इति द्वितीये नवमः खण्डः ॥९॥ दशमः खण्डः फाल्गुन्यां पौर्णमास्यां पुरस्ताद्धानापूपाभ्यां भगं चार्यमणंच यजेत्
iti dvitīye navamaḥ khaṇḍaḥ //9// daśamaḥ khaṇḍaḥ phālgunyāṃ paurṇamāsyāṃ purastāddhānāpūpābhyāṃ bhagaṃ cāryamaṇaṃca yajet
Sanskrit only: no published translation is held for this verse.
इन्द्राण्या हविष्यान् पिष्ट्वा पिष्टानि समुत्पूय यावन्ति पशुजातानि तावतो मिथुनान् प्रतिरूपान् श्रपयित्वा कांस्ये ऽध्याज्यान्कृत्वा तेनैव रुद्राय स्वाहेति । ईशानायेत्येके
indrāṇyā haviṣyān piṣṭvā piṣṭāni samutpūya yāvanti paśujātāni tāvato mithunān pratirūpān śrapayitvā kāṃsye 'dhyājyānkṛtvā tenaiva rudrāya svāheti / īśānāyetyeke
Sanskrit only: no published translation is held for this verse.
सायमपूपाभ्यां प्रचरत्यग्नीन्द्राभ्याम्
sāyamapūpābhyāṃ pracaratyagnīndrābhyām
Sanskrit only: no published translation is held for this verse.
आग्नेयस्तुन्दिलो न तस्य स्त्रियः प्राश्नन्ति सर्वामात्या इतरस्य
āgneyastundilo na tasya striyaḥ prāśnanti sarvāmātyā itarasya
Sanskrit only: no published translation is held for this verse.
स्थालीपाकेनेन्द्राणीं शवो वा
sthālīpākenendrāṇīṃ śavo vā
Sanskrit only: no published translation is held for this verse.
संघेष्वेकवद्बर्हिरग्निराधाराज्यभागाज्याहुतयः स्विष्टकृच्च
saṃgheṣvekavadbarhiragnirādhārājyabhāgājyāhutayaḥ sviṣṭakṛcca
Sanskrit only: no published translation is held for this verse.
अग्निरिन्द्रः सोमः सीता सवितासरस्वत्यश्चिनानुमती रेवती राका पूषा रुद्र इत्येतैरायोजन- पर्ययन-प्रवपन-प्रलव-सीतायज्ञ-खलयज्ञतन्तीयज्ञानडुद्यज्ञेष्वेता देवता इति यजति सांवत्सरेषु च पर्वसु
agnirindraḥ somaḥ sītā savitāsarasvatyaścinānumatī revatī rākā pūṣā rudra ityetairāyojana- paryayana-pravapana-pralava-sītāyajña-khalayajñatantīyajñānaḍudyajñeṣvetā devatā iti yajati sāṃvatsareṣu ca parvasu
Sanskrit only: no published translation is held for this verse.
नद्युदधिकूपतडागेषु वरुणंयजत्योषधिवनस्पतिषु सोममनादिष्टदेवतेष्वग्निम्
nadyudadhikūpataḍāgeṣu varuṇaṃyajatyoṣadhivanaspatiṣu somamanādiṣṭadevateṣvagnim
Sanskrit only: no published translation is held for this verse.
इति द्वितीये दशमः खण्डः ॥१०॥ एकादशः खण्डः अवसानं समं समूलम्
iti dvitīye daśamaḥ khaṇḍaḥ //10// ekādaśaḥ khaṇḍaḥ avasānaṃ samaṃ samūlam
Sanskrit only: no published translation is held for this verse.
दक्षिणाप्रवणमन्नकामस्य मारुकास्तत्र प्रजा भवन्ति
dakṣiṇāpravaṇamannakāmasya mārukāstatra prajā bhavanti
Sanskrit only: no published translation is held for this verse.
सर्वतः समवस्रावम्
sarvataḥ samavasrāvam
Sanskrit only: no published translation is held for this verse.
समवस्रुत्य वा यस्मात्प्रागुदीचीरापो निर्वहेयुस्तद्वा
samavasrutya vā yasmātprāgudīcīrāpo nirvaheyustadvā
Sanskrit only: no published translation is held for this verse.
गर्तं खात्वा यत्तैः पांसुभिः प्रतिपूर्येत तद्वा
gartaṃ khātvā yattaiḥ pāṃsubhiḥ pratipūryeta tadvā
Sanskrit only: no published translation is held for this verse.
यदि धारयिष्णूदकतरं स्यात्
yadi dhārayiṣṇūdakataraṃ syāt
Sanskrit only: no published translation is held for this verse.
इदमहं विशमन्नाद्याय तेजसे ब्रह्मवर्चसाय परिगृह्णामीति वेश्म परिगृह्य गर्ते हिरण्य निधायाच्युताय ध्रुवाय भौमाय स्वाहेति जुहोति
idamahaṃ viśamannādyāya tejase brahmavarcasāya parigṛhṇāmīti veśma parigṛhya garte hiraṇya nidhāyācyutāya dhruvāya bhaumāya svāheti juhoti
Sanskrit only: no published translation is held for this verse.
समीचीनामासीति पर्यायैरुपतिष्ठते प्रतिदिशं द्वाभ्यां मध्ये
samīcīnāmāsīti paryāyairupatiṣṭhate pratidiśaṃ dvābhyāṃ madhye
Sanskrit only: no published translation is held for this verse.
उदकांस्ये ऽश्मानं व्रीहीन्यवान्वस्य परिषिञ्चति स्योनापृथिवी भवेति द्वाभ्यां सुत्रमाणामिति द्वाभ्याम्
udakāṃsye 'śmānaṃ vrīhīnyavānvasya pariṣiñcati syonāpṛthivī bhaveti dvābhyāṃ sutramāṇāmiti dvābhyām
Sanskrit only: no published translation is held for this verse.
शमीशाखया च पलाशयोदञ्चं त्रिः समुन्मार्ष्टि स्योना प्रथिवि भवेति द्वाभ्यां सुत्रमाणमिति द्वाभ्यां नमो अस्तु सर्पेभ्य इति तिसृभिश्च
śamīśākhayā ca palāśayodañcaṃ triḥ samunmārṣṭi syonā prathivi bhaveti dvābhyāṃ sutramāṇamiti dvābhyāṃ namo astu sarpebhya iti tisṛbhiśca
Sanskrit only: no published translation is held for this verse.
इदं तत् सर्वतो भद्रमयमूर्जो ऽयं रसः । प्राप्यैवं मानुषान्कामान्यदशीर्ष्णी तल्लप्स्यसि ॥ इति मध्यमां स्थूणामासिच्य गर्त आसिञ्चति
idaṃ tat sarvato bhadramayamūrjo 'yaṃ rasaḥ / prāpyaivaṃ mānuṣānkāmānyadaśīrṣṇī tallapsyasi // iti madhyamāṃ sthūṇāmāsicya garta āsiñcati
Sanskrit only: no published translation is held for this verse.
