Library·Mahāparinirvāṇasūtra·6
अश्रौषीद् वर्षाकारो ब्राह्मणमगधमहामात्रः ॥ भगवान् गौतमो मगधेषु जनपदेषु चर्यां चरन् पाटलिग्रामकम् अनुप्राप्तः पा(ट)लिग्रामके विहरति पाटलके चैत्ये ॥ (पर्यु)पा(सते त)ं पाटलिग्र्(आमीयका ब्राह्मणगृह)पतयः ॥
aśrauṣīd varṣākāro brāhmaṇamagadhamahāmātraḥ || bhagavān gautamo magadheṣu janapadeṣu caryāṃ caran pāṭaligrāmakam anuprāptaḥ pā(ṭa)ligrāmake viharati pāṭalake caitye || (paryu)pā(sate ta)ṃ pāṭaligr(āmīyakā brāhmaṇagṛha)patayaḥ ||
Sanskrit only: no published translation is held for this verse.
श्रुत्वा च पुनः पाटलिग्रामकान् निष्क्रम्य येन भगवांस् त्(ए)नोपजगाम ॥ उपेत्य भगवत्(आ) सा(र्)ध्(अं) स्(अं)मुख्(अं सं)म्(ओ)दन्(ईं) संर(ं)ज्(अनीं विविधां कथां व्यतिसार्)यैकान्ते न्यषीदत् ॥
śrutvā ca punaḥ pāṭaligrāmakān niṣkramya yena bhagavāṃs t(e)nopajagāma || upetya bhagavat(ā) sā(r)dh(aṃ) s(aṃ)mukh(aṃ saṃ)m(o)dan(īṃ) saṃra(ṃ)j(anīṃ vividhāṃ kathāṃ vyatisār)yaikānte nyaṣīdat ||
Sanskrit only: no published translation is held for this verse.
एकान्तनिषण्णं वर्षाकारं ब्राह्मणमगध(म)हामात्रं भगवान् धार्म्या कथया सन्दर्शयति समादापयति समुत्ते(जयति सं)प्रहर्षयति ॥ अनेकपर्यायेण धार्म्या कथया सन्दर्शयित्वा समादाप(यि)त्वा समुत्तेजयित्वा संप्रहर्षयि(त्)वा तूष्णीम् अभूत् ॥
ekāntaniṣaṇṇaṃ varṣākāraṃ brāhmaṇamagadha(ma)hāmātraṃ bhagavān dhārmyā kathayā sandarśayati samādāpayati samutte(jayati saṃ)praharṣayati || anekaparyāyeṇa dhārmyā kathayā sandarśayitvā samādāpa(yi)tvā samuttejayitvā saṃpraharṣayi(t)vā tūṣṇīm abhūt ||
Sanskrit only: no published translation is held for this verse.
अथ व्(अर्षाका)रो ब्राह्मणमगधमहामात्र उत्थायासनाद् एकांसम् उत्तरासङ्गं कृत्वा ये(न) भगवांस् तेनाञ्जलिं प्रणम्य भगवन्तम् इदम् अवोचत् ॥
atha v(arṣākā)ro brāhmaṇamagadhamahāmātra utthāyāsanād ekāṃsam uttarāsaṅgaṃ kṛtvā ye(na) bhagavāṃs tenāñjaliṃ praṇamya bhagavantam idam avocat ||
Sanskrit only: no published translation is held for this verse.
अधिवासयतु मे भवाङ् गौतमः श्वो भक्तेन सार्धं भिक्षुसंघेन ॥ अधिवासयति भ(ग)वान् वर्षाकारस्य ब्राह्मणमगधमहामात्रस्य तूष्णींभावेन ॥
adhivāsayatu me bhavāṅ gautamaḥ śvo bhaktena sārdhaṃ bhikṣusaṃghena || adhivāsayati bha(ga)vān varṣākārasya brāhmaṇamagadhamahāmātrasya tūṣṇīṃbhāvena ||
Sanskrit only: no published translation is held for this verse.
अथ वर्षाकारो ब्राह्मणमगधमहामात्रो भगवतस् तूष्णींभावेनाधिवासनां विदित्वा (भगव)तो भाषितम् अभिनन्द्यानुमोद्य भगवतो ऽन्तिकात् प्रक्रान्तः ॥
atha varṣākāro brāhmaṇamagadhamahāmātro bhagavatas tūṣṇīṃbhāvenādhivāsanāṃ viditvā (bhagava)to bhāṣitam abhinandyānumodya bhagavato 'ntikāt prakrāntaḥ ||
Sanskrit only: no published translation is held for this verse.
