikaraṇahetoḥ k(āyasya) bhedāt sugatau sv(a)rgaloke deveṣūpapadyate || ayaṃ pañcama ānuśaṃso 'pramāde ||

Sanskrit only: no published translation is held for this verse.

अथ पाटलिग्रामीयका ब्राह्मणगृहपतय उत्थायासनाद् एकांसम् उत्तर्(आस)ङ्गं कृत्वा ये(न) भगवांस् तेनाञ्जलिं प्रणम्य भगवन्तम् इदम् अवोचन् ॥ अधिवासयत्व् अस्माकं भगवान् आवसथे रात्रिंवासाय ॥ अधिवासयति भगवान् पाटलिग्रामीयक्(आ)नां ब्राह्मणगृहपतीनां तूष्णींभावेन ॥

atha pāṭaligrāmīyakā brāhmaṇagṛhapataya utthāyāsanād ekāṃsam uttar(āsa)ṅgaṃ kṛtvā ye(na) bhagavāṃs tenāñjaliṃ praṇamya bhagavantam idam avocan || adhivāsayatv asmākaṃ bhagavān āvasathe rātriṃvāsāya || adhivāsayati bhagavān pāṭaligrāmīyak(ā)nāṃ brāhmaṇagṛhapatīnāṃ tūṣṇīṃbhāvena ||

Sanskrit only: no published translation is held for this verse.

अथ पाटलिग्रामीयका ब्राह्मणगृहपतयो भगवतस् तूष्णींभावेनाधिवासनां विदित्वा भगवत्पादौ शिरसा वन्दित्वा भगवतो ऽन्तिकात् प्रक्रान्त्(आः) ॥

atha pāṭaligrāmīyakā brāhmaṇagṛhapatayo bhagavatas tūṣṇīṃbhāvenādhivāsanāṃ viditvā bhagavatpādau śirasā vanditvā bhagavato 'ntikāt prakrānt(āḥ) ||

Sanskrit only: no published translation is held for this verse.