इहैव तिष्ठ नितरा तिल्वला स्थिरावति । मध्ये पोषस्य पुष्पतामा त्वा परिसृतः कुम्भः । आ वत्से जगतो सह आ दध्नः कलशमैरयम् ॥ इति मध्यमां स्थूणामभि मन्त्र्यते
ihaiva tiṣṭha nitarā tilvalā sthirāvati / madhye poṣasya puṣpatāmā tvā parisṛtaḥ kumbhaḥ / ā vatse jagato saha ā dadhnaḥ kalaśamairayam // iti madhyamāṃ sthūṇāmabhi mantryate
Sanskrit only: no published translation is held for this verse.
वसूनां त्वा वसुवीर्यस्याहोरात्रयोश्चेति गर्ते स्थूणामवदधाति
vasūnāṃ tvā vasuvīryasyāhorātrayośceti garte sthūṇāmavadadhāti
Sanskrit only: no published translation is held for this verse.
ऋते ऽवस्थूणा अधिरोह वंशो अग्ने विराजमुपसेधशक्रम् ॥ इति मध्यमं वं शमवददाति
ṛte 'vasthūṇā adhiroha vaṃśo agne virājamupasedhaśakram // iti madhyamaṃ vaṃ śamavadadāti
Sanskrit only: no published translation is held for this verse.
तूष्णीं शिष्टाः स्थूणा वंशाश्च
tūṣṇīṃ śiṣṭāḥ sthūṇā vaṃśāśca
Sanskrit only: no published translation is held for this verse.
प्राग्द्वारं दक्षिणाद्वारं वा मापयित्वा गृहानहं सुमनसः प्रपद्ये वीरं हीत्येतया प्रपद्यते यथा पुरस्ताद्व्याख्यातम्
prāgdvāraṃ dakṣiṇādvāraṃ vā māpayitvā gṛhānahaṃ sumanasaḥ prapadye vīraṃ hītyetayā prapadyate yathā purastādvyākhyātam
Sanskrit only: no published translation is held for this verse.
प्रैतुराजा वरुणो रेवतीभिरस्मिन्स्थाने तिष्ठतु पुष्यमाणः । इरां वहन्ती घृतमुक्षमाणास्तेष्वहं सुमनाः सं वसाम ॥ इत्युत्तरपूर्वस्यां दिशि प्रतिपानमुदकुम्भमवस्थापयति
praiturājā varuṇo revatībhirasminsthāne tiṣṭhatu puṣyamāṇaḥ / irāṃ vahantī ghṛtamukṣamāṇāsteṣvahaṃ sumanāḥ saṃ vasāma // ityuttarapūrvasyāṃ diśi pratipānamudakumbhamavasthāpayati
Sanskrit only: no published translation is held for this verse.
समुद्रं वः प्रहिणोमि स्वांयोनिमभिगच्छत अरिष्टा अस्माकं वीरा मा परासेचि मत्पयः । इत्युदञ्चनम्
samudraṃ vaḥ prahiṇomi svāṃyonimabhigacchata ariṣṭā asmākaṃ vīrā mā parāseci matpayaḥ / ityudañcanam
Sanskrit only: no published translation is held for this verse.
वास्तोष्पत्यं पयसि स्थालीपाकं श्रपयित्वा तस्य जुहोति । अमीवहा वास्तोष्पते वास्तोष्पत इत्येताभ्याम्- वास्तोष्पते प्रतरणो न अधि गयस्फानो गोभिरश्वेभिरिन्दो अजरासस्ते सख्ये व्याम पितेव पुत्रान्प्रति नो जुषस्व ॥ वास्तोष्पते शग्मया सं सदा ते सक्षीमहि रणवया गातुमत्या पाहि क्षेम उत योगे वरं नो यूयं पात स्वस्तिभिः सदा नः ॥ इति
vāstoṣpatyaṃ payasi sthālīpākaṃ śrapayitvā tasya juhoti / amīvahā vāstoṣpate vāstoṣpata ityetābhyām- vāstoṣpate prataraṇo na adhi gayasphāno gobhiraśvebhirindo ajarāsaste sakhye vyāma piteva putrānprati no juṣasva // vāstoṣpate śagmayā saṃ sadā te sakṣīmahi raṇavayā gātumatyā pāhi kṣema uta yoge varaṃ no yūyaṃ pāta svastibhiḥ sadā naḥ // iti
Sanskrit only: no published translation is held for this verse.
जयप्रभृतिसमानम्
jayaprabhṛtisamānam
Sanskrit only: no published translation is held for this verse.
इति द्वितीय एकादशः खण्डः ॥११॥ द्वादशः खण्डः वैश्वदेवस्य सिद्धस्य सायं प्रातर्बलिं हरेत्
iti dvitīya ekādaśaḥ khaṇḍaḥ //11// dvādaśaḥ khaṇḍaḥ vaiśvadevasya siddhasya sāyaṃ prātarbaliṃ haret
Sanskrit only: no published translation is held for this verse.
अग्नीषोमौ धन्वन्तरिं विश्वान्देवान्प्रजापतिमग्निं स्विष्टकृतमित्येवं होमो विधीयते
agnīṣomau dhanvantariṃ viśvāndevānprajāpatimagniṃ sviṣṭakṛtamityevaṃ homo vidhīyate
Sanskrit only: no published translation is held for this verse.
अथ बलिं हरत्यग्नये नमः सोमाय धन्वन्तरये विश्वेभ्यो देवेभ्यः प्रजापतये अग्नये स्विष्टकृत इत्यग्न्यागार उत्तरामुत्तराम्
atha baliṃ haratyagnaye namaḥ somāya dhanvantaraye viśvebhyo devebhyaḥ prajāpataye agnaye sviṣṭakṛta ityagnyāgāra uttarāmuttarām
Sanskrit only: no published translation is held for this verse.
अभ्द्य इत्युदकुम्भसकाशे
abhdya ityudakumbhasakāśe
Sanskrit only: no published translation is held for this verse.
ओषधिभ्य इत्योषधिभ्यो वनस्पतिभ्य इति गृहमध्यमायां स्थूणायाम्
oṣadhibhya ityoṣadhibhyo vanaspatibhya iti gṛhamadhyamāyāṃ sthūṇāyām
Sanskrit only: no published translation is held for this verse.
गृह्याभ्यो देवताभ्य इति गृहमध्ये
gṛhyābhyo devatābhya iti gṛhamadhye
Sanskrit only: no published translation is held for this verse.
धर्मायाधर्मायेति द्वारे
dharmāyādharmāyeti dvāre
Sanskrit only: no published translation is held for this verse.
मृत्यव आकाशायेत्याकाशे
mṛtyava ākāśāyetyākāśe
Sanskrit only: no published translation is held for this verse.
अन्तर्गोष्ठायेत्यन्तर्गोष्ठे
antargoṣṭhāyetyantargoṣṭhe
Sanskrit only: no published translation is held for this verse.
बर्हिवैश्रवणायेति बहिः प्राचीम्
barhivaiśravaṇāyeti bahiḥ prācīm
Sanskrit only: no published translation is held for this verse.