अथ वर्षाकारो ब्राह्मणमगधमहामात्रस् ताम् एव रात्रिं शुचिं प्रणीतं खादनीयभोजनीयं समुदानीय काल्यम् एवोत्थायासनकानि प्रज्ञप्योदकमणिं प्रतिष्ठाप्य भगवतो दूतेन कालम् आरोचयति ॥ समयो भो गौतमो सद्यो भक्तं यस्येदानीं भवाङ् गौतमः कालं मन्यते ॥
atha varṣākāro brāhmaṇamagadhamahāmātras tām eva rātriṃ śuciṃ praṇītaṃ khādanīyabhojanīyaṃ samudānīya kālyam evotthāyāsanakāni prajñapyodakamaṇiṃ pratiṣṭhāpya bhagavato dūtena kālam ārocayati || samayo bho gautamo sadyo bhaktaṃ yasyedānīṃ bhavāṅ gautamaḥ kālaṃ manyate ||
Sanskrit only: no published translation is held for this verse.
अथ भगवान् पूर्वाह्णे निवस्य पात्रचीवरम् आदाय भिक्षुसंघपरिवृतो भिक्षुसंघपुरस्कृतो येन वर्षाकारस्य ब्राह्मणमगधमहामात्रस्य भक्ताभिसारस् तेनोपजगाम ॥ उपेत्य पुरस्ताद् भिक्षुसंघस्य प्रज्ञप्त एवासने न्यषीदत् ॥
atha bhagavān pūrvāhṇe nivasya pātracīvaram ādāya bhikṣusaṃghaparivṛto bhikṣusaṃghapuraskṛto yena varṣākārasya brāhmaṇamagadhamahāmātrasya bhaktābhisāras tenopajagāma || upetya purastād bhikṣusaṃghasya prajñapta evāsane nyaṣīdat ||
Sanskrit only: no published translation is held for this verse.
अथ वर्षाकारो ब्राह्मणमगधमहामात्रः सुखोपनिषण्णं बुद्धप्रमुखं भिक्षुसंघं विदित्वा शुचिना प्रणीतेन खादनीयभोजनीयेन स्वहस्तं सन्तर्पयति संप्रवारयति ॥ शुचिना प्रणीतेन खादनीयभोजनीयेन स्वहस्तं सन्तर्पयित्वा संप्रवारयित्वा भगवन्तं भुक्तवन्तं विदित्वा धौतहस्तम् अपनीतपात्रं सौवर्णं भृङ्गारं गृहीत्वा भगवतः पुरतो ऽस्थात् ॥ आयाचमान एवं चाह ॥
atha varṣākāro brāhmaṇamagadhamahāmātraḥ sukhopaniṣaṇṇaṃ buddhapramukhaṃ bhikṣusaṃghaṃ viditvā śucinā praṇītena khādanīyabhojanīyena svahastaṃ santarpayati saṃpravārayati || śucinā praṇītena khādanīyabhojanīyena svahastaṃ santarpayitvā saṃpravārayitvā bhagavantaṃ bhuktavantaṃ viditvā dhautahastam apanītapātraṃ sauvarṇaṃ bhṛṅgāraṃ gṛhītvā bhagavataḥ purato 'sthāt || āyācamāna evaṃ cāha ||
Sanskrit only: no published translation is held for this verse.
इतो दानाद् यः पुण्याभिष्यन्दः कुशलाभिष्यन्दः स भवतु पाटलिपुत्रवास्तव्यानां देवतानां दीर्घरात्रम् अर्थाय हिताय सुखाय ॥ तेषाञ् च नाम्ना दक्षिणाम् आदिशस्व ॥
ito dānād yaḥ puṇyābhiṣyandaḥ kuśalābhiṣyandaḥ sa bhavatu pāṭaliputravāstavyānāṃ devatānāṃ dīrgharātram arthāya hitāya sukhāya || teṣāñ ca nāmnā dakṣiṇām ādiśasva ||
Sanskrit only: no published translation is held for this verse.
अथ भगवान् वर्षाकारस्य ब्राह्मणमगधमहामात्रस्य तद् दानम् अनया(भ्यनु)मोदनयाभ्यनुमोदते ॥
atha bhagavān varṣākārasya brāhmaṇamagadhamahāmātrasya tad dānam anayā(bhyanu)modanayābhyanumodate ||
Sanskrit only: no published translation is held for this verse.
यो देवताः पूजयति
yo devatāḥ pūjayati
Sanskrit only: no published translation is held for this verse.
यस्मिन् प्रदेशे मेधावी
yasmin pradeśe medhāvī
Sanskrit only: no published translation is held for this verse.
ते मानिता मानयन्ति
te mānitā mānayanti
Sanskrit only: no published translation is held for this verse.