Matsya Purāṇa 112

*नन्दिकेश्वर उवाच भ्रातृभिः सहितः सर्वैर् द्रौपद्या सह भार्यया । ब्राह्मणेभ्यो नमस्कृत्य गुरून्देवानतर्पयत्

*nandikeśvara uvāca bhrātṛbhiḥ sahitaḥ sarvair draupadyā saha bhāryayā / brāhmaṇebhyo namaskṛtya gurūndevānatarpayat

Sanskrit only: no published translation is held for this verse.

वासुदेवो ऽपि तत्रैव क्षणेनाभ्यागतस्तदा । पाण्डवैः सहितैः सर्वैः पूज्यमानस्तु माधवः

vāsudevo 'pi tatraiva kṣaṇenābhyāgatastadā / pāṇḍavaiḥ sahitaiḥ sarvaiḥ pūjyamānastu mādhavaḥ

Sanskrit only: no published translation is held for this verse.

कृष्णेन सहितैः सर्वैः पुनरेव महात्मभिः । अभिषिक्तः स्वराज्ये च धर्मपुत्रो युधिष्ठिरः

kṛṣṇena sahitaiḥ sarvaiḥ punareva mahātmabhiḥ / abhiṣiktaḥ svarājye ca dharmaputro yudhiṣṭhiraḥ

Sanskrit only: no published translation is held for this verse.

एतस्मिन्नन्तरे चैव मार्कण्डेयो महामुनिः । ततः स्वस्तीति चोक्त्वा तु क्षणादाश्रममागमत्

etasminnantare caiva mārkaṇḍeyo mahāmuniḥ / tataḥ svastīti coktvā tu kṣaṇādāśramamāgamat

Sanskrit only: no published translation is held for this verse.

युधिष्ठिरो ऽपि धर्मात्मा भ्रातृभिः सहितो ऽवसत् । महादानं ततो दत्त्वा धर्मपुत्रो महामनाः

yudhiṣṭhiro 'pi dharmātmā bhrātṛbhiḥ sahito 'vasat / mahādānaṃ tato dattvā dharmaputro mahāmanāḥ

Sanskrit only: no published translation is held for this verse.

यस्त्विदं कल्य उत्थाय माहात्म्यं पठते नरः । प्रयागं स्मरते नित्यं स याति परमं पदम् । मुच्यते सर्वपापेभ्यो रुद्रलोकं स गच्छति

yastvidaṃ kalya utthāya māhātmyaṃ paṭhate naraḥ / prayāgaṃ smarate nityaṃ sa yāti paramaṃ padam / mucyate sarvapāpebhyo rudralokaṃ sa gacchati

Sanskrit only: no published translation is held for this verse.

*वासुदेव उवाच मम वाक्यं च कर्तव्यं महाराज ब्रवीम्यहम् । नित्यं जपस्व जुह्वस्व प्रयागे विगतज्वरः

*vāsudeva uvāca mama vākyaṃ ca kartavyaṃ mahārāja bravīmyaham / nityaṃ japasva juhvasva prayāge vigatajvaraḥ

Sanskrit only: no published translation is held for this verse.

प्रयागं स्मर वै नित्यं सहास्माभिर्युधिष्ठिर । स्वयं प्राप्स्यसि राजेन्द्र स्वर्गलोकं न संशयः

prayāgaṃ smara vai nityaṃ sahāsmābhiryudhiṣṭhira / svayaṃ prāpsyasi rājendra svargalokaṃ na saṃśayaḥ

Sanskrit only: no published translation is held for this verse.

प्रयागमनुगच्छेद्वा वसते वापि यो नरः । सर्वपापविशुद्धात्मा रुद्रलोकं स गच्छति

prayāgamanugacchedvā vasate vāpi yo naraḥ / sarvapāpaviśuddhātmā rudralokaṃ sa gacchati

Sanskrit only: no published translation is held for this verse.

प्रतिग्रहादुपावृत्तः संतुष्टो नियतः शुचिः । अहंकारनिवृत्तश्च स तीर्थफलमश्नुते

pratigrahādupāvṛttaḥ saṃtuṣṭo niyataḥ śuciḥ / ahaṃkāranivṛttaśca sa tīrthaphalamaśnute

Sanskrit only: no published translation is held for this verse.

अकोपनश्च सत्यश्च सत्यवादी दृढव्रतः । आत्मोपमश्च भूतेषु स तीर्थफलमश्नुते

akopanaśca satyaśca satyavādī dṛḍhavrataḥ / ātmopamaśca bhūteṣu sa tīrthaphalamaśnute

Sanskrit only: no published translation is held for this verse.

