Matsya Purāṇa 107

*मार्कण्डेय उवाच शृणु राजन्प्रयागस्य माहात्म्यं पुनरेव तु । यच्छ्रुत्वा सर्वपापेभ्यो मुच्यते नात्र संशयः

*mārkaṇḍeya uvāca śṛṇu rājanprayāgasya māhātmyaṃ punareva tu / yacchrutvā sarvapāpebhyo mucyate nātra saṃśayaḥ

Sanskrit only: no published translation is held for this verse.

मानसं नाम तत्तीर्थं गङ्गाया उत्तरे तटे । त्रिरात्रोपोषितो भूत्वा सर्वकामानवाप्नुयात्

mānasaṃ nāma tattīrthaṃ gaṅgāyā uttare taṭe / trirātropoṣito bhūtvā sarvakāmānavāpnuyāt

Sanskrit only: no published translation is held for this verse.

गोभूहिरण्यदानेन यत्फलं प्राप्नुयान्नरः । स तत्फलमवाप्नोति तत्तीर्थं स्मरते पुनः

gobhūhiraṇyadānena yatphalaṃ prāpnuyānnaraḥ / sa tatphalamavāpnoti tattīrthaṃ smarate punaḥ

Sanskrit only: no published translation is held for this verse.

अकामो वा सकामो वा गङ्गायां यो ऽभिपद्यते । मृतस्तु लभते स्वर्गं नरकं च न पश्यति

akāmo vā sakāmo vā gaṅgāyāṃ yo 'bhipadyate / mṛtastu labhate svargaṃ narakaṃ ca na paśyati

Sanskrit only: no published translation is held for this verse.

अप्सरोगणसंगीतैः सुप्तो ऽसौ प्रतिबुध्यते । हंससारसयुक्तेन विमानेन स गच्छति । बहुवर्षसहस्राणि स्वर्गं राजेन्द्र भुञ्जति

apsarogaṇasaṃgītaiḥ supto 'sau pratibudhyate / haṃsasārasayuktena vimānena sa gacchati / bahuvarṣasahasrāṇi svargaṃ rājendra bhuñjati

Sanskrit only: no published translation is held for this verse.

ततः स्वर्गात्परिभ्रष्टः क्षीणकर्मा दिवश्च्युतः । सुवर्णमणिमुक्ताढ्ये जायते विपुले कुले

tataḥ svargātparibhraṣṭaḥ kṣīṇakarmā divaścyutaḥ / suvarṇamaṇimuktāḍhye jāyate vipule kule

Sanskrit only: no published translation is held for this verse.

षष्टितीर्थसहस्राणि षष्टिकोट्यस्तथापगाः । माघमासे गमिष्यन्ति गङ्गायमुनसंगमम्

ṣaṣṭitīrthasahasrāṇi ṣaṣṭikoṭyastathāpagāḥ / māghamāse gamiṣyanti gaṅgāyamunasaṃgamam

Sanskrit only: no published translation is held for this verse.

गवां शतसहस्रस्य सम्यग्दत्तस्य यत्फलम् । प्रयागे माघमासे तु त्र्यहस्नानात्तु तत्फलम्

gavāṃ śatasahasrasya samyagdattasya yatphalam / prayāge māghamāse tu tryahasnānāttu tatphalam

Sanskrit only: no published translation is held for this verse.

गङ्गायमुनयोर्मध्ये कर्षाग्निं यस्तु साधयेत् । अहीनाङ्गो ह्यरोगश्च पञ्चेन्द्रियसमन्वितः

gaṅgāyamunayormadhye karṣāgniṃ yastu sādhayet / ahīnāṅgo hyarogaśca pañcendriyasamanvitaḥ

Sanskrit only: no published translation is held for this verse.

यावन्ति रोमकूपाणि तस्य गात्रेषु देहिनः । तावद्वर्षसहस्राणि स्वर्गलोके महीयते

yāvanti romakūpāṇi tasya gātreṣu dehinaḥ / tāvadvarṣasahasrāṇi svargaloke mahīyate

Sanskrit only: no published translation is held for this verse.

