Matsya Purāṇa 133

*सूत उवाच ब्रह्माद्यैः स्तूयमानस्तु देवैर्देवो महेश्वरः । प्रजापतिमुवाचेदं देवानां क्व भयं महत्

*sūta uvāca brahmādyaiḥ stūyamānastu devairdevo maheśvaraḥ / prajāpatimuvācedaṃ devānāṃ kva bhayaṃ mahat

Sanskrit only: no published translation is held for this verse.

भो देवाः स्वागतं वो ऽस्तु ब्रूत यद्वो मनोगतम् । तावदेव प्रयच्छामि नास्त्यदेयं मया हि वः

bho devāḥ svāgataṃ vo 'stu brūta yadvo manogatam / tāvadeva prayacchāmi nāstyadeyaṃ mayā hi vaḥ

Sanskrit only: no published translation is held for this verse.

युष्माकं नितरां शं वै कर्ताहं विबुधर्षभाः । चरामि महदत्युग्रं यच्चापि परमं तपः

yuṣmākaṃ nitarāṃ śaṃ vai kartāhaṃ vibudharṣabhāḥ / carāmi mahadatyugraṃ yaccāpi paramaṃ tapaḥ

Sanskrit only: no published translation is held for this verse.

विद्विष्टा वो मम द्विष्टाः कष्टाः कष्टपराक्रमाः । तेषामभावः संपाद्यो युष्माकं भव एव च

vidviṣṭā vo mama dviṣṭāḥ kaṣṭāḥ kaṣṭaparākramāḥ / teṣāmabhāvaḥ saṃpādyo yuṣmākaṃ bhava eva ca

Sanskrit only: no published translation is held for this verse.

एवमुक्तास्तु देवेन प्रेम्णा सब्रह्मकाः सुराः । रुद्रमाहुर्महाभागं भागार्हाः सर्व एव ते

evamuktāstu devena premṇā sabrahmakāḥ surāḥ / rudramāhurmahābhāgaṃ bhāgārhāḥ sarva eva te

Sanskrit only: no published translation is held for this verse.

भगवंस्तैस्तपस्तप्तं रौद्रं रौद्रपराक्रमैः । असुरैर्वध्यमानाः स्म वयं त्वां शरणं गताः

bhagavaṃstaistapastaptaṃ raudraṃ raudraparākramaiḥ / asurairvadhyamānāḥ sma vayaṃ tvāṃ śaraṇaṃ gatāḥ

Sanskrit only: no published translation is held for this verse.

मयो नाम दितेः पुत्रस् त्रिनेत्र कलहप्रियः । त्रिपुरं येन तद्दुर्गं कृतं पाण्डुरगोपुरम्

mayo nāma diteḥ putras trinetra kalahapriyaḥ / tripuraṃ yena taddurgaṃ kṛtaṃ pāṇḍuragopuram

Sanskrit only: no published translation is held for this verse.

तदाश्रित्य पुरं दुर्गं दानवा वरनिर्भयाः । बाधन्ते ऽस्मान्महादेव प्रेष्यमस्वामिनं यथा

tadāśritya puraṃ durgaṃ dānavā varanirbhayāḥ / bādhante 'smānmahādeva preṣyamasvāminaṃ yathā

Sanskrit only: no published translation is held for this verse.

उद्यानानि च भग्नानि नन्दनादीनि यानि च । वराश्चाप्सरसः सर्वा रम्भाद्या दनुजैर्हृताः

udyānāni ca bhagnāni nandanādīni yāni ca / varāścāpsarasaḥ sarvā rambhādyā danujairhṛtāḥ

Sanskrit only: no published translation is held for this verse.

इन्द्रस्य वाह्याश्च गजाः कुमुदाञ्जनवामनाः । ऐरावताद्या अपहृता देवतानां महेश्वर

indrasya vāhyāśca gajāḥ kumudāñjanavāmanāḥ / airāvatādyā apahṛtā devatānāṃ maheśvara

Sanskrit only: no published translation is held for this verse.

