Matsya Purāṇa 132

*सूत उवाच अशीलेषु प्रदुष्टेषु दानवेषु दुरात्मसु । लोकेषूत्साद्यमानेषु तपोधनवनेषु च

*sūta uvāca aśīleṣu praduṣṭeṣu dānaveṣu durātmasu / lokeṣūtsādyamāneṣu tapodhanavaneṣu ca

Sanskrit only: no published translation is held for this verse.

सिंहनादे व्योमगानां तेषु भीतेषु जन्तुषु । त्रैलोक्ये भयसंमूढे तमोन्धन्वम् उपागते

siṃhanāde vyomagānāṃ teṣu bhīteṣu jantuṣu / trailokye bhayasaṃmūḍhe tamondhanvam upāgate

Sanskrit only: no published translation is held for this verse.

आदित्या वसवः साध्याः पितरो मरुतां गणाः । भीताः शरणमाजग्मुर् ब्रह्माणां प्रपितामहम्

ādityā vasavaḥ sādhyāḥ pitaro marutāṃ gaṇāḥ / bhītāḥ śaraṇamājagmur brahmāṇāṃ prapitāmaham

Sanskrit only: no published translation is held for this verse.

ते तं स्वर्णोत्पलासीनं ब्रह्माणं समुपागताः । नेमुरूचुश्च सहिताः पञ्चास्यं चतुराननम्

te taṃ svarṇotpalāsīnaṃ brahmāṇaṃ samupāgatāḥ / nemurūcuśca sahitāḥ pañcāsyaṃ caturānanam

Sanskrit only: no published translation is held for this verse.

वरगुप्तास्तवैवेह दानवास्त्रिपुरालयाः । बाधन्ते ऽस्मान्यथा प्रेष्यान् अनुशाधि ततो ऽनघ

varaguptāstavaiveha dānavāstripurālayāḥ / bādhante 'smānyathā preṣyān anuśādhi tato 'nagha

Sanskrit only: no published translation is held for this verse.

मेघागमे यथा हंसा मृगाः सिंहभयादिव । दानवानां भयात्तद्वद् भ्रमामो हि पितामह

meghāgame yathā haṃsā mṛgāḥ siṃhabhayādiva / dānavānāṃ bhayāttadvad bhramāmo hi pitāmaha

Sanskrit only: no published translation is held for this verse.

पुत्राणां नामधेयानि कलत्राणां तथैव च । दानवैर्भ्राम्यमाणानां विस्मृतानि ततो ऽनघ

putrāṇāṃ nāmadheyāni kalatrāṇāṃ tathaiva ca / dānavairbhrāmyamāṇānāṃ vismṛtāni tato 'nagha

Sanskrit only: no published translation is held for this verse.

देववेश्मप्रभङ्गाश्च आश्रमभ्रंशनानि च । दानवैर्लोममोहान्धैः क्रियन्ते च भ्रमन्ति च

devaveśmaprabhaṅgāśca āśramabhraṃśanāni ca / dānavairlomamohāndhaiḥ kriyante ca bhramanti ca

Sanskrit only: no published translation is held for this verse.

यदि न त्रायसे लोकं दानवैर्विद्रुतं द्रुतम् । धर्षणानेन निर्देवं निर्मनुष्याश्रमं जगत्

yadi na trāyase lokaṃ dānavairvidrutaṃ drutam / dharṣaṇānena nirdevaṃ nirmanuṣyāśramaṃ jagat

Sanskrit only: no published translation is held for this verse.

इत्येवं त्रिदशैरुक्तः पद्मयोनिः पितामहः । प्रत्याह त्रिदशान् सेन्द्रान् इन्दुतुल्याननः प्रभुः

ityevaṃ tridaśairuktaḥ padmayoniḥ pitāmahaḥ / pratyāha tridaśān sendrān indutulyānanaḥ prabhuḥ

Sanskrit only: no published translation is held for this verse.

भयस्य यो वरो दत्तो मया मतिमतां वराः । तस्यान्त एष सम्प्राप्तो यः पुरोक्तो मया सुराः

bhayasya yo varo datto mayā matimatāṃ varāḥ / tasyānta eṣa samprāpto yaḥ purokto mayā surāḥ

Sanskrit only: no published translation is held for this verse.

तच्च तेषामधिष्ठानं त्रिपुरं त्रिदशर्षभाः । एकेषुपातमोक्षेण हन्तव्यं नेषुवृष्टिभिः

tacca teṣāmadhiṣṭhānaṃ tripuraṃ tridaśarṣabhāḥ / ekeṣupātamokṣeṇa hantavyaṃ neṣuvṛṣṭibhiḥ

Sanskrit only: no published translation is held for this verse.

भवतां च न पश्यामि कमप्यत्र सुरर्षभाः । यस्तु चैकप्रहारेण पुरं हन्यात् सदानवम्

bhavatāṃ ca na paśyāmi kamapyatra surarṣabhāḥ / yastu caikaprahāreṇa puraṃ hanyāt sadānavam

Sanskrit only: no published translation is held for this verse.

त्रिपुरं नाल्पवीर्येण शक्यं हन्तुं शरेण तु । एकं मुक्त्वा महादेवं महेशानं प्रजापतिम्

tripuraṃ nālpavīryeṇa śakyaṃ hantuṃ śareṇa tu / ekaṃ muktvā mahādevaṃ maheśānaṃ prajāpatim

Sanskrit only: no published translation is held for this verse.

