इति श्रीमार्कण्डेयपुराणे ऽशीतितमो ऽध्यायः एकाशीतितमो ऽध्यायः- ८१। मार्कण्डेय उवाच सावर्णिः सूर्यतनयो यो मनुः कथ्यते ऽष्टमः । निशामय तदुत्पत्तिं विस्तराद् गदतो मम
iti śrīmārkaṇḍeyapurāṇe 'śītitamo 'dhyāyaḥ ekāśītitamo 'dhyāyaḥ- 81/ mārkaṇḍeya uvāca sāvarṇiḥ sūryatanayo yo manuḥ kathyate 'ṣṭamaḥ / niśāmaya tadutpattiṃ vistarād gadato mama
Sanskrit only: no published translation is held for this verse.
महामायानुभावेन यथा मन्वन्तराधिपः । स बभूव महाभागः सावर्णिस्तनयो रवेः
mahāmāyānubhāvena yathā manvantarādhipaḥ / sa babhūva mahābhāgaḥ sāvarṇistanayo raveḥ
Sanskrit only: no published translation is held for this verse.
स्वारोचिषे ऽन्तरे पूर्वं चैत्रवंशसमुद्भवः । सुरथो नाम राजाभूत् समस्ते क्षितिमण्डले
svārociṣe 'ntare pūrvaṃ caitravaṃśasamudbhavaḥ / suratho nāma rājābhūt samaste kṣitimaṇḍale
Sanskrit only: no published translation is held for this verse.
तस्य पालयतः सम्यक् प्रजाः पुत्रानिवौरसान् । बभूवुः शत्रवो भूपाः कोलाविध्वंसिनस्तथा
tasya pālayataḥ samyak prajāḥ putrānivaurasān / babhūvuḥ śatravo bhūpāḥ kolāvidhvaṃsinastathā
Sanskrit only: no published translation is held for this verse.
तस्य तैरभवद् युद्धमतिप्रबलदण्डिनः । न्यूनैरपि स तैर्युद्धे कोलाविध्वंसिभिर्जितः
tasya tairabhavad yuddhamatiprabaladaṇḍinaḥ / nyūnairapi sa tairyuddhe kolāvidhvaṃsibhirjitaḥ
Sanskrit only: no published translation is held for this verse.
ततः स्वपुरमायातो निजदेशाधिपो ऽभवत् । आक्रान्तः स महाभागस्तैस्तदा प्रबलारिभिः
tataḥ svapuramāyāto nijadeśādhipo 'bhavat / ākrāntaḥ sa mahābhāgastaistadā prabalāribhiḥ
Sanskrit only: no published translation is held for this verse.
अमात्यैर्बलिभिर्दुष्टैर्दुर्बलस्य दुरात्मभिः । कोषो बलञ्चापहृतं तत्रापि स्वपुरे ततः
amātyairbalibhirduṣṭairdurbalasya durātmabhiḥ / koṣo balañcāpahṛtaṃ tatrāpi svapure tataḥ
Sanskrit only: no published translation is held for this verse.
ततो मृगयाव्याजेन हृतस्वाम्यः स भुपतिः । एकाकी हयमारुह्य जगाम गहनं वनम्
tato mṛgayāvyājena hṛtasvāmyaḥ sa bhupatiḥ / ekākī hayamāruhya jagāma gahanaṃ vanam
Sanskrit only: no published translation is held for this verse.
स तत्राश्रममद्राक्षीद् द्विजवर्यस्य मेधसः । प्रशान्तश्वापदाकीर्णं मुनिश्ष्योपशोभितम्
sa tatrāśramamadrākṣīd dvijavaryasya medhasaḥ / praśāntaśvāpadākīrṇaṃ muniśṣyopaśobhitam
Sanskrit only: no published translation is held for this verse.
