Matsya Purāṇa 116

*सूत उवाच स ददर्श नदीं पुण्यां दिव्यां हैमवतीं शुभाम् । गन्धर्वैश्च समाकीर्णां नित्यं शक्रेण सेविताम्

*sūta uvāca sa dadarśa nadīṃ puṇyāṃ divyāṃ haimavatīṃ śubhām / gandharvaiśca samākīrṇāṃ nityaṃ śakreṇa sevitām

Sanskrit only: no published translation is held for this verse.

सुरेभमदसंसिक्तां समन्तात्तु विराजिताम् । मध्येन शक्रचापाभां तस्मिन्नहनि सर्वदा

surebhamadasaṃsiktāṃ samantāttu virājitām / madhyena śakracāpābhāṃ tasminnahani sarvadā

Sanskrit only: no published translation is held for this verse.

तपस्विशरणोपेतां महाब्राह्मणसेविताम् । ददर्श तपनीयाभां महाराजः पुरूरवाः

tapasviśaraṇopetāṃ mahābrāhmaṇasevitām / dadarśa tapanīyābhāṃ mahārājaḥ purūravāḥ

Sanskrit only: no published translation is held for this verse.

सितहंसावलिच्छन्नां काशचामरराजिताम् । साभिषिक्तामिव सतां पश्यन्प्रीतिं परां ययौ

sitahaṃsāvalicchannāṃ kāśacāmararājitām / sābhiṣiktāmiva satāṃ paśyanprītiṃ parāṃ yayau

Sanskrit only: no published translation is held for this verse.

पुण्यां सुशीतलां हृद्यां मनसः प्रीतिवर्धिनीम् । क्षयवृद्धियुतां रम्यां सोममूर्तिमिवापराम्

puṇyāṃ suśītalāṃ hṛdyāṃ manasaḥ prītivardhinīm / kṣayavṛddhiyutāṃ ramyāṃ somamūrtimivāparām

Sanskrit only: no published translation is held for this verse.

सुशीतशीघ्रपानीयां द्विजसंघनिषेविताम् । सुतां हिमवतः श्रेष्ठां चञ्चद्वीचिविराजिताम्

suśītaśīghrapānīyāṃ dvijasaṃghaniṣevitām / sutāṃ himavataḥ śreṣṭhāṃ cañcadvīcivirājitām

Sanskrit only: no published translation is held for this verse.

अमृतस्वादुसलिलां तापसैरुपशोभिताम् । स्वर्गारोहणनिःश्रेणीं सर्वकल्मषनाशिनीम्

amṛtasvādusalilāṃ tāpasairupaśobhitām / svargārohaṇaniḥśreṇīṃ sarvakalmaṣanāśinīm

Sanskrit only: no published translation is held for this verse.

अग्र्यां समुद्रमहिषीं महर्षिगणसेविताम् । सर्वलोकस्य चौत्सुक्य-कारिणीं सुमनोहराम्

agryāṃ samudramahiṣīṃ maharṣigaṇasevitām / sarvalokasya cautsukya-kāriṇīṃ sumanoharām

Sanskrit only: no published translation is held for this verse.

हितां सर्वस्य लोकस्य नाकमार्गप्रदायिकाम् । गोकुलाकुलतीरान्तां रम्यां शैवालवर्जिताम्

hitāṃ sarvasya lokasya nākamārgapradāyikām / gokulākulatīrāntāṃ ramyāṃ śaivālavarjitām

Sanskrit only: no published translation is held for this verse.

हंससारससंघुष्टां जलजैरुपशोभिताम् । आवर्तनाभिगम्भीरां द्वीपोरुजघनस्थलीम्

haṃsasārasasaṃghuṣṭāṃ jalajairupaśobhitām / āvartanābhigambhīrāṃ dvīporujaghanasthalīm

Sanskrit only: no published translation is held for this verse.

नीलनीरजनेत्राभाम् उत्फुल्लकमलाननाम् । हिमाभफेनवसनां चक्रवाकाधरां शुभाम् । बलाकापङ्क्तिदशनां चलन्मत्स्यावलिभ्रुवम्

nīlanīrajanetrābhām utphullakamalānanām / himābhaphenavasanāṃ cakravākādharāṃ śubhām / balākāpaṅktidaśanāṃ calanmatsyāvalibhruvam

Sanskrit only: no published translation is held for this verse.

स्वजलोद्भूतमातंग-रम्यकुम्भपयोधराम् । हंसनूपुरसंघुष्टां मृणालवलयावलीम्

svajalodbhūtamātaṃga-ramyakumbhapayodharām / haṃsanūpurasaṃghuṣṭāṃ mṛṇālavalayāvalīm

Sanskrit only: no published translation is held for this verse.

तस्यां रूपमदोन्मत्ता गन्धर्वानुगताः सदा । मध्याह्नसमये राजन् क्रीडन्त्यप्सरसां गणाः

tasyāṃ rūpamadonmattā gandharvānugatāḥ sadā / madhyāhnasamaye rājan krīḍantyapsarasāṃ gaṇāḥ

Sanskrit only: no published translation is held for this verse.

