Matsya Purāṇa 108

*युधिष्ठिर उवाच एतच्छ्रुत्वा प्रयागस्य यत्त्वया परिकीर्तितम् । विशुद्धं मे ऽद्य हृदयं प्रयागस्य तु कीर्तनात्

*yudhiṣṭhira uvāca etacchrutvā prayāgasya yattvayā parikīrtitam / viśuddhaṃ me 'dya hṛdayaṃ prayāgasya tu kīrtanāt

Sanskrit only: no published translation is held for this verse.

अनाशकफलं ब्रूहि भगवंस्तत्र कीदृशम् । यं च लोकमवाप्नोति विशुद्धः सर्वकिल्बिषैः

anāśakaphalaṃ brūhi bhagavaṃstatra kīdṛśam / yaṃ ca lokamavāpnoti viśuddhaḥ sarvakilbiṣaiḥ

Sanskrit only: no published translation is held for this verse.

*मार्कण्डेय उवाच शृणु राजन्प्रयागे तु अनाशकफलं विभो । प्राप्नोति पुरुषो धीमाञ् श्रद्दधानो जितेन्द्रियः

*mārkaṇḍeya uvāca śṛṇu rājanprayāge tu anāśakaphalaṃ vibho / prāpnoti puruṣo dhīmāñ śraddadhāno jitendriyaḥ

Sanskrit only: no published translation is held for this verse.

अहीनाङ्गो ऽप्यरोगश्च पञ्चेन्द्रियसमन्वितः । अश्वमेधफलं तस्य गच्छतस्तु पदे पदे

ahīnāṅgo 'pyarogaśca pañcendriyasamanvitaḥ / aśvamedhaphalaṃ tasya gacchatastu pade pade

Sanskrit only: no published translation is held for this verse.

कुलानि तारयेद्राजन् दश पूर्वान्दशापरान् । मुच्यते सर्वपापेभ्यो गच्छेत्तु परमं पदम्

kulāni tārayedrājan daśa pūrvāndaśāparān / mucyate sarvapāpebhyo gacchettu paramaṃ padam

Sanskrit only: no published translation is held for this verse.

*युधिष्ठिर उवाच महाभाग्यं हि धर्मस्य यत्त्वं वदसि मे प्रभो । अल्पेनैव प्रयत्नेन बहून्धर्मानवाप्नुते

*yudhiṣṭhira uvāca mahābhāgyaṃ hi dharmasya yattvaṃ vadasi me prabho / alpenaiva prayatnena bahūndharmānavāpnute

Sanskrit only: no published translation is held for this verse.

अश्वमेधैस्तु बहुभिः प्राप्यते सुव्रतैरिह । इमं मे संशयं छिन्द्धि परं कौतूहलं हि मे

aśvamedhaistu bahubhiḥ prāpyate suvratairiha / imaṃ me saṃśayaṃ chinddhi paraṃ kautūhalaṃ hi me

Sanskrit only: no published translation is held for this verse.

*मार्कण्डेय उवाच शृणु राजन्महावीर यदुक्तं ब्रह्मयोनिना । ऋषीणां संनिधौ पूर्वं कथ्यमानं मया श्रुतम्

*mārkaṇḍeya uvāca śṛṇu rājanmahāvīra yaduktaṃ brahmayoninā / ṛṣīṇāṃ saṃnidhau pūrvaṃ kathyamānaṃ mayā śrutam

Sanskrit only: no published translation is held for this verse.

पञ्चयोजनविस्तीर्णं प्रयागस्य तु मण्डलम् । प्रविष्टमात्रे तद्भूमाव् अश्वमेधः पदे पदे

pañcayojanavistīrṇaṃ prayāgasya tu maṇḍalam / praviṣṭamātre tadbhūmāv aśvamedhaḥ pade pade

Sanskrit only: no published translation is held for this verse.

व्यतीतान्पुरुषान्सप्त भविष्यांश्च चतुर्दश । नरस्तारयते सर्वान् यस्तु प्राणान्परित्यजेत्

vyatītānpuruṣānsapta bhaviṣyāṃśca caturdaśa / narastārayate sarvān yastu prāṇānparityajet

Sanskrit only: no published translation is held for this verse.

एवं ज्ञात्वा तु राजेन्द्र सदा सेवापरो भवेत् । अश्रद्दधानाः पुरुषाः पापोपहतचेतसः । न प्राप्नुवन्ति तत्स्थानं प्रयागं देवरक्षितम्

evaṃ jñātvā tu rājendra sadā sevāparo bhavet / aśraddadhānāḥ puruṣāḥ pāpopahatacetasaḥ / na prāpnuvanti tatsthānaṃ prayāgaṃ devarakṣitam

Sanskrit only: no published translation is held for this verse.