विश्वेभ्यो देवेभ्य इति वेश्मनि
viśvebhyo devebhya iti veśmani
Sanskrit only: no published translation is held for this verse.
इन्द्रायेन्द्रपुरुषेभ्य इति पुरस्तात्
indrāyendrapuruṣebhya iti purastāt
Sanskrit only: no published translation is held for this verse.
यमाय यमपुरुषेभ्य इति दक्षिणतः
yamāya yamapuruṣebhya iti dakṣiṇataḥ
Sanskrit only: no published translation is held for this verse.
वरुणाय वरुणपुरुषेभ्य इति पश्चात्
varuṇāya varuṇapuruṣebhya iti paścāt
Sanskrit only: no published translation is held for this verse.
सोमाय सोमपुरुषेभ्य इत्युत्तरतः
somāya somapuruṣebhya ityuttarataḥ
Sanskrit only: no published translation is held for this verse.
ब्रह्मणे ब्रह्मपुरुषेभ्य इति मध्ये
brahmaṇe brahmapuruṣebhya iti madhye
Sanskrit only: no published translation is held for this verse.
प्राचीमापातिकेभ्यः सम्पातिकेभ्य ऋक्षेभ्यो यक्षेभ्यः पिपीलिकाभ्यः पिशाचेभ्यो ऽप्सरोभ्यो गन्धर्वेभ्यो गुह्यकेभ्यः शैलेभ्यः पन्नगेभ्यः
prācīmāpātikebhyaḥ sampātikebhya ṛkṣebhyo yakṣebhyaḥ pipīlikābhyaḥ piśācebhyo 'psarobhyo gandharvebhyo guhyakebhyaḥ śailebhyaḥ pannagebhyaḥ
Sanskrit only: no published translation is held for this verse.
दिवाचारिभ्यो भूतेभ्य इति दिवा नक्तं चारिभ्यो भूतेभ्य इति नक्तम्
divācāribhyo bhūtebhya iti divā naktaṃ cāribhyo bhūtebhya iti naktam
Sanskrit only: no published translation is held for this verse.
धन्वन्तरये धन्वन्तरितर्पणम्
dhanvantaraye dhanvantaritarpaṇam
Sanskrit only: no published translation is held for this verse.
अद्भिः संसृज्य पितृभ्यः स्वधेति शेषं दक्षिणा भूमौ निनयेत्
adbhiḥ saṃsṛjya pitṛbhyaḥ svadheti śeṣaṃ dakṣiṇā bhūmau ninayet
Sanskrit only: no published translation is held for this verse.
पाणी प्रक्षाल्याचम्यातिथिं भोजयित्वावशिष्टस्याश्नीयात्
pāṇī prakṣālyācamyātithiṃ bhojayitvāvaśiṣṭasyāśnīyāt
Sanskrit only: no published translation is held for this verse.
इति द्वितीयपुरुषे द्वादशः खण्डः ॥१२॥ त्रयोदशः खण्डः अथातः षष्ठीकल्पं व्याख्यास्यामः
iti dvitīyapuruṣe dvādaśaḥ khaṇḍaḥ //12// trayodaśaḥ khaṇḍaḥ athātaḥ ṣaṣṭhīkalpaṃ vyākhyāsyāmaḥ
Sanskrit only: no published translation is held for this verse.
शुक्लपक्षस्य पञ्चभ्यां प्रत्यङ्मुखो हविष्यमन्नमश्रीत
śuklapakṣasya pañcabhyāṃ pratyaṅmukho haviṣyamannamaśrīta
Sanskrit only: no published translation is held for this verse.
अधः शयीत दर्भेषु शालीपलालेषु वा प्राक्शिरा ब्रह्मचारी
adhaḥ śayīta darbheṣu śālīpalāleṣu vā prākśirā brahmacārī
Sanskrit only: no published translation is held for this verse.
श्वोभूत उदित आदित्ये स्नानं पानं भोजनमनुलेपनं स्रजो वासांसि न प्रत्याचक्षीत
śvobhūta udita āditye snānaṃ pānaṃ bhojanamanulepanaṃ srajo vāsāṃsi na pratyācakṣīta
Sanskrit only: no published translation is held for this verse.
यावद्दद्यात्तावदश्नीयाद्यद्यद्दद्यात्तदश्नीयादन्यत्रामेध्य--पातकिभ्यो ऽभिनिविष्टकवर्जनम्
yāvaddadyāttāvadaśnīyādyadyaddadyāttadaśnīyādanyatrāmedhya--pātakibhyo 'bhiniviṣṭakavarjanam
Sanskrit only: no published translation is held for this verse.
अस्तमित आदित्ये पयसि स्थालीपाकं श्रपयित्वाथैतैर्नामधेयैर्जुहोति धनदां वसुमीशानां कामदां सर्वकामिनाम् पुण्यां यशस्विनीं देवीं षष्ठीं शक्र जुषस्व मे ॥ नन्दी भूतिश्च लक्ष्मीश्चादित्या च यशस्विनी सुमना वाक् च सिद्धिश्च षष्ठी मे दिशतां धनम् ॥ पुत्रान्पशून्धनं धान्यं बह्वश्चाजगवेडकम् मनसा यत्प्रणीतं च तन्मे दिशतु हव्यभुक् ॥ कानदां रजनीं विश्वरूपां षष्ठीमुपवर्त्ततु मे धनम् साम काम कामपत्नी षष्ठी मे दिशतां धनम् ॥ आकृतिः प्रकृतिवर्चनी धावनिः पद्मचारिणी मन्मना भव स्वाहा ॥ गन्धद्वारां दुराधर्षां नित्यपुष्टां करीषिणीम् ईश्वरीं सर्वभूतानां तामिहोपह्वये श्रियम् । नानापत्रका (क) सा देवी पुष्टिश्चातिसरस्वती अरिं देवीं प्रपद्येयमुपवर्त्तयतु मे धनम् ॥ हिरण्यप्रकारादेवि मां वर आगच्छत्वायुर्यशश्च स्वाहा ॥ अश्वपूर्णां रथमध्यां हस्तिनादप्रमोदिनीम् । श्रियं देवीमुपव्हये श्रीर्मादेवी जुषताम् ॥ उपयन्तु मां देवगणास्त्या(ना)गाश्च तपसा सह । प्रादुर्भूतो ऽस्मि राष्ट्रे ऽस्मिन् श्रीः श्रद्धां (कीर्तिं वृद्धिं ग। च।) दधातु मे ॥ श्रियै स्वाहा, ह्रियै स्वाहा, लक्ष्म्यै स्वाहा, उपलक्ष्म्यै स्वाहा, नन्हायै स्वाहा, हरिद्रायै स्वाहा, षष्ठ्यै स्वाहा, समृद्ध्यै स्वाहा, जयायै स्वाहा, कामायै स्वाहेति
astamita āditye payasi sthālīpākaṃ śrapayitvāthaitairnāmadheyairjuhoti dhanadāṃ vasumīśānāṃ kāmadāṃ sarvakāminām puṇyāṃ yaśasvinīṃ devīṃ ṣaṣṭhīṃ śakra juṣasva me // nandī bhūtiśca lakṣmīścādityā ca yaśasvinī sumanā vāk ca siddhiśca ṣaṣṭhī me diśatāṃ dhanam // putrānpaśūndhanaṃ dhānyaṃ bahvaścājagaveḍakam manasā yatpraṇītaṃ ca tanme diśatu havyabhuk // kānadāṃ rajanīṃ viśvarūpāṃ ṣaṣṭhīmupavarttatu me dhanam sāma kāma kāmapatnī ṣaṣṭhī me diśatāṃ dhanam // ākṛtiḥ prakṛtivarcanī dhāvaniḥ padmacāriṇī manmanā bhava svāhā // gandhadvārāṃ durādharṣāṃ nityapuṣṭāṃ karīṣiṇīm īśvarīṃ sarvabhūtānāṃ tāmihopahvaye śriyam / nānāpatrakā (ka) sā devī puṣṭiścātisarasvatī ariṃ devīṃ prapadyeyamupavarttayatu me dhanam // hiraṇyaprakārādevi māṃ vara āgacchatvāyuryaśaśca svāhā // aśvapūrṇāṃ rathamadhyāṃ hastinādapramodinīm / śriyaṃ devīmupavhaye śrīrmādevī juṣatām // upayantu māṃ devagaṇāstyā(nā)gāśca tapasā saha / prādurbhūto 'smi rāṣṭre 'smin śrīḥ śraddhāṃ (kīrtiṃ vṛddhiṃ ga. ca.) dadhātu me // śriyai svāhā, hriyai svāhā, lakṣmyai svāhā, upalakṣmyai svāhā, nanhāyai svāhā, haridrāyai svāhā, ṣaṣṭhyai svāhā, samṛddhyai svāhā, jayāyai svāhā, kāmāyai svāheti
Sanskrit only: no published translation is held for this verse.
