Matsya Purāṇa 136

*सूत उवाच मयः प्रहारं कृत्वा तु मायावी दानवर्षभः । विवेश तूर्णं त्रिपुरम् अभ्रं नीलमिवाम्बरम्

*sūta uvāca mayaḥ prahāraṃ kṛtvā tu māyāvī dānavarṣabhaḥ / viveśa tūrṇaṃ tripuram abhraṃ nīlamivāmbaram

Sanskrit only: no published translation is held for this verse.

स दीर्घमुष्णं निःश्वस्य दानवान्वीक्ष्य मध्यगान् । दध्यौ लोकक्षये प्राप्ते कालं काल इवापरः

sa dīrghamuṣṇaṃ niḥśvasya dānavānvīkṣya madhyagān / dadhyau lokakṣaye prāpte kālaṃ kāla ivāparaḥ

Sanskrit only: no published translation is held for this verse.

इन्द्रो ऽपि बिभ्यते यस्य स्थितो युद्धेप्सुरग्रतः । स चापि निधनं प्राप्तो विद्युन्माली महायशाः

indro 'pi bibhyate yasya sthito yuddhepsuragrataḥ / sa cāpi nidhanaṃ prāpto vidyunmālī mahāyaśāḥ

Sanskrit only: no published translation is held for this verse.

दुर्गं वै त्रिपुरस्यास्य न समं विद्यते पुरम् । तस्याप्येषो ऽनयः प्राप्तो न दुर्गं कारणं क्वचित्

durgaṃ vai tripurasyāsya na samaṃ vidyate puram / tasyāpyeṣo 'nayaḥ prāpto na durgaṃ kāraṇaṃ kvacit

Sanskrit only: no published translation is held for this verse.

कालस्यैव वशे सर्वं दुर्गं दुर्गतरं च यत् । काले क्रुद्धे कथं कालात् त्राणं नो ऽद्य भविष्यति

kālasyaiva vaśe sarvaṃ durgaṃ durgataraṃ ca yat / kāle kruddhe kathaṃ kālāt trāṇaṃ no 'dya bhaviṣyati

Sanskrit only: no published translation is held for this verse.

एकेषु त्रिषु यत्किंचिद् बलं वै सर्वजन्तुषु । कालस्य तद्वशं सर्वम् इति पैतामहो विधिः

ekeṣu triṣu yatkiṃcid balaṃ vai sarvajantuṣu / kālasya tadvaśaṃ sarvam iti paitāmaho vidhiḥ

Sanskrit only: no published translation is held for this verse.

अस्मिन्कः प्रभवेद्योगो ह्य् असंधार्ये ऽमितात्मनि । लङ्घने कः समर्थः स्याद् ऋते देवं महेश्वरम्

asminkaḥ prabhavedyogo hy asaṃdhārye 'mitātmani / laṅghane kaḥ samarthaḥ syād ṛte devaṃ maheśvaram

Sanskrit only: no published translation is held for this verse.

बिभेमि नेन्द्राद्धि यमाद् वरुणान्न च वित्तपात् । स्वामी चैषां तु देवानां दुर्जयः स महेश्वरः

bibhemi nendrāddhi yamād varuṇānna ca vittapāt / svāmī caiṣāṃ tu devānāṃ durjayaḥ sa maheśvaraḥ

Sanskrit only: no published translation is held for this verse.

ऐश्वर्यस्य फलं यत्तत् प्रभुत्वस्य च यत्फलम् । तदद्य दर्शयिष्यामि यावद्वीराः समन्ततः

aiśvaryasya phalaṃ yattat prabhutvasya ca yatphalam / tadadya darśayiṣyāmi yāvadvīrāḥ samantataḥ

Sanskrit only: no published translation is held for this verse.

वापीममृततोयेन पूर्णां स्रक्ष्ये वरौषधीः । जीविष्यन्ति तदा दैत्याः संजीवनवरौषधैः

vāpīmamṛtatoyena pūrṇāṃ srakṣye varauṣadhīḥ / jīviṣyanti tadā daityāḥ saṃjīvanavarauṣadhaiḥ

Sanskrit only: no published translation is held for this verse.

इति संचिन्त्य बलवान् मयो मायाविनां वरः । मायया ससृजे वापीं रम्भामिव पितामहः

iti saṃcintya balavān mayo māyāvināṃ varaḥ / māyayā sasṛje vāpīṃ rambhāmiva pitāmahaḥ

Sanskrit only: no published translation is held for this verse.

