*सूत उवाच अथान्विषन्तो राजानं भ्रातरस् तस्य मानवाः । इक्ष्वाकुप्रमुखा जग्मुस् तदा शरवणान्तिकम्
*sūta uvāca athānviṣanto rājānaṃ bhrātaras tasya mānavāḥ / ikṣvākupramukhā jagmus tadā śaravaṇāntikam
Sanskrit only: no published translation is held for this verse.
ततस्ते ददृशुः सर्वे वडबाम् अग्रतः स्थिताम् । रत्नपर्याणकिरण-दीप्तकायाम् अनुत्तमाम्
tataste dadṛśuḥ sarve vaḍabām agrataḥ sthitām / ratnaparyāṇakiraṇa-dīptakāyām anuttamām
Sanskrit only: no published translation is held for this verse.
पर्याणप्रत्यभिज्ञानात् सर्वे विस्मयम् आगताः । अयं चन्द्रप्रभो नाम वाजी तस्य महात्मनः
paryāṇapratyabhijñānāt sarve vismayam āgatāḥ / ayaṃ candraprabho nāma vājī tasya mahātmanaḥ
Sanskrit only: no published translation is held for this verse.
अगमद् वडबारूपम् उत्तमं केन हेतुना । ततस् तु मैत्रावरुणिं पप्रच्छुस्ते पुरोधसम्
agamad vaḍabārūpam uttamaṃ kena hetunā / tatas tu maitrāvaruṇiṃ papracchuste purodhasam
Sanskrit only: no published translation is held for this verse.
किमित्येतदभूच्चित्रं वद योगविदां वर । वसिष्ठश्चाब्रवीत् सर्वं दृष्ट्वा तद्ध्यानचक्षुषा
kimityetadabhūccitraṃ vada yogavidāṃ vara / vasiṣṭhaścābravīt sarvaṃ dṛṣṭvā taddhyānacakṣuṣā
Sanskrit only: no published translation is held for this verse.
समयः शम्भुदयिता-कृतः शरवणे पुरा । यः पुमान्प्रविशेद् अत्र स नारीत्वमवाप्स्यति
samayaḥ śambhudayitā-kṛtaḥ śaravaṇe purā / yaḥ pumānpraviśed atra sa nārītvamavāpsyati
Sanskrit only: no published translation is held for this verse.
अयमश्वो ऽपि नारीत्वम् अगाद्राज्ञा सहैव तु । पुनः पुरुषतामेति यथासौ धनदोपमः
ayamaśvo 'pi nārītvam agādrājñā sahaiva tu / punaḥ puruṣatāmeti yathāsau dhanadopamaḥ
Sanskrit only: no published translation is held for this verse.
तथैव यत्नः कर्तव्यश् चाराध्यैव पिनाकिनम् । ततस्ते मानवा जग्मुर् यत्र देवो महेश्वरः
tathaiva yatnaḥ kartavyaś cārādhyaiva pinākinam / tataste mānavā jagmur yatra devo maheśvaraḥ
Sanskrit only: no published translation is held for this verse.
तुष्टुवुर् विविधैः स्तोत्रैः पार्वतीपरमेश्वरौ । ताव् ऊचतुर् अलङ्घ्यो ऽयं समयः किंतु साम्प्रतम्
tuṣṭuvur vividhaiḥ stotraiḥ pārvatīparameśvarau / tāv ūcatur alaṅghyo 'yaṃ samayaḥ kiṃtu sāmpratam
Sanskrit only: no published translation is held for this verse.
इक्ष्वाकोरश्वमेधेन यत्फलं स्यात्तदावयोः । दत्त्वा किम्पुरुषो वीरः स भविष्यत्यसंशयम्
ikṣvākoraśvamedhena yatphalaṃ syāttadāvayoḥ / dattvā kimpuruṣo vīraḥ sa bhaviṣyatyasaṃśayam
Sanskrit only: no published translation is held for this verse.
तथेत्युक्तास्ततस्ते तु जग्मुर् वैवस्वतात्मजाः । इक्ष्वाकोश्चाश्वमेधेन चेलः किम्पुरुषो ऽभवत्
tathetyuktāstataste tu jagmur vaivasvatātmajāḥ / ikṣvākoścāśvamedhena celaḥ kimpuruṣo 'bhavat
Sanskrit only: no published translation is held for this verse.