ते यूयं यदि अन्ये च क्रतुविध्वंसकं हरम् । याचामः सहिता देवं त्रिपुरं स हनिष्यति

te yūyaṃ yadi anye ca kratuvidhvaṃsakaṃ haram / yācāmaḥ sahitā devaṃ tripuraṃ sa haniṣyati

Sanskrit only: no published translation is held for this verse.

कृतः पुराणां विष्कम्भो योजमानां शतं शतम् । यथा चैकप्रहारेण हन्यते वै भवेन तु । पुष्ययोगेण युक्तानि तानि चैकक्षणेन तु

kṛtaḥ purāṇāṃ viṣkambho yojamānāṃ śataṃ śatam / yathā caikaprahāreṇa hanyate vai bhavena tu / puṣyayogeṇa yuktāni tāni caikakṣaṇena tu

Sanskrit only: no published translation is held for this verse.

ततो देवैश्च सम्प्रोक्तो यास्याम इति दुःखितैः । पितामहश्च तैः सार्धं भवसंसदमागतः

tato devaiśca samprokto yāsyāma iti duḥkhitaiḥ / pitāmahaśca taiḥ sārdhaṃ bhavasaṃsadamāgataḥ

Sanskrit only: no published translation is held for this verse.

तं भवं भूतभव्येशं गिरिशं शूलपाणिनम् । पश्यन्ति चोमया सार्धं नन्दिना च महात्मना

taṃ bhavaṃ bhūtabhavyeśaṃ giriśaṃ śūlapāṇinam / paśyanti comayā sārdhaṃ nandinā ca mahātmanā

Sanskrit only: no published translation is held for this verse.

अग्निवर्णमजं देवम् अग्निकुण्डनिभेक्षणम् । अग्न्यादित्यसहस्राभम् अग्निवर्णविभूषितम्

agnivarṇamajaṃ devam agnikuṇḍanibhekṣaṇam / agnyādityasahasrābham agnivarṇavibhūṣitam

Sanskrit only: no published translation is held for this verse.

चन्द्रावयवलक्ष्माणं चन्द्रसौम्यतराननम् । आगम्य तमजं देवम् अथ तं नीललोहितम् । अस्तुवन्गोपतिं शम्भुं वरदं पार्वतीपतिम्

candrāvayavalakṣmāṇaṃ candrasaumyatarānanam / āgamya tamajaṃ devam atha taṃ nīlalohitam / astuvangopatiṃ śambhuṃ varadaṃ pārvatīpatim

Sanskrit only: no published translation is held for this verse.

*देवा ऊचुः नमो भवाय शर्वाय रुद्राय वरदाय च । पशूनां पतये नित्यम् उग्राय च कपर्दिने

*devā ūcuḥ namo bhavāya śarvāya rudrāya varadāya ca / paśūnāṃ pataye nityam ugrāya ca kapardine

Sanskrit only: no published translation is held for this verse.

महादेवाय भीमाय त्र्यम्बकाय च शान्तये । ईशानाय भयघ्नाय नमस्त्वन्धकघातिने

mahādevāya bhīmāya tryambakāya ca śāntaye / īśānāya bhayaghnāya namastvandhakaghātine

Sanskrit only: no published translation is held for this verse.

नीलग्रीवाय भीमाय वेधसे वेधसा स्तुते । कुमारशत्रुनिघ्नाय कुमारजनकाय च

nīlagrīvāya bhīmāya vedhase vedhasā stute / kumāraśatrunighnāya kumārajanakāya ca

Sanskrit only: no published translation is held for this verse.

विलोहिताय धूम्राय वराय क्रथनाय च । नित्यं नीलशिखण्डाय शूलिने दिव्यशायिने

vilohitāya dhūmrāya varāya krathanāya ca / nityaṃ nīlaśikhaṇḍāya śūline divyaśāyine

Sanskrit only: no published translation is held for this verse.

उरगाय त्रिनेत्राय हिरण्यवसुरेतसे । अचिन्त्यायाम्बिकाभर्त्रे सर्वदेवस्तुताय च

uragāya trinetrāya hiraṇyavasuretase / acintyāyāmbikābhartre sarvadevastutāya ca

Sanskrit only: no published translation is held for this verse.

वृषध्वजाय मुण्डाय जटिने ब्रह्मचारिणे । तप्यमानाय सलिले ब्रह्मण्यायाजिताय च

vṛṣadhvajāya muṇḍāya jaṭine brahmacāriṇe / tapyamānāya salile brahmaṇyāyājitāya ca

Sanskrit only: no published translation is held for this verse.

विश्वात्मने विश्वसृजे विश्वमावृत्य तिष्ठते । नमो ऽस्तु दिव्यरूपाय प्रभवे दिव्यशम्भवे

viśvātmane viśvasṛje viśvamāvṛtya tiṣṭhate / namo 'stu divyarūpāya prabhave divyaśambhave

Sanskrit only: no published translation is held for this verse.

अभिगम्याय काम्याय स्तुत्यायार्च्याय सर्वदा । भक्तानुकम्पिने नित्यं दिशते यन्मनोगतम्

abhigamyāya kāmyāya stutyāyārcyāya sarvadā / bhaktānukampine nityaṃ diśate yanmanogatam

Sanskrit only: no published translation is held for this verse.