Matsya Purāṇa 105

*मार्कण्डेय उवाच शृणु राजन्प्रयागस्य माहात्म्यं पुनरेव तु । यच्छ्रुत्वा सर्वपापेभ्यो मुच्यते नात्र संशयः

*mārkaṇḍeya uvāca śṛṇu rājanprayāgasya māhātmyaṃ punareva tu / yacchrutvā sarvapāpebhyo mucyate nātra saṃśayaḥ

Sanskrit only: no published translation is held for this verse.

आर्तानां हि दरिद्राणां निश्चितव्यवसायिनाम् । स्थानमुक्तं प्रयागं तु नाख्येयं तु कदाचन

ārtānāṃ hi daridrāṇāṃ niścitavyavasāyinām / sthānamuktaṃ prayāgaṃ tu nākhyeyaṃ tu kadācana

Sanskrit only: no published translation is held for this verse.

व्याधितो यदि वा दीनो वृद्धो वापि भवेन्नरः । गङ्गायमुनयोर्मध्ये यस्तु प्राणान्परित्यजेत्

vyādhito yadi vā dīno vṛddho vāpi bhavennaraḥ / gaṅgāyamunayormadhye yastu prāṇānparityajet

Sanskrit only: no published translation is held for this verse.

दीप्तकाञ्चनवर्णाभैर् विमानैः सूर्यसंनिभैः । गन्धर्वाप्सरसां मध्ये स्वर्गे क्रीडति मानवः

dīptakāñcanavarṇābhair vimānaiḥ sūryasaṃnibhaiḥ / gandharvāpsarasāṃ madhye svarge krīḍati mānavaḥ

Sanskrit only: no published translation is held for this verse.

ईप्सितांल्लभते कामान् वदन्ति ऋषिपुंगवाः । सर्वरत्नमयैर्दिव्यैर् नानाध्वजसमाकुलैः । वराङ्गनासमाकीर्णैर् मोदते शुभलक्षणैः

īpsitāṃllabhate kāmān vadanti ṛṣipuṃgavāḥ / sarvaratnamayairdivyair nānādhvajasamākulaiḥ / varāṅganāsamākīrṇair modate śubhalakṣaṇaiḥ

Sanskrit only: no published translation is held for this verse.

गीतवाद्यविनिर्घोषैः प्रसुप्तः प्रतिबुध्यते । यावन्न स्मरते जन्म तावत्स्वर्गे महीयते

gītavādyavinirghoṣaiḥ prasuptaḥ pratibudhyate / yāvanna smarate janma tāvatsvarge mahīyate

Sanskrit only: no published translation is held for this verse.

ततः स्वर्गात्परिभ्रष्टः क्षीणकर्मा दिवश्च्युतः । हिरण्यरत्नसम्पूर्णे समृद्धे जायते कुले । तदेव स्मरते तीर्थं स्मरणात्तत्र गच्छति

tataḥ svargātparibhraṣṭaḥ kṣīṇakarmā divaścyutaḥ / hiraṇyaratnasampūrṇe samṛddhe jāyate kule / tadeva smarate tīrthaṃ smaraṇāttatra gacchati

Sanskrit only: no published translation is held for this verse.

देशस्थो यदि वारण्ये विदेशस्थो ऽथवा गृहे । प्रयागं स्मरमाणो ऽपि यस्तु प्राणान्परित्यजेत् । ब्रह्मलोकमवाप्नोति वदन्ति ऋषिपुंगवाः

deśastho yadi vāraṇye videśastho 'thavā gṛhe / prayāgaṃ smaramāṇo 'pi yastu prāṇānparityajet / brahmalokamavāpnoti vadanti ṛṣipuṃgavāḥ

Sanskrit only: no published translation is held for this verse.

सर्वकामफला वृक्षा मही यत्र हिरण्मयी । ऋषयो मुनयः सिद्धास् तत्र लोके स गच्छति

sarvakāmaphalā vṛkṣā mahī yatra hiraṇmayī / ṛṣayo munayaḥ siddhās tatra loke sa gacchati

Sanskrit only: no published translation is held for this verse.

स्त्रीसहस्रावृते रम्ये मन्दाकिन्यास्तटे शुभे । मोदते ऋषिभिः सार्धं सुकृतेनेह कर्मणा

strīsahasrāvṛte ramye mandākinyāstaṭe śubhe / modate ṛṣibhiḥ sārdhaṃ sukṛteneha karmaṇā

Sanskrit only: no published translation is held for this verse.

सिद्धचारणगन्धर्वैः पूज्यते दिवि दैवतैः । ततः स्वर्गात्परिभ्रष्टो जम्बूद्वीपपतिर्भवेत्

siddhacāraṇagandharvaiḥ pūjyate divi daivataiḥ / tataḥ svargātparibhraṣṭo jambūdvīpapatirbhavet

Sanskrit only: no published translation is held for this verse.