मासमेकं पुमान्वीरः स्त्री च मासमभूत्पुनः । बुधस्य भवने तिष्ठन् निलो गर्भधरो ऽभवत्
māsamekaṃ pumānvīraḥ strī ca māsamabhūtpunaḥ / budhasya bhavane tiṣṭhan nilo garbhadharo 'bhavat
Sanskrit only: no published translation is held for this verse.
अजीजनत्पुत्रमेकम् अनेकगुणसंयुतम् । बुधश्चोत्पाद्य तं पुत्रं स्वर्लोकम् अगमत्ततः
ajījanatputramekam anekaguṇasaṃyutam / budhaścotpādya taṃ putraṃ svarlokam agamattataḥ
Sanskrit only: no published translation is held for this verse.
इलस्य नाम्ना तद्वर्षम् इलावृतम् अभूत्तदा । सोमार्कवंशयोर् आदाव् इलो ऽभून्मनुनन्दनः
ilasya nāmnā tadvarṣam ilāvṛtam abhūttadā / somārkavaṃśayor ādāv ilo 'bhūnmanunandanaḥ
Sanskrit only: no published translation is held for this verse.
एवं पुरूरवाः पुंसोर् अभवद् वंशवर्धनः । इक्ष्वाकुर् अर्कवंशस्य तथैवोक्तस्तपोधनाः
evaṃ purūravāḥ puṃsor abhavad vaṃśavardhanaḥ / ikṣvākur arkavaṃśasya tathaivoktastapodhanāḥ
Sanskrit only: no published translation is held for this verse.
इलः किम्पुरुषत्वे च सुद्युम्न इति चोच्यते । पुनः पुत्रत्रयमभूत् सुद्युम्नस्यापराजितम्
ilaḥ kimpuruṣatve ca sudyumna iti cocyate / punaḥ putratrayamabhūt sudyumnasyāparājitam
Sanskrit only: no published translation is held for this verse.
उत्कलो वै गहस् तद्वद् धरिताश्वश् च वीर्यवान् । उत्कलस्योत्कला नाम गयस्य तु गया मता
utkalo vai gahas tadvad dharitāśvaś ca vīryavān / utkalasyotkalā nāma gayasya tu gayā matā
Sanskrit only: no published translation is held for this verse.
हरिताश्वस्य दिक्पूर्वा विश्रुता कुरुभिः सह । प्रतिष्ठाने ऽभिषिच्याथ स पुरूरवसं सुतम्
haritāśvasya dikpūrvā viśrutā kurubhiḥ saha / pratiṣṭhāne 'bhiṣicyātha sa purūravasaṃ sutam
Sanskrit only: no published translation is held for this verse.
जगामेलावृतं भोक्तुं वर्षं दिव्यफलाशनम् । इक्ष्वाकुर्ज्येष्ठदायादो मध्यदेशमवाप्तवान्
jagāmelāvṛtaṃ bhoktuṃ varṣaṃ divyaphalāśanam / ikṣvākurjyeṣṭhadāyādo madhyadeśamavāptavān
Sanskrit only: no published translation is held for this verse.
नरिष्यन्तस्य पुत्रो ऽभूच् छुचो नाम महाबलः । नाभागस्याम्बरीषस्तु धृष्टस्य च सुतत्रयम्
nariṣyantasya putro 'bhūc chuco nāma mahābalaḥ / nābhāgasyāmbarīṣastu dhṛṣṭasya ca sutatrayam
Sanskrit only: no published translation is held for this verse.
धृतकेतुश्चित्रनाथो रणधृष्टश्च वीर्यवान् । आनर्तो नाम शर्यातेः सुकन्या चैव दारिका
dhṛtaketuścitranātho raṇadhṛṣṭaśca vīryavān / ānarto nāma śaryāteḥ sukanyā caiva dārikā
Sanskrit only: no published translation is held for this verse.
आनर्तस्याभवत्पुत्रो रोचमानः प्रतापवान् । आनर्तो नाभ देशो ऽभून् नगरी च कुशस्थली
ānartasyābhavatputro rocamānaḥ pratāpavān / ānarto nābha deśo 'bhūn nagarī ca kuśasthalī
Sanskrit only: no published translation is held for this verse.
रोचमानस्य पुत्रो ऽभूद् रेवो रैवत एव च । ककुद्मी चापरं नाम ज्येष्ठः पुत्रशतस्य च
rocamānasya putro 'bhūd revo raivata eva ca / kakudmī cāparaṃ nāma jyeṣṭhaḥ putraśatasya ca
Sanskrit only: no published translation is held for this verse.