ये चेन्द्ररथमुख्याश् च हरयो ऽपहृतासुरैः । जाताश्च दानवानां ते रथयोग्यास्तुरंगमाः

ye cendrarathamukhyāś ca harayo 'pahṛtāsuraiḥ / jātāśca dānavānāṃ te rathayogyāsturaṃgamāḥ

Sanskrit only: no published translation is held for this verse.

ये रथा ये गजाश्चैव याः स्त्रियो वसु यच्च नः । तन्नो व्यपहृतं दैत्यैः संशयो जीविते पुनः

ye rathā ye gajāścaiva yāḥ striyo vasu yacca naḥ / tanno vyapahṛtaṃ daityaiḥ saṃśayo jīvite punaḥ

Sanskrit only: no published translation is held for this verse.

त्रिनेत्र एवमुक्तस्तु देवैः शक्रपुरोगमैः । उवाच देवान्देवेशो वरदो वृषवाहनः

trinetra evamuktastu devaiḥ śakrapurogamaiḥ / uvāca devāndeveśo varado vṛṣavāhanaḥ

Sanskrit only: no published translation is held for this verse.

व्यपगच्छतु वो देवा महद्दानवजं भयम् । तदहं त्रिपुरं धक्ष्ये क्रियतां यद्ब्रवीमि तत्

vyapagacchatu vo devā mahaddānavajaṃ bhayam / tadahaṃ tripuraṃ dhakṣye kriyatāṃ yadbravīmi tat

Sanskrit only: no published translation is held for this verse.

यदीच्छत मया दग्धुं तत्पुरं सहमानवम् । रथमौपयिकं मह्यं सज्जयध्वं किमास्यते

yadīcchata mayā dagdhuṃ tatpuraṃ sahamānavam / rathamaupayikaṃ mahyaṃ sajjayadhvaṃ kimāsyate

Sanskrit only: no published translation is held for this verse.

दिग्वाससा तथोक्तास्ते सपितामहकाः सुराः । तथेत्युक्त्वा महादेवं चक्रुस्ते रथमुत्तमम्

digvāsasā tathoktāste sapitāmahakāḥ surāḥ / tathetyuktvā mahādevaṃ cakruste rathamuttamam

Sanskrit only: no published translation is held for this verse.

धरां कूबरकौ द्वौ तु रुद्रपार्श्वचरावुभौ । अधिष्ठानं शिरो मेरोर् अक्षो मन्दर एव च

dharāṃ kūbarakau dvau tu rudrapārśvacarāvubhau / adhiṣṭhānaṃ śiro meror akṣo mandara eva ca

Sanskrit only: no published translation is held for this verse.

चक्रुश्चन्द्रं च सूर्यं च चक्रे काञ्चनराजते । कृष्णपक्षं शुक्लपक्षं पक्षद्वयमपीश्वराः

cakruścandraṃ ca sūryaṃ ca cakre kāñcanarājate / kṛṣṇapakṣaṃ śuklapakṣaṃ pakṣadvayamapīśvarāḥ

Sanskrit only: no published translation is held for this verse.

रथनेमिद्वयं चक्रुर् देवा ब्रह्मपुरःसराः । आदिद्वयं पक्षयन्त्रं यन्त्रमेताश्च देवताः

rathanemidvayaṃ cakrur devā brahmapuraḥsarāḥ / ādidvayaṃ pakṣayantraṃ yantrametāśca devatāḥ

Sanskrit only: no published translation is held for this verse.

कम्बलाश्वतराभ्यां च नागाभ्यां समवेष्टितम् । भार्गवश्चाङ्गिराश्चैव बुधो ऽङ्गारक एव च

kambalāśvatarābhyāṃ ca nāgābhyāṃ samaveṣṭitam / bhārgavaścāṅgirāścaiva budho 'ṅgāraka eva ca

Sanskrit only: no published translation is held for this verse.