ततः शुभानि कर्माणि चिन्तयानः पुनः पुनः । गुणवान्वित्तसम्पन्नो भवतीह न संशयः

tataḥ śubhāni karmāṇi cintayānaḥ punaḥ punaḥ / guṇavānvittasampanno bhavatīha na saṃśayaḥ

Sanskrit only: no published translation is held for this verse.

कर्मणा मनसा वाचा धर्मसत्यप्रतिष्ठितः । गङ्गायमुनयोर्मध्ये यस्तु गां सम्प्रयच्छति

karmaṇā manasā vācā dharmasatyapratiṣṭhitaḥ / gaṅgāyamunayormadhye yastu gāṃ samprayacchati

Sanskrit only: no published translation is held for this verse.

सुवर्णमणिमुक्ताश्च यदि वान्यत्परिग्रहम् । स्वकार्ये पितृकार्ये वा देवताभ्यर्चने ऽपि वा । सफलं तस्य तत्तीर्थं यथावत्पुण्यमाप्नुयात्

suvarṇamaṇimuktāśca yadi vānyatparigraham / svakārye pitṛkārye vā devatābhyarcane 'pi vā / saphalaṃ tasya tattīrthaṃ yathāvatpuṇyamāpnuyāt

Sanskrit only: no published translation is held for this verse.

एवं तीर्थे न गृह्णीयात् पुण्येष्वायतनेषु च । निमित्तेषु च सर्वेषु ह्य् अप्रमत्तो भवेद्द्विजः

evaṃ tīrthe na gṛhṇīyāt puṇyeṣvāyataneṣu ca / nimitteṣu ca sarveṣu hy apramatto bhaveddvijaḥ

Sanskrit only: no published translation is held for this verse.

कपिलां पाटलावर्णां यस्तु धेनुं प्रयच्छति । स्वर्णशृङ्गीं रौप्यखुरां कांस्यदोहां पयस्विनीम्

kapilāṃ pāṭalāvarṇāṃ yastu dhenuṃ prayacchati / svarṇaśṛṅgīṃ raupyakhurāṃ kāṃsyadohāṃ payasvinīm

Sanskrit only: no published translation is held for this verse.

प्रयागे श्रोत्रियं सन्तं ग्राहयित्वा यथाविधि । शुक्लाम्बरधरं शान्तं धर्मज्ञं वेदपारगम्

prayāge śrotriyaṃ santaṃ grāhayitvā yathāvidhi / śuklāmbaradharaṃ śāntaṃ dharmajñaṃ vedapāragam

Sanskrit only: no published translation is held for this verse.

सा गौस्तस्मै प्रदातव्या गङ्गायमुनसंगमे । वासांसि च महार्हाणि रत्नानि विविधानि च

sā gaustasmai pradātavyā gaṅgāyamunasaṃgame / vāsāṃsi ca mahārhāṇi ratnāni vividhāni ca

Sanskrit only: no published translation is held for this verse.

यावद्रोमाणि तस्या गोः सन्ति गात्रेषु सत्तम । तावद्वर्षसहस्राणि स्वर्गलोके महीयते

yāvadromāṇi tasyā goḥ santi gātreṣu sattama / tāvadvarṣasahasrāṇi svargaloke mahīyate

Sanskrit only: no published translation is held for this verse.

यत्रासौ लभते जन्म सा गौस्तस्याभिजायते । न च पश्यति तं घोरं नरकं तेन कर्मणा । उत्तरान्स कुरून्प्राप्य मोदते कालमक्षयम्

yatrāsau labhate janma sā gaustasyābhijāyate / na ca paśyati taṃ ghoraṃ narakaṃ tena karmaṇā / uttarānsa kurūnprāpya modate kālamakṣayam

Sanskrit only: no published translation is held for this verse.

गवां शतसहस्रेभ्यो दद्यादेकां पयस्विनीम् । पुत्रान्दारांस्तथा भृत्यान् गौरेका प्रति तारयेत्

gavāṃ śatasahasrebhyo dadyādekāṃ payasvinīm / putrāndārāṃstathā bhṛtyān gaurekā prati tārayet

Sanskrit only: no published translation is held for this verse.

तस्मात्सर्वेषु दानेषु गोदानं तु विशिष्यते । दुर्गमे विषमे घोरे महापातकसम्भवे । गौरेव रक्षां कुरुते तस्माद्देया द्विजोत्तमे

tasmātsarveṣu dāneṣu godānaṃ tu viśiṣyate / durgame viṣame ghore mahāpātakasambhave / gaureva rakṣāṃ kurute tasmāddeyā dvijottame

Sanskrit only: no published translation is held for this verse.