Manava-Grhyasutra 1.21

इति विंशः खण्डः ॥२०॥ एकविंशतितमः खण्डः तृतीयस्य वर्षस्य भूयिष्टे गते चूडाः कारयेत् ॥ उदगयने ज्यौत्स्ने पुण्ये नक्षत्रे ऽन्यत्र नवाभ्याम्

iti viṃśaḥ khaṇḍaḥ //20// ekaviṃśatitamaḥ khaṇḍaḥ tṛtīyasya varṣasya bhūyiṣṭe gate cūḍāḥ kārayet // udagayane jyautsne puṇye nakṣatre 'nyatra navābhyām

Sanskrit only: no published translation is held for this verse.

जयप्रभृतिर्हुत्वा-- ऽउष्णेन वायुरुदकेनेद्यजमानस्यायुषा सविता वरुणोदधद्यजमानाय दाशुषेऽ इत्युष्णा अपो ऽभिमन्त्रयते

jayaprabhṛtirhutvā-- 'uṣṇena vāyurudakenedyajamānasyāyuṣā savitā varuṇodadhadyajamānāya dāśuṣe' ityuṣṇā apo 'bhimantrayate

Sanskrit only: no published translation is held for this verse.

अदितिः केशान्वपत्वाय उदन्तु जीवसे धारयतु प्रजापतिः पुनः पुनः स्वस्तयेऽ ॥ इत्यभ्युन्दति

aditiḥ keśānvapatvāya udantu jīvase dhārayatu prajāpatiḥ punaḥ punaḥ svastaye' // ityabhyundati

Sanskrit only: no published translation is held for this verse.

ओषधे त्रायस्वैनामिति दक्षिणास्मिन्केशान्ते दर्भमन्तर्दधाति

oṣadhe trāyasvaināmiti dakṣiṇāsminkeśānte darbhamantardadhāti

Sanskrit only: no published translation is held for this verse.

स्वधिते मैनंहिसीरिति क्षुरणाभिनिदधाति

svadhite mainaṃhisīriti kṣuraṇābhinidadhāti

Sanskrit only: no published translation is held for this verse.

येनावपत्सविता क्षुरेण सोमस्य राज्ञो वरुणस्य केशान् । तेन ब्राह्मणो वपत्वायुष्मानयं जरदष्ठिरस्तु ॥ येन पूषा बृहस्पतेरिन्द्रियस्य चायुषे ऽवपत् । तेन ते वपाम्यायुषे दीर्धायुत्वाय जीवसे ॥ येन भूयश्चरत्ययं ज्योक्च पश्यति सूर्यः । तेन ते वपाम्यायुषे सुश्लोक्याय स्वस्तये ॥ इति तिसृभिस्त्रिः प्रवपति

yenāvapatsavitā kṣureṇa somasya rājño varuṇasya keśān / tena brāhmaṇo vapatvāyuṣmānayaṃ jaradaṣṭhirastu // yena pūṣā bṛhaspaterindriyasya cāyuṣe 'vapat / tena te vapāmyāyuṣe dīrdhāyutvāya jīvase // yena bhūyaścaratyayaṃ jyokca paśyati sūryaḥ / tena te vapāmyāyuṣe suślokyāya svastaye // iti tisṛbhistriḥ pravapati

Sanskrit only: no published translation is held for this verse.

यत्क्षुरेण वर्तयता सुतेजसा वप्तर्वपसि केशान् । शुन्धि शिरो मास्यायुः प्रमोर्षीः ॥ इति लौहायसं क्षुरं केशावापाय प्रयच्छति

yatkṣureṇa vartayatā sutejasā vaptarvapasi keśān / śundhi śiro māsyāyuḥ pramorṣīḥ // iti lauhāyasaṃ kṣuraṃ keśāvāpāya prayacchati

Sanskrit only: no published translation is held for this verse.

मा ते केशाननुगाद्वर्च एतत्तथा धाता दधातु ते । तुभ्यमिन्द्रो वरुणो बृहस्पतिः सविता वर्चा आदधुः ॥ इति प्रवपतो ऽनुमन्त्रयते

mā te keśānanugādvarca etattathā dhātā dadhātu te / tubhyamindro varuṇo bṛhaspatiḥ savitā varcā ādadhuḥ // iti pravapato 'numantrayate

Sanskrit only: no published translation is held for this verse.

सुहृत्परिग्राहं हरितगोशकृत्पिण्डे समवचिनोति

suhṛtparigrāhaṃ haritagośakṛtpiṇḍe samavacinoti

Sanskrit only: no published translation is held for this verse.

उप्त्वाय केशान्वरुणास्य राज्ञो बृहस्पतिः सविता विष्णुरग्निः । तेभ्यो निधानं महतं न विदन्नन्तरा द्यावापृथिव्योरपस्युः ॥ इति प्रागुदीचो ह्रियमाणाननुमन्त्रयते

uptvāya keśānvaruṇāsya rājño bṛhaspatiḥ savitā viṣṇuragniḥ / tebhyo nidhānaṃ mahataṃ na vidannantarā dyāvāpṛthivyorapasyuḥ // iti prāgudīco hriyamāṇānanumantrayate

Sanskrit only: no published translation is held for this verse.

अरिक्ते पत्न्या श्लेषयेदिति श्रुतिः

arikte patnyā śleṣayediti śrutiḥ

Sanskrit only: no published translation is held for this verse.

वरं कर्त्रे ददाति पक्ष्मगुडं तिलपिश्लं च केशवापाय

varaṃ kartre dadāti pakṣmaguḍaṃ tilapiślaṃ ca keśavāpāya

Sanskrit only: no published translation is held for this verse.

एतेन तु कल्पेन षोडशे वर्षे गोदानमग्निं वाध्येष्यमाणस्याग्निर्गोदानिको मैत्रायणिरिति श्रुतिः

etena tu kalpena ṣoḍaśe varṣe godānamagniṃ vādhyeṣyamāṇasyāgnirgodāniko maitrāyaṇiriti śrutiḥ

Sanskrit only: no published translation is held for this verse.