शनैश्चरस्तथा चात्र सर्वे ते देवसत्तमाः । वरूथं गगनं चक्रुश् चारुरूपं रथस्य ते

śanaiścarastathā cātra sarve te devasattamāḥ / varūthaṃ gaganaṃ cakruś cārurūpaṃ rathasya te

Sanskrit only: no published translation is held for this verse.

कृतं द्विजिह्वनयनं त्रिवेणुं शातकौम्भिकम् । मणिमुक्तेन्द्रनीलैश्च वृतं ह्यष्टमुखैः सुरैः

kṛtaṃ dvijihvanayanaṃ triveṇuṃ śātakaumbhikam / maṇimuktendranīlaiśca vṛtaṃ hyaṣṭamukhaiḥ suraiḥ

Sanskrit only: no published translation is held for this verse.

गङ्गा सिन्धुः शतद्रुश्च चन्द्रभागा इरावती । वितस्ता च विपाशा च यमुना गण्डकी तथा

gaṅgā sindhuḥ śatadruśca candrabhāgā irāvatī / vitastā ca vipāśā ca yamunā gaṇḍakī tathā

Sanskrit only: no published translation is held for this verse.

सरस्वती देविका च तथा च सरयूरपि । एताः सरिद्वराः सर्वा वेणुसंज्ञा कृता रथे

sarasvatī devikā ca tathā ca sarayūrapi / etāḥ saridvarāḥ sarvā veṇusaṃjñā kṛtā rathe

Sanskrit only: no published translation is held for this verse.

धृतराष्ट्राश्च ये नागास् ते च वेश्यात्मकाः कृताः । वासुकेः कुलजा ये च ये च रैवतवंशजाः

dhṛtarāṣṭrāśca ye nāgās te ca veśyātmakāḥ kṛtāḥ / vāsukeḥ kulajā ye ca ye ca raivatavaṃśajāḥ

Sanskrit only: no published translation is held for this verse.

ते सर्पा दर्पसम्पूर्णाश् चापतूणेष्व् अनूनगाः । अवतस्थुः शरा भूत्वा नानाजातिशुभाननाः

te sarpā darpasampūrṇāś cāpatūṇeṣv anūnagāḥ / avatasthuḥ śarā bhūtvā nānājātiśubhānanāḥ

Sanskrit only: no published translation is held for this verse.

सुरसा सरमा कद्रूर् विनता शुचिरेव च । तृषा बुभुक्षा सर्वोग्रा मृत्युः सर्वशमस्तथा

surasā saramā kadrūr vinatā śucireva ca / tṛṣā bubhukṣā sarvogrā mṛtyuḥ sarvaśamastathā

Sanskrit only: no published translation is held for this verse.

ब्रह्मवध्या च गोवध्या बालवध्या प्रजाभयाः । गदा भूत्वा शक्तयश्च तदा देवरथे ऽभ्ययुः

brahmavadhyā ca govadhyā bālavadhyā prajābhayāḥ / gadā bhūtvā śaktayaśca tadā devarathe 'bhyayuḥ

Sanskrit only: no published translation is held for this verse.

युगं कृतयुगं चात्र चातुर्होत्रप्रयोजकाः । चतुर्वर्णाः सलीलाश्च बभूवुः स्वर्णकुण्डलाः

yugaṃ kṛtayugaṃ cātra cāturhotraprayojakāḥ / caturvarṇāḥ salīlāśca babhūvuḥ svarṇakuṇḍalāḥ

Sanskrit only: no published translation is held for this verse.

तद्युगं युगसंकाशं रथशीर्षे प्रतिष्ठितम् । धृतराष्ट्रेण नागेन बद्धं बलवता महत्

tadyugaṃ yugasaṃkāśaṃ rathaśīrṣe pratiṣṭhitam / dhṛtarāṣṭreṇa nāgena baddhaṃ balavatā mahat

Sanskrit only: no published translation is held for this verse.

ऋग्वेदः सामवेदश्च यजुर्वेदस्तथा परः । वेदाश् चत्वार एवैते चत्वारस्तुरगाभवन्

ṛgvedaḥ sāmavedaśca yajurvedastathā paraḥ / vedāś catvāra evaite catvārasturagābhavan

Sanskrit only: no published translation is held for this verse.

