Matsya Purāṇa 110

*मार्कण्डेय उवाच शृणु राजन्प्रयागस्य माहात्म्यं पुनरेव तु । नैमिषं पुष्करं चैव गोतीर्थं सिन्धुसागरम्

*mārkaṇḍeya uvāca śṛṇu rājanprayāgasya māhātmyaṃ punareva tu / naimiṣaṃ puṣkaraṃ caiva gotīrthaṃ sindhusāgaram

Sanskrit only: no published translation is held for this verse.

गया च चैत्रकं चैव गङ्गासागरमेव च । एते चान्ये च बहवो ये च पुण्याः शिलोच्चयाः

gayā ca caitrakaṃ caiva gaṅgāsāgarameva ca / ete cānye ca bahavo ye ca puṇyāḥ śiloccayāḥ

Sanskrit only: no published translation is held for this verse.

दश तीर्थसहस्राणि त्रिंशत्कोट्यस्तथा पराः । प्रयागे संस्थिता नित्यम् एवमाहुर्मनीषिणः

daśa tīrthasahasrāṇi triṃśatkoṭyastathā parāḥ / prayāge saṃsthitā nityam evamāhurmanīṣiṇaḥ

Sanskrit only: no published translation is held for this verse.

त्रीणि चाप्यग्निकुण्डानि येषां मध्ये तु जाह्नवी । प्रयागादभिनिष्क्रान्ता सर्वतीर्थनमस्कृता

trīṇi cāpyagnikuṇḍāni yeṣāṃ madhye tu jāhnavī / prayāgādabhiniṣkrāntā sarvatīrthanamaskṛtā

Sanskrit only: no published translation is held for this verse.

तपनस्य सुता देवी त्रिषु लोकेषु विश्रुता । यमुना गङ्गया सार्धं संगता लोकभाविनी

tapanasya sutā devī triṣu lokeṣu viśrutā / yamunā gaṅgayā sārdhaṃ saṃgatā lokabhāvinī

Sanskrit only: no published translation is held for this verse.

गङ्गायमुनयोर्मध्ये पृथिव्या जघनं स्मृतम् । प्रयागं राजशार्दूल कलां नार्हति षोडशीम्

gaṅgāyamunayormadhye pṛthivyā jaghanaṃ smṛtam / prayāgaṃ rājaśārdūla kalāṃ nārhati ṣoḍaśīm

Sanskrit only: no published translation is held for this verse.

तिस्रः कोट्यो ऽर्धकोटिश्च तीर्थानां वायुरब्रवीत् । दिवि भुव्यन्तरिक्षे च तत्सर्वं जाह्नवी स्मृता

tisraḥ koṭyo 'rdhakoṭiśca tīrthānāṃ vāyurabravīt / divi bhuvyantarikṣe ca tatsarvaṃ jāhnavī smṛtā

Sanskrit only: no published translation is held for this verse.

प्रयागं समधिष्ठानं कम्बलाश्वतरावुभौ । भोगवत्यथ या चैषा वेदिरेषा प्रजापतेः

prayāgaṃ samadhiṣṭhānaṃ kambalāśvatarāvubhau / bhogavatyatha yā caiṣā vedireṣā prajāpateḥ

Sanskrit only: no published translation is held for this verse.

तत्र वेदाश्च यज्ञाश्च मूर्तिमन्तो युधिष्ठिर । प्रजापतिम् उपासन्ते ऋषयश्च तपोधनाः

tatra vedāśca yajñāśca mūrtimanto yudhiṣṭhira / prajāpatim upāsante ṛṣayaśca tapodhanāḥ

Sanskrit only: no published translation is held for this verse.

यजन्ते क्रतुभिर् देवास् तथा चक्रधरा नृपाः । ततः पुण्यतमं नास्ति त्रिषु लोकेषु भारत

yajante kratubhir devās tathā cakradharā nṛpāḥ / tataḥ puṇyatamaṃ nāsti triṣu lokeṣu bhārata

Sanskrit only: no published translation is held for this verse.

