इति श्रीमार्कण्डेयपुराणे सावर्णिके मन्वन्तरे वैवस्वतोत्पत्तिर्नामाष्टसप्ततितमो ऽध्यायः ऊनाशीतितमो ऽध्यायः- ७९ मार्कण्डेय उवाच आदित्या वसवो रुद्राः साध्या विश्वे मरुद्गणाः । भृगवो ऽङ्गिरसश्चाष्टौ यत्र देवगणाः स्मृताः
iti śrīmārkaṇḍeyapurāṇe sāvarṇike manvantare vaivasvatotpattirnāmāṣṭasaptatitamo 'dhyāyaḥ ūnāśītitamo 'dhyāyaḥ- 79 mārkaṇḍeya uvāca ādityā vasavo rudrāḥ sādhyā viśve marudgaṇāḥ / bhṛgavo 'ṅgirasaścāṣṭau yatra devagaṇāḥ smṛtāḥ
Sanskrit only: no published translation is held for this verse.
आदित्या वसवो रुद्रा विज्ञेयाः कश्यपात्मजाः । साध्याश्च मरुतो विश्वे धर्मपुत्रगणास्त्रयः
ādityā vasavo rudrā vijñeyāḥ kaśyapātmajāḥ / sādhyāśca maruto viśve dharmaputragaṇāstrayaḥ
Sanskrit only: no published translation is held for this verse.
भृगोस्तु भृगवो देवाः पुत्रा ह्यङ्गिरसः सुताः । एष सर्गश्च मारीचो विज्ञेयः साम्प्रताधिपः
bhṛgostu bhṛgavo devāḥ putrā hyaṅgirasaḥ sutāḥ / eṣa sargaśca mārīco vijñeyaḥ sāmpratādhipaḥ
Sanskrit only: no published translation is held for this verse.
ऊर्जस्वी नाम चैवेन्द्रो महात्मा यज्ञभागभुक् । अतीतानागता ये च वर्तन्ते साम्प्रतञ्च ये
ūrjasvī nāma caivendro mahātmā yajñabhāgabhuk / atītānāgatā ye ca vartante sāmpratañca ye
Sanskrit only: no published translation is held for this verse.
सर्वे ते त्रिदशेन्द्रास्तु विज्ञेयास्तुल्यलक्षणाः । सहस्राक्षाः कुलिशिनः सर्व एव पुरन्दराः
sarve te tridaśendrāstu vijñeyāstulyalakṣaṇāḥ / sahasrākṣāḥ kuliśinaḥ sarva eva purandarāḥ
Sanskrit only: no published translation is held for this verse.
मघवन्तो वृषाः सर्वे शृङ्गिणो गजगामिनः । ते शतक्रतवः सर्वे भूताभिभवतेजसः
maghavanto vṛṣāḥ sarve śṛṅgiṇo gajagāminaḥ / te śatakratavaḥ sarve bhūtābhibhavatejasaḥ
Sanskrit only: no published translation is held for this verse.
धर्माद्यैः कारणैः सुद्धैराधिपत्यगुणान्विताः । भूतभव्यभवन्नाथाः शृणु चैतत् त्रयं द्विज
dharmādyaiḥ kāraṇaiḥ suddhairādhipatyaguṇānvitāḥ / bhūtabhavyabhavannāthāḥ śṛṇu caitat trayaṃ dvija
Sanskrit only: no published translation is held for this verse.
भूर्लोको ऽयं स्मृता भूमिरन्तरिक्षं दिवः स्मृतम् । दिव्याख्याश्च तथा स्वर्गस्त्रैलोक्यमिति गद्यते
bhūrloko 'yaṃ smṛtā bhūmirantarikṣaṃ divaḥ smṛtam / divyākhyāśca tathā svargastrailokyamiti gadyate
Sanskrit only: no published translation is held for this verse.
अत्रिश्चैव वसिष्ठश्च काश्यपश्च महानृषिः । गौतमश्च भरद्वाजौ विश्वामित्रो ऽथ कौशिकः
atriścaiva vasiṣṭhaśca kāśyapaśca mahānṛṣiḥ / gautamaśca bharadvājau viśvāmitro 'tha kauśikaḥ
Sanskrit only: no published translation is held for this verse.
तथैव पुत्रो भगवानृचीकस्य महात्मनः । जमदग्निस्तु सप्तैते मुनयो ऽत्र नथान्तरे
tathaiva putro bhagavānṛcīkasya mahātmanaḥ / jamadagnistu saptaite munayo 'tra nathāntare
Sanskrit only: no published translation is held for this verse.
इक्ष्वाकुर्नाभगश्चैव धृष्टः शर्यातिरेव च । नरिष्यन्तश्च विख्यातो नाभागारिष्ट एव च
ikṣvākurnābhagaścaiva dhṛṣṭaḥ śaryātireva ca / nariṣyantaśca vikhyāto nābhāgāriṣṭa eva ca
Sanskrit only: no published translation is held for this verse.
करूषश्च पृषध्रश्च वसुमान् लोकविश्रुतः । मनोर्वैवस्वतस्यैते नव पुत्राः प्रकीर्तिताः
karūṣaśca pṛṣadhraśca vasumān lokaviśrutaḥ / manorvaivasvatasyaite nava putrāḥ prakīrtitāḥ
Sanskrit only: no published translation is held for this verse.
वैवस्वतमिदं ब्रह्मन् ! कथितन्ते मयान्तरम् । अस्मिन् श्रुते नरः सद्यः पठिते चैव सत्तम । मुच्यते पातकैः सर्वैः पुण्यञ्च महदश्नते
vaivasvatamidaṃ brahman ! kathitante mayāntaram / asmin śrute naraḥ sadyaḥ paṭhite caiva sattama / mucyate pātakaiḥ sarvaiḥ puṇyañca mahadaśnate
Sanskrit only: no published translation is held for this verse.