रेवती तस्य सा कन्या भार्या रामस्य विश्रुता । करूषस्य तु कारूषा बहवः प्रथिता भुवि
revatī tasya sā kanyā bhāryā rāmasya viśrutā / karūṣasya tu kārūṣā bahavaḥ prathitā bhuvi
Sanskrit only: no published translation is held for this verse.
पृषध्रो गोवधाच्छूद्रो गुरुशापादजायत । इक्ष्वाकुवंशं वक्ष्यामि शृणुध्वमृषिसत्तमाः
pṛṣadhro govadhācchūdro guruśāpādajāyata / ikṣvākuvaṃśaṃ vakṣyāmi śṛṇudhvamṛṣisattamāḥ
Sanskrit only: no published translation is held for this verse.
इक्ष्वाकोः पुत्रताम् आप विकुक्षिर् नाम देवराट् । ज्येष्ठः पुत्रशतस्यासीद् दश पञ्च च तत्सुताः
ikṣvākoḥ putratām āpa vikukṣir nāma devarāṭ / jyeṣṭhaḥ putraśatasyāsīd daśa pañca ca tatsutāḥ
Sanskrit only: no published translation is held for this verse.
मेरोरुत्तरतस्ते तु जाताः पार्थिवसत्तमाः । चतुर्दशोत्तरं चान्यच् छतमस्य तथाभवत्
meroruttarataste tu jātāḥ pārthivasattamāḥ / caturdaśottaraṃ cānyac chatamasya tathābhavat
Sanskrit only: no published translation is held for this verse.
मेरोर्दक्षिणतो ये ये राजानः संप्रकीर्तिताः । ज्येष्ठः ककुत्स्थो नाम्नाभूत् तत्सुतस्तु सुयोधनः
merordakṣiṇato ye ye rājānaḥ saṃprakīrtitāḥ / jyeṣṭhaḥ kakutstho nāmnābhūt tatsutastu suyodhanaḥ
Sanskrit only: no published translation is held for this verse.
तस्य पुत्रः पृथुर्नाम विश्वगश्चपृथोः सुतः । इन्दुस्तस्य च पुत्रो ऽभूद् युवनाश्वस्ततो ऽभवत्
tasya putraḥ pṛthurnāma viśvagaścapṛthoḥ sutaḥ / industasya ca putro 'bhūd yuvanāśvastato 'bhavat
Sanskrit only: no published translation is held for this verse.
श्रावस्तश्च महातेजा वत्सकस्तत्सुतो ऽभवत् । निर्मिता येन श्रावस्ती गौडदेशे द्विजोत्तमाः
śrāvastaśca mahātejā vatsakastatsuto 'bhavat / nirmitā yena śrāvastī gauḍadeśe dvijottamāḥ
Sanskrit only: no published translation is held for this verse.
श्रावस्ताद्बृहदश्वो ऽभूत् कुवलाश्वस् ततो ऽभवत् । धुन्धुमारत्वमगमद् धुन्धुनाम्ना हतः पुरा
śrāvastādbṛhadaśvo 'bhūt kuvalāśvas tato 'bhavat / dhundhumāratvamagamad dhundhunāmnā hataḥ purā
Sanskrit only: no published translation is held for this verse.
तस्य पुत्रास् त्रयो जाता दृढाश्वो दण्ड एव च । कपिलाश्वश्च विख्यातो धौन्धुमारिः प्रतापवान्
tasya putrās trayo jātā dṛḍhāśvo daṇḍa eva ca / kapilāśvaśca vikhyāto dhaundhumāriḥ pratāpavān
Sanskrit only: no published translation is held for this verse.
दृढाश्वस्य प्रमोदश्च हर्यश्वस्तस्य चात्मजः । हर्यश्वस्य निकुम्भो ऽभूत् संहताश्वस् ततो ऽभवत्
dṛḍhāśvasya pramodaśca haryaśvastasya cātmajaḥ / haryaśvasya nikumbho 'bhūt saṃhatāśvas tato 'bhavat
Sanskrit only: no published translation is held for this verse.
अकृताश्वो रणाश्वश्च संहताश्वसुताव् उभौ । युवनाश्वो रणाश्वस्य मान्धाता च ततो ऽभवत्
akṛtāśvo raṇāśvaśca saṃhatāśvasutāv ubhau / yuvanāśvo raṇāśvasya māndhātā ca tato 'bhavat
Sanskrit only: no published translation is held for this verse.