*युधिष्ठिर उवाच स्नेहाद्वा द्रव्यलोभाद्वा ये तु कामवशं गताः । कथं तीर्थफलं तेषां कथं पुण्यफलं भवेत्

*yudhiṣṭhira uvāca snehādvā dravyalobhādvā ye tu kāmavaśaṃ gatāḥ / kathaṃ tīrthaphalaṃ teṣāṃ kathaṃ puṇyaphalaṃ bhavet

Sanskrit only: no published translation is held for this verse.

विक्रयः सर्वभाण्डानां कार्याकार्यमजानतः । प्रयागे का गतिस्तस्य तन्मे ब्रूहि पितामह

vikrayaḥ sarvabhāṇḍānāṃ kāryākāryamajānataḥ / prayāge kā gatistasya tanme brūhi pitāmaha

Sanskrit only: no published translation is held for this verse.

*मार्कण्डेय उवाच शृणु राजन्महागुह्यं सर्वपापप्रणाशनम् । मासमेकं तु यः स्नायात् प्रयागे नियतेन्द्रियः । मुच्यते सर्वपापेभ्यः स गच्छेत्परमं पदम्

*mārkaṇḍeya uvāca śṛṇu rājanmahāguhyaṃ sarvapāpapraṇāśanam / māsamekaṃ tu yaḥ snāyāt prayāge niyatendriyaḥ / mucyate sarvapāpebhyaḥ sa gacchetparamaṃ padam

Sanskrit only: no published translation is held for this verse.

विश्रम्भघातकानां तु प्रयागे शृणु यत्फलम् । त्रिकालमेव स्नायीत आहारं भैक्ष्यमाचरेत् । त्रिभिर्मासैः स मुच्येत प्रयागे तु न संशयः

viśrambhaghātakānāṃ tu prayāge śṛṇu yatphalam / trikālameva snāyīta āhāraṃ bhaikṣyamācaret / tribhirmāsaiḥ sa mucyeta prayāge tu na saṃśayaḥ

Sanskrit only: no published translation is held for this verse.

अज्ञानेन तु यस्येह तीर्थयात्रादिकं भवेत् । सर्वकामसमृद्धस्तु स्वर्गलोके महीयते । स्थानं च लभते नित्यं धनधान्यसमाकुलम्

ajñānena tu yasyeha tīrthayātrādikaṃ bhavet / sarvakāmasamṛddhastu svargaloke mahīyate / sthānaṃ ca labhate nityaṃ dhanadhānyasamākulam

Sanskrit only: no published translation is held for this verse.

एवं ज्ञानेन सम्पूर्णः सदा भवति भोगवान् । तारिताः पितरस्तेन नरकात्प्रपितामहाः

evaṃ jñānena sampūrṇaḥ sadā bhavati bhogavān / tāritāḥ pitarastena narakātprapitāmahāḥ

Sanskrit only: no published translation is held for this verse.

धर्मानुसारि तत्त्वज्ञ पृच्छतस्ते पुनः पुनः । त्वत्प्रियार्थं समाख्यातं गुह्यमेतत्सनातनम्

dharmānusāri tattvajña pṛcchataste punaḥ punaḥ / tvatpriyārthaṃ samākhyātaṃ guhyametatsanātanam

Sanskrit only: no published translation is held for this verse.

*युधिष्ठिर उवाच अद्य मे सफलं जन्म अद्य मे तारितं कुलम् । प्रीतो ऽस्म्यनुगृहीतो ऽस्मि दर्शनादेव ते मुने

*yudhiṣṭhira uvāca adya me saphalaṃ janma adya me tāritaṃ kulam / prīto 'smyanugṛhīto 'smi darśanādeva te mune

Sanskrit only: no published translation is held for this verse.

त्वद्दर्शनात्तु धर्मात्मन् मुक्तो ऽहं चाद्य किल्बिषात् । इदानीं वेद्मि चात्मानं भगवन्गतकल्मषम्

tvaddarśanāttu dharmātman mukto 'haṃ cādya kilbiṣāt / idānīṃ vedmi cātmānaṃ bhagavangatakalmaṣam

Sanskrit only: no published translation is held for this verse.

*मार्कण्डेय उवाच दिष्ट्या ते सफलं जन्म दिष्ट्या ते तारितं कुलम् । कीर्तनाद्वर्धते पुण्यं श्रुतात्पापप्रणाशनम्

*mārkaṇḍeya uvāca diṣṭyā te saphalaṃ janma diṣṭyā te tāritaṃ kulam / kīrtanādvardhate puṇyaṃ śrutātpāpapraṇāśanam

Sanskrit only: no published translation is held for this verse.

*युधिष्ठिर उवाच यमुनायां तु किं पुण्यं किं फलं तु महामुने । एतन्मे सर्वमाख्याहि यथादृष्टं यथाश्रुतम्

*yudhiṣṭhira uvāca yamunāyāṃ tu kiṃ puṇyaṃ kiṃ phalaṃ tu mahāmune / etanme sarvamākhyāhi yathādṛṣṭaṃ yathāśrutam

Sanskrit only: no published translation is held for this verse.