द्वियोजनायतां दीर्घां पूर्णयोजनविस्तृताम् । आरोहसंक्रमवतीं चित्ररूपां कथामिव

dviyojanāyatāṃ dīrghāṃ pūrṇayojanavistṛtām / ārohasaṃkramavatīṃ citrarūpāṃ kathāmiva

Sanskrit only: no published translation is held for this verse.

इन्दोः किरणकल्पेन मृष्टेनामृतगन्धिना । पूर्णां परमतोयेन गुणपूर्णामिवाङ्गनाम्

indoḥ kiraṇakalpena mṛṣṭenāmṛtagandhinā / pūrṇāṃ paramatoyena guṇapūrṇāmivāṅganām

Sanskrit only: no published translation is held for this verse.

उत्पलैः कुमुदैः पद्मैर् वृतां कादम्बकैस्तथा । चन्द्रभास्करवर्णाभैर् भीमैर् आवरणैर्वृताम्

utpalaiḥ kumudaiḥ padmair vṛtāṃ kādambakaistathā / candrabhāskaravarṇābhair bhīmair āvaraṇairvṛtām

Sanskrit only: no published translation is held for this verse.

खगैर् मधुररावैश्च चारुचामीकरप्रभैः । कामैषिभिर् इवाकीर्णां जीवानामरणीम् इव

khagair madhurarāvaiśca cārucāmīkaraprabhaiḥ / kāmaiṣibhir ivākīrṇāṃ jīvānāmaraṇīm iva

Sanskrit only: no published translation is held for this verse.

तां वापीं सृज्य स मयो गङ्गामिव महेश्वरः । तस्यां प्रक्षालयामास विद्युन्मालिनमादितः

tāṃ vāpīṃ sṛjya sa mayo gaṅgāmiva maheśvaraḥ / tasyāṃ prakṣālayāmāsa vidyunmālinamāditaḥ

Sanskrit only: no published translation is held for this verse.

स वाप्यां मज्जितो दैत्यो देवशत्रुर्महाबलः । उत्तस्थाविन्धनैरिद्धः सद्यो हुत इवानलः

sa vāpyāṃ majjito daityo devaśatrurmahābalaḥ / uttasthāvindhanairiddhaḥ sadyo huta ivānalaḥ

Sanskrit only: no published translation is held for this verse.

मयस्य चाञ्जलिं कृत्वा तारकाख्यो ऽभिवादितः । विद्युन्मालीति वचनं मयमुत्थाय चाब्रवीत्

mayasya cāñjaliṃ kṛtvā tārakākhyo 'bhivāditaḥ / vidyunmālīti vacanaṃ mayamutthāya cābravīt

Sanskrit only: no published translation is held for this verse.

क्व नन्दी सह रुद्रेण वृतः प्रमथजम्बुकैः । युध्यामो ऽरीन् विनिष्पीड्य दया देहेषु का हि नः

kva nandī saha rudreṇa vṛtaḥ pramathajambukaiḥ / yudhyāmo 'rīn viniṣpīḍya dayā deheṣu kā hi naḥ

Sanskrit only: no published translation is held for this verse.

अन्वास्यैव च रुद्रस्य भवामः प्रभविष्णवः । तैर्वा विनिहता युद्धे भविष्यामो यमाशनाः

anvāsyaiva ca rudrasya bhavāmaḥ prabhaviṣṇavaḥ / tairvā vinihatā yuddhe bhaviṣyāmo yamāśanāḥ

Sanskrit only: no published translation is held for this verse.

विद्युन्मालेर् निशम्यैतन् मयो वचनमूर्जितम् । तं परिष्वज्य सार्द्राक्ष इदमाह महासुरः

vidyunmāler niśamyaitan mayo vacanamūrjitam / taṃ pariṣvajya sārdrākṣa idamāha mahāsuraḥ

Sanskrit only: no published translation is held for this verse.

विद्युन्मालिन्न मे राज्यम् अभिप्रेतं न जीवितम् । त्वया विना महाबाहो किमन्येन महासुर

vidyunmālinna me rājyam abhipretaṃ na jīvitam / tvayā vinā mahābāho kimanyena mahāsura

Sanskrit only: no published translation is held for this verse.

महामृतमयी वापी ह्य् एषा मायाभिरीश्वर । सृष्टा दानवदैत्यानां हतानां जीववर्धिनी

mahāmṛtamayī vāpī hy eṣā māyābhirīśvara / sṛṣṭā dānavadaityānāṃ hatānāṃ jīvavardhinī

Sanskrit only: no published translation is held for this verse.

