Matsya Purāṇa 135

*सूत उवाच ततो रणे देवबलं नारदो ऽभ्यगमत्पुनः । आगत्य चैव त्रिपुरात् सभायामास्थितः स्वयम्

*sūta uvāca tato raṇe devabalaṃ nārado 'bhyagamatpunaḥ / āgatya caiva tripurāt sabhāyāmāsthitaḥ svayam

Sanskrit only: no published translation is held for this verse.

इलावृतमिति ख्यातं तद्वर्षं विस्तृतायतम् । यत्र यज्ञो बलेर्वृत्तो बलिर्यत्र च संयतः

ilāvṛtamiti khyātaṃ tadvarṣaṃ vistṛtāyatam / yatra yajño balervṛtto baliryatra ca saṃyataḥ

Sanskrit only: no published translation is held for this verse.

देवानां जन्मभूमिर्या त्रिषु लोकेषु विश्रुता । विवाहाः क्रतवश्चैव जातकर्मादिकाः क्रियाः

devānāṃ janmabhūmiryā triṣu lokeṣu viśrutā / vivāhāḥ kratavaścaiva jātakarmādikāḥ kriyāḥ

Sanskrit only: no published translation is held for this verse.

देवानां यत्र वृत्तानि कन्यादानानि यानि च । रेमे नित्यं भवो यत्र सहायैः पार्षदैर्गणैः

devānāṃ yatra vṛttāni kanyādānāni yāni ca / reme nityaṃ bhavo yatra sahāyaiḥ pārṣadairgaṇaiḥ

Sanskrit only: no published translation is held for this verse.

लोकपालाः सदा यत्र तस्थुर्मेरुगिरौ यथा । मधुपिङ्गलनेत्रस्तु चन्द्रावयवभूषणः । देवानामधिपं प्राह गणपांश्च महेश्वरः

lokapālāḥ sadā yatra tasthurmerugirau yathā / madhupiṅgalanetrastu candrāvayavabhūṣaṇaḥ / devānāmadhipaṃ prāha gaṇapāṃśca maheśvaraḥ

Sanskrit only: no published translation is held for this verse.

वासवैतद् अरीणां ते त्रिपुरं परिदृश्यते । विमानैश्च पताकाभिर् ध्वजैश्च समलंकृतम्

vāsavaitad arīṇāṃ te tripuraṃ paridṛśyate / vimānaiśca patākābhir dhvajaiśca samalaṃkṛtam

Sanskrit only: no published translation is held for this verse.

इदं वृत्तमिदं ख्यातं वह्निवद्भृशतापनम् । एते जना गिरिप्रख्याः सकुण्डलकिरीटिनः

idaṃ vṛttamidaṃ khyātaṃ vahnivadbhṛśatāpanam / ete janā giriprakhyāḥ sakuṇḍalakirīṭinaḥ

Sanskrit only: no published translation is held for this verse.

प्राकारगोपुराट्टेषु कक्षान्ते दानवाः स्थिताः । इमे च तोयदाभासा दनुजा विकृताननाः

prākāragopurāṭṭeṣu kakṣānte dānavāḥ sthitāḥ / ime ca toyadābhāsā danujā vikṛtānanāḥ

Sanskrit only: no published translation is held for this verse.

निर्गच्छन्ति पुरो दैत्याः सायुधा विजयैषिणः

nirgacchanti puro daityāḥ sāyudhā vijayaiṣiṇaḥ

Sanskrit only: no published translation is held for this verse.

स त्वं सुरशतैः सार्धं ससहायो वरायुधः । सहद्भिर्मामकैर्भृत्यैर् व्यापादय महासुरान्

sa tvaṃ suraśataiḥ sārdhaṃ sasahāyo varāyudhaḥ / sahadbhirmāmakairbhṛtyair vyāpādaya mahāsurān

Sanskrit only: no published translation is held for this verse.

अहं च रथवर्येण निश्चलाचलवत्स्थितः । पुरः पुरस्य रन्ध्रार्थी स्थास्यामि विजयाय वः

ahaṃ ca rathavaryeṇa niścalācalavatsthitaḥ / puraḥ purasya randhrārthī sthāsyāmi vijayāya vaḥ

Sanskrit only: no published translation is held for this verse.