ताम् अप्सरोविनिर्मुक्तं वहन्तीं कुङ्कुमं शुभम् । स्वतीरद्रुमसम्भूत-नानावर्णसुगन्धिनीम्

tām apsarovinirmuktaṃ vahantīṃ kuṅkumaṃ śubham / svatīradrumasambhūta-nānāvarṇasugandhinīm

Sanskrit only: no published translation is held for this verse.

तरंगव्रातसंक्रान्त-सूर्यमण्डलदुर्दृशम् । सुरेभजनिताघात-विकूलद्वयभूषिताम्

taraṃgavrātasaṃkrānta-sūryamaṇḍaladurdṛśam / surebhajanitāghāta-vikūladvayabhūṣitām

Sanskrit only: no published translation is held for this verse.

शक्रेभगण्डसलिलैर् देवस्त्रीकुचचन्दनैः । संयुतं सलिलं तस्याः षट्पदैर् उपसेव्यते

śakrebhagaṇḍasalilair devastrīkucacandanaiḥ / saṃyutaṃ salilaṃ tasyāḥ ṣaṭpadair upasevyate

Sanskrit only: no published translation is held for this verse.

तस्यास्तीरभवा वृक्षाः सुगन्धकुसुमाञ्चिताः । तथापकृष्टसंभ्रान्त-भ्रमरस्तनिताकुलाः

tasyāstīrabhavā vṛkṣāḥ sugandhakusumāñcitāḥ / tathāpakṛṣṭasaṃbhrānta-bhramarastanitākulāḥ

Sanskrit only: no published translation is held for this verse.

यस्यास्तीरे रतिं यान्ति सदा कामवशा मृगाः । तपोवनाश्च ऋषयस् तथा देवाः सहाप्सराः

yasyāstīre ratiṃ yānti sadā kāmavaśā mṛgāḥ / tapovanāśca ṛṣayas tathā devāḥ sahāpsarāḥ

Sanskrit only: no published translation is held for this verse.

लभन्ते यत्र पूताङ्गा देवेभ्यः प्रतिमानिताः । स्त्रियश्च नाकबहुलाः पद्मेन्दुप्रतिमाननाः

labhante yatra pūtāṅgā devebhyaḥ pratimānitāḥ / striyaśca nākabahulāḥ padmendupratimānanāḥ

Sanskrit only: no published translation is held for this verse.

या बिभर्ति सदा तोयं देवसंघैरपीडितम् । पुलिन्दैर्नृपसंघैश्च व्याघ्रवृन्दैरपीडितम्

yā bibharti sadā toyaṃ devasaṃghairapīḍitam / pulindairnṛpasaṃghaiśca vyāghravṛndairapīḍitam

Sanskrit only: no published translation is held for this verse.

सतामरसपानीयां सतारगगनामलाम् । स तां पश्यन्ययौ राजा सतामीप्सितकामदाम्

satāmarasapānīyāṃ satāragaganāmalām / sa tāṃ paśyanyayau rājā satāmīpsitakāmadām

Sanskrit only: no published translation is held for this verse.

यस्यास्तीररुहैः काशैः पूर्णैश्चन्द्रांशुसंनिभैः । राजते विविधाकारै रम्यतीरं महाद्रुमैः । या सदा विविधैर्विप्रैर् देवैश्चापि निषेव्यते

yasyāstīraruhaiḥ kāśaiḥ pūrṇaiścandrāṃśusaṃnibhaiḥ / rājate vividhākārai ramyatīraṃ mahādrumaiḥ / yā sadā vividhairviprair devaiścāpi niṣevyate

Sanskrit only: no published translation is held for this verse.

या च सदा सकलौघविनाशं भक्तजनस्य करोत्यचिरेण । यानुगता सरितां हि कदम्बैर् यानुगता सततं हि मुनीन्द्रैः

yā ca sadā sakalaughavināśaṃ bhaktajanasya karotyacireṇa / yānugatā saritāṃ hi kadambair yānugatā satataṃ hi munīndraiḥ

Sanskrit only: no published translation is held for this verse.

या हि सुतानिव पाति मनुष्यान् या च युता सततं हिमसंघैः । या च युता सततं सुरवृन्दैर् या च जनैः स्वहिताय श्रिता वै

yā hi sutāniva pāti manuṣyān yā ca yutā satataṃ himasaṃghaiḥ / yā ca yutā satataṃ suravṛndair yā ca janaiḥ svahitāya śritā vai

Sanskrit only: no published translation is held for this verse.

प्रयुक्ता च केसरिगणैः करिवृन्दजुष्टा संतानयुक्तसलिलापि सुवर्णयुक्ता । सूर्यांशुतापपरिवृद्धिविवृद्धशीता शीतांशुतुल्ययशसा ददृशे नृपेण

prayuktā ca kesarigaṇaiḥ karivṛndajuṣṭā saṃtānayuktasalilāpi suvarṇayuktā / sūryāṃśutāpaparivṛddhivivṛddhaśītā śītāṃśutulyayaśasā dadṛśe nṛpeṇa

Sanskrit only: no published translation is held for this verse.