जयप्रभृति समानम्
jayaprabhṛti samānam
Sanskrit only: no published translation is held for this verse.
षण्मासान्प्रयुञ्जीत त्रीन्वोभयतः पक्षान्
ṣaṇmāsānprayuñjīta trīnvobhayataḥ pakṣān
Sanskrit only: no published translation is held for this verse.
शतसाहस्रसंयोग एकवरो वा
śatasāhasrasaṃyoga ekavaro vā
Sanskrit only: no published translation is held for this verse.
गैरनड्वांश्च दक्षिणा
gairanaḍvāṃśca dakṣiṇā
Sanskrit only: no published translation is held for this verse.
इति द्वितीये त्रयोदशः खण्डः ॥१३॥ चतुर्दशः खण्डः अथातो विनायकान्वयाख्यास्यामः
iti dvitīye trayodaśaḥ khaṇḍaḥ //13// caturdaśaḥ khaṇḍaḥ athāto vināyakānvayākhyāsyāmaḥ
Sanskrit only: no published translation is held for this verse.
शालकटङ्कटश्च कूष्माण्डराजपुत्रश्चोस्मितश्च देवयजनश्चेति
śālakaṭaṅkaṭaśca kūṣmāṇḍarājaputraścosmitaśca devayajanaśceti
Sanskrit only: no published translation is held for this verse.
एतैरधिगतानामिमानि रुपाणि भवन्ति
etairadhigatānāmimāni rupāṇi bhavanti
Sanskrit only: no published translation is held for this verse.
लोष्ठं मृद्गाति
loṣṭhaṃ mṛdgāti
Sanskrit only: no published translation is held for this verse.
तृणानि च्छिनत्ति
tṛṇāni cchinatti
Sanskrit only: no published translation is held for this verse.
अङ्गेषु लेखान् लिखति
aṅgeṣu lekhān likhati
Sanskrit only: no published translation is held for this verse.
अपस्वप्नं पश्यति
apasvapnaṃ paśyati
Sanskrit only: no published translation is held for this verse.
मुण्डान् पश्यति
muṇḍān paśyati
Sanskrit only: no published translation is held for this verse.
जटिलान् पश्यति
jaṭilān paśyati
Sanskrit only: no published translation is held for this verse.
काषायवाससः पश्यति ॥ मन्ग्स् २,१४।१० ॥ । उष्ट्रान्सूकरान् गर्दभान्दिवाकीर्त्यादीनन्यांश्चाप्रयतान्स्वप्नान्पश्यति
kāṣāyavāsasaḥ paśyati // ManGS 2,14.10 // / uṣṭrānsūkarān gardabhāndivākīrtyādīnanyāṃścāprayatānsvapnānpaśyati
Sanskrit only: no published translation is held for this verse.
अन्तरिक्षं क्रामति
antarikṣaṃ krāmati
Sanskrit only: no published translation is held for this verse.
अध्वानं व्रजन्मन्यते पृष्ठतो मे कश्चिदनुव्रजति
adhvānaṃ vrajanmanyate pṛṣṭhato me kaścidanuvrajati
Sanskrit only: no published translation is held for this verse.
एतैः खलुविनायकैराविष्टा राजपुत्रा लक्षणवन्तो राज्यं न लभन्ते
etaiḥ khaluvināyakairāviṣṭā rājaputrā lakṣaṇavanto rājyaṃ na labhante
Sanskrit only: no published translation is held for this verse.
कन्याः पतिकामा लक्षणवत्यो भर्तॄन्न लभन्ते
kanyāḥ patikāmā lakṣaṇavatyo bhartṝnna labhante
Sanskrit only: no published translation is held for this verse.
स्त्रियः प्रजाकामा लक्षणवत्यः प्रजां न लभन्ते
striyaḥ prajākāmā lakṣaṇavatyaḥ prajāṃ na labhante
Sanskrit only: no published translation is held for this verse.
स्त्रीणामाचारवतीनामपत्यानि म्रियन्ते
strīṇāmācāravatīnāmapatyāni mriyante
Sanskrit only: no published translation is held for this verse.
श्रोत्रियो ऽध्यापक आचार्यत्वं न प्राप्नोति
śrotriyo 'dhyāpaka ācāryatvaṃ na prāpnoti
Sanskrit only: no published translation is held for this verse.
अध्येतॄणामध्ययने महाविघ्नानि भवन्ति ॥ मन्ग्स् २,१४। १९ ॥ वणिजां वणिक्पथो विनश्यति
adhyetṝṇāmadhyayane mahāvighnāni bhavanti // ManGS 2,14. 19 // vaṇijāṃ vaṇikpatho vinaśyati
Sanskrit only: no published translation is held for this verse.
कृषिकराणां कृषिरल्पफसा भवति
kṛṣikarāṇāṃ kṛṣiralpaphasā bhavati
Sanskrit only: no published translation is held for this verse.
तेषां प्रायश्चित्तम्
teṣāṃ prāyaścittam
Sanskrit only: no published translation is held for this verse.
मृगाखरकुलायमृत्तिकारोचना गुग्गुलाः
mṛgākharakulāyamṛttikārocanā guggulāḥ
Sanskrit only: no published translation is held for this verse.