यदा तु पुष्ययोगेण एकत्वं स्थास्यते पुरम् । तदेतन्निर्दहिष्यामि शरेणैकेन वासव

yadā tu puṣyayogeṇa ekatvaṃ sthāsyate puram / tadetannirdahiṣyāmi śareṇaikena vāsava

Sanskrit only: no published translation is held for this verse.

इत्युक्तो वै भगवता रुद्रेणेह सुरेश्वरः । ययौ तत्त्रिपुरं जेतुं तेन सैन्येन संवृतः

ityukto vai bhagavatā rudreṇeha sureśvaraḥ / yayau tattripuraṃ jetuṃ tena sainyena saṃvṛtaḥ

Sanskrit only: no published translation is held for this verse.

प्रक्रान्तरथभीमैस्तैः सदेवैः पार्षदां गणैः । कृतसिंहरवोपेतैर् उद्गच्छद्भिरिवाम्बुदैः

prakrāntarathabhīmaistaiḥ sadevaiḥ pārṣadāṃ gaṇaiḥ / kṛtasiṃharavopetair udgacchadbhirivāmbudaiḥ

Sanskrit only: no published translation is held for this verse.

तेन नादेन त्रिपुराद् दानवा युद्धलालसाः । उत्पत्य दुद्रुवुश्चेलुः सायुधाः खे गणेश्वरान्

tena nādena tripurād dānavā yuddhalālasāḥ / utpatya dudruvuśceluḥ sāyudhāḥ khe gaṇeśvarān

Sanskrit only: no published translation is held for this verse.

अन्ये पयोधरारावाः पयोधरसमा बभुः । ससिंहनादं वादित्रं वादयामासुरुद्धताः

anye payodharārāvāḥ payodharasamā babhuḥ / sasiṃhanādaṃ vāditraṃ vādayāmāsuruddhatāḥ

Sanskrit only: no published translation is held for this verse.

देवानां सिंहनादश्च सर्वतूर्यरवो महान् । ग्रस्तो ऽभूद्दैत्यनादैश्च चन्द्रस्तोयधरैरिव

devānāṃ siṃhanādaśca sarvatūryaravo mahān / grasto 'bhūddaityanādaiśca candrastoyadharairiva

Sanskrit only: no published translation is held for this verse.

चन्द्रोदयात्समुद्भूतः पौर्णमास इवार्णवः । त्रिपुरं प्रभवत्तद्वद् भीमरूपमहासुरैः

candrodayātsamudbhūtaḥ paurṇamāsa ivārṇavaḥ / tripuraṃ prabhavattadvad bhīmarūpamahāsuraiḥ

Sanskrit only: no published translation is held for this verse.

प्राकारेषु पुरे तत्र गोपुरेष्वपि चापरे । अट्टालकान्समारुह्य केचिच् चलितवादिनः

prākāreṣu pure tatra gopureṣvapi cāpare / aṭṭālakānsamāruhya kecic calitavādinaḥ

Sanskrit only: no published translation is held for this verse.

स्वर्णमालाधराः शूराः प्रभासितकराम्बराः । केचिन् नदन्ति दनुजास् तोयमत्ता इवाम्बुदाः

svarṇamālādharāḥ śūrāḥ prabhāsitakarāmbarāḥ / kecin nadanti danujās toyamattā ivāmbudāḥ

Sanskrit only: no published translation is held for this verse.

इतश्चेतश्च धावन्तः केचिदुद्भूतवाससः । किमेतदिति पप्रच्छुर् अन्योन्यं गृहमाश्रिताः

itaścetaśca dhāvantaḥ kecidudbhūtavāsasaḥ / kimetaditi papracchur anyonyaṃ gṛhamāśritāḥ

Sanskrit only: no published translation is held for this verse.

किमेतन्नैव जानामि ज्ञानमन्तर्हितं हि मे । ज्ञास्यसे ऽनन्तरेणेति कालो विस्तारतो महान्

kimetannaiva jānāmi jñānamantarhitaṃ hi me / jñāsyase 'nantareṇeti kālo vistārato mahān

Sanskrit only: no published translation is held for this verse.

