Matsya Purāṇa 130

*सूत उवाच इति चिन्तायुतो दैत्यो दिव्योपायप्रभावजम् । चकार त्रिपुरं दुर्गं मनःसंचारचारितम्

*sūta uvāca iti cintāyuto daityo divyopāyaprabhāvajam / cakāra tripuraṃ durgaṃ manaḥsaṃcāracāritam

Sanskrit only: no published translation is held for this verse.

प्राकारो ऽनेन मार्गेण इह वामुत्र गोपुरम् । इह चाट्टालकद्वारम् इह चाट्टालगोपुरम्

prākāro 'nena mārgeṇa iha vāmutra gopuram / iha cāṭṭālakadvāram iha cāṭṭālagopuram

Sanskrit only: no published translation is held for this verse.

राजमार्ग इतश्चापि विपुलो भवतामिति । रथ्योपरथ्याः सत्त्रिका इह चत्वर एव च

rājamārga itaścāpi vipulo bhavatāmiti / rathyoparathyāḥ sattrikā iha catvara eva ca

Sanskrit only: no published translation is held for this verse.

इदमन्तःपुरस्थानं रुद्रायतनमत्र च । सवटानि तडागानि ह्य् अत्र वाप्यः सरांसि च

idamantaḥpurasthānaṃ rudrāyatanamatra ca / savaṭāni taḍāgāni hy atra vāpyaḥ sarāṃsi ca

Sanskrit only: no published translation is held for this verse.

आरामाश्च सभाश्चात्र उद्यानान्यत्र वा तथा । उपनिर्गमो दानवानां भवत्यत्र मनोहरः

ārāmāśca sabhāścātra udyānānyatra vā tathā / upanirgamo dānavānāṃ bhavatyatra manoharaḥ

Sanskrit only: no published translation is held for this verse.

इत्येवं मानसं तत्रा-कल्पयत्पुरकल्पवित् । मयेन तत्पुरं सृष्टं त्रिपुरं त्विति नः श्रुतम्

ityevaṃ mānasaṃ tatrā-kalpayatpurakalpavit / mayena tatpuraṃ sṛṣṭaṃ tripuraṃ tviti naḥ śrutam

Sanskrit only: no published translation is held for this verse.

कार्ष्णायसमयं यत्तु मयेन विहितं पुरम् । तारकाख्यो ऽधिपस्तत्र कृतस्थानाधिपो ऽवसत्

kārṣṇāyasamayaṃ yattu mayena vihitaṃ puram / tārakākhyo 'dhipastatra kṛtasthānādhipo 'vasat

Sanskrit only: no published translation is held for this verse.

यत्तु पूर्णेन्दुसंकाशं राजतं निर्मितं पुरम् । विद्युन्माली प्रभुस्तत्र विद्युन्माली त्विवाम्बुदः

yattu pūrṇendusaṃkāśaṃ rājataṃ nirmitaṃ puram / vidyunmālī prabhustatra vidyunmālī tvivāmbudaḥ

Sanskrit only: no published translation is held for this verse.

सुवर्णाधिकृतं यच्च मयेन विहितं पुरम् । स्वयमेव मयस्तत्र गतस्तदधिपः प्रभुः

suvarṇādhikṛtaṃ yacca mayena vihitaṃ puram / svayameva mayastatra gatastadadhipaḥ prabhuḥ

Sanskrit only: no published translation is held for this verse.

तारकस्य पुरं तत्र शतयोजनमन्तरम् । विद्युन्मालिपुरं चापि शतयोजनके ऽन्तरे

tārakasya puraṃ tatra śatayojanamantaram / vidyunmālipuraṃ cāpi śatayojanake 'ntare

Sanskrit only: no published translation is held for this verse.

मेरुपर्वतसंकाशं मयस्यापि पुरं महत् । पुष्यसंयोगमात्रेण कालेन स मयः पुरा

meruparvatasaṃkāśaṃ mayasyāpi puraṃ mahat / puṣyasaṃyogamātreṇa kālena sa mayaḥ purā

Sanskrit only: no published translation is held for this verse.

कृतवांस्त्रिपुरं दैत्यस् त्रिनेत्रः पुष्पकं यथा । येन येन मयो याति प्रकुर्वाणः पुरं पुरात्

kṛtavāṃstripuraṃ daityas trinetraḥ puṣpakaṃ yathā / yena yena mayo yāti prakurvāṇaḥ puraṃ purāt

Sanskrit only: no published translation is held for this verse.

प्रशस्तास्तत्र तत्रैव वारुण्यामालयाः स्वयम् । रुक्मरूप्यायसानां च शतशो ऽथ सहस्रशः

praśastāstatra tatraiva vāruṇyāmālayāḥ svayam / rukmarūpyāyasānāṃ ca śataśo 'tha sahasraśaḥ

Sanskrit only: no published translation is held for this verse.

रत्नाचितानि शोभन्ते पुराण्यमरविद्विषाम् । प्रासादशतजुष्टानि कूटागारोत्कटानि च

ratnācitāni śobhante purāṇyamaravidviṣām / prāsādaśatajuṣṭāni kūṭāgārotkaṭāni ca

Sanskrit only: no published translation is held for this verse.