चतुर्भ्यः प्रस्रवणेभ्यश्चतुरुदकुम्भानव्यङ्गानाहरेत्
caturbhyaḥ prasravaṇebhyaścaturudakumbhānavyaṅgānāharet
Sanskrit only: no published translation is held for this verse.
सर्वगन्धसर्वरससर्वौषधीः सर्वरत्नानि चोपकल्पय प्रतिसरदधिमधुघृतमिति
sarvagandhasarvarasasarvauṣadhīḥ sarvaratnāni copakalpaya pratisaradadhimadhughṛtamiti
Sanskrit only: no published translation is held for this verse.
एतान् संभारान्संसृज्य ऋषभचर्मारुह्याथैनं-- सहस्राक्षं शतधारमृषिभिः पावनं कृतम् । ताभिष्ट्वाभिषिञ्चामि पावमानीः पुनन्तु त्वा ॥ अग्निना दत्ता, इन्द्रेण दत्ता, सोमेन दत्ता, वरुणेन दत्ता, वायुना दत्ता,विष्णुना दत्ता बृहस्पतिना दत्ता, विश्वैर्देवैर्दत्तः, सर्वैर्देवैर्दत्ता ओषधय आपो वरुणसंमितास्ताभिष्ट्वाभिषिञ्चामि पावमानीः पुनन्तु त्वेति सर्वत्रानुषजति-- यत्ते केशेषु दैर्भाग्यं सीमन्ते तत्र मूर्द्धनि । ललाटे कर्णयोरक्ष्णोरापस्त----तु ते सदा ॥ भगं ते वरुणे राजा भ्र---सूर्यो बृहस्पतिः । भगमिन्द्रश्च वायुश्च---सप्तर्षयो ददुः ॥ इति
etān saṃbhārānsaṃsṛjya ṛṣabhacarmāruhyāthainaṃ-- sahasrākṣaṃ śatadhāramṛṣibhiḥ pāvanaṃ kṛtam / tābhiṣṭvābhiṣiñcāmi pāvamānīḥ punantu tvā // agninā dattā, indreṇa dattā, somena dattā, varuṇena dattā, vāyunā dattā,viṣṇunā dattā bṛhaspatinā dattā, viśvairdevairdattaḥ, sarvairdevairdattā oṣadhaya āpo varuṇasaṃmitāstābhiṣṭvābhiṣiñcāmi pāvamānīḥ punantu tveti sarvatrānuṣajati-- yatte keśeṣu dairbhāgyaṃ sīmante tatra mūrddhani / lalāṭe karṇayorakṣṇorāpasta----tu te sadā // bhagaṃ te varuṇe rājā bhra---sūryo bṛhaspatiḥ / bhagamindraśca vāyuśca---saptarṣayo daduḥ // iti
Sanskrit only: no published translation is held for this verse.
अधिस्त--- निशायां सद्यः पीडितसर्षपतैलममौदुम्बरेण स्रुवेण --- चतस्र आहुतिर्जुहोति (ॐ) शालकटङ्कटाय स्व-- कूष्माडराजपुत्राय स्वाहा, उस्मिताय स्वाहा, देवयजनाया स्वाहेति
adhista--- niśāyāṃ sadyaḥ pīḍitasarṣapatailamamaudumbareṇa sruveṇa --- catasra āhutirjuhoti (oṃ) śālakaṭaṅkaṭāya sva-- kūṣmāḍarājaputrāya svāhā, usmitāya svāhā, devayajanāyā svāheti
Sanskrit only: no published translation is held for this verse.
अत ऊर्ध्वं ग्रामचतुष्पथे नगरचतुष्पथे निगमचतुष्पथे सर्वतोमुखान्दर्भानास्तीर्य नवे शूर्पे बलिमुपहरति फलीकृतांस्तण्डुलानफलीकृतांस्तण्डुलानामं मांसं पक्वं मांसमामान्मत्स्यान्पक्वान्मत्स्यान् आमानपूपान्पक्वानपूपान्पिष्टान्गन्धानपिष्टान्गन्धा---- मधुपानं मैरेयपानं सुरापानं मुक्तं माल्यं ग्रथिथं माल्यं रक्तं माल्यं शुक्लं माल्यं रक्तपीतशुक्लकृष्णनीलहरितचित्रवासांसि माकल्माषमूलभलमिति
ata ūrdhvaṃ grāmacatuṣpathe nagaracatuṣpathe nigamacatuṣpathe sarvatomukhāndarbhānāstīrya nave śūrpe balimupaharati phalīkṛtāṃstaṇḍulānaphalīkṛtāṃstaṇḍulānāmaṃ māṃsaṃ pakvaṃ māṃsamāmānmatsyānpakvānmatsyān āmānapūpānpakvānapūpānpiṣṭāngandhānapiṣṭāngandhā---- madhupānaṃ maireyapānaṃ surāpānaṃ muktaṃ mālyaṃ grathithaṃ mālyaṃ raktaṃ mālyaṃ śuklaṃ mālyaṃ raktapītaśuklakṛṣṇanīlaharitacitravāsāṃsi mākalmāṣamūlabhalamiti
Sanskrit only: no published translation is held for this verse.
अथ देवानामावाहनं विमुखः शेयेनो बको यक्षः कलहो भीरुर्विनायकः कूष्माण्डरा---- यज्ञाविक्षेपी कुलङ्गापमारो यूपकेशी सूपरक्रोडी हैमवतो, जम्भको विरूपाक्षो लोहिताक्षो वैश्रवणो महासेनो महादेवो महाराज इति । एते मे देवाः प्रीयन्तां प्रीता मां प्रीणयन्तु तृप्ता मां तर्पयन्त्विति
atha devānāmāvāhanaṃ vimukhaḥ śeyeno bako yakṣaḥ kalaho bhīrurvināyakaḥ kūṣmāṇḍarā---- yajñāvikṣepī kulaṅgāpamāro yūpakeśī sūparakroḍī haimavato, jambhako virūpākṣo lohitākṣo vaiśravaṇo mahāseno mahādevo mahārāja iti / ete me devāḥ prīyantāṃ prītā māṃ prīṇayantu tṛptā māṃ tarpayantviti
Sanskrit only: no published translation is held for this verse.
अधिष्ठितेर्ऽद्धरात्र आचार्यो ग्रहानुपतिष्ठते । भगवति भगं मे देदि, वर्णवति वर्णं मे देहि, रूपवति रूपं मे देहि, तेजस्विनि तेजो मे देहि, यशस्विनि यशो मे देहि, पुत्रवति पुत्रान्मे देहि, सर्ववति सर्वान्कामान्मे प्रदेहीति
adhiṣṭhiter'ddharātra ācāryo grahānupatiṣṭhate / bhagavati bhagaṃ me dedi, varṇavati varṇaṃ me dehi, rūpavati rūpaṃ me dehi, tejasvini tejo me dehi, yaśasvini yaśo me dehi, putravati putrānme dehi, sarvavati sarvānkāmānme pradehīti
Sanskrit only: no published translation is held for this verse.
