एतावन्मूल्यमेषामलमिति गदितुं नो समर्था मनुष्याः
क्रेतुर्विक्रेतुरेकं यदिह बहुमतं तद्विदुर्मुख्यमूल्यम् ।
एकस्यासम्मतं मध्यममनभिमतं चोभयोर्निन्द्यमस्मात्
तद्ज्ञैः सर्वं विदित्वा बहुभिरवहितैर्मूल्यमूह्यं गजानाम्
etāvanmūlyameṣāmalamiti gadituṃ no samarthā manuṣyāḥ
kreturvikreturekaṃ yadiha bahumataṃ tadvidurmukhyamūlyam |
ekasyāsammataṃ madhyamamanabhimataṃ cobhayornindyamasmāt
tadjñaiḥ sarvaṃ viditvā bahubhiravahitairmūlyamūhyaṃ gajānām
Sanskrit only: no published translation is held for this verse.
गृह्णीयात् पूर्णमूल्येन तु निखिलगुणैरन्वितं वारणेन्द्रं
भग्नैकाक्ष्यङ्घ्रिदन्तं बधिरमपि रुजावन्तमप्यर्धमूल्यात् ।
छिन्नार्धश्रोत्रवालादिकमपि मतिमांस्तत्र मूल्यत्रिभागाद्
दन्तद्वन्द्वप्रहीणादिकमिभवरमप्यङ्घ्रिमूल्येन गृह्यात्
gṛhṇīyāt pūrṇamūlyena tu nikhilaguṇairanvitaṃ vāraṇendraṃ
bhagnaikākṣyaṅghridantaṃ badhiramapi rujāvantamapyardhamūlyāt |
chinnārdhaśrotravālādikamapi matimāṃstatra mūlyatribhāgād
dantadvandvaprahīṇādikamibhavaramapyaṅghrimūlyena gṛhyāt
Sanskrit only: no published translation is held for this verse.
वामदन्तोन्नतं विद्याद्देपाकीलं तु मूल्यतः ।
अष्टांशहीनतो विद्याद्दशा मूल्यत्रिभागतः
vāmadantonnataṃ vidyāddepākīlaṃ tu mūlyataḥ |
aṣṭāṃśahīnato vidyāddaśā mūlyatribhāgataḥ
Sanskrit only: no published translation is held for this verse.