तस्थौ कञ्चित् स कालञ्च मुनिना तेन सत्कृतः । इतश्चैतश्च विचरंस्तस्मिन् मुनिवराश्रमे
tasthau kañcit sa kālañca muninā tena satkṛtaḥ / itaścaitaśca vicaraṃstasmin munivarāśrame
Sanskrit only: no published translation is held for this verse.
सो ऽचिन्तयत् तदा तत्र ममत्वाकृष्टचेतनः । मत्पूर्वैः पालितं पूर्वं मया हीनं पुरं हि तत् । मद्भृत्यैस्तैरसद्वृत्तैर्धर्मतः पाल्यते न वा
so 'cintayat tadā tatra mamatvākṛṣṭacetanaḥ / matpūrvaiḥ pālitaṃ pūrvaṃ mayā hīnaṃ puraṃ hi tat / madbhṛtyaistairasadvṛttairdharmataḥ pālyate na vā
Sanskrit only: no published translation is held for this verse.
न जाने स प्रधानो मे शूरहस्ती सदामदः । मम वैरिवशं यातः कान् भोगानुपलप्स्यते
na jāne sa pradhāno me śūrahastī sadāmadaḥ / mama vairivaśaṃ yātaḥ kān bhogānupalapsyate
Sanskrit only: no published translation is held for this verse.
ये ममानुगता नित्यं प्रसादधनभोजनैः । अनुवृत्तिं ध्रुवं ते ऽद्य कुर्वन्त्यन्यमहीभृताम्
ye mamānugatā nityaṃ prasādadhanabhojanaiḥ / anuvṛttiṃ dhruvaṃ te 'dya kurvantyanyamahībhṛtām
Sanskrit only: no published translation is held for this verse.
असम्यग्व्ययशीलैस्तैः कुर्वद्भिः सततं व्ययम् । संचितः सो ऽतिदुः खेन क्षयं कोशो गमिष्यति
asamyagvyayaśīlaistaiḥ kurvadbhiḥ satataṃ vyayam / saṃcitaḥ so 'tiduḥ khena kṣayaṃ kośo gamiṣyati
Sanskrit only: no published translation is held for this verse.
एतच्चान्यच्च सततं चिन्तयामास पार्थिवः । तत्र विप्राश्रमाभ्यासे वैश्यमेकं ददर्श सः
etaccānyacca satataṃ cintayāmāsa pārthivaḥ / tatra viprāśramābhyāse vaiśyamekaṃ dadarśa saḥ
Sanskrit only: no published translation is held for this verse.
स पृष्टस्तेन कस्त्वं भोः हेतुश्चागमने ऽत्र कः । सशोक इव कस्मात्त्वं दुर्मना इव लक्ष्यसे
sa pṛṣṭastena kastvaṃ bhoḥ hetuścāgamane 'tra kaḥ / saśoka iva kasmāttvaṃ durmanā iva lakṣyase
Sanskrit only: no published translation is held for this verse.
इत्याकर्ण्य वचस्तस्य भूपतेः प्रणयोदितम् । प्रत्युवाच स तं वैश्यः प्रश्रयावनतो नृपम्
ityākarṇya vacastasya bhūpateḥ praṇayoditam / pratyuvāca sa taṃ vaiśyaḥ praśrayāvanato nṛpam
Sanskrit only: no published translation is held for this verse.
वैश्य उवाच समाधिर्नाम वैश्यो ऽहमुत्पन्नो धनिनां कुले । पुत्रदारैर्निरस्तश्च धनलोभादसाधुभिः
vaiśya uvāca samādhirnāma vaiśyo 'hamutpanno dhanināṃ kule / putradārairnirastaśca dhanalobhādasādhubhiḥ
Sanskrit only: no published translation is held for this verse.
विहीनश्च धनैर्दारैः पुत्रैरादाय मे धनम् । वनमभ्यागतो दुः खी निरस्तश्चाप्तबन्धुभैः
vihīnaśca dhanairdāraiḥ putrairādāya me dhanam / vanamabhyāgato duḥ khī nirastaścāptabandhubhaiḥ
Sanskrit only: no published translation is held for this verse.