सो ऽप्यसौ पृथ्वीसारं च सिंहश्च रथमास्थितः । तिष्ठते त्रिपुरं पीड्य देहं व्याधिरिवोच्छ्रितः

so 'pyasau pṛthvīsāraṃ ca siṃhaśca rathamāsthitaḥ / tiṣṭhate tripuraṃ pīḍya dehaṃ vyādhirivocchritaḥ

Sanskrit only: no published translation is held for this verse.

य एषो ऽस्ति स एषो ऽस्तु का चिन्ता सम्भ्रमे सति । एहि आयुधम् आदाय क्व मे पृच्छा भविष्यति

ya eṣo 'sti sa eṣo 'stu kā cintā sambhrame sati / ehi āyudham ādāya kva me pṛcchā bhaviṣyati

Sanskrit only: no published translation is held for this verse.

इति ते ऽन्योन्यमाविद्धा उत्तरोत्तरभाषिणः । आसाद्य पृच्छन्ति तदा दानवास्त्रिपुरालयाः

iti te 'nyonyamāviddhā uttarottarabhāṣiṇaḥ / āsādya pṛcchanti tadā dānavāstripurālayāḥ

Sanskrit only: no published translation is held for this verse.

तारकाख्यपुरे दैत्यास् तारकाख्यपुरःसराः । निर्गताः कुपितास्तूर्णं बिलादिव महोरगाः

tārakākhyapure daityās tārakākhyapuraḥsarāḥ / nirgatāḥ kupitāstūrṇaṃ bilādiva mahoragāḥ

Sanskrit only: no published translation is held for this verse.

निर्धावन्तस्तु ते दैत्याः प्रमथाधिपयूथपैः । निरुद्धा गजराजानो यथा केसरियूथपैः

nirdhāvantastu te daityāḥ pramathādhipayūthapaiḥ / niruddhā gajarājāno yathā kesariyūthapaiḥ

Sanskrit only: no published translation is held for this verse.

दर्पितानां ततश्चैषां दर्पितानाम् इवाग्नीनाम् । रूपाणि जज्वलुस्तेषाम् अग्नीनामिव धम्यताम्

darpitānāṃ tataścaiṣāṃ darpitānām ivāgnīnām / rūpāṇi jajvalusteṣām agnīnāmiva dhamyatām

Sanskrit only: no published translation is held for this verse.

ततो बृहन्ति चापानि भीमनादानि सर्वशः । निकृष्य जघ्नुरन्योन्यम् इषुभिः प्राणभोजनैः

tato bṛhanti cāpāni bhīmanādāni sarvaśaḥ / nikṛṣya jaghnuranyonyam iṣubhiḥ prāṇabhojanaiḥ

Sanskrit only: no published translation is held for this verse.

मार्जारमृगभीमास्यान् पार्षदान्विकृताननान् । दृष्ट्वा दृष्ट्वाहसन्नुच्चैर् दानवा रूपसम्पदा

mārjāramṛgabhīmāsyān pārṣadānvikṛtānanān / dṛṣṭvā dṛṣṭvāhasannuccair dānavā rūpasampadā

Sanskrit only: no published translation is held for this verse.

बाहुभिः परिघाकारैः कृष्यतां धनुषां शराः । भटवर्मेषु विविशुस् तडागानीव पक्षिणः

bāhubhiḥ parighākāraiḥ kṛṣyatāṃ dhanuṣāṃ śarāḥ / bhaṭavarmeṣu viviśus taḍāgānīva pakṣiṇaḥ

Sanskrit only: no published translation is held for this verse.

मृताः स्थ क्व नु यास्यध्वं हनिष्यामो निवर्तताम् । इत्येवं परुषाण्युक्त्वा दानवाः पार्षदर्षभान्

mṛtāḥ stha kva nu yāsyadhvaṃ haniṣyāmo nivartatām / ityevaṃ paruṣāṇyuktvā dānavāḥ pārṣadarṣabhān

Sanskrit only: no published translation is held for this verse.

बिभिदुः सायकैस्तीक्ष्णैः सूर्यपादा इवाम्बुदान् । प्रमथा अपि सिंहाक्षाः सिंहविक्रान्तविक्रमाः । खण्डशैलशिलावृक्षैर् बिभिदुर् दैत्यदानवान्

bibhiduḥ sāyakaistīkṣṇaiḥ sūryapādā ivāmbudān / pramathā api siṃhākṣāḥ siṃhavikrāntavikramāḥ / khaṇḍaśailaśilāvṛkṣair bibhidur daityadānavān

Sanskrit only: no published translation is held for this verse.

