Matsya Purāṇa 138

*सूत उवाच मघवा तु निहन्तुं तान्-असुरानमरेश्वरः । लोकपाला ययुः सर्वे गणपालाश्च सर्वशः

*sūta uvāca maghavā tu nihantuṃ tān-asurānamareśvaraḥ / lokapālā yayuḥ sarve gaṇapālāśca sarvaśaḥ

Sanskrit only: no published translation is held for this verse.

ईश्वरा मोदिताः सर्व उत्पेतुश्चाम्बरे तदा । खगतास्तु विरेजुस्ते पक्षवन्त इवाचलाः

īśvarā moditāḥ sarva utpetuścāmbare tadā / khagatāstu virejuste pakṣavanta ivācalāḥ

Sanskrit only: no published translation is held for this verse.

प्रययुस्तत्पुरं हन्तुं शरीरमिव व्याधयः । शङ्खाडम्बरनिर्घोषैः पणवान्पटहानपि । नादयन्तः पुरो देवा दृष्टास्त्रिपुरवासिभिः

prayayustatpuraṃ hantuṃ śarīramiva vyādhayaḥ / śaṅkhāḍambaranirghoṣaiḥ paṇavānpaṭahānapi / nādayantaḥ puro devā dṛṣṭāstripuravāsibhiḥ

Sanskrit only: no published translation is held for this verse.

हरः प्राप्त इतीवोक्त्वा बलिनस्ते महासुराः । आजग्मुः परमं क्षोभम् अत्ययेष्विव सागराः

haraḥ prāpta itīvoktvā balinaste mahāsurāḥ / ājagmuḥ paramaṃ kṣobham atyayeṣviva sāgarāḥ

Sanskrit only: no published translation is held for this verse.

सुरतूर्यरवं श्रुत्वा दानवा भीमदर्शनाः । निनेदुर्वादयन्तश्च नानावाद्यान्यनेकशः

suratūryaravaṃ śrutvā dānavā bhīmadarśanāḥ / ninedurvādayantaśca nānāvādyānyanekaśaḥ

Sanskrit only: no published translation is held for this verse.

भूयोदीरितवीर्यास्ते परस्परकृतागसः । पूर्वदेवाश्च देवाश्च सूदयन्तः परस्परम्

bhūyodīritavīryāste parasparakṛtāgasaḥ / pūrvadevāśca devāśca sūdayantaḥ parasparam

Sanskrit only: no published translation is held for this verse.

आक्रोशे ऽपि समप्रख्ये तेषां देहनिकृन्तनम् । प्रवृत्तं युद्धमतुलं प्रहारकृतनिःस्वनम्

ākrośe 'pi samaprakhye teṣāṃ dehanikṛntanam / pravṛttaṃ yuddhamatulaṃ prahārakṛtaniḥsvanam

Sanskrit only: no published translation is held for this verse.

निष्पतन्त इवादित्याः प्रज्वलन्त इवाग्नयः । शंसन्त इव नागेन्द्रा भ्रमन्त एव पक्षिणः । गिरीन्द्रा इव कम्पन्तो गर्जन्त इव तोयदाः

niṣpatanta ivādityāḥ prajvalanta ivāgnayaḥ / śaṃsanta iva nāgendrā bhramanta eva pakṣiṇaḥ / girīndrā iva kampanto garjanta iva toyadāḥ

Sanskrit only: no published translation is held for this verse.

जृम्भन्त इव शार्दूलाः गर्जन्त इव तोयदाः । प्रवृद्धोर्मितरंगौघाः क्षुभ्यन्त इव सागराः

jṛmbhanta iva śārdūlāḥ garjanta iva toyadāḥ / pravṛddhormitaraṃgaughāḥ kṣubhyanta iva sāgarāḥ

Sanskrit only: no published translation is held for this verse.

प्रमथाश्च महाशूरा दानवाश्च महाबलाः । युयुधुर्निश्चला भूत्वा वज्रा इव महाचलैः

pramathāśca mahāśūrā dānavāśca mahābalāḥ / yuyudhurniścalā bhūtvā vajrā iva mahācalaiḥ

Sanskrit only: no published translation is held for this verse.

कार्मुकाणां विकृष्टानां बभूवुर्दारुणा रवाः । कालानुगानां मेघानां यथा वियति वायुना

kārmukāṇāṃ vikṛṣṭānāṃ babhūvurdāruṇā ravāḥ / kālānugānāṃ meghānāṃ yathā viyati vāyunā

Sanskrit only: no published translation is held for this verse.