अत ऊर्ध्वमुदित आदित्ये विमले सुमुहूर्त्ते सूर्यपूजापूर्वकमर्ध्यदानमुपस्थानं च-- नमस्ते अस्तु भगवन् शतरश्मे तमोनुद जहि मे देव दौर्भग्यं सौभाग्येन मां संयोजयस्व ॥ इति
ata ūrdhvamudita āditye vimale sumuhūrtte sūryapūjāpūrvakamardhyadānamupasthānaṃ ca-- namaste astu bhagavan śataraśme tamonuda jahi me deva daurbhagyaṃ saubhāgyena māṃ saṃyojayasva // iti
Sanskrit only: no published translation is held for this verse.
अथ ब्राह्मणतर्पणम्
atha brāhmaṇatarpaṇam
Sanskrit only: no published translation is held for this verse.
ऋषबो दक्षिणा
ṛṣabo dakṣiṇā
Sanskrit only: no published translation is held for this verse.
इति द्वितीये चतुर्दशः खण्डः ॥१४॥ पञ्चदशः खण्डः यदि दुःस्वप्नं पश्येद्व्याहृतिभिस्तिलान् हुत्वा दिशा उपतिष्ठेत् । बोधश्च मा प्रतिबोधश्च पुरस्ताद्गोपायताम् । अस्वप्नश्च मानवद्राणश्च दक्षिणतो गोपायताम् ॥ गोपायमानं च मां रक्षमाणं च पश्चाद् गोपायताम् । जागृविश्च मारुन्धती चोत्तरतो गोपायताम् ॥ विष्णुश्च मे पृथिवी च नागाश्चाधस्ताद्गोपायताम् । बृहस्पतयश्च मे विश्वे च मे देवा द्यौश्चोपरिष्ठाद्गोपायताम्
iti dvitīye caturdaśaḥ khaṇḍaḥ //14// pañcadaśaḥ khaṇḍaḥ yadi duḥsvapnaṃ paśyedvyāhṛtibhistilān hutvā diśā upatiṣṭhet / bodhaśca mā pratibodhaśca purastādgopāyatām / asvapnaśca mānavadrāṇaśca dakṣiṇato gopāyatām // gopāyamānaṃ ca māṃ rakṣamāṇaṃ ca paścād gopāyatām / jāgṛviśca mārundhatī cottarato gopāyatām // viṣṇuśca me pṛthivī ca nāgāścādhastādgopāyatām / bṛhaspatayaśca me viśve ca me devā dyauścopariṣṭhādgopāyatām
Sanskrit only: no published translation is held for this verse.
एवं यस्मिंश्चोत्पन्ने ऽनर्थान् शङ्केत
evaṃ yasmiṃścotpanne 'narthān śaṅketa
Sanskrit only: no published translation is held for this verse.
व्याहृतिभिस्तिलान् हुत्वा तपः प्रतिपद्येत द्वादशरात्रं षड्रात्रं त्रिरात्रमोकरात्रं वा
vyāhṛtibhistilān hutvā tapaḥ pratipadyeta dvādaśarātraṃ ṣaḍrātraṃ trirātramokarātraṃ vā
Sanskrit only: no published translation is held for this verse.
यदि समुत्पातं मन्येत तद्वा
yadi samutpātaṃ manyeta tadvā
Sanskrit only: no published translation is held for this verse.
यदि पर्वसु मार्तिकं भिद्यते पार्थिवमासि पृथिवीं दृंहस्व योनिं गच्छ स्वाहेत्यप्सु प्रहरेत्
yadi parvasu mārtikaṃ bhidyate pārthivamāsi pṛthivīṃ dṛṃhasva yoniṃ gaccha svāhetyapsu praharet
Sanskrit only: no published translation is held for this verse.
यद्यर्चा दह्येद्वा नश्येद्वा प्रपतेद्वा प्रभजेद्वा प्रहसेद्वा प्रचलेद्वा, स्थाल्या वा स्थालीमासिच्य दक्षिणोत्तरा वा स्थाली भिद्येतोत्तरा वोपलाशे नियम्य द्वारवंशो वा स्फुटेत् । गौर् वा गां धयेत्, स्त्री वा स्त्रियमाहन्यात्, कर्तसंसर्गे , हलसंसर्गे, मुसलप्रपतने, मुसलंवावशीर्येतान्यस्मिंश्चाद्भुत एताभिर्जुहुयात्-- स्वस्ति न इन्द्रो वृद्धश्रवाः स्वस्तिनः पूषा विश्ववेदाः । स्वस्ति नस्तार्क्ष्यो अरिष्टनेमिः स्वस्तिनो बृहस्पतिर्दधातु । स्वस्ति नो मिमीतामाश्विना भगः स्वस्ति देव्यदितिरनर्वणः । स्वस्ति पूषा असुरो दधातु नः स्वस्तिद्यावापृथिवी सुचेतुना ॥ स्वस्तये वायुमुपब्रवामहै सोमं स्वस्ति भुवनस्य यस्पतिः । बृहस्पतिं सर्वगणं स्वस्तये स्वस्तय आदित्यासो भवन्तु नः ॥ विश्वे देवा नो अद्या स्वस्तये वैश्वानरो वसुराग्निः स्वस्तये । देवा अवन्त्वृभवः स्वस्तये स्वस्ति नो रुद्रः पात्वंहसः ॥ स्वस्ति नः पश्यासु धन्वसु स्वस्त्यप्सु व्रजने स्वर्वतः । स्वस्ति नः पथ्याकृतेषु योनिषु स्वस्ति राये मनुतो दधातु नः ॥ त्रातारमिन्द्रं, मा ते अस्यां, विन इन्द्र, मृगो न भीमस्तं, शंयोरावृणीमह इति दशाहुतयः
yadyarcā dahyedvā naśyedvā prapatedvā prabhajedvā prahasedvā pracaledvā, sthālyā vā sthālīmāsicya dakṣiṇottarā vā sthālī bhidyetottarā vopalāśe niyamya dvāravaṃśo vā sphuṭet / gaur vā gāṃ dhayet, strī vā striyamāhanyāt, kartasaṃsarge , halasaṃsarge, musalaprapatane, musalaṃvāvaśīryetānyasmiṃścādbhuta etābhirjuhuyāt-- svasti na indro vṛddhaśravāḥ svastinaḥ pūṣā viśvavedāḥ / svasti nastārkṣyo ariṣṭanemiḥ svastino bṛhaspatirdadhātu / svasti no mimītāmāśvinā bhagaḥ svasti devyaditiranarvaṇaḥ / svasti pūṣā asuro dadhātu naḥ svastidyāvāpṛthivī sucetunā // svastaye vāyumupabravāmahai somaṃ svasti bhuvanasya yaspatiḥ / bṛhaspatiṃ sarvagaṇaṃ svastaye svastaya ādityāso bhavantu naḥ // viśve devā no adyā svastaye vaiśvānaro vasurāgniḥ svastaye / devā avantvṛbhavaḥ svastaye svasti no rudraḥ pātvaṃhasaḥ // svasti naḥ paśyāsu dhanvasu svastyapsu vrajane svarvataḥ / svasti naḥ pathyākṛteṣu yoniṣu svasti rāye manuto dadhātu naḥ // trātāramindraṃ, mā te asyāṃ, vina indra, mṛgo na bhīmastaṃ, śaṃyorāvṛṇīmaha iti daśāhutayaḥ
Sanskrit only: no published translation is held for this verse.
