*मनुरुवाच भगवञ्श्रोतुमिच्छामि पितॄणां वंशमुत्तमम् । रवेश्च श्राद्धदेवत्वं सोमस्य च विशेषतः
*manuruvāca bhagavañśrotumicchāmi pitṝṇāṃ vaṃśamuttamam / raveśca śrāddhadevatvaṃ somasya ca viśeṣataḥ
Sanskrit only: no published translation is held for this verse.
*मत्स्य उवाच हन्त ते कथयिष्यामि पितॄणां वंशमुत्तमम् । स्वर्गे पितृगणाः सप्त त्रयस्तेषाममूर्तयः
*matsya uvāca hanta te kathayiṣyāmi pitṝṇāṃ vaṃśamuttamam / svarge pitṛgaṇāḥ sapta trayasteṣāmamūrtayaḥ
Sanskrit only: no published translation is held for this verse.
मूर्तिमन्तो ऽथ चत्वारः सर्वेषाममितौजसः । अमूर्तयः पितृगणा वैराजस्य प्रजापतेः
mūrtimanto 'tha catvāraḥ sarveṣāmamitaujasaḥ / amūrtayaḥ pitṛgaṇā vairājasya prajāpateḥ
Sanskrit only: no published translation is held for this verse.
जयन्ति यान्देवगणा वैराजा इति विश्रुताः । ये चैते योगविभ्रष्टाः प्राप्य लोकान्सनातनान्
jayanti yāndevagaṇā vairājā iti viśrutāḥ / ye caite yogavibhraṣṭāḥ prāpya lokānsanātanān
Sanskrit only: no published translation is held for this verse.
पुनर्ब्रह्मदिनान्ते तु जायन्ते ब्रह्मवादिनः । सम्प्राप्य तां स्मृतिं भूयो योगं सांख्यमनुत्तमम्
punarbrahmadinānte tu jāyante brahmavādinaḥ / samprāpya tāṃ smṛtiṃ bhūyo yogaṃ sāṃkhyamanuttamam
Sanskrit only: no published translation is held for this verse.
सिद्धिं प्रयान्ति योगेन पुनरावृत्तिदुर्लभाम् । योगिनामेव देयानि तस्माच्छ्राद्धानि दातृभिः
siddhiṃ prayānti yogena punarāvṛttidurlabhām / yogināmeva deyāni tasmācchrāddhāni dātṛbhiḥ
Sanskrit only: no published translation is held for this verse.
एतेषां मानसी कन्या पत्नी हिमवतो मता । मैनाकस्तस्य दायादः क्रौञ्चस्तस्याग्रजो ऽभवत् । क्रौञ्चद्वीपः स्मृतो येन चतुर्थो घृतसंवृतः
eteṣāṃ mānasī kanyā patnī himavato matā / mainākastasya dāyādaḥ krauñcastasyāgrajo 'bhavat / krauñcadvīpaḥ smṛto yena caturtho ghṛtasaṃvṛtaḥ
Sanskrit only: no published translation is held for this verse.
मेना च सुषुवे तिस्रः कन्या योगवतीस्ततः । उमैकपर्णापर्णा च तीव्रव्रतपरायणाः
menā ca suṣuve tisraḥ kanyā yogavatīstataḥ / umaikaparṇāparṇā ca tīvravrataparāyaṇāḥ
Sanskrit only: no published translation is held for this verse.
रुद्रस्यैका सितस्यैका जैगीषव्यस्य चापरा । दत्ता हिमवता बालाः सर्वा लोके तपो ऽधिकाः
rudrasyaikā sitasyaikā jaigīṣavyasya cāparā / dattā himavatā bālāḥ sarvā loke tapo 'dhikāḥ
Sanskrit only: no published translation is held for this verse.
*ऋषय ऊचुः कस्माद्दाक्षायणी पूर्वं ददाहात्मानमात्मना । हिमवद्दुहिता तद्वत् कथं जाता महीतले
*ṛṣaya ūcuḥ kasmāddākṣāyaṇī pūrvaṃ dadāhātmānamātmanā / himavadduhitā tadvat kathaṃ jātā mahītale
Sanskrit only: no published translation is held for this verse.