मान्धातुः पुरुकुत्सो ऽभूद् धर्मसेनश्च पार्थिवः । मुचुकुन्दश्च विख्यातः शत्रुजिच्च प्रतापवान्
māndhātuḥ purukutso 'bhūd dharmasenaśca pārthivaḥ / mucukundaśca vikhyātaḥ śatrujicca pratāpavān
Sanskrit only: no published translation is held for this verse.
पुरुकुत्सस्य पुत्रो ऽभूद् वसुदो नर्मदापतिः । सम्भूतिस्तस्य पुत्रो ऽभूत् त्रिधन्वा च ततो ऽभवत्
purukutsasya putro 'bhūd vasudo narmadāpatiḥ / sambhūtistasya putro 'bhūt tridhanvā ca tato 'bhavat
Sanskrit only: no published translation is held for this verse.
त्रिधन्वनः सुतो जातस् त्रय्यारुण इति स्मृतः । तस्मात्सत्यव्रतो नाम तस्मात्सत्यरथः स्मृतः
tridhanvanaḥ suto jātas trayyāruṇa iti smṛtaḥ / tasmātsatyavrato nāma tasmātsatyarathaḥ smṛtaḥ
Sanskrit only: no published translation is held for this verse.
तस्य पुत्रो हरिश्चन्द्रो हरिश्चन्द्राच्च रोहितः । रोहिताच्च वृको जातो वृकाद्बाहुरजायत
tasya putro hariścandro hariścandrācca rohitaḥ / rohitācca vṛko jāto vṛkādbāhurajāyata
Sanskrit only: no published translation is held for this verse.
सगरस्तस्य पुत्रो ऽभूद् राजा परमधार्मिकः । द्वे भार्ये सगरस्यापि प्रभा भानुमती तथा
sagarastasya putro 'bhūd rājā paramadhārmikaḥ / dve bhārye sagarasyāpi prabhā bhānumatī tathā
Sanskrit only: no published translation is held for this verse.
ताभ्यामाराधितः पूर्वम् और्वो ऽग्निः पुत्रकाम्यया । और्वस्तुष्टस्तयोः प्रादाद् यथेष्टं वरमुत्तमम्
tābhyāmārādhitaḥ pūrvam aurvo 'gniḥ putrakāmyayā / aurvastuṣṭastayoḥ prādād yatheṣṭaṃ varamuttamam
Sanskrit only: no published translation is held for this verse.
एका षष्टिसहस्राणि सुतमेकं तथापरा । गृह्णातु वंशकर्तारं प्रभागृह्णाद् बहूंस्तदा
ekā ṣaṣṭisahasrāṇi sutamekaṃ tathāparā / gṛhṇātu vaṃśakartāraṃ prabhāgṛhṇād bahūṃstadā
Sanskrit only: no published translation is held for this verse.
एकं भानुमती पुत्रम् अगृह्णादसमञ्जसम् । ततः षष्टिसहस्राणि सुषुवे यादवी प्रभा
ekaṃ bhānumatī putram agṛhṇādasamañjasam / tataḥ ṣaṣṭisahasrāṇi suṣuve yādavī prabhā
Sanskrit only: no published translation is held for this verse.
खनन्तः पृथिवीं दग्धा विष्णुना ये ऽश्वमार्गणे । असमञ्जसस्तु तनयो यो ऽंशुमान्नाम विश्रुतः
khanantaḥ pṛthivīṃ dagdhā viṣṇunā ye 'śvamārgaṇe / asamañjasastu tanayo yo 'ṃśumānnāma viśrutaḥ
Sanskrit only: no published translation is held for this verse.
तस्य पुत्रो दिलीपस् तु दिलीपात्तु भगीरथः । येन भागीरथी गङ्गा तपः कृत्वावतारिता
tasya putro dilīpas tu dilīpāttu bhagīrathaḥ / yena bhāgīrathī gaṅgā tapaḥ kṛtvāvatāritā
Sanskrit only: no published translation is held for this verse.
भगीरथस्य तनयो नाभाग इति विश्रुतः । नाभागस्याम्बरीषो ऽभूत् सिन्धुद्वीपस् ततो ऽभवत्
bhagīrathasya tanayo nābhāga iti viśrutaḥ / nābhāgasyāmbarīṣo 'bhūt sindhudvīpas tato 'bhavat
Sanskrit only: no published translation is held for this verse.