आहुश्च युद्धे मा भैषीः क्व यास्यसि मृतो ह्यसि । प्रहराशु स्थितो ऽस्म्यत्र एहि दर्शय पौरुषम्

āhuśca yuddhe mā bhaiṣīḥ kva yāsyasi mṛto hyasi / praharāśu sthito 'smyatra ehi darśaya pauruṣam

Sanskrit only: no published translation is held for this verse.

गृहाण छिन्द्धि भिन्द्धीति खाद मारय दारय । इत्यन्योन्यम् अनूच्चार्य प्रययुर्यमसादनम्

gṛhāṇa chinddhi bhinddhīti khāda māraya dāraya / ityanyonyam anūccārya prayayuryamasādanam

Sanskrit only: no published translation is held for this verse.

खड्गापवर्जिताः केचित् केचिच्छिन्नाः परश्वधैः । केचिन्मुद्गरचूर्णाश्च केचिद्बाहुभिराहताः

khaḍgāpavarjitāḥ kecit kecicchinnāḥ paraśvadhaiḥ / kecinmudgaracūrṇāśca kecidbāhubhirāhatāḥ

Sanskrit only: no published translation is held for this verse.

पट्टिशैः सूदिताः केचित् केचिच्छूलविदारिताः । दानवाः शरपुष्पाभाः सवना इव पर्वताः । निपतन्त्यर्णवजले भीमनक्रतिमिङ्गिले

paṭṭiśaiḥ sūditāḥ kecit kecicchūlavidāritāḥ / dānavāḥ śarapuṣpābhāḥ savanā iva parvatāḥ / nipatantyarṇavajale bhīmanakratimiṅgile

Sanskrit only: no published translation is held for this verse.

व्यसुभिः सुनिबद्धाङ्गैः पतमानैः सुरेतरैः । संबभूवार्णवे शब्दः सजलाम्बुदनिस्वनः

vyasubhiḥ sunibaddhāṅgaiḥ patamānaiḥ suretaraiḥ / saṃbabhūvārṇave śabdaḥ sajalāmbudanisvanaḥ

Sanskrit only: no published translation is held for this verse.

तेन शब्देन मकरा नक्रास्तिमितिमिङ्गिलाः । मत्ता लोहितगन्धेन क्षोभयन्तो महार्णवम्

tena śabdena makarā nakrāstimitimiṅgilāḥ / mattā lohitagandhena kṣobhayanto mahārṇavam

Sanskrit only: no published translation is held for this verse.

परस्परेण कलहं कुर्वाणा भीममूर्तयः । भ्रमन्ते भक्षयन्तश्च दानवानां च लोहितम्

paraspareṇa kalahaṃ kurvāṇā bhīmamūrtayaḥ / bhramante bhakṣayantaśca dānavānāṃ ca lohitam

Sanskrit only: no published translation is held for this verse.

सरथान् सायुधान् साश्वान् सवस्त्राभरणावृतान् । जग्रसुस्तिमयो दैत्यान् द्रावयन्तो जलेचरान्

sarathān sāyudhān sāśvān savastrābharaṇāvṛtān / jagrasustimayo daityān drāvayanto jalecarān

Sanskrit only: no published translation is held for this verse.

मृधं यथासुराणां च प्रमथानां प्रवर्तते । अम्बरे ऽम्भसि च तथा युद्धं चक्रुर्जलेचराः

mṛdhaṃ yathāsurāṇāṃ ca pramathānāṃ pravartate / ambare 'mbhasi ca tathā yuddhaṃ cakrurjalecarāḥ

Sanskrit only: no published translation is held for this verse.

यथा भ्रमन्ति प्रमथाः सदैत्यास् तथा भ्रमन्ते तिमयः सनक्राः । यथैव छिन्दन्ति परस्परं तु तथैव क्रन्दन्ति विभिन्नदेहाः

yathā bhramanti pramathāḥ sadaityās tathā bhramante timayaḥ sanakrāḥ / yathaiva chindanti parasparaṃ tu tathaiva krandanti vibhinnadehāḥ

Sanskrit only: no published translation is held for this verse.