अम्बुदैराकुलमिव हंसाकुलमिवाम्बरम् । दानवाकुलमत्यर्थं तत्पुरं सकलं बभौ

ambudairākulamiva haṃsākulamivāmbaram / dānavākulamatyarthaṃ tatpuraṃ sakalaṃ babhau

Sanskrit only: no published translation is held for this verse.

विकृष्टचापा दैत्येन्द्राः सृजन्ति शरदुर्दिनम् । इन्द्रचापाङ्कितोरस्का जलदा इव दुर्दिनम्

vikṛṣṭacāpā daityendrāḥ sṛjanti śaradurdinam / indracāpāṅkitoraskā jaladā iva durdinam

Sanskrit only: no published translation is held for this verse.

इषुभिस्ताड्यमानास्ते भूयो भूयो गणेश्वराः । चक्रुस्ते देहनिर्यासं स्वर्णधातुमिवाचलाः

iṣubhistāḍyamānāste bhūyo bhūyo gaṇeśvarāḥ / cakruste dehaniryāsaṃ svarṇadhātumivācalāḥ

Sanskrit only: no published translation is held for this verse.

तथा वृक्षशिलावज्र-शूलपट्टिपरश्वधैः । चूर्ण्यन्ते ऽभिहता दैत्याः काचाष्टङ्कहता इव

tathā vṛkṣaśilāvajra-śūlapaṭṭiparaśvadhaiḥ / cūrṇyante 'bhihatā daityāḥ kācāṣṭaṅkahatā iva

Sanskrit only: no published translation is held for this verse.

चन्द्रोदयात्समुद्भूतः पौर्णमास इवार्णवः । त्रिपुरं प्रभवत् तद्वद् भीमरूपमहासुरैः

candrodayātsamudbhūtaḥ paurṇamāsa ivārṇavaḥ / tripuraṃ prabhavat tadvad bhīmarūpamahāsuraiḥ

Sanskrit only: no published translation is held for this verse.

तारकाख्यो जयत्येष इति दैत्या अघोषयन् । जयतीन्द्रश्च रुद्रश्च इत्येव च गणेश्वराः

tārakākhyo jayatyeṣa iti daityā aghoṣayan / jayatīndraśca rudraśca ityeva ca gaṇeśvarāḥ

Sanskrit only: no published translation is held for this verse.

वारिता दारिता बाणैर् योधास्तस्मिन्बलार्णवे । निःस्वनन्तो ऽम्बुसमये जलगर्भा इवाम्बुदाः

vāritā dāritā bāṇair yodhāstasminbalārṇave / niḥsvananto 'mbusamaye jalagarbhā ivāmbudāḥ

Sanskrit only: no published translation is held for this verse.

करैश्छिन्नैः शिरोभिश्च ध्वजैश्छत्त्रैश्च पाण्डुरैः । युद्धभूमिर्भयवती मांसशोणितपूरिता

karaiśchinnaiḥ śirobhiśca dhvajaiśchattraiśca pāṇḍuraiḥ / yuddhabhūmirbhayavatī māṃsaśoṇitapūritā

Sanskrit only: no published translation is held for this verse.

व्योम्नि चोत्प्लुत्य सहसा तालमात्रं वरायुधैः । दृढाहताः पतन् पूर्वं दानवाः प्रमथास्तथा

vyomni cotplutya sahasā tālamātraṃ varāyudhaiḥ / dṛḍhāhatāḥ patan pūrvaṃ dānavāḥ pramathāstathā

Sanskrit only: no published translation is held for this verse.

सिद्धाश्चाप्सरसश्चैव चारणाश्च नभोगताः । दृढप्रहारहृषिताः साधु साध्विति चुक्रुशुः

siddhāścāpsarasaścaiva cāraṇāśca nabhogatāḥ / dṛḍhaprahārahṛṣitāḥ sādhu sādhviti cukruśuḥ

Sanskrit only: no published translation is held for this verse.