सो ऽहं न वेद्मि पुत्राणां कुशलाकुशलात्मिकाम् । प्रवृत्तिं स्वजनानाञ्च दाराणाञ्चात्र संस्थितः
so 'haṃ na vedmi putrāṇāṃ kuśalākuśalātmikām / pravṛttiṃ svajanānāñca dārāṇāñcātra saṃsthitaḥ
Sanskrit only: no published translation is held for this verse.
किं नु तेषां गृहे क्षेममक्षेमं किं नु साम्प्रतम् । कथं ते किं नु सद्वृत्ताः दुर्वृत्ताः किं नु मे सुताः
kiṃ nu teṣāṃ gṛhe kṣemamakṣemaṃ kiṃ nu sāmpratam / kathaṃ te kiṃ nu sadvṛttāḥ durvṛttāḥ kiṃ nu me sutāḥ
Sanskrit only: no published translation is held for this verse.
राजोवाच यैर्निरस्तो भवांल्लुब्धैः पुत्रदारादिभिर्धनैः । तेषु किं भवतः स्नेहमनुबध्नाति मानसम्
rājovāca yairnirasto bhavāṃllubdhaiḥ putradārādibhirdhanaiḥ / teṣu kiṃ bhavataḥ snehamanubadhnāti mānasam
Sanskrit only: no published translation is held for this verse.
वैश्च उवाच एवमेतद्यथा प्राह भवानस्मद्गतं वचः । किं करोमि न बध्नाति मम निष्ठुरतां मनः
vaiśca uvāca evametadyathā prāha bhavānasmadgataṃ vacaḥ / kiṃ karomi na badhnāti mama niṣṭhuratāṃ manaḥ
Sanskrit only: no published translation is held for this verse.
यैः सन्त्यज्य पितृस्नेहं धनलुब्धैर्निराकृतः । पतिस्वजनहार्दं च हार्दि तेष्वेव मे मनः
yaiḥ santyajya pitṛsnehaṃ dhanalubdhairnirākṛtaḥ / patisvajanahārdaṃ ca hārdi teṣveva me manaḥ
Sanskrit only: no published translation is held for this verse.
किमेतन्नाभिजानामि जानन्नपि महामते । यत्प्रेमप्रवणं चित्तं विगुणेष्वपि बन्धुषु
kimetannābhijānāmi jānannapi mahāmate / yatpremapravaṇaṃ cittaṃ viguṇeṣvapi bandhuṣu
Sanskrit only: no published translation is held for this verse.
तेषां कृते मे निः श्वासो दौर्मनस्यं च जायते । करोमि किं यन्न मनस्तेष्वप्रीतिषु निष्ठुरम्
teṣāṃ kṛte me niḥ śvāso daurmanasyaṃ ca jāyate / karomi kiṃ yanna manasteṣvaprītiṣu niṣṭhuram
Sanskrit only: no published translation is held for this verse.
मार्कण्डेय उवाच ततस्तौ सहितौ विप्र तं मुनिं समुपस्थितौ । समाधिर्नाम वैश्यो ऽसौ स च पार्थिवसत्तमः
mārkaṇḍeya uvāca tatastau sahitau vipra taṃ muniṃ samupasthitau / samādhirnāma vaiśyo 'sau sa ca pārthivasattamaḥ
Sanskrit only: no published translation is held for this verse.
कृत्वा तु तौ यथान्यायं यथार्हं तेन संविदम् । उपविष्टौ कथाः काश्चिच्चक्रतुर्वैश्य-पार्थिवौ
kṛtvā tu tau yathānyāyaṃ yathārhaṃ tena saṃvidam / upaviṣṭau kathāḥ kāściccakraturvaiśya-pārthivau
Sanskrit only: no published translation is held for this verse.