व्रणाननैर् अङ्गरसं स्रवद्भिः सुरासुरैर्नक्रतिमिङ्गिलैश्च । कृतो मुहूर्तेन समुद्रदेशः सरक्ततोयः समुदीर्णतोयः

vraṇānanair aṅgarasaṃ sravadbhiḥ surāsurairnakratimiṅgilaiśca / kṛto muhūrtena samudradeśaḥ saraktatoyaḥ samudīrṇatoyaḥ

Sanskrit only: no published translation is held for this verse.

पूर्वं महाम्भोधरपर्वताभं द्वारं महान्तं त्रिपुरस्य शक्रः । निपीड्य तस्थौ महता बलेन युक्तो ऽमराणां महता बलेन

pūrvaṃ mahāmbhodharaparvatābhaṃ dvāraṃ mahāntaṃ tripurasya śakraḥ / nipīḍya tasthau mahatā balena yukto 'marāṇāṃ mahatā balena

Sanskrit only: no published translation is held for this verse.

तथोत्तरं सो ऽन्तरजो हरस्य बालार्कजाम्बूनदतुल्यवर्णः । स्कन्दः पुरद्वारमथारुरोह वृद्धो ऽस्तशृङ्गं प्रपतन्निवार्कः

tathottaraṃ so 'ntarajo harasya bālārkajāmbūnadatulyavarṇaḥ / skandaḥ puradvāramathāruroha vṛddho 'staśṛṅgaṃ prapatannivārkaḥ

Sanskrit only: no published translation is held for this verse.

यमश्च वित्ताधिपतिश्च देवो दण्डान्वितः पाशवरायुधश्च । देवारिणस्तस्य पुरस्य द्वारं ताभ्यां तु तत्पश्चिमतो निरुद्धम्

yamaśca vittādhipatiśca devo daṇḍānvitaḥ pāśavarāyudhaśca / devāriṇastasya purasya dvāraṃ tābhyāṃ tu tatpaścimato niruddham

Sanskrit only: no published translation is held for this verse.

दक्षारिरुद्रस्तपनायुताभः स भास्वता देवरथेन देवः । तद्दक्षिणद्वारमरेः पुरस्य रुद्ध्वावतस्थौ भगवांस्त्रिनेत्रः

dakṣārirudrastapanāyutābhaḥ sa bhāsvatā devarathena devaḥ / taddakṣiṇadvāramareḥ purasya ruddhvāvatasthau bhagavāṃstrinetraḥ

Sanskrit only: no published translation is held for this verse.

तुङ्गानि वेश्मानि सगोपुराणि स्वर्णानि कैलासशशिप्रभाणि । प्रह्लादरूपाः प्रमथावरुद्धा ज्योतींषि मेघा इव चाश्मवर्षाः

tuṅgāni veśmāni sagopurāṇi svarṇāni kailāsaśaśiprabhāṇi / prahlādarūpāḥ pramathāvaruddhā jyotīṃṣi meghā iva cāśmavarṣāḥ

Sanskrit only: no published translation is held for this verse.

उत्पात्य चोत्पाट्य गृहाणि तेषां सशैलमालासमवेदिकानि । प्रक्षिप्य प्रक्षिप्य समुद्रमध्ये कालाम्बुदाभाः प्रमथा विनेदुः

utpātya cotpāṭya gṛhāṇi teṣāṃ saśailamālāsamavedikāni / prakṣipya prakṣipya samudramadhye kālāmbudābhāḥ pramathā vineduḥ

Sanskrit only: no published translation is held for this verse.

रक्तानि चाशेषवनैर्युतानि साशोकखण्डानि सकोकिलानि । गृहाणि हे नाथ पितः सुतेति भ्रातेति कान्तेति प्रियेति चापि । उत्पाट्यमानेषु गृहेषु नार्यस् त्व् अनार्यशब्दान्विविधान्प्रचक्रुः

raktāni cāśeṣavanairyutāni sāśokakhaṇḍāni sakokilāni / gṛhāṇi he nātha pitaḥ suteti bhrāteti kānteti priyeti cāpi / utpāṭyamāneṣu gṛheṣu nāryas tv anāryaśabdānvividhānpracakruḥ

Sanskrit only: no published translation is held for this verse.