अनाहताश्च वियति देवदुन्दुभयस्तथा । नदन्तो मेघशब्देन शरभा इव रोषिताः

anāhatāśca viyati devadundubhayastathā / nadanto meghaśabdena śarabhā iva roṣitāḥ

Sanskrit only: no published translation is held for this verse.

ते तस्मिंस्त्रिपुरे दैत्या नद्यः सिन्धुपताविव । विशन्ति क्रुद्धवदना वल्मीकमिव पन्नगाः

te tasmiṃstripure daityā nadyaḥ sindhupatāviva / viśanti kruddhavadanā valmīkamiva pannagāḥ

Sanskrit only: no published translation is held for this verse.

तारकाख्यपुरे तस्मिन् सुराः शूराः समन्ततः । सशस्त्रा निपतन्ति स्म सपक्षा इव भूधराः

tārakākhyapure tasmin surāḥ śūrāḥ samantataḥ / saśastrā nipatanti sma sapakṣā iva bhūdharāḥ

Sanskrit only: no published translation is held for this verse.

योधयन्ति त्रिभागेण त्रिपुरे तु गणेश्वराः । विद्युन्माली मयश्चैव मग्नौ च द्रुमवद्रणे

yodhayanti tribhāgeṇa tripure tu gaṇeśvarāḥ / vidyunmālī mayaścaiva magnau ca drumavadraṇe

Sanskrit only: no published translation is held for this verse.

विद्युन्माली स दैत्येन्द्रो गिरीन्द्रसदृशद्युतिः । आदाय परिघं घोरं ताडयामास नन्दिनम्

vidyunmālī sa daityendro girīndrasadṛśadyutiḥ / ādāya parighaṃ ghoraṃ tāḍayāmāsa nandinam

Sanskrit only: no published translation is held for this verse.

स नन्दी दानवेन्द्रेण परिघेण दृढाहतः । भ्रमते मधुना व्यक्तः पुरा नारायणो यथा

sa nandī dānavendreṇa parigheṇa dṛḍhāhataḥ / bhramate madhunā vyaktaḥ purā nārāyaṇo yathā

Sanskrit only: no published translation is held for this verse.

नन्दीश्वरे गते तत्र गणपाः ख्यातविक्रमाः । दुद्रुवुर्जातसंरम्भा विद्युन्मालिनमासुरम्

nandīśvare gate tatra gaṇapāḥ khyātavikramāḥ / dudruvurjātasaṃrambhā vidyunmālinamāsuram

Sanskrit only: no published translation is held for this verse.

घण्टाकर्णः शङ्कुकर्णो महाकालश्च पार्षदाः । ततश्च सायकैः सर्वान् गणपान्गणपाकृतीन्

ghaṇṭākarṇaḥ śaṅkukarṇo mahākālaśca pārṣadāḥ / tataśca sāyakaiḥ sarvān gaṇapāngaṇapākṛtīn

Sanskrit only: no published translation is held for this verse.

भूयो भूयः स विव्याध गणेश्वरमहत्तमान् । भित्त्वा भित्त्वा रुरावोच्चैर् नभस्यम्बुधरो यथा

bhūyo bhūyaḥ sa vivyādha gaṇeśvaramahattamān / bhittvā bhittvā rurāvoccair nabhasyambudharo yathā

Sanskrit only: no published translation is held for this verse.

तस्यारम्भितशब्देन नन्दी दिनकरप्रभः । संज्ञां प्राप्य ततः सो ऽपि विद्युन्मालिनमाद्रवत्

tasyārambhitaśabdena nandī dinakaraprabhaḥ / saṃjñāṃ prāpya tataḥ so 'pi vidyunmālinamādravat

Sanskrit only: no published translation is held for this verse.

रुद्रदत्तं तदा दीप्तं दीप्तानलसमप्रभम् । वज्रं वज्रनिभाङ्गस्य दानवस्य ससर्ज ह

rudradattaṃ tadā dīptaṃ dīptānalasamaprabham / vajraṃ vajranibhāṅgasya dānavasya sasarja ha

Sanskrit only: no published translation is held for this verse.

तं नन्दिभुजनिर्मुक्तं मुक्ताफलविभूषितम् । पपात वक्षसि तदा वज्रं दैत्यस्य भीषणम्

taṃ nandibhujanirmuktaṃ muktāphalavibhūṣitam / papāta vakṣasi tadā vajraṃ daityasya bhīṣaṇam

Sanskrit only: no published translation is held for this verse.