प्रभावात्सर्वतीर्थेभ्यः प्रभवत्यधिकं विभो । दश तीर्थसहस्राणि तिस्रः कोट्यस्तथा पराः

prabhāvātsarvatīrthebhyaḥ prabhavatyadhikaṃ vibho / daśa tīrthasahasrāṇi tisraḥ koṭyastathā parāḥ

Sanskrit only: no published translation is held for this verse.

यत्र गङ्गा महाभागा स देशस्तत्तपोधनम् । सिद्धक्षेत्रं च विज्ञेयं गङ्गातीरसमन्वितम्

yatra gaṅgā mahābhāgā sa deśastattapodhanam / siddhakṣetraṃ ca vijñeyaṃ gaṅgātīrasamanvitam

Sanskrit only: no published translation is held for this verse.

इदं सत्यं विजानीयात् साधूनामात्मनश्च वै । सुहृदश्च जपेत्कर्णे शिष्यस्यानुगतस्य च

idaṃ satyaṃ vijānīyāt sādhūnāmātmanaśca vai / suhṛdaśca japetkarṇe śiṣyasyānugatasya ca

Sanskrit only: no published translation is held for this verse.

इदं धन्यमिदं स्वर्ग्यम् इदं सत्यमिदं सुखम् । इदं पुण्यमिदं धर्म्यं पावनं धर्ममुत्तमम्

idaṃ dhanyamidaṃ svargyam idaṃ satyamidaṃ sukham / idaṃ puṇyamidaṃ dharmyaṃ pāvanaṃ dharmamuttamam

Sanskrit only: no published translation is held for this verse.

महर्षीणामिदं गुह्यं सर्वपापप्रणाशनम् । अधीत्य च द्विजो ऽप्येतन् निर्मलः स्वर्गमाप्नुयात्

maharṣīṇāmidaṃ guhyaṃ sarvapāpapraṇāśanam / adhītya ca dvijo 'pyetan nirmalaḥ svargamāpnuyāt

Sanskrit only: no published translation is held for this verse.

य इदं शृणुयान्नित्यं तीर्थं पुण्यं सदा शुचिः । जातिस्मरत्वं लभते नाकपृष्ठे च मोदते

ya idaṃ śṛṇuyānnityaṃ tīrthaṃ puṇyaṃ sadā śuciḥ / jātismaratvaṃ labhate nākapṛṣṭhe ca modate

Sanskrit only: no published translation is held for this verse.

प्राप्यन्ते तानि तीर्थानि सद्भिः शिष्टानुदर्शिभिः । स्नाहि तीर्थेषु कौरव्य न च वक्रमतिर्भव

prāpyante tāni tīrthāni sadbhiḥ śiṣṭānudarśibhiḥ / snāhi tīrtheṣu kauravya na ca vakramatirbhava

Sanskrit only: no published translation is held for this verse.

त्वया च सम्यक्पृष्टेन कथितं वै मया विभो । पितरस्तारिताः सर्वे तथैव च पितामहाः

tvayā ca samyakpṛṣṭena kathitaṃ vai mayā vibho / pitarastāritāḥ sarve tathaiva ca pitāmahāḥ

Sanskrit only: no published translation is held for this verse.

व्रतं दानं तपस्तीर्थं यागाः सर्वे सदक्षिणाः । योगाः सांख्यं सदाचारो ये चान्ये ज्ञानहेतवः । प्रयागस्य तु सर्वे ते कलां नार्हन्ति षोडशीम्

vrataṃ dānaṃ tapastīrthaṃ yāgāḥ sarve sadakṣiṇāḥ / yogāḥ sāṃkhyaṃ sadācāro ye cānye jñānahetavaḥ / prayāgasya tu sarve te kalāṃ nārhanti ṣoḍaśīm

Sanskrit only: no published translation is held for this verse.

एवं ज्ञानं च योगश्च तीर्थं चैव युधिष्ठिर । बहुक्लेशेन युज्यन्ते तेन यान्ति परां गतिम् । त्रिकालं जायते ज्ञानं स्वर्गलोकं गमिष्यति

evaṃ jñānaṃ ca yogaśca tīrthaṃ caiva yudhiṣṭhira / bahukleśena yujyante tena yānti parāṃ gatim / trikālaṃ jāyate jñānaṃ svargalokaṃ gamiṣyati

Sanskrit only: no published translation is held for this verse.