कलत्रपुत्रक्षयप्राणनाशे तस्मिन्पुरे युद्धमतिप्रवृत्ते । महासुराः सागरतुल्यवेगा गणेश्वराः कोपवृताः प्रतीयुः

kalatraputrakṣayaprāṇanāśe tasminpure yuddhamatipravṛtte / mahāsurāḥ sāgaratulyavegā gaṇeśvarāḥ kopavṛtāḥ pratīyuḥ

Sanskrit only: no published translation is held for this verse.

परश्वधैस्तत्र शिलोपलैश्च त्रिशूलवज्रोत्तमकम्पनैश्च । शरीरसद्मक्षपणं सुघोरं युद्धं प्रवृत्तं दृढवैरबद्धम्

paraśvadhaistatra śilopalaiśca triśūlavajrottamakampanaiśca / śarīrasadmakṣapaṇaṃ sughoraṃ yuddhaṃ pravṛttaṃ dṛḍhavairabaddham

Sanskrit only: no published translation is held for this verse.

अन्योन्यमुद्दिश्य विमर्दतां च प्रधावतां चैव विनिघ्नतां च । शब्दो बभूवामरदानवानां युगान्तकालेष्विव सागराणाम्

anyonyamuddiśya vimardatāṃ ca pradhāvatāṃ caiva vinighnatāṃ ca / śabdo babhūvāmaradānavānāṃ yugāntakāleṣviva sāgarāṇām

Sanskrit only: no published translation is held for this verse.

व्रणैरजस्रं क्षतजं वमन्तः कोपोपरक्ता बहुधा नदन्तः । गणेश्वरास्ते ऽसुरपुंगवाश्च युध्यन्ति शब्दं च महदुद्गिरन्तः

vraṇairajasraṃ kṣatajaṃ vamantaḥ kopoparaktā bahudhā nadantaḥ / gaṇeśvarāste 'surapuṃgavāśca yudhyanti śabdaṃ ca mahadudgirantaḥ

Sanskrit only: no published translation is held for this verse.

मार्गाः पुरे लोहितकर्दमालाः स्वर्णेष्टकास्फाटिकभिन्नचित्राः । कृता मुहूर्तेन सुखेन गन्तुं छिन्नोत्तमाङ्गाङ्घ्रिकराः करालाः

mārgāḥ pure lohitakardamālāḥ svarṇeṣṭakāsphāṭikabhinnacitrāḥ / kṛtā muhūrtena sukhena gantuṃ chinnottamāṅgāṅghrikarāḥ karālāḥ

Sanskrit only: no published translation is held for this verse.

कोपावृताक्षः स तु तारकाख्यः संख्ये सवृक्षः सगिरिर्निलीनः । तस्मिन्क्षणे द्वारवरं रिरक्षो रुद्धं भवेनाद्भुतविक्रमेण

kopāvṛtākṣaḥ sa tu tārakākhyaḥ saṃkhye savṛkṣaḥ sagirirnilīnaḥ / tasminkṣaṇe dvāravaraṃ rirakṣo ruddhaṃ bhavenādbhutavikrameṇa

Sanskrit only: no published translation is held for this verse.

स तत्र प्राकारागतांश्च भूताञ् छातन् महानद्भुतवीर्यसत्त्वः । चचार चाप्तेन्द्रियगर्वदृप्तः पुराद्विनिष्क्रम्य ररास घोरम्

sa tatra prākārāgatāṃśca bhūtāñ chātan mahānadbhutavīryasattvaḥ / cacāra cāptendriyagarvadṛptaḥ purādviniṣkramya rarāsa ghoram

Sanskrit only: no published translation is held for this verse.

ततः स दैत्योत्तमपर्वताभो यथाञ्जसा नाग इवाभिमत्तः । निवारितो रुद्ररथं जिघृक्षुर् यथार्णवः सर्पति चातिवेलः

tataḥ sa daityottamaparvatābho yathāñjasā nāga ivābhimattaḥ / nivārito rudrarathaṃ jighṛkṣur yathārṇavaḥ sarpati cātivelaḥ

Sanskrit only: no published translation is held for this verse.

शेषः सुधन्वा गिरिशश्च देवश् चतुर्मुखो यः स त्रिलोचनश्च । ते तारकाख्याभिगता गताजौ क्षोभं यथा वायुवशात्समुद्राः

śeṣaḥ sudhanvā giriśaśca devaś caturmukho yaḥ sa trilocanaśca / te tārakākhyābhigatā gatājau kṣobhaṃ yathā vāyuvaśātsamudrāḥ

Sanskrit only: no published translation is held for this verse.