संहरन्ती किमुक्तासौ सुता वा ब्रह्मसूनुना । दक्षेण लोकजननी सूत विस्तरतो वद
saṃharantī kimuktāsau sutā vā brahmasūnunā / dakṣeṇa lokajananī sūta vistarato vada
Sanskrit only: no published translation is held for this verse.
*सूत उवाच दक्षस्य यज्ञे वितते प्रभूतवरदक्षिणे । समाहूतेषु देवेषु प्रोवाच पितरं सती
*sūta uvāca dakṣasya yajñe vitate prabhūtavaradakṣiṇe / samāhūteṣu deveṣu provāca pitaraṃ satī
Sanskrit only: no published translation is held for this verse.
किमर्थं तात भर्ता मे यज्ञे ऽस्मिन्नाभिमन्त्रितः । अयोग्य इति तामाह दक्षो यज्ञेषु शूलभृत्
kimarthaṃ tāta bhartā me yajñe 'sminnābhimantritaḥ / ayogya iti tāmāha dakṣo yajñeṣu śūlabhṛt
Sanskrit only: no published translation is held for this verse.
उपसंहारकृद्रुद्रस् तेनामङ्गलभागयम् । चुकोपाथ सती देहं त्यक्ष्यामीति त्वदुद्भवम्
upasaṃhārakṛdrudras tenāmaṅgalabhāgayam / cukopātha satī dehaṃ tyakṣyāmīti tvadudbhavam
Sanskrit only: no published translation is held for this verse.
दशानां त्वं च भविता पितॄणामेकपुत्रकः । क्षत्रियत्वे ऽश्वमेधे च रुद्रात्त्वं नाशमेष्यसि
daśānāṃ tvaṃ ca bhavitā pitṝṇāmekaputrakaḥ / kṣatriyatve 'śvamedhe ca rudrāttvaṃ nāśameṣyasi
Sanskrit only: no published translation is held for this verse.
इत्युक्त्वा योगमास्थाय स्वदेहोद्भवतेजसा । निर्दहन्ती तदात्मानं सदेवासुरकिंनरैः
ityuktvā yogamāsthāya svadehodbhavatejasā / nirdahantī tadātmānaṃ sadevāsurakiṃnaraiḥ
Sanskrit only: no published translation is held for this verse.
किं किमेतदिति प्रोक्ता गन्धर्वगणगुह्यकैः । उपगम्याब्रवीद्दक्षः प्रणिपत्याथ दुःखितः
kiṃ kimetaditi proktā gandharvagaṇaguhyakaiḥ / upagamyābravīddakṣaḥ praṇipatyātha duḥkhitaḥ
Sanskrit only: no published translation is held for this verse.
त्वमस्य जगतो माता जगत्सौभाग्यदेवता । दुहितृत्वं गता देवि ममानुग्रहकाम्यया
tvamasya jagato mātā jagatsaubhāgyadevatā / duhitṛtvaṃ gatā devi mamānugrahakāmyayā
Sanskrit only: no published translation is held for this verse.
न त्वया रहितं किंचिद् ब्रह्माण्डे सचराचरम् । प्रसादं कुरु धर्मज्ञे न मां त्यक्तुमिहार्हसि
na tvayā rahitaṃ kiṃcid brahmāṇḍe sacarācaram / prasādaṃ kuru dharmajñe na māṃ tyaktumihārhasi
Sanskrit only: no published translation is held for this verse.
प्राह देवी यदारब्धं तत्कार्यं मे न संशयः । किंत्ववश्यं त्वया मर्त्ये हतयज्ञेन शूलिना
prāha devī yadārabdhaṃ tatkāryaṃ me na saṃśayaḥ / kiṃtvavaśyaṃ tvayā martye hatayajñena śūlinā
Sanskrit only: no published translation is held for this verse.