*मार्कण्डेय उवाच तपनस्य सुता देवी त्रिषु लोकेषु विश्रुता । समाख्याता महाभागा यमुना तत्र निम्नगा

*mārkaṇḍeya uvāca tapanasya sutā devī triṣu lokeṣu viśrutā / samākhyātā mahābhāgā yamunā tatra nimnagā

Sanskrit only: no published translation is held for this verse.

येनैव निःसृता गङ्गा तेनैव यमुना गता । योजनानां सहस्रेषु कीर्तनात्पापनाशिनी

yenaiva niḥsṛtā gaṅgā tenaiva yamunā gatā / yojanānāṃ sahasreṣu kīrtanātpāpanāśinī

Sanskrit only: no published translation is held for this verse.

तत्र स्नात्वा च पीत्वा च यमुनायां युधिष्ठिर । कीर्तनाल्लभते पुण्यं दृष्ट्वा भद्राणि पश्यति

tatra snātvā ca pītvā ca yamunāyāṃ yudhiṣṭhira / kīrtanāllabhate puṇyaṃ dṛṣṭvā bhadrāṇi paśyati

Sanskrit only: no published translation is held for this verse.

अवगाह्य च पीत्वा च पुनात्यासप्तमं कुलम् । प्राणांस्त्यजति यस्तत्र स याति परमां गतिम्

avagāhya ca pītvā ca punātyāsaptamaṃ kulam / prāṇāṃstyajati yastatra sa yāti paramāṃ gatim

Sanskrit only: no published translation is held for this verse.

अग्नितीर्थमिति ख्यातं यमुनादक्षिणे तटे । पश्चिमे धर्मराजस्य तीर्थं तु नरकं स्मृतम्

agnitīrthamiti khyātaṃ yamunādakṣiṇe taṭe / paścime dharmarājasya tīrthaṃ tu narakaṃ smṛtam

Sanskrit only: no published translation is held for this verse.

तत्र स्नात्वा दिवं यान्ति ये मृतास्ते ऽपुनर्भवाः । एवं तीर्थसहस्राणि यमुनादक्षिणे तटे

tatra snātvā divaṃ yānti ye mṛtāste 'punarbhavāḥ / evaṃ tīrthasahasrāṇi yamunādakṣiṇe taṭe

Sanskrit only: no published translation is held for this verse.

उत्तरेण प्रवक्ष्यामि आदित्यस्य महात्मनः । तीर्थं निरञ्जनं नाम यत्र देवाः सवासवाः

uttareṇa pravakṣyāmi ādityasya mahātmanaḥ / tīrthaṃ nirañjanaṃ nāma yatra devāḥ savāsavāḥ

Sanskrit only: no published translation is held for this verse.

उपासते स्म संध्यां ये त्रिकालं हि युधिष्ठिर । देवाः सेवन्ति तत्तीर्थं ये चान्ये विबुधा जनाः

upāsate sma saṃdhyāṃ ye trikālaṃ hi yudhiṣṭhira / devāḥ sevanti tattīrthaṃ ye cānye vibudhā janāḥ

Sanskrit only: no published translation is held for this verse.

श्रद्दधानपरो भूत्वा कुरु तीर्थाभिषेचनम् । अन्ये च बहवस्तीर्थाः सर्वपापहराः स्मृताः । तेषु स्नात्वा दिवं यान्ति ये मृतास्ते ऽपुनर्भवाः

śraddadhānaparo bhūtvā kuru tīrthābhiṣecanam / anye ca bahavastīrthāḥ sarvapāpaharāḥ smṛtāḥ / teṣu snātvā divaṃ yānti ye mṛtāste 'punarbhavāḥ

Sanskrit only: no published translation is held for this verse.

गङ्गा च यमुना चैव उभे तुल्यफले स्मृते । केवलं ज्येष्ठभावेन गङ्गा सर्वत्र पूज्यते

gaṅgā ca yamunā caiva ubhe tulyaphale smṛte / kevalaṃ jyeṣṭhabhāvena gaṅgā sarvatra pūjyate

Sanskrit only: no published translation is held for this verse.

एवं कुरुष्व कौन्तेय सर्वतीर्थाभिषेचनम् । यावज्जीवकृतं पापं तत्क्षणादेव नश्यति

evaṃ kuruṣva kaunteya sarvatīrthābhiṣecanam / yāvajjīvakṛtaṃ pāpaṃ tatkṣaṇādeva naśyati

Sanskrit only: no published translation is held for this verse.

यस्त्विमं कल्य उत्थाय पठते च शृणोति च । मुच्यते सर्वपापेभ्यः स्वर्गलोकं स गच्छति

yastvimaṃ kalya utthāya paṭhate ca śṛṇoti ca / mucyate sarvapāpebhyaḥ svargalokaṃ sa gacchati

Sanskrit only: no published translation is held for this verse.