इति श्रीमार्कण्डेयपुराणे ऽलर्कानुशासने वर्ज्यावर्ज्यनामा पञ्चत्रिंशो ऽध्यायः षट्त्रिंशो ऽध्यायः जड उवाच स एवमनुशिष्टः सन् मात्रा संप्राप्य यौवनम् । ऋतध्वजसुतश्चक्रे सम्यग्दारपरिग्रहम्
iti śrīmārkaṇḍeyapurāṇe 'larkānuśāsane varjyāvarjyanāmā pañcatriṃśo 'dhyāyaḥ ṣaṭtriṃśo 'dhyāyaḥ jaḍa uvāca sa evamanuśiṣṭaḥ san mātrā saṃprāpya yauvanam / ṛtadhvajasutaścakre samyagdāraparigraham
Sanskrit only: no published translation is held for this verse.
पुत्रांश्चोत्पादयामास यज्ञैश्चाप्ययजद्विभुः । पितुश्च सर्वकालेषु चकाराज्ञानुपालनम्
putrāṃścotpādayāmāsa yajñaiścāpyayajadvibhuḥ / pituśca sarvakāleṣu cakārājñānupālanam
Sanskrit only: no published translation is held for this verse.
ततः कालेन महता संप्राप्य चरमं वयः । चक्रे ऽभिषेकं पुत्रस्य तस्य रज्ये ऋतध्वजः
tataḥ kālena mahatā saṃprāpya caramaṃ vayaḥ / cakre 'bhiṣekaṃ putrasya tasya rajye ṛtadhvajaḥ
Sanskrit only: no published translation is held for this verse.
भार्यया सह धर्मात्मा यियासुस्तपसे वनम् । अवतीर्णो महारक्षो महाभागो महीपतिः
bhāryayā saha dharmātmā yiyāsustapase vanam / avatīrṇo mahārakṣo mahābhāgo mahīpatiḥ
Sanskrit only: no published translation is held for this verse.
मदालसा च तनयं प्राहेदं पश्चिमं वच । कामोपभोगसंसर्गप्रहाणाय सुतस्य वै
madālasā ca tanayaṃ prāhedaṃ paścimaṃ vaca / kāmopabhogasaṃsargaprahāṇāya sutasya vai
Sanskrit only: no published translation is held for this verse.
मदालसोवाच यदा दुः खमसह्यं ते प्रियबन्धुवियोगजम् । शत्रुबाधोद्भवं वापि वित्तनाशात्मसम्भवम्
madālasovāca yadā duḥ khamasahyaṃ te priyabandhuviyogajam / śatrubādhodbhavaṃ vāpi vittanāśātmasambhavam
Sanskrit only: no published translation is held for this verse.
भवेत्तत् कुर्वतो राज्यं गृहधर्मावलम्बिनः । दुः खायतनभूतो हि ममत्वालम्बनो गृही
bhavettat kurvato rājyaṃ gṛhadharmāvalambinaḥ / duḥ khāyatanabhūto hi mamatvālambano gṛhī
Sanskrit only: no published translation is held for this verse.
तदास्मात् पुत्र ! निष्कृष्य मद्दत्तादङ्गुलीयकात् । वाच्यं ते शासनं पट्टे सूक्ष्माक्षरनिवेशितम्
tadāsmāt putra ! niṣkṛṣya maddattādaṅgulīyakāt / vācyaṃ te śāsanaṃ paṭṭe sūkṣmākṣaraniveśitam
Sanskrit only: no published translation is held for this verse.
जड उवाच इत्युक्त्वा प्रददौ तस्मै सौवर्णं साङ्गुलीयकम् । आशिषश्चापि या योग्याः परुषस्य गृहे सतः
jaḍa uvāca ityuktvā pradadau tasmai sauvarṇaṃ sāṅgulīyakam / āśiṣaścāpi yā yogyāḥ paruṣasya gṛhe sataḥ
Sanskrit only: no published translation is held for this verse.
ततः कुबलयाश्वो ऽसौ सा च देवी मदालसा । पुत्राय दत्त्वा तद्राज्यं तपसे काननं गतौ
tataḥ kubalayāśvo 'sau sā ca devī madālasā / putrāya dattvā tadrājyaṃ tapase kānanaṃ gatau
Sanskrit only: no published translation is held for this verse.