ऋषिभिः क्रतवः प्रोक्ता देवैश्चापि यथाक्रमम् । न हि शक्या दरिद्रेण यज्ञाः प्राप्तुं महीपते

ṛṣibhiḥ kratavaḥ proktā devaiścāpi yathākramam / na hi śakyā daridreṇa yajñāḥ prāptuṃ mahīpate

Sanskrit only: no published translation is held for this verse.

बहूपकरणा यज्ञा नानासम्भारविस्तराः । प्राप्यन्ते पार्थिवैरेतैः समृद्धैर्वै नरैः क्वचित्

bahūpakaraṇā yajñā nānāsambhāravistarāḥ / prāpyante pārthivairetaiḥ samṛddhairvai naraiḥ kvacit

Sanskrit only: no published translation is held for this verse.

यो दरिद्रैरपि विधिः शक्यः प्राप्तुं नरेश्वर । तुल्यो यज्ञफलैः पुण्यैस् तन्निबोध युधिष्ठिर

yo daridrairapi vidhiḥ śakyaḥ prāptuṃ nareśvara / tulyo yajñaphalaiḥ puṇyais tannibodha yudhiṣṭhira

Sanskrit only: no published translation is held for this verse.

ऋषीणां परमं गुह्यम् इदं भरतसत्तम । तीर्थानुगमनं पुण्यं यज्ञेभ्यो ऽपि विशिष्यते

ṛṣīṇāṃ paramaṃ guhyam idaṃ bharatasattama / tīrthānugamanaṃ puṇyaṃ yajñebhyo 'pi viśiṣyate

Sanskrit only: no published translation is held for this verse.

दश तीर्थसहस्राणि तिस्रः कोट्यस्तथापगाः । माघमासे गमिष्यन्ति गङ्गायां भरतर्षभ

daśa tīrthasahasrāṇi tisraḥ koṭyastathāpagāḥ / māghamāse gamiṣyanti gaṅgāyāṃ bharatarṣabha

Sanskrit only: no published translation is held for this verse.

स्वस्थो भव महाराज भुङ्क्ष्व राज्यमकण्टकम् । पुनर्द्रक्ष्यसि राजेन्द्र यजमानो विशेषतः

svastho bhava mahārāja bhuṅkṣva rājyamakaṇṭakam / punardrakṣyasi rājendra yajamāno viśeṣataḥ

Sanskrit only: no published translation is held for this verse.

*नन्दिकेश्वर उवाच इत्युक्त्वा स महाभागो मार्कण्डेयो महातपाः । युधिष्ठिरस्य नृपतेस् तत्रैवान्तरधीयत

*nandikeśvara uvāca ityuktvā sa mahābhāgo mārkaṇḍeyo mahātapāḥ / yudhiṣṭhirasya nṛpates tatraivāntaradhīyata

Sanskrit only: no published translation is held for this verse.

ततस्तत्र समाप्लाव्य गात्राणि सगणो नृपः । यथोक्तेनाथ विधिना परां निर्वृतिमागमत्

tatastatra samāplāvya gātrāṇi sagaṇo nṛpaḥ / yathoktenātha vidhinā parāṃ nirvṛtimāgamat

Sanskrit only: no published translation is held for this verse.

तथा त्वमपि देवर्षे प्रयागाभिमुखो भव । अभिषेकं तु कृत्वाद्य कृतकृत्यो भविष्यसि

tathā tvamapi devarṣe prayāgābhimukho bhava / abhiṣekaṃ tu kṛtvādya kṛtakṛtyo bhaviṣyasi

Sanskrit only: no published translation is held for this verse.

*सूत उवाच एवमुक्त्वाथ नन्दीशस् तत्रैवान्तरधीयत । नारदो ऽपि जगामाशु प्रयागाभिमुखस्तथा

*sūta uvāca evamuktvātha nandīśas tatraivāntaradhīyata / nārado 'pi jagāmāśu prayāgābhimukhastathā

Sanskrit only: no published translation is held for this verse.

तत्र स्नात्वा च जप्त्वा च विधिदृष्टेन कर्मणा । दानं दत्त्वा द्विजाग्र्येभ्यो गतः स्वभवनं तदा

tatra snātvā ca japtvā ca vidhidṛṣṭena karmaṇā / dānaṃ dattvā dvijāgryebhyo gataḥ svabhavanaṃ tadā

Sanskrit only: no published translation is held for this verse.