स वज्रनिहतो दैत्यो वज्रसंहननोपमः । पपात वज्राभिहतः शक्रेणाद्रिरिवाहतः

sa vajranihato daityo vajrasaṃhananopamaḥ / papāta vajrābhihataḥ śakreṇādririvāhataḥ

Sanskrit only: no published translation is held for this verse.

दैत्येश्वरं विनिहतं नन्दिना कुलनन्दिना । चुक्रुशुर्दानवाः प्रेक्ष्य दुद्रुवुश्च गणाधिपाः

daityeśvaraṃ vinihataṃ nandinā kulanandinā / cukruśurdānavāḥ prekṣya dudruvuśca gaṇādhipāḥ

Sanskrit only: no published translation is held for this verse.

दुःखामर्षितरोषास्ते विद्युन्मालिनि पातिते । द्रुमशैलमहावृष्टिं पयोदाः ससृजुर्यथा

duḥkhāmarṣitaroṣāste vidyunmālini pātite / drumaśailamahāvṛṣṭiṃ payodāḥ sasṛjuryathā

Sanskrit only: no published translation is held for this verse.

ते पीड्यमाना गुरुभिर् गिरिभिश्च गणेश्वराः । कर्तव्यं न विदुः किंचिद् वन्द्यमाधार्मिका इव

te pīḍyamānā gurubhir giribhiśca gaṇeśvarāḥ / kartavyaṃ na viduḥ kiṃcid vandyamādhārmikā iva

Sanskrit only: no published translation is held for this verse.

ततो ऽसुरवरः श्रीमांस् तारकाख्यः प्रतापवान् । सतरूणां गिरीणां वै तुल्यरूपधरो बभौ

tato 'suravaraḥ śrīmāṃs tārakākhyaḥ pratāpavān / satarūṇāṃ girīṇāṃ vai tulyarūpadharo babhau

Sanskrit only: no published translation is held for this verse.

भिन्नोत्तमाङ्गा गणपा भिन्नपादाङ्किताननाः । विरेजुर्भुजगा मन्त्रैर् वार्यमाणा यथा तथा

bhinnottamāṅgā gaṇapā bhinnapādāṅkitānanāḥ / virejurbhujagā mantrair vāryamāṇā yathā tathā

Sanskrit only: no published translation is held for this verse.

मयेन मायावीर्येण वध्यमाना गणेश्वराः । भ्रमन्ति बहुशब्दालाः पञ्जरे शकुना इव

mayena māyāvīryeṇa vadhyamānā gaṇeśvarāḥ / bhramanti bahuśabdālāḥ pañjare śakunā iva

Sanskrit only: no published translation is held for this verse.

तयासुरवरः श्रीमांस् तारकाख्यः प्रतापवान् । ददाह च बलं सर्वं शुष्केन्धनमिवानलः

tayāsuravaraḥ śrīmāṃs tārakākhyaḥ pratāpavān / dadāha ca balaṃ sarvaṃ śuṣkendhanamivānalaḥ

Sanskrit only: no published translation is held for this verse.

तारकाख्येन वार्यन्ते शरवर्षैस्तदा गणाः । मयेन मायानिहतास् तारकाख्येन चेषुभिः । गणेशा विधुरा जाता जीर्णमूला यथा द्रुमाः

tārakākhyena vāryante śaravarṣaistadā gaṇāḥ / mayena māyānihatās tārakākhyena ceṣubhiḥ / gaṇeśā vidhurā jātā jīrṇamūlā yathā drumāḥ

Sanskrit only: no published translation is held for this verse.

भूयः संपतते चाग्निर् ग्रहान्ग्राहान्भुजंगमान् । गिरीन्द्रांश्च हरीन्व्याघ्रान् वृक्षान् सृमरवर्णकान्

bhūyaḥ saṃpatate cāgnir grahāngrāhānbhujaṃgamān / girīndrāṃśca harīnvyāghrān vṛkṣān sṛmaravarṇakān

Sanskrit only: no published translation is held for this verse.