जयप्रभृति समानम्
jayaprabhṛti samānam
Sanskrit only: no published translation is held for this verse.
इति द्वितीये पुरुषे पञ्चदशः खण्डः ॥१५॥ षोडशः खण्डः सर्पेभ्यो बिभ्यत् श्रावण्यां तूषणीं भौममेककपालंश्रपयित्वाक्षतसक्तून् पिष्ट्वा स्वकृत इरिणे दर्भानास्तीर्याच्युताय ध्रुवाय भौमाय स्वाहेति जुहोति
iti dvitīye puruṣe pañcadaśaḥ khaṇḍaḥ //15// ṣoḍaśaḥ khaṇḍaḥ sarpebhyo bibhyat śrāvaṇyāṃ tūṣaṇīṃ bhaumamekakapālaṃśrapayitvākṣatasaktūn piṣṭvā svakṛta iriṇe darbhānāstīryācyutāya dhruvāya bhaumāya svāheti juhoti
Sanskrit only: no published translation is held for this verse.
समीचि नामासीति पर्यायैरुपतिष्ठते प्रतिदिशं द्वाभ्यां मध्ये
samīci nāmāsīti paryāyairupatiṣṭhate pratidiśaṃ dvābhyāṃ madhye
Sanskrit only: no published translation is held for this verse.
अक्षतसक्तूनां सर्पबलिं हरति ईशानायेत्येके सर्पो ऽसि सर्पाणामधिपतिस्त्वयि सर्वे सर्पाः । बलिहारो ऽस्तु सर्पाणां नमो अस्तुषुर्मारिरिषुर्माहिंसिषुर्मादां सि सर्पाः ॥ मानो अग्ने विसृजो अधाया विष्यवे रिपवे दुच्छुनायै । मा दत्वते दशते मादते नो मा रीषते सहसावन्परादाः ॥ सर्पो ऽसि सर्पाणामधिपतिरत्नेन मनुष्यां स्रायसे ऽपूपेन सर्पान् ॥ त्वयि सन्तं मयि सन्त माक्षिषुर्मारीरिषुर्मा हिंसिषु मा दाङ्क्षु सर्पाः ॥ नमो अस्तु सर्पेभ्य इति तिसृभिश्च
akṣatasaktūnāṃ sarpabaliṃ harati īśānāyetyeke sarpo 'si sarpāṇāmadhipatistvayi sarve sarpāḥ / balihāro 'stu sarpāṇāṃ namo astuṣurmāririṣurmāhiṃsiṣurmādāṃ si sarpāḥ // māno agne visṛjo adhāyā viṣyave ripave ducchunāyai / mā datvate daśate mādate no mā rīṣate sahasāvanparādāḥ // sarpo 'si sarpāṇāmadhipatiratnena manuṣyāṃ srāyase 'pūpena sarpān // tvayi santaṃ mayi santa mākṣiṣurmārīriṣurmā hiṃsiṣu mā dāṅkṣu sarpāḥ // namo astu sarpebhya iti tisṛbhiśca
Sanskrit only: no published translation is held for this verse.
ध्रुवामुं ते परिददामीति सर्वामात्यान्नामग्राहमात्मानं च
dhruvāmuṃ te paridadāmīti sarvāmātyānnāmagrāhamātmānaṃ ca
Sanskrit only: no published translation is held for this verse.
एतेन धर्मेण चतुरो मासान्सर्पबलिंहृत्वा विरमति
etena dharmeṇa caturo māsānsarpabaliṃhṛtvā viramati
Sanskrit only: no published translation is held for this verse.
तूष्णीमपि क्षुद्रा प्रक्षालितपाणिः
tūṣṇīmapi kṣudrā prakṣālitapāṇiḥ
Sanskrit only: no published translation is held for this verse.
इति द्वितीये षोडशः खण्डः ॥१६॥ सप्तदशः खण्डः अयूथिके भयार्त्ते कपोते गृहान् प्रविष्टे तस्याज्नौ पदं दृश्येत दधानि सकतुषु घृते वा देवाः कपोत इति प्रत्यृचं जपेज्जुहुयाद्वा देवाः कपोत इषितो यदिच्छन्दूतो निरृत्या इदमाजगाम । तस्मा अर्चाम कृष्णवाम निष्कृतिं शं नो अस्तु द्विपदे शं चतुष्पदे ॥ शिवः कपोत इषितो नो अस्त्वनागा देवाः शकुनो गृहेषु अग्निर्हि विप्रो जुषतां हविर्नः परिहेतिः पक्षिणो नो वृणाक्तु ॥ हेतिः पक्षिणी न दभात्यस्मानाष्ट्यां पदं कृणुते अग्निधाने । सं नो गोभ्यश्च पुरुषेभ्यश्चास्तु मानो हिंसीदिह देवाः कपोतः ॥ यदुलूको वदति मोघमेतद्यत्कपोतः पदमग्नौ कृणोति । यस्य दूतः प्रहित एष एतत्तस्मै यमाय नमो अस्तु मृत्यवे ॥ ऋचा कपोतं नुदत प्रमोदमिषं मदन्तः परि गां नयध्वम् । संयोपयन्तो दुरितानि विश्वा हित्वा न ऊर्जं प्रपतात्पतिष्ठः ॥ इति
iti dvitīye ṣoḍaśaḥ khaṇḍaḥ //16// saptadaśaḥ khaṇḍaḥ ayūthike bhayārtte kapote gṛhān praviṣṭe tasyājnau padaṃ dṛśyeta dadhāni sakatuṣu ghṛte vā devāḥ kapota iti pratyṛcaṃ japejjuhuyādvā devāḥ kapota iṣito yadicchandūto nirṛtyā idamājagāma / tasmā arcāma kṛṣṇavāma niṣkṛtiṃ śaṃ no astu dvipade śaṃ catuṣpade // śivaḥ kapota iṣito no astvanāgā devāḥ śakuno gṛheṣu agnirhi vipro juṣatāṃ havirnaḥ parihetiḥ pakṣiṇo no vṛṇāktu // hetiḥ pakṣiṇī na dabhātyasmānāṣṭyāṃ padaṃ kṛṇute agnidhāne / saṃ no gobhyaśca puruṣebhyaścāstu māno hiṃsīdiha devāḥ kapotaḥ // yadulūko vadati moghametadyatkapotaḥ padamagnau kṛṇoti / yasya dūtaḥ prahita eṣa etattasmai yamāya namo astu mṛtyave // ṛcā kapotaṃ nudata pramodamiṣaṃ madantaḥ pari gāṃ nayadhvam / saṃyopayanto duritāni viśvā hitvā na ūrjaṃ prapatātpatiṣṭhaḥ // iti
Sanskrit only: no published translation is held for this verse.
पदमादाय दक्षिणा प्रत्यग् हरन्ति
padamādāya dakṣiṇā pratyag haranti
Sanskrit only: no published translation is held for this verse.
