Mahāparinirvāṇasūtra 44

अथान्यतरो भिक्षुस् त्(अस्यां वेलायां गाथां बभाषे ॥)

athānyataro bhikṣus t(asyāṃ velāyāṃ gāthāṃ babhāṣe ||)

Sanskrit only: no published translation is held for this verse.

स्(अमनन्तरपरिनिर्वृते बुद्धे भगवति श)क्रो देवेन्द्रस् त्(अस्यां वेलायां गाथां बभाषे ॥)

s(amanantaraparinirvṛte buddhe bhagavati śa)kro devendras t(asyāṃ velāyāṃ gāthāṃ babhāṣe ||)

Sanskrit only: no published translation is held for this verse.

तथा ह्य् अनेककल्पशतायुषो द्(ए)वता अवध्यायन्ति क्षिपन्ति विवाचयन्ति ॥

tathā hy anekakalpaśatāyuṣo d(e)vatā avadhyāyanti kṣipanti vivācayanti ||

Sanskrit only: no published translation is held for this verse.

कथम् इदानीं भिक्षवः स्व्याख्याते धर्मविनये प्रव्रजिता अप्रतिसङ्ख्यानबहुला विहरन्ति ॥

katham idānīṃ bhikṣavaḥ svyākhyāte dharmavinaye pravrajitā apratisaṅkhyānabahulā viharanti ||

Sanskrit only: no published translation is held for this verse.

कियत आयुष्मान् अनिरुद्धो देवताः संजानाति ॥

kiyata āyuṣmān aniruddho devatāḥ saṃjānāti ||

Sanskrit only: no published translation is held for this verse.

यावद् आयुष्मन्न् आनन्द कुशिनगरी यावन् नदी हिरण्यवती यावद् यमकशालवनं यावन् मल्लानां मकुटबन्धनं चैत्यम् अत्रान्तरा द्वादश योजनानि सामन्तकेन नास्ति किञ्चिन् महाशक्यमहाशक्याभि(र्) देवताभिर् अस्फुटं स्फरणीयम् अन्ततो दण्डकोटिविष्टम्भनमात्रम् अपि ॥

yāvad āyuṣmann ānanda kuśinagarī yāvan nadī hiraṇyavatī yāvad yamakaśālavanaṃ yāvan mallānāṃ makuṭabandhanaṃ caityam atrāntarā dvādaśa yojanāni sāmantakena nāsti kiñcin mahāśakyamahāśakyābhi(r) devatābhir asphuṭaṃ spharaṇīyam antato daṇḍakoṭiviṣṭambhanamātram api ||

Sanskrit only: no published translation is held for this verse.

तत एकत्या देवता(ः) पृथिव्याम् आवर्तन्ते परिवर्तन्ते ॥ एकत्या बाहून् प्(रगृ)ह्य प्रक्रोशन्ति पूर्ववद् यावन् नेदं स्थानं विद्यते ॥

tata ekatyā devatā(ḥ) pṛthivyām āvartante parivartante || ekatyā bāhūn p(ragṛ)hya prakrośanti pūrvavad yāvan nedaṃ sthānaṃ vidyate ||

Sanskrit only: no published translation is held for this verse.

तां खलु रात्रिम् आयुष्मान् अनिरुद्ध आयुष्मांश् चानन्दो यद्भूयसा धार्म्या विनिश्चयकथयातिनामि(तवन्तौ ॥)

tāṃ khalu rātrim āyuṣmān aniruddha āyuṣmāṃś cānando yadbhūyasā dhārmyā viniścayakathayātināmi(tavantau ||)

Sanskrit only: no published translation is held for this verse.