अन्नदानपुरोगाणि यानि दानानि कानिचित् । तान्यासन्वाजिनां तेषां भूषणानि सहस्रशः

annadānapurogāṇi yāni dānāni kānicit / tānyāsanvājināṃ teṣāṃ bhūṣaṇāni sahasraśaḥ

Sanskrit only: no published translation is held for this verse.

पद्मद्वयं तक्षकश्च कर्कोटकधनंजयौ । नागा बभूवुरेवैते हयानां वालबन्धनाः

padmadvayaṃ takṣakaśca karkoṭakadhanaṃjayau / nāgā babhūvurevaite hayānāṃ vālabandhanāḥ

Sanskrit only: no published translation is held for this verse.

ॐकारप्रभवास्ता वा मन्त्रयज्ञक्रतुक्रियाः । उपद्रवाः प्रतीकाराः पशुबन्धेष्टयस्तथा

oṃkāraprabhavāstā vā mantrayajñakratukriyāḥ / upadravāḥ pratīkārāḥ paśubandheṣṭayastathā

Sanskrit only: no published translation is held for this verse.

यज्ञोपवाहान्येतानि तस्मिंल्लोकरथे शुभे । मणिमुक्ताप्रवालैस्तु भूषितानि सहस्रशः

yajñopavāhānyetāni tasmiṃllokarathe śubhe / maṇimuktāpravālaistu bhūṣitāni sahasraśaḥ

Sanskrit only: no published translation is held for this verse.

प्रतोद ॐकार एवासीत् तदग्रं च वषट्कृतम् । सिनीवाली कुहू राका तथा चानुमतिः शुभा । योक्त्राण्यासंस्तुरंगाणाम् अपसर्पणविग्रहाः

pratoda oṃkāra evāsīt tadagraṃ ca vaṣaṭkṛtam / sinīvālī kuhū rākā tathā cānumatiḥ śubhā / yoktrāṇyāsaṃsturaṃgāṇām apasarpaṇavigrahāḥ

Sanskrit only: no published translation is held for this verse.

कृष्णान्यथ च पीतानि श्वेतमाञ्जिष्ठकानि च । अवदाताः पताकास्तु बभूवुः पवनेरिताः

kṛṣṇānyatha ca pītāni śvetamāñjiṣṭhakāni ca / avadātāḥ patākāstu babhūvuḥ pavaneritāḥ

Sanskrit only: no published translation is held for this verse.

ऋतुभिश्च कृतः षड्भिर् धनुः संवत्सरो ऽभवत् । अजरा ज्याभवच्चापि साम्बिका धनुषो दृढा

ṛtubhiśca kṛtaḥ ṣaḍbhir dhanuḥ saṃvatsaro 'bhavat / ajarā jyābhavaccāpi sāmbikā dhanuṣo dṛḍhā

Sanskrit only: no published translation is held for this verse.

कालो हि भगवान्रुद्रस् तं च संवत्सरं विदुः । तस्मादुमा कालरात्रिर् धनुषो ज्याजराभवत्

kālo hi bhagavānrudras taṃ ca saṃvatsaraṃ viduḥ / tasmādumā kālarātrir dhanuṣo jyājarābhavat

Sanskrit only: no published translation is held for this verse.

सगर्भं त्रिपुरं येन दग्धवान्स त्रिलोचनः । स इषुर्विष्णुसोमाग्नि-त्रिदैवतमयो ऽभवत्

sagarbhaṃ tripuraṃ yena dagdhavānsa trilocanaḥ / sa iṣurviṣṇusomāgni-tridaivatamayo 'bhavat

Sanskrit only: no published translation is held for this verse.

आननं ह्यग्निरभवच् छल्यं सोमस्तमोनुदः । तेजसः समवायो ऽथ चेषोस्तेजो रथाङ्गधृक्

ānanaṃ hyagnirabhavac chalyaṃ somastamonudaḥ / tejasaḥ samavāyo 'tha ceṣostejo rathāṅgadhṛk

Sanskrit only: no published translation is held for this verse.