राजौवाच भगवंस्त्वामहं प्रष्टुमिच्चाम्येकं वदस्व तत् । दुः खाय यन्मे मनसः स्वचित्तायत्ततां विना
rājauvāca bhagavaṃstvāmahaṃ praṣṭumiccāmyekaṃ vadasva tat / duḥ khāya yanme manasaḥ svacittāyattatāṃ vinā
Sanskrit only: no published translation is held for this verse.
ममत्वं गतराज्यस्य राज्याङ्गेष्वखिलेष्वपि । जानतो ऽपि यथाज्ञस्य किमेतन्मुनिसत्तम
mamatvaṃ gatarājyasya rājyāṅgeṣvakhileṣvapi / jānato 'pi yathājñasya kimetanmunisattama
Sanskrit only: no published translation is held for this verse.
अयं च निकृतः पुत्रैर्दारैर्भृत्यैस्तथोज्झितः । स्वजनेन च सन्त्यक्तस्तेषु हार्दे तथाप्यति
ayaṃ ca nikṛtaḥ putrairdārairbhṛtyaistathojjhitaḥ / svajanena ca santyaktasteṣu hārde tathāpyati
Sanskrit only: no published translation is held for this verse.
एवमेष तथाहं च द्वावप्यत्यन्तदुः खितौ । दृष्टदोषे ऽपि विषये ममत्वाकृष्टमानसौ
evameṣa tathāhaṃ ca dvāvapyatyantaduḥ khitau / dṛṣṭadoṣe 'pi viṣaye mamatvākṛṣṭamānasau
Sanskrit only: no published translation is held for this verse.
तत्किमेतन्महाभाग यन्मोहो ज्ञानिनोरपि । ममास्य च भवत्येषा विवेकान्धस्य मूढता
tatkimetanmahābhāga yanmoho jñāninorapi / mamāsya ca bhavatyeṣā vivekāndhasya mūḍhatā
Sanskrit only: no published translation is held for this verse.
ऋषिरुवाच ज्ञानमस्ति समस्तस्य जन्तोर्विषयगोचरे । विषयश्च महाभाग याति चैवं पृथक् पृथक्
ṛṣiruvāca jñānamasti samastasya jantorviṣayagocare / viṣayaśca mahābhāga yāti caivaṃ pṛthak pṛthak
Sanskrit only: no published translation is held for this verse.
दिवान्धाः प्राणिनः केचिद्रात्रावन्धास्तथापरे । केचिद् दिवा तथा रात्रौ प्राणिनस्तुल्यदृष्टयः
divāndhāḥ prāṇinaḥ kecidrātrāvandhāstathāpare / kecid divā tathā rātrau prāṇinastulyadṛṣṭayaḥ
Sanskrit only: no published translation is held for this verse.
ज्ञानिनो मनुजाः सत्यं किन्तु ते न हि केवलम् । यतो हि ज्ञानिनः सर्वे पशु-पक्षि-मृगादयः
jñānino manujāḥ satyaṃ kintu te na hi kevalam / yato hi jñāninaḥ sarve paśu-pakṣi-mṛgādayaḥ
Sanskrit only: no published translation is held for this verse.
ज्ञानं च तन्मनुष्याणां यत्तेषां मृगृपक्षिणाम् । मनुष्याणां च यत्तेषां तुल्यमन्यत्तथोभयोः
jñānaṃ ca tanmanuṣyāṇāṃ yatteṣāṃ mṛgṛpakṣiṇām / manuṣyāṇāṃ ca yatteṣāṃ tulyamanyattathobhayoḥ
Sanskrit only: no published translation is held for this verse.
ज्ञाने ऽपि सति पश्यैतान् पतङ्गाञ्छावचञ्चुषु । कणमोक्षादृतान् मोहात्पीड्यमानानपि क्षुधा
jñāne 'pi sati paśyaitān pataṅgāñchāvacañcuṣu / kaṇamokṣādṛtān mohātpīḍyamānānapi kṣudhā
Sanskrit only: no published translation is held for this verse.