दिष्ट्या त्वां दैत्य पश्यामि यमलोकाद् इहागतम् । दुर्गतावनयग्रस्तं भोक्ष्यामो ऽद्य महानिधिम्

diṣṭyā tvāṃ daitya paśyāmi yamalokād ihāgatam / durgatāvanayagrastaṃ bhokṣyāmo 'dya mahānidhim

Sanskrit only: no published translation is held for this verse.

दृष्ट्वा दृष्ट्वा च तां वापीं मायया मयनिर्मिताम् । हृष्टाननाक्षा दैत्येन्द्रा इदं वचनमब्रुवन्

dṛṣṭvā dṛṣṭvā ca tāṃ vāpīṃ māyayā mayanirmitām / hṛṣṭānanākṣā daityendrā idaṃ vacanamabruvan

Sanskrit only: no published translation is held for this verse.

दानवा युध्यतेदानीं प्रमथैः सह निर्भयाः । मयेन निर्मिता वापी हतान्संजीवयिष्यति

dānavā yudhyatedānīṃ pramathaiḥ saha nirbhayāḥ / mayena nirmitā vāpī hatānsaṃjīvayiṣyati

Sanskrit only: no published translation is held for this verse.

ततः क्षुब्धाम्बुधिनिभा भेरी सा तु भयंकरी । वाद्यमाना ननादोच्चै रौरवी सा पुनः पुनः

tataḥ kṣubdhāmbudhinibhā bherī sā tu bhayaṃkarī / vādyamānā nanādoccai rauravī sā punaḥ punaḥ

Sanskrit only: no published translation is held for this verse.

श्रुत्वा भेरीरवं घोरं मेघारम्भितसंनिभम् । न्यपतन्नसुरास्तूर्णं त्रिपुराद्युद्धलालसाः

śrutvā bherīravaṃ ghoraṃ meghārambhitasaṃnibham / nyapatannasurāstūrṇaṃ tripurādyuddhalālasāḥ

Sanskrit only: no published translation is held for this verse.

लोहराजतसौवर्णैः कटकैर्मणिराजितैः । आमुक्तैः कुण्डलैर्हारैर् मुकुटैरपि चोत्कटैः

loharājatasauvarṇaiḥ kaṭakairmaṇirājitaiḥ / āmuktaiḥ kuṇḍalairhārair mukuṭairapi cotkaṭaiḥ

Sanskrit only: no published translation is held for this verse.

धूमायिता ह्यविरमा ज्वलन्त इव पावकाः । आयुधानि समादाय काशिनो दृढविक्रमाः

dhūmāyitā hyaviramā jvalanta iva pāvakāḥ / āyudhāni samādāya kāśino dṛḍhavikramāḥ

Sanskrit only: no published translation is held for this verse.

नृत्यमाना इव नटा गर्जन्त इव तोयदाः । करोच्छ्रया इव गजाः सिंहा इव च निर्भयाः

nṛtyamānā iva naṭā garjanta iva toyadāḥ / karocchrayā iva gajāḥ siṃhā iva ca nirbhayāḥ

Sanskrit only: no published translation is held for this verse.

ह्रदा इव च गम्भीराः सूर्या इव प्रतापिताः । द्रुमा इव च दैत्येन्द्रास् त्रासयन्तो बलं महत्

hradā iva ca gambhīrāḥ sūryā iva pratāpitāḥ / drumā iva ca daityendrās trāsayanto balaṃ mahat

Sanskrit only: no published translation is held for this verse.

प्रमथा अपि सोत्साहा गरुडोत्पातपातिनः । युयुत्सवो ऽभिधावन्ति दानवान्दानवारयः

pramathā api sotsāhā garuḍotpātapātinaḥ / yuyutsavo 'bhidhāvanti dānavāndānavārayaḥ

Sanskrit only: no published translation is held for this verse.

नन्दीश्वरेण प्रमथास् तारकाख्येन दानवाः । चक्रुः संहत्य संग्रामं चोद्यमाना बलेन च

nandīśvareṇa pramathās tārakākhyena dānavāḥ / cakruḥ saṃhatya saṃgrāmaṃ codyamānā balena ca

Sanskrit only: no published translation is held for this verse.