शरभानष्टपादांश्च अपः पवनमेव च । मयो मायाबलेनैव पातयत्येव शत्रुषु

śarabhānaṣṭapādāṃśca apaḥ pavanameva ca / mayo māyābalenaiva pātayatyeva śatruṣu

Sanskrit only: no published translation is held for this verse.

ते तारकाख्येन मयेन मायया संमुह्यमाना विवशा गणेश्वराः । नाशक्नुवंस्ते मनसापि चेष्टितुं यथेन्द्रियार्था मुनिनाभिसंयताः

te tārakākhyena mayena māyayā saṃmuhyamānā vivaśā gaṇeśvarāḥ / nāśaknuvaṃste manasāpi ceṣṭituṃ yathendriyārthā muninābhisaṃyatāḥ

Sanskrit only: no published translation is held for this verse.

महाजलाग्न्यादिसकुञ्जरोरगैर् हरीन्द्रव्याघ्रर्क्षतरक्षुराक्षसैः । विबाध्यमानास्तमसा विमोहिताः समुद्रमध्येष्विव गाधकाङ्क्षिणः

mahājalāgnyādisakuñjaroragair harīndravyāghrarkṣatarakṣurākṣasaiḥ / vibādhyamānāstamasā vimohitāḥ samudramadhyeṣviva gādhakāṅkṣiṇaḥ

Sanskrit only: no published translation is held for this verse.

संमर्द्यमानेषु गणेश्वरेषु संनर्दमानेषु सुरेतरेषु । ततः सुराणां प्रवराभिरक्षितुं रिपोर्बलं संविविशुः सहायुधाः

saṃmardyamāneṣu gaṇeśvareṣu saṃnardamāneṣu suretareṣu / tataḥ surāṇāṃ pravarābhirakṣituṃ riporbalaṃ saṃviviśuḥ sahāyudhāḥ

Sanskrit only: no published translation is held for this verse.

यमो गदास्त्रो वरुणश्च भास्करस् तथा कुमारो ऽमरकोटिसंयुतः । स्वयं च शक्रः सितनागवाहनः कुलीशपाणिः सुरलोकपुंगवः

yamo gadāstro varuṇaśca bhāskaras tathā kumāro 'marakoṭisaṃyutaḥ / svayaṃ ca śakraḥ sitanāgavāhanaḥ kulīśapāṇiḥ suralokapuṃgavaḥ

Sanskrit only: no published translation is held for this verse.

स चोडुनाथः ससुतो दिवाकरः स सान्तकस्त्र्यक्षपतिर् महाद्युतिः । एते रिपूणां प्रबलाभिरक्षितं तदा बलं संविविशुर्मदोद्धताः

sa coḍunāthaḥ sasuto divākaraḥ sa sāntakastryakṣapatir mahādyutiḥ / ete ripūṇāṃ prabalābhirakṣitaṃ tadā balaṃ saṃviviśurmadoddhatāḥ

Sanskrit only: no published translation is held for this verse.

यथा वनं दर्पितकुञ्जराधिपा यथा नभः साम्बुधरं दिवाकरः । यथा च सिंहैर्विजनेषु गोकुलं तथा बलं तत्त्रिदशैर् अभिद्रुतम्

yathā vanaṃ darpitakuñjarādhipā yathā nabhaḥ sāmbudharaṃ divākaraḥ / yathā ca siṃhairvijaneṣu gokulaṃ tathā balaṃ tattridaśair abhidrutam

Sanskrit only: no published translation is held for this verse.

कृतप्रहारातुरदीनदानवं ततस्त्वभज्यन्त बलं हि पार्षदाः । स्वर्ज्योतिषां ज्योतिर् इवोष्मवान् हरिर् यथा तमो घोरतरं नराणाम्

kṛtaprahārāturadīnadānavaṃ tatastvabhajyanta balaṃ hi pārṣadāḥ / svarjyotiṣāṃ jyotir ivoṣmavān harir yathā tamo ghorataraṃ narāṇām

Sanskrit only: no published translation is held for this verse.

विशान्तयामास यथा सदैव निशाकरः संचितशार्वरं तमः । ततो ऽपकृष्टे च तमःप्रभावे अस्त्रप्रभावे च विवर्धमाने

viśāntayāmāsa yathā sadaiva niśākaraḥ saṃcitaśārvaraṃ tamaḥ / tato 'pakṛṣṭe ca tamaḥprabhāve astraprabhāve ca vivardhamāne

Sanskrit only: no published translation is held for this verse.