तस्मिंश्च वीर्यवृद्ध्यर्थं वासुकिर्नागपार्थिवः । तेजःसंवसनार्थं वै मुमोचातिविषो विषम्

tasmiṃśca vīryavṛddhyarthaṃ vāsukirnāgapārthivaḥ / tejaḥsaṃvasanārthaṃ vai mumocātiviṣo viṣam

Sanskrit only: no published translation is held for this verse.

कृत्वा देवा रथं चापि दिव्यं दिव्यप्रभावतः । लोकाधिपतिमभ्येत्य इदं वचनमब्रुवन्

kṛtvā devā rathaṃ cāpi divyaṃ divyaprabhāvataḥ / lokādhipatimabhyetya idaṃ vacanamabruvan

Sanskrit only: no published translation is held for this verse.

संस्कृतो ऽयं रथो ऽस्माभिस् तव दानवशत्रुजित् । इदमापत्परित्राणं देवान्सेन्द्रपुरोगमान्

saṃskṛto 'yaṃ ratho 'smābhis tava dānavaśatrujit / idamāpatparitrāṇaṃ devānsendrapurogamān

Sanskrit only: no published translation is held for this verse.

तं मेरुशिखराकारं त्रैलोक्यरथमुत्तमम् । प्रशस्य देवान्साध्विति रथं पश्यति शंकरः

taṃ meruśikharākāraṃ trailokyarathamuttamam / praśasya devānsādhviti rathaṃ paśyati śaṃkaraḥ

Sanskrit only: no published translation is held for this verse.

मुहुर्दृष्ट्वा रथं साधु साध्वित्युक्त्वा मुहुर्मुहुः । उवाच सेन्द्रानमरान् अमराधिपतिः स्वयम्

muhurdṛṣṭvā rathaṃ sādhu sādhvityuktvā muhurmuhuḥ / uvāca sendrānamarān amarādhipatiḥ svayam

Sanskrit only: no published translation is held for this verse.

यादृशो ऽयं रथः कॢप्तो युष्माभिर्मम सत्तमाः । ईदृशो रथसम्पत्त्या यन्ता शीघ्रं विधीयताम्

yādṛśo 'yaṃ rathaḥ kḷpto yuṣmābhirmama sattamāḥ / īdṛśo rathasampattyā yantā śīghraṃ vidhīyatām

Sanskrit only: no published translation is held for this verse.

इत्युक्त्वा देवदेवेन देवा विद्धा इवेषुभिः । अवापुर्महतीं चिन्तां कथं कार्यमिति ब्रुवन्

ityuktvā devadevena devā viddhā iveṣubhiḥ / avāpurmahatīṃ cintāṃ kathaṃ kāryamiti bruvan

Sanskrit only: no published translation is held for this verse.

महादेवस्य देवो ऽन्यः को नाम सदृशो भवेत् । मुक्त्वा चक्रायुधं देवं सो ऽप्यस्येषुं समाश्रितः

mahādevasya devo 'nyaḥ ko nāma sadṛśo bhavet / muktvā cakrāyudhaṃ devaṃ so 'pyasyeṣuṃ samāśritaḥ

Sanskrit only: no published translation is held for this verse.

धुरि युक्ता इवोक्षाणो घटन्त इव पर्वतैः । निश्वसन्तः सुराः सर्वे कथमेतदिति ब्रुवन्

dhuri yuktā ivokṣāṇo ghaṭanta iva parvataiḥ / niśvasantaḥ surāḥ sarve kathametaditi bruvan

Sanskrit only: no published translation is held for this verse.

देवेष्वाह देवदेवो लोकनाथस्य धूर्गतान् । अहं सारथिरित्युक्त्वा जग्राहाश्वांस्ततो ऽग्रजः

deveṣvāha devadevo lokanāthasya dhūrgatān / ahaṃ sārathirityuktvā jagrāhāśvāṃstato 'grajaḥ

Sanskrit only: no published translation is held for this verse.

