Mahāparinirvāṇasūtra 8

तत्र भगवान् आयुष्मन्तम् आनन्दम् आमन्त्रयते ॥

tatra bhagavān āyuṣmantam ānandam āmantrayate ||

Sanskrit only: no published translation is held for this verse.

आगम्य्(आनन्द येन कु)ट्(इ)ग्रामकः ॥

āgamy(ānanda yena ku)ṭ(i)grāmakaḥ ||

Sanskrit only: no published translation is held for this verse.

एवं भदन्तेत्य् आयुष्मान् आनन्दो भगवतः प्रत्यश्रौषीत् ॥

evaṃ bhadantety āyuṣmān ānando bhagavataḥ pratyaśrauṣīt ||

Sanskrit only: no published translation is held for this verse.

अथ भगवान् येन (कु)टि(ग्रा)मकस् तेन चर्यां प्रक्रान्तः ॥ अनुपूर्वेण चर्याञ् (चरङ् कुटिग्रामकम् अ)नुप्राप्तः कुटिग्रामके विहरत्य् उत्तरेण ग्रामस्य शिंशपावने ॥

atha bhagavān yena (ku)ṭi(grā)makas tena caryāṃ prakrāntaḥ || anupūrveṇa caryāñ (caraṅ kuṭigrāmakam a)nuprāptaḥ kuṭigrāmake viharaty uttareṇa grāmasya śiṃśapāvane ||

Sanskrit only: no published translation is held for this verse.

तत्र भगवा(न् भिक्षून्) आमन्त्रयते ॥

tatra bhagavā(n bhikṣūn) āmantrayate ||

Sanskrit only: no published translation is held for this verse.

इतीमानि भिक्षवः शीलान्य् अयं स्(अमाधिर् इयं प्रज्ञा ॥) शीलपरिभावितः समाधिश् चिरस्थितिको भवति ॥ प्रज्ञापरिभावितं चित्तं सम्यग् एव विम्(उ)च्यते रागद्वेषमोहेभ्यः ॥

itīmāni bhikṣavaḥ śīlāny ayaṃ s(amādhir iyaṃ prajñā ||) śīlaparibhāvitaḥ samādhiś cirasthitiko bhavati || prajñāparibhāvitaṃ cittaṃ samyag eva vim(u)cyate rāgadveṣamohebhyaḥ ||

Sanskrit only: no published translation is held for this verse.

एवं सम्यक्सुविमुक्तचित्त आर्यश्रावकः सम्यग् (एव) प्रज्(आनाति ॥) क्षीणा मे जातिर् उषितं ब्रह्मचर्यं कृतं करणीयं नापरम् अस्माद् भवं प्रजानामि ॥

evaṃ samyaksuvimuktacitta āryaśrāvakaḥ samyag (eva) praj(ānāti ||) kṣīṇā me jātir uṣitaṃ brahmacaryaṃ kṛtaṃ karaṇīyaṃ nāparam asmād bhavaṃ prajānāmi ||

Sanskrit only: no published translation is held for this verse.