प्रसादे लोकसृष्ट्यर्थं तपः कार्यं ममान्तिके । प्रजापतिस्त्वं भविता दशानामङ्गजो ऽप्यलम्
prasāde lokasṛṣṭyarthaṃ tapaḥ kāryaṃ mamāntike / prajāpatistvaṃ bhavitā daśānāmaṅgajo 'pyalam
Sanskrit only: no published translation is held for this verse.
मदंशेनाङ्गना षष्टिर् भविष्यन्त्यङ्गजास्तव । मत्संनिधौ तपः कुर्वन् प्राप्स्यसे योगमुत्तमम्
madaṃśenāṅganā ṣaṣṭir bhaviṣyantyaṅgajāstava / matsaṃnidhau tapaḥ kurvan prāpsyase yogamuttamam
Sanskrit only: no published translation is held for this verse.
एवमुक्तो ऽब्रवीद्दक्षः केषु केषु मयानघे । तीर्थेषु च त्वं द्रष्टव्या स्तोतव्या कैश्च नामभिः
evamukto 'bravīddakṣaḥ keṣu keṣu mayānaghe / tīrtheṣu ca tvaṃ draṣṭavyā stotavyā kaiśca nāmabhiḥ
Sanskrit only: no published translation is held for this verse.
*देव्युवाच सर्वदा सर्वभूतेषु द्रष्टव्या सर्वतो भुवि । सर्वलोकेषु यत्किंचिद् रहितं न मया विना
*devyuvāca sarvadā sarvabhūteṣu draṣṭavyā sarvato bhuvi / sarvalokeṣu yatkiṃcid rahitaṃ na mayā vinā
Sanskrit only: no published translation is held for this verse.
तथापि येषु स्थानेषु द्रष्टव्या सिद्धिमीप्सुभिः । स्मर्तव्या भूतिकामैर् वा तानि वक्ष्यामि तत्त्वतः
tathāpi yeṣu sthāneṣu draṣṭavyā siddhimīpsubhiḥ / smartavyā bhūtikāmair vā tāni vakṣyāmi tattvataḥ
Sanskrit only: no published translation is held for this verse.
वाराणस्यां विशालाक्षी नैमिषे लिङ्गधारिणी । प्रयागे ललिता देवी कामाक्षी गन्धमादने । मानसे कुमुदा नाम विश्वकाया तथाम्बरे
vārāṇasyāṃ viśālākṣī naimiṣe liṅgadhāriṇī / prayāge lalitā devī kāmākṣī gandhamādane / mānase kumudā nāma viśvakāyā tathāmbare
Sanskrit only: no published translation is held for this verse.
गोमन्ते गोमती नाम मन्दरे कामचारिणी । मदोत्कटा चैत्ररथे जयन्ती हस्तिनापुरे
gomante gomatī nāma mandare kāmacāriṇī / madotkaṭā caitrarathe jayantī hastināpure
Sanskrit only: no published translation is held for this verse.
कान्यकुब्जे तथा गौरी रम्भा मलयपर्वते । एकाम्भके कीर्तिमती विश्वां विश्वेश्वरे विदुः
kānyakubje tathā gaurī rambhā malayaparvate / ekāmbhake kīrtimatī viśvāṃ viśveśvare viduḥ
Sanskrit only: no published translation is held for this verse.
पुष्करे पुरुहूतेति केदारे मार्गदायिनी । नन्दा हिमवतः पृष्ठे गोकर्णे भद्रकर्णिका
puṣkare puruhūteti kedāre mārgadāyinī / nandā himavataḥ pṛṣṭhe gokarṇe bhadrakarṇikā
Sanskrit only: no published translation is held for this verse.
स्थानेश्वरे भवानी तु बिल्वले बिल्वपत्त्रिका । श्रीशैले माधवी नाम भद्रा भद्रेश्वरे तथा
sthāneśvare bhavānī tu bilvale bilvapattrikā / śrīśaile mādhavī nāma bhadrā bhadreśvare tathā
Sanskrit only: no published translation is held for this verse.