तस्यायुतायुः पुत्रो ऽभूद् ऋतुपर्णस्ततो ऽभवत् । तस्य कल्माषपादस्तु सर्वकर्मा ततः स्मृतः
tasyāyutāyuḥ putro 'bhūd ṛtuparṇastato 'bhavat / tasya kalmāṣapādastu sarvakarmā tataḥ smṛtaḥ
Sanskrit only: no published translation is held for this verse.
तस्यानरण्यः पुत्रो ऽभून् निघ्नस्तस्य सुतो ऽभवत् । निघ्नपुत्राव् उभौ जाताव् अनमित्ररघू नृपौ
tasyānaraṇyaḥ putro 'bhūn nighnastasya suto 'bhavat / nighnaputrāv ubhau jātāv anamitraraghū nṛpau
Sanskrit only: no published translation is held for this verse.
अनामित्रो वनमगाद् भविता स कृते नृपः । रघोर् अभूद्दिलीपस्तु दिलीपादजकस्तथा
anāmitro vanamagād bhavitā sa kṛte nṛpaḥ / raghor abhūddilīpastu dilīpādajakastathā
Sanskrit only: no published translation is held for this verse.
दीर्घबाहुरजाज्जातश् चाजपालस्ततो नृपः । तस्माद्दशरथो जातस् तस्य पुत्रचतुष्टयम्
dīrghabāhurajājjātaś cājapālastato nṛpaḥ / tasmāddaśaratho jātas tasya putracatuṣṭayam
Sanskrit only: no published translation is held for this verse.
नारायणात्मकाः सर्वे रामस्तेष्वग्रजो ऽभवत् । रावणान्तकरस्तद्वद् रघूणां वंशवर्धनः
nārāyaṇātmakāḥ sarve rāmasteṣvagrajo 'bhavat / rāvaṇāntakarastadvad raghūṇāṃ vaṃśavardhanaḥ
Sanskrit only: no published translation is held for this verse.
वाल्मीकिस्तस्य चरितं चक्रे भार्गवसत्तमः । तस्य पुत्रौ कुशलवाव् इक्ष्वाकुकुलवर्धनौ
vālmīkistasya caritaṃ cakre bhārgavasattamaḥ / tasya putrau kuśalavāv ikṣvākukulavardhanau
Sanskrit only: no published translation is held for this verse.
अतिथिस्तु कुशाज्जज्ञे निषधस्तस्य चात्मजः । नलस्तु नैषधस्तस्मान् नभास्तस्मादजायत
atithistu kuśājjajñe niṣadhastasya cātmajaḥ / nalastu naiṣadhastasmān nabhāstasmādajāyata
Sanskrit only: no published translation is held for this verse.
नभसः पुण्डरीको ऽभूत् क्षेमधन्वा ततः स्मृतः । तस्य पुत्रो ऽभवद्वीरो देवानीकः प्रतापवान्
nabhasaḥ puṇḍarīko 'bhūt kṣemadhanvā tataḥ smṛtaḥ / tasya putro 'bhavadvīro devānīkaḥ pratāpavān
Sanskrit only: no published translation is held for this verse.
अहीनगुस्तस्य सुतः सहस्राश्वस्ततः परः । ततश्चन्द्रावलोकस्तु तारापीडस्ततो ऽभवत्
ahīnagustasya sutaḥ sahasrāśvastataḥ paraḥ / tataścandrāvalokastu tārāpīḍastato 'bhavat
Sanskrit only: no published translation is held for this verse.
तस्यात्मजश् चन्द्रगिरिर् भानुश् चन्द्रस्ततो ऽभवत् । श्रुतायुर् अभवत्तस्माद् भारते यो निपातितः
tasyātmajaś candragirir bhānuś candrastato 'bhavat / śrutāyur abhavattasmād bhārate yo nipātitaḥ
Sanskrit only: no published translation is held for this verse.
नलौ द्वाव् एव विख्यातौ वंशे कश्यपसम्भवे । वीरसेनसुतस्तद्वन् नैषधश्च नराधिपः
nalau dvāv eva vikhyātau vaṃśe kaśyapasambhave / vīrasenasutastadvan naiṣadhaśca narādhipaḥ
Sanskrit only: no published translation is held for this verse.
एते वैवस्वते वंशे राजानो भूरिदक्षिणाः । इक्ष्वाकुवंशप्रभवाः प्राधान्येन प्रकीर्तिताः
ete vaivasvate vaṃśe rājāno bhūridakṣiṇāḥ / ikṣvākuvaṃśaprabhavāḥ prādhānyena prakīrtitāḥ
Sanskrit only: no published translation is held for this verse.