शेषो गिरीशः सपितामहेशश् चोत्क्षुभ्यमाणः स रथे ऽम्बरस्थः । बिभेद संधीषु बलाभिपन्नः कूजन्निनादांश्च करोति घोरान्

śeṣo girīśaḥ sapitāmaheśaś cotkṣubhyamāṇaḥ sa rathe 'mbarasthaḥ / bibheda saṃdhīṣu balābhipannaḥ kūjanninādāṃśca karoti ghorān

Sanskrit only: no published translation is held for this verse.

एकं तु ऋग्वेदतुरंगमस्य पृष्ठे पदं न्यस्य वृषस्य चैकम् । तस्थौ भवः सोद्यतबाणचापः पुरस्य तत्सङ्गसमीक्षमाणः

ekaṃ tu ṛgvedaturaṃgamasya pṛṣṭhe padaṃ nyasya vṛṣasya caikam / tasthau bhavaḥ sodyatabāṇacāpaḥ purasya tatsaṅgasamīkṣamāṇaḥ

Sanskrit only: no published translation is held for this verse.

तदा भवपदन्यासाद् धयस्य वृषभस्य च । पेतुः स्तनाश्च दन्ताश्च पीडिताभ्यां त्रिशूलिना

tadā bhavapadanyāsād dhayasya vṛṣabhasya ca / petuḥ stanāśca dantāśca pīḍitābhyāṃ triśūlinā

Sanskrit only: no published translation is held for this verse.

ततःप्रभृति चाश्वानां स्तना दन्ता गवां तथा । मूढाः समभवंस्तेन चादृश्यत्वमुपागताः

tataḥprabhṛti cāśvānāṃ stanā dantā gavāṃ tathā / mūḍhāḥ samabhavaṃstena cādṛśyatvamupāgatāḥ

Sanskrit only: no published translation is held for this verse.

तारकाख्यस्तु भीमाक्षो रौद्ररक्तान्तरेक्षणः । रुद्रान्तिके सुसंरुद्धो नन्दिना कुलनन्दिना

tārakākhyastu bhīmākṣo raudraraktāntarekṣaṇaḥ / rudrāntike susaṃruddho nandinā kulanandinā

Sanskrit only: no published translation is held for this verse.

परश्वधेन तीक्ष्णेन स नन्दी दानवेश्वरम् । तक्षयामास वै तक्षा चन्दनं गन्धदो यथा

paraśvadhena tīkṣṇena sa nandī dānaveśvaram / takṣayāmāsa vai takṣā candanaṃ gandhado yathā

Sanskrit only: no published translation is held for this verse.

परश्वधहतः शूरः शैलादिः शरभो यथा । दुद्राव खड्गं निष्कृष्य तारकाख्यो गणेश्वरम्

paraśvadhahataḥ śūraḥ śailādiḥ śarabho yathā / dudrāva khaḍgaṃ niṣkṛṣya tārakākhyo gaṇeśvaram

Sanskrit only: no published translation is held for this verse.

यज्ञोपवीतम् आदाय चिछेद च ननाद च । ततः सिंहरवो घोरः शङ्खशब्दश्च भैरवः । गणेश्वरैः कृतस्तत्र तारकाख्ये निषूदिते

yajñopavītam ādāya cicheda ca nanāda ca / tataḥ siṃharavo ghoraḥ śaṅkhaśabdaśca bhairavaḥ / gaṇeśvaraiḥ kṛtastatra tārakākhye niṣūdite

Sanskrit only: no published translation is held for this verse.

प्रमथारसितं श्रुत्वा वादित्रस्वनमेव च । पार्श्वस्थः सुमहापार्श्वं विद्युन्मालिं मयो ऽब्रवीत्

pramathārasitaṃ śrutvā vāditrasvanameva ca / pārśvasthaḥ sumahāpārśvaṃ vidyunmāliṃ mayo 'bravīt

Sanskrit only: no published translation is held for this verse.

बहुवदनवतां किमेष शब्दो नदतां श्रूयते भिन्नसागराभः । वद वचनं तडिन्मालिन् किं किम् एतद्गणपाला युयुधुर्ययुर्गजेन्द्राः

bahuvadanavatāṃ kimeṣa śabdo nadatāṃ śrūyate bhinnasāgarābhaḥ / vada vacanaṃ taḍinmālin kiṃ kim etadgaṇapālā yuyudhuryayurgajendrāḥ

Sanskrit only: no published translation is held for this verse.