जया वराहशैले तु कामला कमलालये । रुद्रकोट्यां च रुद्राणी काली कालञ्जरे गिरौ
jayā varāhaśaile tu kāmalā kamalālaye / rudrakoṭyāṃ ca rudrāṇī kālī kālañjare girau
Sanskrit only: no published translation is held for this verse.
महालिङ्गे तु कपिला मर्कोटे मुकुटेश्वरी । शालग्रामे महादेवी शिवलिङ्गे जलप्रिया
mahāliṅge tu kapilā markoṭe mukuṭeśvarī / śālagrāme mahādevī śivaliṅge jalapriyā
Sanskrit only: no published translation is held for this verse.
मायापुर्यां कुमारी तु संताने ललिता तथा । उत्पलाक्षी सहस्राक्षे कमलाक्षे महोत्पला
māyāpuryāṃ kumārī tu saṃtāne lalitā tathā / utpalākṣī sahasrākṣe kamalākṣe mahotpalā
Sanskrit only: no published translation is held for this verse.
गङ्गायां मङ्गला नाम विमिला पुरुषोत्तमे । विपाशायाम् अमोघाक्षी पाटला पुण्ड्रवर्धने
gaṅgāyāṃ maṅgalā nāma vimilā puruṣottame / vipāśāyām amoghākṣī pāṭalā puṇḍravardhane
Sanskrit only: no published translation is held for this verse.
नारायणी सुपार्श्वे तु विकूटे भद्रसुन्दरी । विपुले विपुला नाम कल्याणी मलयाचले
nārāyaṇī supārśve tu vikūṭe bhadrasundarī / vipule vipulā nāma kalyāṇī malayācale
Sanskrit only: no published translation is held for this verse.
कोटवी कोटितीर्थे तु सुगन्धा माधवे वने । गोदाश्रमे त्रिसंध्या तु गङ्गाद्वारे रतिप्रिया
koṭavī koṭitīrthe tu sugandhā mādhave vane / godāśrame trisaṃdhyā tu gaṅgādvāre ratipriyā
Sanskrit only: no published translation is held for this verse.
शिवकुण्डे शिवानन्दा नन्दिनी देविकातटे । रुक्मिणी द्वारवत्यां तु राधा वृन्दावने वने
śivakuṇḍe śivānandā nandinī devikātaṭe / rukmiṇī dvāravatyāṃ tu rādhā vṛndāvane vane
Sanskrit only: no published translation is held for this verse.
देवकी मथुरायां तु पाताले परमेश्वरी । चित्रकूटे तथा सीता विन्ध्ये विन्ध्याधिवासिनी
devakī mathurāyāṃ tu pātāle parameśvarī / citrakūṭe tathā sītā vindhye vindhyādhivāsinī
Sanskrit only: no published translation is held for this verse.
सह्याद्राव् एकवीरा तु हरिश्चन्द्रे तु चन्द्रिका । रमणा रामतीर्थे तु यमुनायां मृगावती
sahyādrāv ekavīrā tu hariścandre tu candrikā / ramaṇā rāmatīrthe tu yamunāyāṃ mṛgāvatī
Sanskrit only: no published translation is held for this verse.
करवीरे महालक्ष्मीर् उमा देवी विनायके । अरोगा वैद्यनाथे तु महाकाले महेश्वरी
karavīre mahālakṣmīr umā devī vināyake / arogā vaidyanāthe tu mahākāle maheśvarī
Sanskrit only: no published translation is held for this verse.
अभयेत्युष्णतीर्थेषु चामृता विन्ध्यकन्दरे । माण्डव्ये माण्डवी नाम स्वाहा माहेश्वरे पुरे
abhayetyuṣṇatīrtheṣu cāmṛtā vindhyakandare / māṇḍavye māṇḍavī nāma svāhā māheśvare pure
Sanskrit only: no published translation is held for this verse.