मानुषा मनुजव्याघ्र साभिलाषाः सुतान् प्रति । लोभात्प्रत्युपकाराय नन्वेतान् किं न पश्यसि
mānuṣā manujavyāghra sābhilāṣāḥ sutān prati / lobhātpratyupakārāya nanvetān kiṃ na paśyasi
Sanskrit only: no published translation is held for this verse.
तथापि ममतावर्ते मोहगर्ते निपातिताः । महामायाप्रभावेण संसारस्थितिकारिणा
tathāpi mamatāvarte mohagarte nipātitāḥ / mahāmāyāprabhāveṇa saṃsārasthitikāriṇā
Sanskrit only: no published translation is held for this verse.
तन्नात्र विस्मयः कार्यो योगनिद्रा जगत्पतेः । महामाया हरेश्चैतत्तथा संमोह्यते जगत्
tannātra vismayaḥ kāryo yoganidrā jagatpateḥ / mahāmāyā hareścaitattathā saṃmohyate jagat
Sanskrit only: no published translation is held for this verse.
ज्ञानिनामपि चेतांसि देवी भगवती हि सा । बलादाकृष्य मोहाय महामाया प्रयच्छति
jñānināmapi cetāṃsi devī bhagavatī hi sā / balādākṛṣya mohāya mahāmāyā prayacchati
Sanskrit only: no published translation is held for this verse.
तया विसृज्यते विश्वं जगदेतच्चराचरम् । सैषा प्रसन्ना वरदा नृणां भवति मुक्तये
tayā visṛjyate viśvaṃ jagadetaccarācaram / saiṣā prasannā varadā nṛṇāṃ bhavati muktaye
Sanskrit only: no published translation is held for this verse.
सा विद्या परमा मुक्तेर्हेतुभूता सनातनी । संसारबन्धहेतुश्च सैव सर्वेश्वरेश्वरी
sā vidyā paramā mukterhetubhūtā sanātanī / saṃsārabandhahetuśca saiva sarveśvareśvarī
Sanskrit only: no published translation is held for this verse.
रोजोवाच भगवन् ! का हि सा देवी महामायेति यां भवान् । ब्रवीति कथमुत्पन्ना सा कर्मास्याश्च किं द्विज
rojovāca bhagavan ! kā hi sā devī mahāmāyeti yāṃ bhavān / bravīti kathamutpannā sā karmāsyāśca kiṃ dvija
Sanskrit only: no published translation is held for this verse.
यत्स्वभावा च सा देवी यत्स्वरूपा यदुद्भवा । तत् सर्वं श्रोतुमिच्छामि त्वत्तो ब्रह्मविदां वर
yatsvabhāvā ca sā devī yatsvarūpā yadudbhavā / tat sarvaṃ śrotumicchāmi tvatto brahmavidāṃ vara
Sanskrit only: no published translation is held for this verse.
ऋषिरुवाच नित्यैव सा जगन्मूर्तिस्तया सर्वमिदं ततम् । तथापि तत्समुत्पत्तिर्बहुधा श्रुयतां मम
ṛṣiruvāca nityaiva sā jaganmūrtistayā sarvamidaṃ tatam / tathāpi tatsamutpattirbahudhā śruyatāṃ mama
Sanskrit only: no published translation is held for this verse.
देवानां कार्यसिद्ध्यर्थमाविर्भवति सा यदा । उत्पन्नेति तदा लोके सा नित्याप्यभिधीयते
devānāṃ kāryasiddhyarthamāvirbhavati sā yadā / utpanneti tadā loke sā nityāpyabhidhīyate
Sanskrit only: no published translation is held for this verse.
