Nīlakaṇṭha: Mātaṅgalīlā (the play of elephants) 4

स्निग्धदन्तनखरोमचक्षुषो दीर्घकर्णकरवालवंशिनः । प्राक्प्रदेशपरिपूर्णलक्षणास्तुल्यमस्तकतलाश्चिरायुषः

snigdhadantanakharomacakṣuṣo dīrghakarṇakaravālavaṃśinaḥ | prākpradeśaparipūrṇalakṣaṇāstulyamastakatalāścirāyuṣaḥ

Sanskrit only: no published translation is held for this verse.

सप्तरक्ततनवः षडुन्नताः सुप्रभावमनसः सुगन्धयः । नीलनीरदनिभा विराविणो द्वित्ररोमनिलयाश्चिरायुषः

saptaraktatanavaḥ ṣaḍunnatāḥ suprabhāvamanasaḥ sugandhayaḥ | nīlanīradanibhā virāviṇo dvitraromanilayāścirāyuṣaḥ

Sanskrit only: no published translation is held for this verse.

गात्रोत्तमाङ्गनयनाननकर्णकण्ठ- वक्षोविषाणकरसत्त्वरुचोऽपराणि । अङ्गानि चेति सदृशानि वयोदशाभिः क्षेत्राण्यमूनि करिणां दश च द्वयं च

gātrottamāṅganayanānanakarṇakaṇṭha- vakṣoviṣāṇakarasattvaruco'parāṇi | aṅgāni ceti sadṛśāni vayodaśābhiḥ kṣetrāṇyamūni kariṇāṃ daśa ca dvayaṃ ca

Sanskrit only: no published translation is held for this verse.

क्षेत्राणां यावतां पूर्णं लक्षणं यस्य दृश्यते । दशास्तावत्य एवायुस्तस्येत्याह बृहस्पतिः

kṣetrāṇāṃ yāvatāṃ pūrṇaṃ lakṣaṇaṃ yasya dṛśyate | daśāstāvatya evāyustasyetyāha bṛhaspatiḥ

Sanskrit only: no published translation is held for this verse.

त्रीणि पञ्च च सप्ताष्टौ लिङ्गान्येतानि यस्य वै । आयुः स लभते तावद्दीर्घमित्यस्य मे मतिः

trīṇi pañca ca saptāṣṭau liṅgānyetāni yasya vai | āyuḥ sa labhate tāvaddīrghamityasya me matiḥ

Sanskrit only: no published translation is held for this verse.

चतुर्थी मृगजात्यस्य मन्दजात्यस्य चाष्टमी । द्वादशी भद्रजात्यस्य परमायुरिहोच्यते

caturthī mṛgajātyasya mandajātyasya cāṣṭamī | dvādaśī bhadrajātyasya paramāyurihocyate

Sanskrit only: no published translation is held for this verse.