ततो देवैः सगन्धर्वैः सिंहनादो महान्कृतः । प्रतोदहस्तं सम्प्रेक्ष्य ब्रह्माणं सूततां गतम्

tato devaiḥ sagandharvaiḥ siṃhanādo mahānkṛtaḥ / pratodahastaṃ samprekṣya brahmāṇaṃ sūtatāṃ gatam

Sanskrit only: no published translation is held for this verse.

भगवानपि विश्वेशो रथस्थे वै पितामहे । सदृशः सूत इत्युक्त्वा चारुरोह रथं हरः

bhagavānapi viśveśo rathasthe vai pitāmahe / sadṛśaḥ sūta ityuktvā cāruroha rathaṃ haraḥ

Sanskrit only: no published translation is held for this verse.

आरोहति रथं देवे ह्य् अश्वा हरभरातुराः । जानुभिः पतिता भूमौ रजोग्रासश्च ग्रासितः

ārohati rathaṃ deve hy aśvā harabharāturāḥ / jānubhiḥ patitā bhūmau rajogrāsaśca grāsitaḥ

Sanskrit only: no published translation is held for this verse.

देवो दृष्ट्वाथ वेदांस्तान् अभीरुग्रहयान् भयात् । उज्जहार पितॄनार्तान् सुपुत्र इव दुःखितान्

devo dṛṣṭvātha vedāṃstān abhīrugrahayān bhayāt / ujjahāra pitṝnārtān suputra iva duḥkhitān

Sanskrit only: no published translation is held for this verse.

ततः सिंहरवो भूयो बभूव रथभैरवः । जयशब्दश्च देवानां संबभूवार्णवोपमः

tataḥ siṃharavo bhūyo babhūva rathabhairavaḥ / jayaśabdaśca devānāṃ saṃbabhūvārṇavopamaḥ

Sanskrit only: no published translation is held for this verse.

तद्ॐकारमयं गृह्य प्रतोदं वरदः प्रभुः । स्वयम्भूः प्रययौ वाहान् अनुमन्त्र्य यथाजवम्

tadoṃkāramayaṃ gṛhya pratodaṃ varadaḥ prabhuḥ / svayambhūḥ prayayau vāhān anumantrya yathājavam

Sanskrit only: no published translation is held for this verse.

ग्रसमाना इवाकाशं मुष्णन्त इव मेदिनीम् । मुखेभ्यः ससृजुः श्वासान् उच्छ्वसन्त इवोरगाः

grasamānā ivākāśaṃ muṣṇanta iva medinīm / mukhebhyaḥ sasṛjuḥ śvāsān ucchvasanta ivoragāḥ

Sanskrit only: no published translation is held for this verse.

स्वयम्भुवा चोद्यमानाश् चोदितेन कपर्दिना । व्रजन्ति ते ऽश्वा जवनाः क्षयकाल इवानिलाः

svayambhuvā codyamānāś coditena kapardinā / vrajanti te 'śvā javanāḥ kṣayakāla ivānilāḥ

Sanskrit only: no published translation is held for this verse.

ध्वजोच्छ्रयविनिर्माणे ध्वजयष्टिमनुत्तमाम् । आक्रम्य नन्दी वृषभस् तस्थौ तस्मिञ्छिवेच्छया

dhvajocchrayavinirmāṇe dhvajayaṣṭimanuttamām / ākramya nandī vṛṣabhas tasthau tasmiñchivecchayā

Sanskrit only: no published translation is held for this verse.

भार्गवाङ्गिरसौ देवौ दण्डहस्तौ रविप्रभौ । रथचक्रे तु रक्षेते रुद्रस्य प्रियकाङ्क्षिणौ

bhārgavāṅgirasau devau daṇḍahastau raviprabhau / rathacakre tu rakṣete rudrasya priyakāṅkṣiṇau

Sanskrit only: no published translation is held for this verse.

