Nīlakaṇṭha: Mātaṅgalīlā (the play of elephants) 3

हीनाधिक्यनखाङ्गदृश्यवृषणो ह्रस्वाङ्गुलिर्वामनो मण्डूकोदरकुब्जनीलशबलश्यावाभतालुस्तथा । स्थूलश्चातितनुर्जलूकसदृशश्चातुल्यपार्श्वद्वयो रूक्षो निर्मदनीचपुष्करकरः पूज्यो न चायं गजः

hīnādhikyanakhāṅgadṛśyavṛṣaṇo hrasvāṅgulirvāmano maṇḍūkodarakubjanīlaśabalaśyāvābhatālustathā | sthūlaścātitanurjalūkasadṛśaścātulyapārśvadvayo rūkṣo nirmadanīcapuṣkarakaraḥ pūjyo na cāyaṃ gajaḥ

Sanskrit only: no published translation is held for this verse.

राजिग्रन्थियुतातिरूक्षशबलस्थूले विषाणे किला- स्यस्निग्धासमशुभ्रबिन्दुमदतिह्रस्वः सिराभिस्ततः । मेढ्रो यस्य कृशोऽतिवक्रविपुलव्याविद्धसग्रन्थिक- ह्रस्वो वालधिरल्पपेचककलापृष्ठः स निन्द्यो गजः

rājigranthiyutātirūkṣaśabalasthūle viṣāṇe kilā- syasnigdhāsamaśubhrabindumadatihrasvaḥ sirābhistataḥ | meḍhro yasya kṛśo'tivakravipulavyāviddhasagranthika- hrasvo vāladhiralpapecakakalāpṛṣṭhaḥ sa nindyo gajaḥ

Sanskrit only: no published translation is held for this verse.

लक्ष्यमुष्कस्तु मातङ्गो यत्र तिष्ठति पार्थिव! । हन्यते तत्र नृपतिः सुतेन सुहृदार्थे वा

lakṣyamuṣkastu mātaṅgo yatra tiṣṭhati pārthiva! | hanyate tatra nṛpatiḥ sutena suhṛdārthe vā

Sanskrit only: no published translation is held for this verse.

कर्णहीनो दक्षिणतश्चातुर्वर्ण्यविनाशनः । वामतः शिल्पिनो हन्याद् रोगार्तोऽपि भवेन्नृपः

karṇahīno dakṣiṇataścāturvarṇyavināśanaḥ | vāmataḥ śilpino hanyād rogārto'pi bhavennṛpaḥ

Sanskrit only: no published translation is held for this verse.

त्वग्दन्ततालुनखरादिषु पुष्पितो य- स्त्याज्योऽत्र तद्दहनलेखनकर्म यद्वा । तच्छान्तिकर्म सकलं प्रतिसारणं च तच्छेदनं च मतिमान् विधिवत् प्रकुर्यात्

tvagdantatālunakharādiṣu puṣpito ya- styājyo'tra taddahanalekhanakarma yadvā | tacchāntikarma sakalaṃ pratisāraṇaṃ ca tacchedanaṃ ca matimān vidhivat prakuryāt

Sanskrit only: no published translation is held for this verse.

हृष्टोऽत्यर्थं रजन्यां भ्रमति खलु दिवा प्राक् प्रहृष्टः शकुन्तैः कूजन् वाञ्छन् वियत्युत्पतितुमपि सदा वालदण्डेन वीजन् । गात्रोत्कर्षी च बाढं मुहुरपि न वशे वर्तते यश्च यन्तु- स्तं विद्याद् व्यालहस्तीत्यखिलगुणगणाढ्योऽपि न ग्राह्य एषः

hṛṣṭo'tyarthaṃ rajanyāṃ bhramati khalu divā prāk prahṛṣṭaḥ śakuntaiḥ kūjan vāñchan viyatyutpatitumapi sadā vāladaṇḍena vījan | gātrotkarṣī ca bāḍhaṃ muhurapi na vaśe vartate yaśca yantu- staṃ vidyād vyālahastītyakhilaguṇagaṇāḍhyo'pi na grāhya eṣaḥ

Sanskrit only: no published translation is held for this verse.

पोतान्विता वा करिणी सगर्भा लब्धा भवेद् वाहनकोशनाशः । तपोवने वा स्ववनेऽथ वापि नीत्वार्पयेद् दिग्गजदेवपूजाम्

potānvitā vā kariṇī sagarbhā labdhā bhaved vāhanakośanāśaḥ | tapovane vā svavane'tha vāpi nītvārpayed diggajadevapūjām

Sanskrit only: no published translation is held for this verse.