सर्वेषां कामगानि स्युः सर्वलोकातिगानि च । सोद्यानवापीकूपानि सपद्मसरवन्ति च

sarveṣāṃ kāmagāni syuḥ sarvalokātigāni ca / sodyānavāpīkūpāni sapadmasaravanti ca

Sanskrit only: no published translation is held for this verse.

अशोकवनभूतानि कोकिलारुतवन्ति च । चित्रशालाविशालानि चतुःशालोत्तमानि च

aśokavanabhūtāni kokilārutavanti ca / citraśālāviśālāni catuḥśālottamāni ca

Sanskrit only: no published translation is held for this verse.

सप्ताष्टदशभौमानि सत्कृतानि मयेन च । बहुध्वजपताकानि स्रग्दामालंकृतानि च

saptāṣṭadaśabhaumāni satkṛtāni mayena ca / bahudhvajapatākāni sragdāmālaṃkṛtāni ca

Sanskrit only: no published translation is held for this verse.

किङ्किणीजालशब्दानि गन्धवन्ति महान्ति च । सुसंयुक्तोपलिप्तानि पुष्पनैवेद्यवन्ति च

kiṅkiṇījālaśabdāni gandhavanti mahānti ca / susaṃyuktopaliptāni puṣpanaivedyavanti ca

Sanskrit only: no published translation is held for this verse.

यज्ञधूमान्धकाराणि संपूर्णकलशानि च । गगनावरणाभानि हंसपङ्क्तिनिभानि च

yajñadhūmāndhakārāṇi saṃpūrṇakalaśāni ca / gaganāvaraṇābhāni haṃsapaṅktinibhāni ca

Sanskrit only: no published translation is held for this verse.

पङ्क्तीकृतानि राजन्ते गृहाणि त्रिपुरे पुरे । मुक्ताकलापैर्लम्बद्भिर् हसन्तीव शशिश्रियम्

paṅktīkṛtāni rājante gṛhāṇi tripure pure / muktākalāpairlambadbhir hasantīva śaśiśriyam

Sanskrit only: no published translation is held for this verse.

मल्लिकाजातिपुष्पाद्यैर् गन्धधूपाधिवासितैः । पञ्चेन्द्रियसुखैर्नित्यं समैः सत्पुरुषैरिव

mallikājātipuṣpādyair gandhadhūpādhivāsitaiḥ / pañcendriyasukhairnityaṃ samaiḥ satpuruṣairiva

Sanskrit only: no published translation is held for this verse.

हेमराजतलोहाद्य-मणिरत्नाञ्जनाङ्किताः । प्राकारास्त्रिपुरे तस्मिन् गिरिप्राकारसंनिभाः

hemarājatalohādya-maṇiratnāñjanāṅkitāḥ / prākārāstripure tasmin giriprākārasaṃnibhāḥ

Sanskrit only: no published translation is held for this verse.

एकैकस्मिन्पुरे तस्मिन् गोपुराणां शतं शतम् । सपताकाध्वजवतां दृश्यन्ते गिरिशृङ्गवत्

ekaikasminpure tasmin gopurāṇāṃ śataṃ śatam / sapatākādhvajavatāṃ dṛśyante giriśṛṅgavat

Sanskrit only: no published translation is held for this verse.

नूपुरारावरम्याणि त्रिपुरे तत्पुराण्यपि । स्वर्गातिरिक्तश्रीकाणि तत्र कन्यापुराणि च

nūpurārāvaramyāṇi tripure tatpurāṇyapi / svargātiriktaśrīkāṇi tatra kanyāpurāṇi ca

Sanskrit only: no published translation is held for this verse.

आरामैश्च विहारैश्च तडागवटचत्वरैः । सरोभिश्च सरिद्भिश्च वनैश्चोपवनैरपि

ārāmaiśca vihāraiśca taḍāgavaṭacatvaraiḥ / sarobhiśca saridbhiśca vanaiścopavanairapi

Sanskrit only: no published translation is held for this verse.

दिव्यभोगोपभोगानि नानारत्नयुतानि च । पुष्पोत्करैश्च सुभगास् त्रिपुरस्योपनिर्गमाः । परिखाशतगम्भीराः कृता मायानिवारणैः

divyabhogopabhogāni nānāratnayutāni ca / puṣpotkaraiśca subhagās tripurasyopanirgamāḥ / parikhāśatagambhīrāḥ kṛtā māyānivāraṇaiḥ

Sanskrit only: no published translation is held for this verse.

निशम्य तद्दुर्गविधानमुत्तमं कृतं मयेनाद्भुतवीर्यकर्मणा । दितेः सुता दैवतराजवैरिणः सहस्रशः प्रापुरनन्तविक्रमाः

niśamya taddurgavidhānamuttamaṃ kṛtaṃ mayenādbhutavīryakarmaṇā / diteḥ sutā daivatarājavairiṇaḥ sahasraśaḥ prāpuranantavikramāḥ

Sanskrit only: no published translation is held for this verse.

तदासुरैर्दर्पितवैरिमर्दनैर् जनार्दनैः शैलकरीन्द्रसंनिभैः । बभूव पूर्णं त्रिपुरं तथा पुरा यथाम्बरं भूरिजलैर् जलप्रदैः

tadāsurairdarpitavairimardanair janārdanaiḥ śailakarīndrasaṃnibhaiḥ / babhūva pūrṇaṃ tripuraṃ tathā purā yathāmbaraṃ bhūrijalair jalapradaiḥ

Sanskrit only: no published translation is held for this verse.