छागलाण्डे प्रचण्डा तु चण्डिका मकरन्दके । सोमेश्वरे वरारोहा प्रभासे पुष्करावती
chāgalāṇḍe pracaṇḍā tu caṇḍikā makarandake / someśvare varārohā prabhāse puṣkarāvatī
Sanskrit only: no published translation is held for this verse.
देवमाता सरस्वत्यां पारावारतटे मता । महालये महाभागा पयोष्ण्यां पिङ्गलेश्वरी
devamātā sarasvatyāṃ pārāvārataṭe matā / mahālaye mahābhāgā payoṣṇyāṃ piṅgaleśvarī
Sanskrit only: no published translation is held for this verse.
सिंहिका कृतशौचे तु कार्त्तिकेये यशस्करी । उत्पलावर्तके लोला सुभद्रा शोणसंगमे
siṃhikā kṛtaśauce tu kārttikeye yaśaskarī / utpalāvartake lolā subhadrā śoṇasaṃgame
Sanskrit only: no published translation is held for this verse.
माता सिद्धपुरे लक्ष्मीर् अङ्गना भरताश्रमे । जालंधरे विश्वमुखी तारा किष्किन्धपर्वते
mātā siddhapure lakṣmīr aṅganā bharatāśrame / jālaṃdhare viśvamukhī tārā kiṣkindhaparvate
Sanskrit only: no published translation is held for this verse.
देवदारुवने पुष्टिर् मेधा काश्मीरमण्डले । भीमा देवी हिमाद्रौ तु पुष्टिर्विश्वेश्वरे तथा
devadāruvane puṣṭir medhā kāśmīramaṇḍale / bhīmā devī himādrau tu puṣṭirviśveśvare tathā
Sanskrit only: no published translation is held for this verse.
कपालमोचने शुद्धिर् माता कायावरोहणे । शङ्खोद्धारे ध्वनिर्नाम धृतिः पिण्डारके तथा
kapālamocane śuddhir mātā kāyāvarohaṇe / śaṅkhoddhāre dhvanirnāma dhṛtiḥ piṇḍārake tathā
Sanskrit only: no published translation is held for this verse.
काला तु चन्द्रभागायाम् अच्छोदे शिवकारिणी । वेणायाममृता नाम बदर्यामुर्वशी तथा
kālā tu candrabhāgāyām acchode śivakāriṇī / veṇāyāmamṛtā nāma badaryāmurvaśī tathā
Sanskrit only: no published translation is held for this verse.
ओषधी चोत्तरकुरौ कुशद्वीपे कुशोदका । मन्मथा हेमकूटे तु मुकुटे सत्यवादिनी
oṣadhī cottarakurau kuśadvīpe kuśodakā / manmathā hemakūṭe tu mukuṭe satyavādinī
Sanskrit only: no published translation is held for this verse.
अश्वत्थे वन्दनीया तु निधिर्वैश्रवणालये । गायत्री वेदवदने पार्वती शिवसंनिधौ
aśvatthe vandanīyā tu nidhirvaiśravaṇālaye / gāyatrī vedavadane pārvatī śivasaṃnidhau
Sanskrit only: no published translation is held for this verse.
देवलोके तथेन्द्राणी ब्रह्मास्येषु सरस्वती । सूर्यबिम्बे प्रभा नाम मातॄणां वैष्णवी मता
devaloke tathendrāṇī brahmāsyeṣu sarasvatī / sūryabimbe prabhā nāma mātṝṇāṃ vaiṣṇavī matā
Sanskrit only: no published translation is held for this verse.
अरुन्धती सतीनां तु रामासु च तिलोत्तमा । चित्ते ब्रह्मकला नाम शक्तिः सर्वशरीरिणाम्
arundhatī satīnāṃ tu rāmāsu ca tilottamā / citte brahmakalā nāma śaktiḥ sarvaśarīriṇām
Sanskrit only: no published translation is held for this verse.
एतदुद्देशतः प्रोक्तं नामाष्टशतमुत्तमम् । अष्टोत्तरं च तीर्थानां शतमेतदुदाहृतम्
etaduddeśataḥ proktaṃ nāmāṣṭaśatamuttamam / aṣṭottaraṃ ca tīrthānāṃ śatametadudāhṛtam
Sanskrit only: no published translation is held for this verse.