इति मयवचनाङ्कुशार्दितस्तं तडिन्माली रविरिवांशुमाली । रणशिरसि समागतः सुराणां निजगादेदम् अरिंदमो ऽतिहर्षात्

iti mayavacanāṅkuśārditastaṃ taḍinmālī ravirivāṃśumālī / raṇaśirasi samāgataḥ surāṇāṃ nijagādedam ariṃdamo 'tiharṣāt

Sanskrit only: no published translation is held for this verse.

यमवरुणमहेन्द्ररुद्रवीर्यस् तव यशसो निधिर्धीर तारकाख्यः । सकलसमरशीर्षपर्वतेन्द्रो युद्ध्वा यस्तपति हि तारको गणेन्द्रैः

yamavaruṇamahendrarudravīryas tava yaśaso nidhirdhīra tārakākhyaḥ / sakalasamaraśīrṣaparvatendro yuddhvā yastapati hi tārako gaṇendraiḥ

Sanskrit only: no published translation is held for this verse.

मृदितम् उपनिशम्य तारकाख्यं रविदीप्तानलभीषणायताक्षम् । हृषितसकलनेत्रलोमसत्त्वाः प्रमथास्तोयमुचो यथा नदन्ति

mṛditam upaniśamya tārakākhyaṃ ravidīptānalabhīṣaṇāyatākṣam / hṛṣitasakalanetralomasattvāḥ pramathāstoyamuco yathā nadanti

Sanskrit only: no published translation is held for this verse.

इति सुहृदो वचनं निशम्य तत् त्वं तडिमालेः स मयः सुवर्णमाली । रणशिरस्य् असिताञ्जनाचलाभो जगदे वाक्यमिदं नवेन्दुमालिम्

iti suhṛdo vacanaṃ niśamya tat tvaṃ taḍimāleḥ sa mayaḥ suvarṇamālī / raṇaśirasy asitāñjanācalābho jagade vākyamidaṃ navendumālim

Sanskrit only: no published translation is held for this verse.

विद्युन्मालिन्न नः कालः साधितुं ह्यवहेलया । करोमि विक्रमेणैतत् पुरं व्यसनवर्जितम्

vidyunmālinna naḥ kālaḥ sādhituṃ hyavahelayā / karomi vikrameṇaitat puraṃ vyasanavarjitam

Sanskrit only: no published translation is held for this verse.

विद्युन्माली ततः क्रुद्धो मयश्च त्रिपुरेश्वरः । गणाञ्जघ्नुस्तु द्राघिष्ठाः सहितास्तैर्महासुरैः

vidyunmālī tataḥ kruddho mayaśca tripureśvaraḥ / gaṇāñjaghnustu drāghiṣṭhāḥ sahitāstairmahāsuraiḥ

Sanskrit only: no published translation is held for this verse.

येन येन ततो विद्युन् माली याति मयश्च सः । तेन तेन पुरं शून्यं प्रमथैः प्रहृतैः कृतम्

yena yena tato vidyun mālī yāti mayaśca saḥ / tena tena puraṃ śūnyaṃ pramathaiḥ prahṛtaiḥ kṛtam

Sanskrit only: no published translation is held for this verse.

अथ यमवरुणमृदङ्गघोषैः पणवडिण्डिमज्यास्वनप्रघोषैः । सकरतलपुटैश्च सिंहनादैर् भवमभिपूज्य तदा सुरा अवतस्थुः

atha yamavaruṇamṛdaṅgaghoṣaiḥ paṇavaḍiṇḍimajyāsvanapraghoṣaiḥ / sakaratalapuṭaiśca siṃhanādair bhavamabhipūjya tadā surā avatasthuḥ

Sanskrit only: no published translation is held for this verse.

सम्पूज्यमानो दितिजैर्महात्मभिः सहस्ररश्मिप्रतिमौजसैर् विभुः । अभिष्टुतः सत्यरतैस् तपोधनैर् यथास्तशृङ्गाभिगतो दिवाकरः

sampūjyamāno ditijairmahātmabhiḥ sahasraraśmipratimaujasair vibhuḥ / abhiṣṭutaḥ satyaratais tapodhanair yathāstaśṛṅgābhigato divākaraḥ

Sanskrit only: no published translation is held for this verse.