योगनिद्रां यदा विष्णुर्जगत्येकार्णवीकृते । आस्तीर्य शेषमभजत् कल्पान्ते भगवान् प्रभुः
yoganidrāṃ yadā viṣṇurjagatyekārṇavīkṛte / āstīrya śeṣamabhajat kalpānte bhagavān prabhuḥ
Sanskrit only: no published translation is held for this verse.
तदा द्वावसुरौ घोरौ विख्यातौ मधुकैटभौ । विष्णुकर्णमलोद्भूतौ हन्तुं ब्रह्माणमुद्यतौ
tadā dvāvasurau ghorau vikhyātau madhukaiṭabhau / viṣṇukarṇamalodbhūtau hantuṃ brahmāṇamudyatau
Sanskrit only: no published translation is held for this verse.
स नाभिकमले विष्णोः स्थितो ब्रह्मा प्रजापतिः । दृष्ट्वा तावसुरौ चोग्रौ प्रसुप्तं च जनार्दनम्
sa nābhikamale viṣṇoḥ sthito brahmā prajāpatiḥ / dṛṣṭvā tāvasurau cograu prasuptaṃ ca janārdanam
Sanskrit only: no published translation is held for this verse.
तुष्टाव योगनिद्रां तामेकाग्रहृदयस्थितः । विबोधनार्थाय हरेर्हरिनेत्रकृतालयाम्
tuṣṭāva yoganidrāṃ tāmekāgrahṛdayasthitaḥ / vibodhanārthāya harerharinetrakṛtālayām
Sanskrit only: no published translation is held for this verse.
ब्रह्मोवाच विश्वेश्वरीं जगद्धात्रीं स्थिति-संहारकारिणीम् । निद्रां भगवतीं विष्णोरतुलां तेजसः प्रभुः
brahmovāca viśveśvarīṃ jagaddhātrīṃ sthiti-saṃhārakāriṇīm / nidrāṃ bhagavatīṃ viṣṇoratulāṃ tejasaḥ prabhuḥ
Sanskrit only: no published translation is held for this verse.
त्वं स्वाहा त्वं स्वधा त्वं हि वषट्कारः स्वरात्मिका । सुधा त्वमक्षरे नित्ये त्रिधा मात्रात्मिका स्थिता
tvaṃ svāhā tvaṃ svadhā tvaṃ hi vaṣaṭkāraḥ svarātmikā / sudhā tvamakṣare nitye tridhā mātrātmikā sthitā
Sanskrit only: no published translation is held for this verse.
अर्धमात्रा स्थिता नित्या यानुच्चार्या विशेषतः । त्वमेव सन्ध्या सावित्री त्वं देवि जननी परा
ardhamātrā sthitā nityā yānuccāryā viśeṣataḥ / tvameva sandhyā sāvitrī tvaṃ devi jananī parā
Sanskrit only: no published translation is held for this verse.
त्वयैव धार्यते सर्वं त्वयैतत्सृज्यते जगत् । त्वयैतत्पाल्यते देवि त्वमत्स्यन्ते च सर्वदा
tvayaiva dhāryate sarvaṃ tvayaitatsṛjyate jagat / tvayaitatpālyate devi tvamatsyante ca sarvadā
Sanskrit only: no published translation is held for this verse.
विसृष्टौ सृष्टिरूपा त्वं स्थितिरूपा च पालने । तथा संहृतिरूपान्ते जगतो ऽस्य जगन्मये
visṛṣṭau sṛṣṭirūpā tvaṃ sthitirūpā ca pālane / tathā saṃhṛtirūpānte jagato 'sya jaganmaye
Sanskrit only: no published translation is held for this verse.
महाविद्या महामाया महामेधा महास्मृतिः । महामोहा च भवती महादेवी महेश्वरी
mahāvidyā mahāmāyā mahāmedhā mahāsmṛtiḥ / mahāmohā ca bhavatī mahādevī maheśvarī
Sanskrit only: no published translation is held for this verse.