यः स्मरेच्छृणुयाद् वापि सर्वपापैः प्रमुच्यते । एषु तीर्थेषु यः कृत्वा स्नानं पश्यति मां नरः
yaḥ smarecchṛṇuyād vāpi sarvapāpaiḥ pramucyate / eṣu tīrtheṣu yaḥ kṛtvā snānaṃ paśyati māṃ naraḥ
Sanskrit only: no published translation is held for this verse.
सर्वपापविनिर्मुक्तः कल्पं शिवपुरे वसेत् । यस्तु मत्परमं कालं करोत्येतेषु मानवः
sarvapāpavinirmuktaḥ kalpaṃ śivapure vaset / yastu matparamaṃ kālaṃ karotyeteṣu mānavaḥ
Sanskrit only: no published translation is held for this verse.
स भित्त्वा ब्रह्मसदनं पदमभ्येति शांकरम् । नाम्नामष्टशतं यस्तु श्रावयेच्छिवसंनिधौ
sa bhittvā brahmasadanaṃ padamabhyeti śāṃkaram / nāmnāmaṣṭaśataṃ yastu śrāvayecchivasaṃnidhau
Sanskrit only: no published translation is held for this verse.
तृतीयायामथाष्टम्यां बहुपुत्रो भवेन्नरः । गोदाने श्राद्धदाने वा अहन्य् अहनि वा बुधः
tṛtīyāyāmathāṣṭamyāṃ bahuputro bhavennaraḥ / godāne śrāddhadāne vā ahany ahani vā budhaḥ
Sanskrit only: no published translation is held for this verse.
देवार्चनविधौ विद्वान् पठन् ब्रह्माधिगच्छति । एवं वदन्ती सा तत्र ददाहात्मानम् आत्मना
devārcanavidhau vidvān paṭhan brahmādhigacchati / evaṃ vadantī sā tatra dadāhātmānam ātmanā
Sanskrit only: no published translation is held for this verse.
स्वायम्भुवो ऽपि कालेन दक्षः प्राचेतसो ऽभवत् । पार्वती साभवद्देवी शिवदेहार्धधारिणी
svāyambhuvo 'pi kālena dakṣaḥ prācetaso 'bhavat / pārvatī sābhavaddevī śivadehārdhadhāriṇī
Sanskrit only: no published translation is held for this verse.
मेनागर्भसमुत्पन्ना भुक्तमुक्तिफलप्रदा । अरुन्धती जपन्त्येतत् प्राप योगमनुत्तमम्
menāgarbhasamutpannā bhuktamuktiphalapradā / arundhatī japantyetat prāpa yogamanuttamam
Sanskrit only: no published translation is held for this verse.
पुरूरवाश्च राजर्षि-लोके व्यजेयताम् अगात् । ययातिः पुत्रलाभं च धनलाभं च भार्गवः
purūravāśca rājarṣi-loke vyajeyatām agāt / yayātiḥ putralābhaṃ ca dhanalābhaṃ ca bhārgavaḥ
Sanskrit only: no published translation is held for this verse.
तथान्ये देवदैत्याश्च ब्राह्मणाः क्षत्रियास्तथा । वैश्याः शूद्राश्च बहवः सिद्धिमीयुर्यथेप्सिताम्
tathānye devadaityāśca brāhmaṇāḥ kṣatriyāstathā / vaiśyāḥ śūdrāśca bahavaḥ siddhimīyuryathepsitām
Sanskrit only: no published translation is held for this verse.
यत्रैतल्लिखितं तिष्ठेत् पूज्यते देवसंनिधौ । न तत्र शोको दौर्गत्यं कदाचिदपि जायते
yatraitallikhitaṃ tiṣṭhet pūjyate devasaṃnidhau / na tatra śoko daurgatyaṃ kadācidapi jāyate
Sanskrit only: no published translation is held for this verse.