*सूत उवाच लोकाः सोमपथा नाम यत्र मारीचनन्दनाः । वर्तन्ते देव पितरो देवा यान्भावयन्त्यलम्
*sūta uvāca lokāḥ somapathā nāma yatra mārīcanandanāḥ / vartante deva pitaro devā yānbhāvayantyalam
Sanskrit only: no published translation is held for this verse.
अग्निष्वात्ता इति ख्याता यज्वानो यत्र संस्थिताः । अच्छोदा नाम तेषां तु मानसी कन्यका नदी
agniṣvāttā iti khyātā yajvāno yatra saṃsthitāḥ / acchodā nāma teṣāṃ tu mānasī kanyakā nadī
Sanskrit only: no published translation is held for this verse.
अच्छोदं नाम च सरः पितृभिर्निर्मितं पुरा । अच्छोदा तु तपश्चक्रे दिव्यं वर्षसहस्रकम्
acchodaṃ nāma ca saraḥ pitṛbhirnirmitaṃ purā / acchodā tu tapaścakre divyaṃ varṣasahasrakam
Sanskrit only: no published translation is held for this verse.
आजग्मुः पितरस्तुष्टाः किल दातुं च तां वरम् । दिव्यरूपधराः सर्वे दिव्यमाल्यानुलेपनाः
ājagmuḥ pitarastuṣṭāḥ kila dātuṃ ca tāṃ varam / divyarūpadharāḥ sarve divyamālyānulepanāḥ
Sanskrit only: no published translation is held for this verse.
सर्वे युवानो बलिनः कुसुमायुधसंनिभाः । तन्मध्ये ऽमावसुं नाम पितरं वीक्ष्य साङ्गना
sarve yuvāno balinaḥ kusumāyudhasaṃnibhāḥ / tanmadhye 'māvasuṃ nāma pitaraṃ vīkṣya sāṅganā
Sanskrit only: no published translation is held for this verse.
वव्रे वरार्थिनी सङ्गं कुसुमायुधपीडिता । योगाद्भ्रष्टा तु सा तेन व्यभिचारेण भामिनी
vavre varārthinī saṅgaṃ kusumāyudhapīḍitā / yogādbhraṣṭā tu sā tena vyabhicāreṇa bhāminī
Sanskrit only: no published translation is held for this verse.
धरां तु नास्पृशत्पूर्वं पपाताथ भुवस्तले । तिथाव् अमावसुर् यस्याम् इच्छां चक्रे न तां प्रति
dharāṃ tu nāspṛśatpūrvaṃ papātātha bhuvastale / tithāv amāvasur yasyām icchāṃ cakre na tāṃ prati
Sanskrit only: no published translation is held for this verse.
धैर्येण तस्य सा लोकैर् अमावास्येति विश्रुता । पितॄणां वल्लभा तस्मात् तस्यामक्षयकारकम्
dhairyeṇa tasya sā lokair amāvāsyeti viśrutā / pitṝṇāṃ vallabhā tasmāt tasyāmakṣayakārakam
Sanskrit only: no published translation is held for this verse.
अच्छोदाधोमुखी दीना लज्जिता तपसः क्षयात् । सा पितॄन् प्रार्थयामास पुरे चात्मप्रसिद्धये
acchodādhomukhī dīnā lajjitā tapasaḥ kṣayāt / sā pitṝn prārthayāmāsa pure cātmaprasiddhaye
Sanskrit only: no published translation is held for this verse.
विलप्यमाना पितृभिर् इदमुक्ता तपस्विनी । भविष्यमर्थमालोक्य देवकार्यं च ते तदा
vilapyamānā pitṛbhir idamuktā tapasvinī / bhaviṣyamarthamālokya devakāryaṃ ca te tadā
Sanskrit only: no published translation is held for this verse.
इदम् ऊचुर् महाभागाः प्रसादशुभया गिरा । दिवि दिव्यशरीरेण यत् किंचित् क्रियते बुधैः
idam ūcur mahābhāgāḥ prasādaśubhayā girā / divi divyaśarīreṇa yat kiṃcit kriyate budhaiḥ
Sanskrit only: no published translation is held for this verse.