ते ऽसिभिश्चन्द्रसंकाशैः शूलैश्चानलपिङ्गलैः । बाणैश्च दृढनिर्मुक्तैर् अभिजघ्नुः परस्परम्

te 'sibhiścandrasaṃkāśaiḥ śūlaiścānalapiṅgalaiḥ / bāṇaiśca dṛḍhanirmuktair abhijaghnuḥ parasparam

Sanskrit only: no published translation is held for this verse.

शराणां सृज्यमानानाम् असीनां च निपात्यताम् । रूपाण्यासन्महोल्कानां पतन्तीनामिवाम्बरात्

śarāṇāṃ sṛjyamānānām asīnāṃ ca nipātyatām / rūpāṇyāsanmaholkānāṃ patantīnāmivāmbarāt

Sanskrit only: no published translation is held for this verse.

शक्तिभिर्भिन्नहृदया निर्दया इव पातिताः । निरयेष्विव निर्मग्नाः कूजन्ते प्रमथासुराः

śaktibhirbhinnahṛdayā nirdayā iva pātitāḥ / nirayeṣviva nirmagnāḥ kūjante pramathāsurāḥ

Sanskrit only: no published translation is held for this verse.

हेमकुण्डलयुक्तानि किरीटोत्कटवन्ति च । शिरांस्युर्व्यां पतन्ति स्म गिरिकूटा इवात्यये

hemakuṇḍalayuktāni kirīṭotkaṭavanti ca / śirāṃsyurvyāṃ patanti sma girikūṭā ivātyaye

Sanskrit only: no published translation is held for this verse.

परश्वधैः पट्टिशैश्च खड्गैश्च परिघैस्तथा । छिन्नाः करिवराकारा निपेतुस्ते धरातले

paraśvadhaiḥ paṭṭiśaiśca khaḍgaiśca parighaistathā / chinnāḥ karivarākārā nipetuste dharātale

Sanskrit only: no published translation is held for this verse.

गर्जन्ति सहसा हृष्टाः प्रमथा भीमगर्जनाः । साधयन्त्यपरे सिद्धा युद्धगान्धर्वमद्भुतम्

garjanti sahasā hṛṣṭāḥ pramathā bhīmagarjanāḥ / sādhayantyapare siddhā yuddhagāndharvamadbhutam

Sanskrit only: no published translation is held for this verse.

बलवान्भासि प्रमथ दर्पितो भासि दानव । इति चोच्चारयन्वाचं वारणा रणधूर्गताः

balavānbhāsi pramatha darpito bhāsi dānava / iti coccārayanvācaṃ vāraṇā raṇadhūrgatāḥ

Sanskrit only: no published translation is held for this verse.

परिघैराहताः केचिद् दानवैः शंकरानुगाः । वमन्ते रुधिरं वक्त्रैः स्वर्णधातुमिवाचलाः

parighairāhatāḥ kecid dānavaiḥ śaṃkarānugāḥ / vamante rudhiraṃ vaktraiḥ svarṇadhātumivācalāḥ

Sanskrit only: no published translation is held for this verse.

प्रमथैरपि नाराचैर् असुराः सुरशत्रवः । द्रुमैश्च गिरिशृङ्गैश्च गाढमेवाहवे हताः

pramathairapi nārācair asurāḥ suraśatravaḥ / drumaiśca giriśṛṅgaiśca gāḍhamevāhave hatāḥ

Sanskrit only: no published translation is held for this verse.

सूदितानथ तान्दैत्यान् अन्ये दानवपुंगवाः । उत्क्षिप्य चिक्षिपुर् वाप्यां मयदानवचोदिताः

sūditānatha tāndaityān anye dānavapuṃgavāḥ / utkṣipya cikṣipur vāpyāṃ mayadānavacoditāḥ

Sanskrit only: no published translation is held for this verse.

ते चापि भास्वरैर्देहैः स्वर्गलोक इवामराः । उत्तस्थुर्वापीमासाद्य सद्रूपाभरणाम्बराः

te cāpi bhāsvarairdehaiḥ svargaloka ivāmarāḥ / uttasthurvāpīmāsādya sadrūpābharaṇāmbarāḥ

Sanskrit only: no published translation is held for this verse.

अथैके दानवाः प्राप्य वापीप्रक्षेपणाद् असून् । आस्फोट्य सिंहनादं च कृत्वाधावंस्तथासुराः

athaike dānavāḥ prāpya vāpīprakṣepaṇād asūn / āsphoṭya siṃhanādaṃ ca kṛtvādhāvaṃstathāsurāḥ

Sanskrit only: no published translation is held for this verse.