प्रकृतिस्त्वञ्च सर्वस्य गुणत्रयविभाविनी । कालरात्रिर्महारात्रिर्मोहरात्रिश्च दारुणा
prakṛtistvañca sarvasya guṇatrayavibhāvinī / kālarātrirmahārātrirmoharātriśca dāruṇā
Sanskrit only: no published translation is held for this verse.
त्वं श्रीस्त्वमीश्वरी त्वं ह्रीस्त्वं बुद्धिर्बोधलक्षणा । लज्जा पुष्टिस्तथा तुष्टिस्त्वं शान्तिः क्षान्तिरेव च
tvaṃ śrīstvamīśvarī tvaṃ hrīstvaṃ buddhirbodhalakṣaṇā / lajjā puṣṭistathā tuṣṭistvaṃ śāntiḥ kṣāntireva ca
Sanskrit only: no published translation is held for this verse.
खडिगनी शूलिनी घोरा गदिनी चक्रिणी तथा । शङ्खिनी चापिनी बाण-भुशुण्डी परिघायुधा
khaḍiganī śūlinī ghorā gadinī cakriṇī tathā / śaṅkhinī cāpinī bāṇa-bhuśuṇḍī parighāyudhā
Sanskrit only: no published translation is held for this verse.
सौम्या सौम्यतराशेष-सौम्येभ्यस्त्वतिसुन्दरी । परापराणां परमा त्वमेव परमेश्वरी
saumyā saumyatarāśeṣa-saumyebhyastvatisundarī / parāparāṇāṃ paramā tvameva parameśvarī
Sanskrit only: no published translation is held for this verse.
यच्च किञ्चित् क्वचिद्वस्तु सदसद्वाखिलात्मिके । तस्य सर्वस्य या शिक्तिः सा त्वं किं स्तूयते तदा
yacca kiñcit kvacidvastu sadasadvākhilātmike / tasya sarvasya yā śiktiḥ sā tvaṃ kiṃ stūyate tadā
Sanskrit only: no published translation is held for this verse.
यया त्वया जगत्स्त्रष्टा जगत्पात्यत्ति यो जगत् । सो ऽपि निद्रावशं नीतः कस्त्वां स्तोतुमिहेश्वरः
yayā tvayā jagatstraṣṭā jagatpātyatti yo jagat / so 'pi nidrāvaśaṃ nītaḥ kastvāṃ stotumiheśvaraḥ
Sanskrit only: no published translation is held for this verse.
विष्णुः शरीरग्रहणमहामीशान एव च । कारितास्ते यतो ऽतस्त्वां कः स्तोतुं शक्तिमान् भवेत्
viṣṇuḥ śarīragrahaṇamahāmīśāna eva ca / kāritāste yato 'tastvāṃ kaḥ stotuṃ śaktimān bhavet
Sanskrit only: no published translation is held for this verse.
सा त्वमित्थं प्रभावैः स्वैरुदारैर्देवि संस्तुता । मोहयैतौ दुराधर्षावसुरो मधुकैटभौ
sā tvamitthaṃ prabhāvaiḥ svairudārairdevi saṃstutā / mohayaitau durādharṣāvasuro madhukaiṭabhau
Sanskrit only: no published translation is held for this verse.
प्रबोधञ्च जगत्स्वामी नीयतामच्युतो लघु । बोधश्च क्रियतामस्य हन्तुमेतौ महासुरौ
prabodhañca jagatsvāmī nīyatāmacyuto laghu / bodhaśca kriyatāmasya hantumetau mahāsurau
Sanskrit only: no published translation is held for this verse.
ऋषिरुवाच एवं स्तुता तदा देवी तामसी तत्र वेधसा । विष्णोः प्रबोधनार्थाय निहन्तुं मधुकैटभौ
ṛṣiruvāca evaṃ stutā tadā devī tāmasī tatra vedhasā / viṣṇoḥ prabodhanārthāya nihantuṃ madhukaiṭabhau
Sanskrit only: no published translation is held for this verse.