दिग्लोकपालैर् गणनायकैश्च कृतो महान्सिंहरवो मुहूर्तम् । संख्ये विभग्ना विकरा विपादाश् छिन्नोत्तमाङ्गाः शरपूरिताङ्गाः

diglokapālair gaṇanāyakaiśca kṛto mahānsiṃharavo muhūrtam / saṃkhye vibhagnā vikarā vipādāś chinnottamāṅgāḥ śarapūritāṅgāḥ

Sanskrit only: no published translation is held for this verse.

देवेतरा देववरैर्विभिन्नाः सीदन्ति पङ्केषु यथा गजेन्द्राः । वज्रेण भीमेन च वज्रपाणिः शक्त्या च शक्त्या च मयूरकेतुः

devetarā devavarairvibhinnāḥ sīdanti paṅkeṣu yathā gajendrāḥ / vajreṇa bhīmena ca vajrapāṇiḥ śaktyā ca śaktyā ca mayūraketuḥ

Sanskrit only: no published translation is held for this verse.

दण्डेन चोग्रेण च धर्मराजः पाशेन चोग्रेण च वारिगोप्ता । शूलेन कालेन च यक्षराजो वीर्येण तेजस्वितया सुकेशः

daṇḍena cogreṇa ca dharmarājaḥ pāśena cogreṇa ca vārigoptā / śūlena kālena ca yakṣarājo vīryeṇa tejasvitayā sukeśaḥ

Sanskrit only: no published translation is held for this verse.

गणेश्वरास्ते सुरसंनिकाशाः पूर्णाहुतीसिक्तशिखिप्रकाशाः । उत्सादयन्ते दनुपुत्रवृन्दान् यथैव इन्द्राशनयः पतन्त्यः

gaṇeśvarāste surasaṃnikāśāḥ pūrṇāhutīsiktaśikhiprakāśāḥ / utsādayante danuputravṛndān yathaiva indrāśanayaḥ patantyaḥ

Sanskrit only: no published translation is held for this verse.

मयस्तु देवान्परिरक्षितारम् उमात्मजं देववरं कुमारम् । शरेण भित्त्वा स हि तारकासुतं स तारकाख्यासुरम् आबभाषे

mayastu devānparirakṣitāram umātmajaṃ devavaraṃ kumāram / śareṇa bhittvā sa hi tārakāsutaṃ sa tārakākhyāsuram ābabhāṣe

Sanskrit only: no published translation is held for this verse.

कृत्वा प्रहारं प्रविशामि वीरं पुरं हि दैत्येन्द्रबलेन युक्तः । विश्राममूर्जस्करमप्यवाप्य पुनः करिष्यामि रणं प्रपन्नैः

kṛtvā prahāraṃ praviśāmi vīraṃ puraṃ hi daityendrabalena yuktaḥ / viśrāmamūrjaskaramapyavāpya punaḥ kariṣyāmi raṇaṃ prapannaiḥ

Sanskrit only: no published translation is held for this verse.

वयं हि शस्त्रक्षतविक्षताङ्गा विशीर्णशस्त्रध्वजवर्मवाहाः । जयैषिणस्ते जयकाशिनश्च गणेश्वरा लोकवराधिपाश्च

vayaṃ hi śastrakṣatavikṣatāṅgā viśīrṇaśastradhvajavarmavāhāḥ / jayaiṣiṇaste jayakāśinaśca gaṇeśvarā lokavarādhipāśca

Sanskrit only: no published translation is held for this verse.

मयस्य श्रुत्वा दिवि तारकाख्यो वचो ऽभिकाङ्क्षन्क्षतजोपमाक्षः । विवेश तूर्णं त्रिपुरं दितेः सुतैः सुतैरदित्या युधि वृद्धहर्षैः

mayasya śrutvā divi tārakākhyo vaco 'bhikāṅkṣankṣatajopamākṣaḥ / viveśa tūrṇaṃ tripuraṃ diteḥ sutaiḥ sutairadityā yudhi vṛddhaharṣaiḥ

Sanskrit only: no published translation is held for this verse.