तेनैव तत्कर्मफलं भुज्यते वरवर्णिनी । सद्यः फलन्ति कर्माणि देवत्वे प्रेत्य मानुषे
tenaiva tatkarmaphalaṃ bhujyate varavarṇinī / sadyaḥ phalanti karmāṇi devatve pretya mānuṣe
Sanskrit only: no published translation is held for this verse.
तस्मात्त्वं पुत्रि तपसः प्राप्स्यसे प्रेत्य तत्फलम् । अष्टाविंशे भवित्री त्वं द्वापरे मत्स्ययोनिजा
tasmāttvaṃ putri tapasaḥ prāpsyase pretya tatphalam / aṣṭāviṃśe bhavitrī tvaṃ dvāpare matsyayonijā
Sanskrit only: no published translation is held for this verse.
व्यतिक्रमात्पितॄणां त्वं कष्टं कुलमवाप्स्यसि । तस्माद्राज्ञो वसोः कन्या त्वम् अवश्यं भविष्यसि
vyatikramātpitṝṇāṃ tvaṃ kaṣṭaṃ kulamavāpsyasi / tasmādrājño vasoḥ kanyā tvam avaśyaṃ bhaviṣyasi
Sanskrit only: no published translation is held for this verse.
कन्या भूत्वा च लोकान्स्वान् पुनराप्स्यसि दुर्लभान् । पराशरस्य वीर्येण पुत्रमेकमवाप्स्यसि
kanyā bhūtvā ca lokānsvān punarāpsyasi durlabhān / parāśarasya vīryeṇa putramekamavāpsyasi
Sanskrit only: no published translation is held for this verse.
द्वीपे तु बदरीप्राये बादरायणमच्युतम् । स वेदमेकं बहुधा विभजिष्यति ते सुतः
dvīpe tu badarīprāye bādarāyaṇamacyutam / sa vedamekaṃ bahudhā vibhajiṣyati te sutaḥ
Sanskrit only: no published translation is held for this verse.
पौरवस्यात्मजौ द्वौ तु समुद्रांशस्य शंतनोः । विचित्रवीर्यस्तनयस् तथा चित्राङ्गदो नृपः
pauravasyātmajau dvau tu samudrāṃśasya śaṃtanoḥ / vicitravīryastanayas tathā citrāṅgado nṛpaḥ
Sanskrit only: no published translation is held for this verse.
इमाव् उत्पाद्य तनयौ क्षेत्रजावस्य धीमतः । प्रौष्ठपद्यष्टकारूपा पितृलोके भविष्यसि
imāv utpādya tanayau kṣetrajāvasya dhīmataḥ / prauṣṭhapadyaṣṭakārūpā pitṛloke bhaviṣyasi
Sanskrit only: no published translation is held for this verse.
नाम्ना सत्यवती लोके पितृलोके तथाष्टका । आयुरारोग्यदा नित्यं सर्वकामफलप्रदा
nāmnā satyavatī loke pitṛloke tathāṣṭakā / āyurārogyadā nityaṃ sarvakāmaphalapradā
Sanskrit only: no published translation is held for this verse.
भविष्यसि परे काले नदीत्वं च गमिष्यसि । पुण्यतोषा सरिच्छ्रेष्ठा लोके ह्य् अच्छोदनामिका
bhaviṣyasi pare kāle nadītvaṃ ca gamiṣyasi / puṇyatoṣā saricchreṣṭhā loke hy acchodanāmikā
Sanskrit only: no published translation is held for this verse.
इत्युक्त्वा स गणस्तेषां तत्रैवान्तरधीयत । साप्यवाप च तत्सर्वं फलं यदुदितं पुरा
ityuktvā sa gaṇasteṣāṃ tatraivāntaradhīyata / sāpyavāpa ca tatsarvaṃ phalaṃ yaduditaṃ purā
Sanskrit only: no published translation is held for this verse.