नेत्रास्यनासिका-बाहु-हृदयेभ्यस्तथोरसः । निर्गम्य दर्शने तस्थौ ब्रह्मणो ऽव्यक्तजन्मनः
netrāsyanāsikā-bāhu-hṛdayebhyastathorasaḥ / nirgamya darśane tasthau brahmaṇo 'vyaktajanmanaḥ
Sanskrit only: no published translation is held for this verse.
उत्तस्थौ च जगन्नाथस्तया मुक्तो जनार्दनः । एकार्णवे ऽहिशयनात्ततः स ददृशे च तौ
uttasthau ca jagannāthastayā mukto janārdanaḥ / ekārṇave 'hiśayanāttataḥ sa dadṛśe ca tau
Sanskrit only: no published translation is held for this verse.
मधुकैटभौ दुरात्मानावतिवीर्यपराक्रमौ । क्रोधरक्तेक्षणावत्तुं ब्रह्माणं जनितोद्यमौ
madhukaiṭabhau durātmānāvativīryaparākramau / krodharaktekṣaṇāvattuṃ brahmāṇaṃ janitodyamau
Sanskrit only: no published translation is held for this verse.
समुत्थाय ततस्ताभ्यां युयुधे भगवान् हरिः । पञ्चवर्षसहस्राणि बाहुप्रहरणो विभुः
samutthāya tatastābhyāṃ yuyudhe bhagavān hariḥ / pañcavarṣasahasrāṇi bāhupraharaṇo vibhuḥ
Sanskrit only: no published translation is held for this verse.
तावप्यतिबलोन्मत्तौ महामायाविमोहितौ । उक्तवन्तौ वरो ऽस्मत्तो व्रियतामिति केशवम्
tāvapyatibalonmattau mahāmāyāvimohitau / uktavantau varo 'smatto vriyatāmiti keśavam
Sanskrit only: no published translation is held for this verse.
भगवानुवाच भवनेतामद्य मे तुष्टौ मम वध्यावुभावपि । किमन्येन वरेणात्र एतावद्धि वृतं मम
bhagavānuvāca bhavanetāmadya me tuṣṭau mama vadhyāvubhāvapi / kimanyena vareṇātra etāvaddhi vṛtaṃ mama
Sanskrit only: no published translation is held for this verse.
ऋषिरुवाच वञ्चिताभ्यामिति तदा सर्वमापोमयं जगत् । विलोक्य ताभ्यां गदितो भगवान् कमलेक्षणः
ṛṣiruvāca vañcitābhyāmiti tadā sarvamāpomayaṃ jagat / vilokya tābhyāṃ gadito bhagavān kamalekṣaṇaḥ
Sanskrit only: no published translation is held for this verse.
आवां जहि न यत्रोर्वो सलिलेन परिप्लुता । प्रीतौ स्वस्तव युद्धेन श्लाघ्यस्त्वं मृत्युरावयोः
āvāṃ jahi na yatrorvo salilena pariplutā / prītau svastava yuddhena ślāghyastvaṃ mṛtyurāvayoḥ
Sanskrit only: no published translation is held for this verse.
ऋषिरुवाच तथेत्युक्त्वा भगवता शङ्ख-चक्र-गदाभृता । कृत्वा चक्रेण वै च्छिन्ने जघने शिरसी तयोः
ṛṣiruvāca tathetyuktvā bhagavatā śaṅkha-cakra-gadābhṛtā / kṛtvā cakreṇa vai cchinne jaghane śirasī tayoḥ
Sanskrit only: no published translation is held for this verse.
एवमेषा समुत्पन्ना ब्रह्मणा संस्तुता स्वयम् । प्रभावमस्या देव्यास्तु भूयः शृणु वदामि ते
evameṣā samutpannā brahmaṇā saṃstutā svayam / prabhāvamasyā devyāstu bhūyaḥ śṛṇu vadāmi te
Sanskrit only: no published translation is held for this verse.