ततः स्वर्गात्परिभ्रष्टो जम्बूद्वीपपतिर्भवेत् । स भुक्त्वा विपुलान्भोगांस् तत्तीर्थं स्मरते पुनः

tataḥ svargātparibhraṣṭo jambūdvīpapatirbhavet / sa bhuktvā vipulānbhogāṃs tattīrthaṃ smarate punaḥ

Sanskrit only: no published translation is held for this verse.

जलप्रवेशं यः कुर्यात् संगमे लोकविश्रुते । राहुग्रस्ते तथा सोमे विमुक्तः सर्वकिल्बिषैः

jalapraveśaṃ yaḥ kuryāt saṃgame lokaviśrute / rāhugraste tathā some vimuktaḥ sarvakilbiṣaiḥ

Sanskrit only: no published translation is held for this verse.

सोमलोकमवाप्नोति सोमेन सह मोदते । षष्टिवर्षसहस्राणि स्वर्गलोके महीयते

somalokamavāpnoti somena saha modate / ṣaṣṭivarṣasahasrāṇi svargaloke mahīyate

Sanskrit only: no published translation is held for this verse.

स्वर्गे च शक्रलोके ऽस्मिन् नृषिगन्धर्वसेविते । परिभ्रष्टस्तु राजेन्द्र समृद्धे जायते कुले

svarge ca śakraloke 'smin nṛṣigandharvasevite / paribhraṣṭastu rājendra samṛddhe jāyate kule

Sanskrit only: no published translation is held for this verse.

अधःशिरास्तु यो ज्वालाम् ऊर्ध्वपादः पिबेन्नरः । शतवर्षसहस्राणि स्वर्गलोके महीयते

adhaḥśirāstu yo jvālām ūrdhvapādaḥ pibennaraḥ / śatavarṣasahasrāṇi svargaloke mahīyate

Sanskrit only: no published translation is held for this verse.

परिभ्रष्टस्तु राजेन्द्र सो ऽग्निहोत्री भवेन्नरः । भुक्त्वा तु विपुलान्भोगांस् तत्तीर्थं भजते पुनः

paribhraṣṭastu rājendra so 'gnihotrī bhavennaraḥ / bhuktvā tu vipulānbhogāṃs tattīrthaṃ bhajate punaḥ

Sanskrit only: no published translation is held for this verse.

यः स्वदेहं तु कर्तित्वा शकुनिभ्यः प्रयच्छति । विहगैरुपभुक्तस्य शृणु तस्यापि यत्फलम्

yaḥ svadehaṃ tu kartitvā śakunibhyaḥ prayacchati / vihagairupabhuktasya śṛṇu tasyāpi yatphalam

Sanskrit only: no published translation is held for this verse.

शतं वर्षसहस्राणां सोमलोके महीयते । तस्मादपि परिभ्रष्टो राजा भवति धार्मिकः

śataṃ varṣasahasrāṇāṃ somaloke mahīyate / tasmādapi paribhraṣṭo rājā bhavati dhārmikaḥ

Sanskrit only: no published translation is held for this verse.

गुणवान् रूपसम्पन्नो विद्वांश्च प्रियवाचकः । भुक्त्वा तु विपुलान्भोगांस् तत्तीर्थं भजते पुनः

guṇavān rūpasampanno vidvāṃśca priyavācakaḥ / bhuktvā tu vipulānbhogāṃs tattīrthaṃ bhajate punaḥ

Sanskrit only: no published translation is held for this verse.

यामुने चोत्तरे कूले प्रयागस्य तु दक्षिणे । ऋणप्रमोचनं नाम तत्तीर्थं परमं स्मृतम्

yāmune cottare kūle prayāgasya tu dakṣiṇe / ṛṇapramocanaṃ nāma tattīrthaṃ paramaṃ smṛtam

Sanskrit only: no published translation is held for this verse.

एकरात्रोषितः स्नात्वा ऋणैः सर्वैः प्रमुच्यते । स्वर्गलोकमवाप्नोति अनृणश्च सदा भवेत्

ekarātroṣitaḥ snātvā ṛṇaiḥ sarvaiḥ pramucyate / svargalokamavāpnoti anṛṇaśca sadā bhavet

Sanskrit only: no published translation is held for this verse.