इति श्रीमार्कण्डेयपुराणे सावर्णिके मन्वन्तरे वैवस्वतकीर्तनं नामैकोनाशीतितमो ऽध्यायः अशीतितमो ऽध्यायः- ८० क्रौष्टुकिरुवाच स्वायम्भुवाद्याः कथिताः सप्तैते मनवो मम । तदन्तरेषु ये देवा राजानो मुनयस्तथा
iti śrīmārkaṇḍeyapurāṇe sāvarṇike manvantare vaivasvatakīrtanaṃ nāmaikonāśītitamo 'dhyāyaḥ aśītitamo 'dhyāyaḥ- 80 krauṣṭukiruvāca svāyambhuvādyāḥ kathitāḥ saptaite manavo mama / tadantareṣu ye devā rājāno munayastathā
Sanskrit only: no published translation is held for this verse.
अस्मिन् कल्पे सप्त ये ऽन्ये भविष्यन्ति महामुने । मनवस्तान् समाचक्ष्व ये च देवादयश्च ये
asmin kalpe sapta ye 'nye bhaviṣyanti mahāmune / manavastān samācakṣva ye ca devādayaśca ye
Sanskrit only: no published translation is held for this verse.
मार्कण्डेय उवाच कथितस्तव सावर्णिश्छायासंज्ञासुतश्च यः । पूर्वजस्य मनोस्तुल्यः स मनुर्भविताष्टमः
mārkaṇḍeya uvāca kathitastava sāvarṇiśchāyāsaṃjñāsutaśca yaḥ / pūrvajasya manostulyaḥ sa manurbhavitāṣṭamaḥ
Sanskrit only: no published translation is held for this verse.
रामो व्यासो गालवश्च दीप्तिमान् कृप एव च । ऋष्यशृङ्गस्तथा द्रोणस्तत्र सप्तर्षयो ऽभवन्
rāmo vyāso gālavaśca dīptimān kṛpa eva ca / ṛṣyaśṛṅgastathā droṇastatra saptarṣayo 'bhavan
Sanskrit only: no published translation is held for this verse.
सुतपाश्चामिताभाश्च मुख्याश्चैव त्रिधा सुराः । विंशकः कथिताश्चैषां त्रयाणां त्रिगुणो गणः
sutapāścāmitābhāśca mukhyāścaiva tridhā surāḥ / viṃśakaḥ kathitāścaiṣāṃ trayāṇāṃ triguṇo gaṇaḥ
Sanskrit only: no published translation is held for this verse.
तपस्तप्तश्च शक्रश्च द्युतिर्ज्योतिः प्रभाकरः । प्रभासो दयितो धर्मस्तेजोरश्मिश्चिरक्रतुः
tapastaptaśca śakraśca dyutirjyotiḥ prabhākaraḥ / prabhāso dayito dharmastejoraśmiścirakratuḥ
Sanskrit only: no published translation is held for this verse.
इत्यादिकस्तु सुतपा देवानां विंशको गणः । प्रभुर्विभुर्विभासाद्यस्तथान्यो विंशको गणः
ityādikastu sutapā devānāṃ viṃśako gaṇaḥ / prabhurvibhurvibhāsādyastathānyo viṃśako gaṇaḥ
Sanskrit only: no published translation is held for this verse.
सुराणाममिताभानां तृतीयमपि मे शृणु । दमो दान्तो ऋतः सोमो वित्ताद्याश्चैव विंशतिः
surāṇāmamitābhānāṃ tṛtīyamapi me śṛṇu / damo dānto ṛtaḥ somo vittādyāścaiva viṃśatiḥ
Sanskrit only: no published translation is held for this verse.
मुख्या ह्येते समाख्याता देवा मन्वन्तराधिपाः । मारीचस्यैव ते पुत्राः कश्यपस्य प्रजापतेः
mukhyā hyete samākhyātā devā manvantarādhipāḥ / mārīcasyaiva te putrāḥ kaśyapasya prajāpateḥ
Sanskrit only: no published translation is held for this verse.
भविष्याश्च भविष्यन्ति सावर्णस्यान्तरे मनोः । तेषामिन्द्रो भविष्यस्तु बलिर्वैरोचनिर्मुने
bhaviṣyāśca bhaviṣyanti sāvarṇasyāntare manoḥ / teṣāmindro bhaviṣyastu balirvairocanirmune
Sanskrit only: no published translation is held for this verse.
पाताल आस्ते यो ऽद्यापि दैत्यः समयबन्धनः । विरजाश्चार्ववीरश्च निर्मोहः सत्यवाक् कृतिः । विष्ण्वाद्याश्चैव तनयाः सावर्णस्य मनोर्नृपाः
pātāla āste yo 'dyāpi daityaḥ samayabandhanaḥ / virajāścārvavīraśca nirmohaḥ satyavāk kṛtiḥ / viṣṇvādyāścaiva tanayāḥ sāvarṇasya manornṛpāḥ
Sanskrit only: no published translation is held for this verse.