सहाधिकरणैर्यन्ति
sahādhikaraṇairyanti
Sanskrit only: no published translation is held for this verse.
स्वकृत इरिणे पदं न्यस्याध्यधि
svakṛta iriṇe padaṃ nyasyādhyadhi
Sanskrit only: no published translation is held for this verse.
धाम्नो धाम्न इति तिसृभिः परोगोष्ठं मारजयन्ते
dhāmno dhāmna iti tisṛbhiḥ parogoṣṭhaṃ mārajayante
Sanskrit only: no published translation is held for this verse.
अनपेक्षमाणाः प्रत्यायन्ति
anapekṣamāṇāḥ pratyāyanti
Sanskrit only: no published translation is held for this verse.
अग्न आयूंषि पवसे अग्निरृषिरग्ने पवस्वेति प्रत्येत्य जपन्ति
agna āyūṃṣi pavase agnirṛṣiragne pavasveti pratyetya japanti
Sanskrit only: no published translation is held for this verse.
इति द्वितीये सप्तदशः खण्डः ॥१७॥ अष्टादशः शण्डः षडाहुतं प्रतिपदि पुत्रकामः
iti dvitīye saptadaśaḥ khaṇḍaḥ //17// aṣṭādaśaḥ śaṇḍaḥ ṣaḍāhutaṃ pratipadi putrakāmaḥ
Sanskrit only: no published translation is held for this verse.
पयसि स्थालीपाकं श्रपयित्वा तस्य जुहोति-- ब्रह्मणाग्निः संविदानो रक्षोहा बाधातामितः । अमी वा यस्ते गर्भं दुर्णामा योनिमाशये । यस्ते गर्भममी वा दुर्णामा योनिमाशये । अग्निष्ठं ब्रह्मणा सह निष्क्रम्यादमनीनशत् ॥ यस्ते हन्ती पतयन्तं निषत्स्नुं यः सरीसृपम् । जातं यस्ते जिघांसति तमितो नाशयामसि ॥ यस्त्वा स्वप्नेन तमसा मोहयित्वा निपद्यते । प्रजांयस्ते जिघांसति तमितो नाशयामसि ॥ ये ते घ्नन्त्यप्सो गन्धर्वा गोष्ठाश्च ये । क्रव्यादंसुर देविनं तमितो नाशयामसि ॥ यस्त ऊरु विहरत्यन्तरा दम्पती शये । योनिं यो अन्तरारेढि तमितो नाशयामसि ॥ अभिन्नाण्डा वृद्धगर्भा अरिष्ठा जीवसूकरी । विजायतां प्रजायतामियं भवतु तोकिनी ॥ विष्णुर्योनिं कल्पयतु त्वष्टा रूपाणि पिंशतु । आसिञ्चतु प्रजापतिर्धाता गर्भं दधातु ते ॥ गर्भं धेहि सीतीवालि गर्भं धेहि सरस्वति । गर्भं ते अश्विनौ देवावाधत्तां पुष्करस्रजा ॥ हिरण्ययी अरणीयं निर्मन्थतो अश्विना । तं ते गर्भं हवामहे दशमे मासि सूतवे ॥ परं मृत्यो अनुपरेहि पन्थां यस्ते स्व इतरो देवयानात् । चक्षुष्मते शृणवते ते ब्रवीमि मानः प्रजां रीरिषो मोत वीरान् ॥ इति द्वादशगर्भवेदिन्यः षडाद्याः स्थालीपाकस्य षडुतरा आज्यस्य
payasi sthālīpākaṃ śrapayitvā tasya juhoti-- brahmaṇāgniḥ saṃvidāno rakṣohā bādhātāmitaḥ / amī vā yaste garbhaṃ durṇāmā yonimāśaye / yaste garbhamamī vā durṇāmā yonimāśaye / agniṣṭhaṃ brahmaṇā saha niṣkramyādamanīnaśat // yaste hantī patayantaṃ niṣatsnuṃ yaḥ sarīsṛpam / jātaṃ yaste jighāṃsati tamito nāśayāmasi // yastvā svapnena tamasā mohayitvā nipadyate / prajāṃyaste jighāṃsati tamito nāśayāmasi // ye te ghnantyapso gandharvā goṣṭhāśca ye / kravyādaṃsura devinaṃ tamito nāśayāmasi // yasta ūru viharatyantarā dampatī śaye / yoniṃ yo antarāreḍhi tamito nāśayāmasi // abhinnāṇḍā vṛddhagarbhā ariṣṭhā jīvasūkarī / vijāyatāṃ prajāyatāmiyaṃ bhavatu tokinī // viṣṇuryoniṃ kalpayatu tvaṣṭā rūpāṇi piṃśatu / āsiñcatu prajāpatirdhātā garbhaṃ dadhātu te // garbhaṃ dhehi sītīvāli garbhaṃ dhehi sarasvati / garbhaṃ te aśvinau devāvādhattāṃ puṣkarasrajā // hiraṇyayī araṇīyaṃ nirmanthato aśvinā / taṃ te garbhaṃ havāmahe daśame māsi sūtave // paraṃ mṛtyo anuparehi panthāṃ yaste sva itaro devayānāt / cakṣuṣmate śṛṇavate te bravīmi mānaḥ prajāṃ rīriṣo mota vīrān // iti dvādaśagarbhavedinyaḥ ṣaḍādyāḥ sthālīpākasya ṣaḍutarā ājyasya
Sanskrit only: no published translation is held for this verse.
जयप्रभृति समानम्
jayaprabhṛti samānam
Sanskrit only: no published translation is held for this verse.
नैजमेषं स्थालीपाकं श्रपयित्वा यथा षाडाहुतम्--- नेजमेष परापत सुपुत्रः पुनरापत । अस्यै मे पुत्रकामायै पुनराधेहि यः पुमान् ॥ यथेयं पृथिवी मह्यमुत्ताना गर्भमादधे । एवं तं गर्भमाधेहि दशमे मासि सूतवे ॥ विष्णोः श्रेष्ठेन रुपेणास्यां नार्यां गवीन्याम् । पुमांसं पुत्रमाधेहि दशमे मासि सूतवे ॥ पाकयज्ञान्समासाद्य एकाज्यामेकबहिर्षि । एकं स्विष्टकृतं पुर्यन्नाना सत्यपि दैवते नाना सत्यपि दैवते
naijameṣaṃ sthālīpākaṃ śrapayitvā yathā ṣāḍāhutam--- nejameṣa parāpata suputraḥ punarāpata / asyai me putrakāmāyai punarādhehi yaḥ pumān // yatheyaṃ pṛthivī mahyamuttānā garbhamādadhe / evaṃ taṃ garbhamādhehi daśame māsi sūtave // viṣṇoḥ śreṣṭhena rupeṇāsyāṃ nāryāṃ gavīnyām / pumāṃsaṃ putramādhehi daśame māsi sūtave // pākayajñānsamāsādya ekājyāmekabahirṣi / ekaṃ sviṣṭakṛtaṃ puryannānā satyapi daivate nānā satyapi daivate
Sanskrit only: no published translation is held for this verse.