शेषश्च भगवान्नागो ऽनन्तो ऽनन्तकरो ऽरिणाम् । शरहस्तो रथं पाति शयनं ब्रह्मणस्तदा

śeṣaśca bhagavānnāgo 'nanto 'nantakaro 'riṇām / śarahasto rathaṃ pāti śayanaṃ brahmaṇastadā

Sanskrit only: no published translation is held for this verse.

यमस्तूर्णं समास्थाय महिषं चातिदारुणम् । द्रविणाधिपतिर्व्यालं सुराणामधिपो द्विपम्

yamastūrṇaṃ samāsthāya mahiṣaṃ cātidāruṇam / draviṇādhipatirvyālaṃ surāṇāmadhipo dvipam

Sanskrit only: no published translation is held for this verse.

मयूरं शतचन्द्रं च कूजन्तं किंनरं यथा । गुह आस्थाय वरदो युगोपमरथं पितुः

mayūraṃ śatacandraṃ ca kūjantaṃ kiṃnaraṃ yathā / guha āsthāya varado yugopamarathaṃ pituḥ

Sanskrit only: no published translation is held for this verse.

नन्दीश्वरश्च भगवाञ् छूलमादाय दीप्तिमान् । पृष्ठतश्चापि पार्श्वाभ्यां लोकस्य क्षयकृद्यथा

nandīśvaraśca bhagavāñ chūlamādāya dīptimān / pṛṣṭhataścāpi pārśvābhyāṃ lokasya kṣayakṛdyathā

Sanskrit only: no published translation is held for this verse.

प्रमथाश्चाग्निवर्णाभाः साग्निज्वाला इवाचलाः । अनुजग्मू रथं शार्वं नक्रा इव महार्णवम्

pramathāścāgnivarṇābhāḥ sāgnijvālā ivācalāḥ / anujagmū rathaṃ śārvaṃ nakrā iva mahārṇavam

Sanskrit only: no published translation is held for this verse.

भृगुर्भरद्वाजवसिष्ठगौतमाः क्रतुः पुलस्त्यः पुलहस्तपोधनाः । मरीचिरत्रिर्भगवानथाङ्गिराः पराशरागस्त्यमुखा महर्षयः

bhṛgurbharadvājavasiṣṭhagautamāḥ kratuḥ pulastyaḥ pulahastapodhanāḥ / marīciratrirbhagavānathāṅgirāḥ parāśarāgastyamukhā maharṣayaḥ

Sanskrit only: no published translation is held for this verse.

हरमजितमजं प्रतुष्टुवुर् वचनविशेषैर् विचित्रभूषणैः । रथस्त्रिपुरे सकाञ्चनाचलो व्रजति सपक्ष इवाद्रिरम्बरे

haramajitamajaṃ pratuṣṭuvur vacanaviśeṣair vicitrabhūṣaṇaiḥ / rathastripure sakāñcanācalo vrajati sapakṣa ivādrirambare

Sanskrit only: no published translation is held for this verse.

करिगिरिरविमेघसंनिभाः सजलपयोदनिनादनादिनः ।* प्रमथगणाः परिवार्य देवगुप्तं रथमभितः प्रययुः स्वदर्पयुक्ताः ॥ मत्स्प् १३३।६९ ॥* मकरतिमितिमिङ्गिलावृतः प्रलय इवातिसमुद्धतो ऽर्णवः । व्रजति रथवरो ऽतिभास्वरो ह्य् अशनिनिपातपयोदनिःस्वनः

karigiriravimeghasaṃnibhāḥ sajalapayodaninādanādinaḥ /* pramathagaṇāḥ parivārya devaguptaṃ rathamabhitaḥ prayayuḥ svadarpayuktāḥ // MatsP 133.69 //* makaratimitimiṅgilāvṛtaḥ pralaya ivātisamuddhato 'rṇavaḥ / vrajati rathavaro 'tibhāsvaro hy aśaninipātapayodaniḥsvanaḥ

Sanskrit only: no published translation is held for this verse.