दानवाः प्रमथानेतान् प्रसर्पत किम् आसथ । हतानपि हि वो वापी पुनरुज्जीवयिष्यति

dānavāḥ pramathānetān prasarpata kim āsatha / hatānapi hi vo vāpī punarujjīvayiṣyati

Sanskrit only: no published translation is held for this verse.

एवं श्रुत्वा शङ्कुकर्णो वचो ऽग्रग्रहसंनिभः । द्रुतमेवैत्य देवेशम् इदं वचनमब्रवीत्

evaṃ śrutvā śaṅkukarṇo vaco 'gragrahasaṃnibhaḥ / drutamevaitya deveśam idaṃ vacanamabravīt

Sanskrit only: no published translation is held for this verse.

सूदिताः सूदिता देव प्रमथैरसुरा ह्यमी । उत्तिष्ठन्ति पुनर्भीमाः सस्या इव जलोक्षिताः

sūditāḥ sūditā deva pramathairasurā hyamī / uttiṣṭhanti punarbhīmāḥ sasyā iva jalokṣitāḥ

Sanskrit only: no published translation is held for this verse.

अस्मिन्किल पुरे वापी पूर्णामृतरसाम्भसा । निहता निहता यत्र क्षिप्ता जीवन्ति दानवाः

asminkila pure vāpī pūrṇāmṛtarasāmbhasā / nihatā nihatā yatra kṣiptā jīvanti dānavāḥ

Sanskrit only: no published translation is held for this verse.

इति विज्ञापयद्देवं शङ्कुकर्णो महेश्वरम् । अभवन्दानवबल उत्पाता वै सुदारुणाः

iti vijñāpayaddevaṃ śaṅkukarṇo maheśvaram / abhavandānavabala utpātā vai sudāruṇāḥ

Sanskrit only: no published translation is held for this verse.

तारकाख्यः सुभीमाक्षो दारितास्यो हरिर्यथा । अभ्यधावत्सुसंक्रुद्धो महादेवरथं प्रति

tārakākhyaḥ subhīmākṣo dāritāsyo hariryathā / abhyadhāvatsusaṃkruddho mahādevarathaṃ prati

Sanskrit only: no published translation is held for this verse.

त्रिपुरे तु महान्घोरो भेरीशङ्खरवो बभौ । दानवा निःसृता दृष्ट्वा देवदेवरथे सुरम्

tripure tu mahānghoro bherīśaṅkharavo babhau / dānavā niḥsṛtā dṛṣṭvā devadevarathe suram

Sanskrit only: no published translation is held for this verse.

भूकम्पश्चाभवत्तत्र शताङ्गो भूगतो ऽभवत् । दृष्ट्वा क्षोभमगाद्रुद्रः स्वयम्भूश्च पितामहः

bhūkampaścābhavattatra śatāṅgo bhūgato 'bhavat / dṛṣṭvā kṣobhamagādrudraḥ svayambhūśca pitāmahaḥ

Sanskrit only: no published translation is held for this verse.

ताभ्यां देववरिष्ठाभ्याम् अन्वितः स रथोत्तमः । अनायतनम् आसाद्य सीदते गुणवानिव

tābhyāṃ devavariṣṭhābhyām anvitaḥ sa rathottamaḥ / anāyatanam āsādya sīdate guṇavāniva

Sanskrit only: no published translation is held for this verse.

धातुक्षये देह इव ग्रीष्मे चाल्पमिवोदकम् । शैथिल्यं याति स रथः स्नेहो विप्रकृतो यथा

dhātukṣaye deha iva grīṣme cālpamivodakam / śaithilyaṃ yāti sa rathaḥ sneho viprakṛto yathā

Sanskrit only: no published translation is held for this verse.

रथादुत्पत्यात्मभूर् वै सीदन्तं तु रथोत्तमम् । उज्जहार महाप्राणो रथं त्रैलोक्यरूपिणम्

rathādutpatyātmabhūr vai sīdantaṃ tu rathottamam / ujjahāra mahāprāṇo rathaṃ trailokyarūpiṇam

Sanskrit only: no published translation is held for this verse.

तदा शराद्विनिष्पत्य पीतवासा जनार्दनः । वृषरूपं महत्कृत्वा रथं जग्राह दुर्धरम्

tadā śarādviniṣpatya pītavāsā janārdanaḥ / vṛṣarūpaṃ mahatkṛtvā rathaṃ jagrāha durdharam

Sanskrit only: no published translation is held for this verse.

