Manava-Grhyasutra 1.2

इति प्रथमः खण्डः ॥१॥ द्वितीयः खण्डः । ॐ अथ संध्यामुपास्ते

iti prathamaḥ khaṇḍaḥ //1// dvitīyaḥ khaṇḍaḥ / oṃ atha saṃdhyāmupāste

Sanskrit only: no published translation is held for this verse.

प्रागस्तमयान्निष्क्रम्योत्तरतो ग्रामस्य पुरस्ताद्वा शुचौ देशे निषेद्योपस्पृश्यापामञ्जलिंपूरयित्वा प्रदक्षिणमावृत्य आयाहिविरजे देव्यक्षरे ब्रह्मसंमिते । गायत्रीं छन्दसां मातरिदं ब्रह्म जुषस्व मे ऽ इत्यावाहयति

prāgastamayānniṣkramyottarato grāmasya purastādvā śucau deśe niṣedyopaspṛśyāpāmañjaliṃpūrayitvā pradakṣiṇamāvṛtya āyāhiviraje devyakṣare brahmasaṃmite / gāyatrīṃ chandasāṃ mātaridaṃ brahma juṣasva me ' ityāvāhayati

Sanskrit only: no published translation is held for this verse.

आद्योजो ऽसीति जपित्वा कस्ते युनक्तीति योजयित्व्ॐ भूर्भुवः स्वस्तत्सवितुरित्यष्टौ कृत्वः प्रयुङ्क्त इत्याम्नाताः कामा आदेवो यातीति त्रिष्टुभं राजवन्यस्य युञ्जत इति जगतिं वैशम्य

ādyojo 'sīti japitvā kaste yunaktīti yojayitvoṃ bhūrbhuvaḥ svastatsaviturityaṣṭau kṛtvaḥ prayuṅkta ityāmnātāḥ kāmā ādevo yātīti triṣṭubhaṃ rājavanyasya yuñjata iti jagatiṃ vaiśamya

Sanskrit only: no published translation is held for this verse.

उदुत्यं जातवेदसमिति द्वे निगद्य कस्ते विमुञ्जतीति विमुच्योदकाञ्जलिमुत्सृजति

udutyaṃ jātavedasamiti dve nigadya kaste vimuñjatīti vimucyodakāñjalimutsṛjati

Sanskrit only: no published translation is held for this verse.

एवं प्रातस्तिष्ठन्

evaṃ prātastiṣṭhan

Sanskrit only: no published translation is held for this verse.

एतेन धर्मेण द्वादशचतुर्विंशतिं षट्त्रिशतमष्टाचत्वारिं शतं वा वर्षाणि यो ब्राह्मणो राजन्यो वैश्यो वा द्रह्मचर्यं चरति मुण्डः शिखाजटः सर्वजटो वा मलज्ञुरबलः कृशः स्नात्वा स सर्वं विन्दते यत्किंचिन्मनसेच्छतीति

etena dharmeṇa dvādaśacaturviṃśatiṃ ṣaṭtriśatamaṣṭācatvāriṃ śataṃ vā varṣāṇi yo brāhmaṇo rājanyo vaiśyo vā drahmacaryaṃ carati muṇḍaḥ śikhājaṭaḥ sarvajaṭo vā malajñurabalaḥ kṛśaḥ snātvā sa sarvaṃ vindate yatkiṃcinmanasecchatīti

Sanskrit only: no published translation is held for this verse.

एतेन धर्मेण साध्वधीते

etena dharmeṇa sādhvadhīte

Sanskrit only: no published translation is held for this verse.

छन्दस्यर्थान्बुध्वा स्नीस्यन् गां कारयेत्

chandasyarthānbudhvā snīsyan gāṃ kārayet

Sanskrit only: no published translation is held for this verse.

आचार्यमर्हयोच्छ्रोत्रियः

ācāryamarhayocchrotriyaḥ

Sanskrit only: no published translation is held for this verse.

अन्यो वेदपाठी न तस्य स्नानम्

anyo vedapāṭhī na tasya snānam

Sanskrit only: no published translation is held for this verse.

आपो हिष्ठेति तिसृभिर्हिरण्यवर्णाः शुचय इति द्वाभ्यां स्नात्वाहते वाससी परिधत्ते

āpo hiṣṭheti tisṛbhirhiraṇyavarṇāḥ śucaya iti dvābhyāṃ snātvāhate vāsasī paridhatte

Sanskrit only: no published translation is held for this verse.

वस्वसि वसुमन्तं मा कुरु सौवर्चसाय मा तेजसे ब्रह्मवर्चसाय परिदधामीति परिदधाति

vasvasi vasumantaṃ mā kuru sauvarcasāya mā tejase brahmavarcasāya paridadhāmīti paridadhāti

Sanskrit only: no published translation is held for this verse.

यथा द्यौश्च पृथिवी च न बिभीतो न रिष्यतः । एवं मे प्राण मा रिष इत्याङ्क्ते

yathā dyauśca pṛthivī ca na bibhīto na riṣyataḥ / evaṃ me prāṇa mā riṣa ityāṅkte

Sanskrit only: no published translation is held for this verse.

छत्रं धारयते दण्डं मालां गन्धम्

chatraṃ dhārayate daṇḍaṃ mālāṃ gandham

Sanskrit only: no published translation is held for this verse.

प्रतिष्ठे स्थोदैवते द्यावापृथिवी मा मा संताप्तमित्युपानहौ

pratiṣṭhe sthodaivate dyāvāpṛthivī mā mā saṃtāptamityupānahau

Sanskrit only: no published translation is held for this verse.

द्विवस्त्रो ऽत उर्ध्वं भवति तस्माच्छोभनं वासो भर्तव्यमिति श्रुतिः

dvivastro 'ta urdhvaṃ bhavati tasmācchobhanaṃ vāso bhartavyamiti śrutiḥ

Sanskrit only: no published translation is held for this verse.

आमन्त्र्यगुरून् गुरुबन्धूंश्च स्वान् गृहान्व्रजेत्

āmantryagurūn gurubandhūṃśca svān gṛhānvrajet

Sanskrit only: no published translation is held for this verse.

प्रतिषिद्धमपरया द्वारा निष्क्रमणं मलवद्वाससा सह संवस्त्रणं रजः सुनासिन्या सह शय्या गुरोर्दुरुक्तवचनमस्थाने शयनं स्मयनं सरणं स्थानं यानं गानं तस्य चेक्षणम्

pratiṣiddhamaparayā dvārā niṣkramaṇaṃ malavadvāsasā saha saṃvastraṇaṃ rajaḥ sunāsinyā saha śayyā gurorduruktavacanamasthāne śayanaṃ smayanaṃ saraṇaṃ sthānaṃ yānaṃ gānaṃ tasya cekṣaṇam

Sanskrit only: no published translation is held for this verse.

पौर्णमास्याममावास्यायां वाग्नेयेन पशुना यजेत

paurṇamāsyāmamāvāsyāyāṃ vāgneyena paśunā yajeta

Sanskrit only: no published translation is held for this verse.

तस्य पविर्भक्षयित्वा यथासुखमत ऊर्ध्वं मधुमांसे प्राश्नीयात्क्षारलवणे च

tasya pavirbhakṣayitvā yathāsukhamata ūrdhvaṃ madhumāṃse prāśnīyātkṣāralavaṇe ca

Sanskrit only: no published translation is held for this verse.