स विषाणाभ्यां त्रैलोक्यं रथमेव महारथः । प्रगृह्योद्वहते सज्जं कुलं कुलवहो यथा

sa viṣāṇābhyāṃ trailokyaṃ rathameva mahārathaḥ / pragṛhyodvahate sajjaṃ kulaṃ kulavaho yathā

Sanskrit only: no published translation is held for this verse.

तारकाख्यो ऽपि दैत्येन्द्रो गिरीन्द्र इव पक्षवान् । अभ्यद्रवत्तदा देवं ब्रह्माणं हतवांश्च सः

tārakākhyo 'pi daityendro girīndra iva pakṣavān / abhyadravattadā devaṃ brahmāṇaṃ hatavāṃśca saḥ

Sanskrit only: no published translation is held for this verse.

स तारकाख्याभिहतः प्रतोदं न्यस्य कूबरे । विजज्वाल मुहुर्ब्रह्मा श्वासं वक्त्रात् समुद्गिरन्

sa tārakākhyābhihataḥ pratodaṃ nyasya kūbare / vijajvāla muhurbrahmā śvāsaṃ vaktrāt samudgiran

Sanskrit only: no published translation is held for this verse.

तत्र दैत्यैर्महानादो दानवैरपि भैरवः । तारकाख्यस्य पूजार्थं कृतो जलधरोपमः

tatra daityairmahānādo dānavairapi bhairavaḥ / tārakākhyasya pūjārthaṃ kṛto jaladharopamaḥ

Sanskrit only: no published translation is held for this verse.

रथचरणकरो ऽथ महामृधे वृषभवपुर्वृषभेन्द्रपूजितः । दितितनयबलं विमर्द्य सर्वं त्रिपुरपुरं प्रविवेश केशवः

rathacaraṇakaro 'tha mahāmṛdhe vṛṣabhavapurvṛṣabhendrapūjitaḥ / dititanayabalaṃ vimardya sarvaṃ tripurapuraṃ praviveśa keśavaḥ

Sanskrit only: no published translation is held for this verse.

सजलजलदराजितां समस्तां कुमुदवरोत्पलफुल्लपङ्कजाढ्याम् । सुरगुरुरपिबत्पयो ऽमृतं तद् रविरिव संचितशार्वरं तमो ऽन्धम्

sajalajaladarājitāṃ samastāṃ kumudavarotpalaphullapaṅkajāḍhyām / suragururapibatpayo 'mṛtaṃ tad raviriva saṃcitaśārvaraṃ tamo 'ndham

Sanskrit only: no published translation is held for this verse.

वापीं पीत्वासुरेन्द्राणां पीतवासा जनार्दनः । नर्दमानो महाबाहुः प्रविवेश शरं ततः

vāpīṃ pītvāsurendrāṇāṃ pītavāsā janārdanaḥ / nardamāno mahābāhuḥ praviveśa śaraṃ tataḥ

Sanskrit only: no published translation is held for this verse.

ततो ऽसुरा भीमगणेश्वरैर्हताः प्रहारसंवर्धितशोणितापगाः । पराङ्मुखा भीममुखैः कृता रणे यथा नयाभ्युद्यततत्परैर्नरैः

tato 'surā bhīmagaṇeśvarairhatāḥ prahārasaṃvardhitaśoṇitāpagāḥ / parāṅmukhā bhīmamukhaiḥ kṛtā raṇe yathā nayābhyudyatatatparairnaraiḥ

Sanskrit only: no published translation is held for this verse.

स तारकाख्यस् तडिन्मालिरेव च मयेन सार्धं प्रमथैरभिद्रुताः । पुरं परावृत्य नु ते शरार्दिता यथा शरीरं पवनोदये गताः

sa tārakākhyas taḍinmālireva ca mayena sārdhaṃ pramathairabhidrutāḥ / puraṃ parāvṛtya nu te śarārditā yathā śarīraṃ pavanodaye gatāḥ

Sanskrit only: no published translation is held for this verse.

गणेश्वराभ्युद्यतदर्पकाशिनो महेन्द्रनन्दीश्वरषण्मुखा युधि । विनेदुरुच्चैर्जहसुश्च दुर्मदा जयेम चन्द्रादिदिगीश्वरैः सह

gaṇeśvarābhyudyatadarpakāśino mahendranandīśvaraṣaṇmukhā yudhi / vineduruccairjahasuśca durmadā jayema candrādidigīśvaraiḥ saha

Sanskrit only: no published translation is held for this verse.