Matsya Purāṇa 149

*सूत उवाच सुरासुराणां सम्मर्दस् तस्मिन्नत्यन्तदारुणे । तुमुलो ऽतिमहानासीत् सेनयोरुभयोरपि

*sūta uvāca surāsurāṇāṃ sammardas tasminnatyantadāruṇe / tumulo 'timahānāsīt senayorubhayorapi

Sanskrit only: no published translation is held for this verse.

गर्जतां देवदैत्यानां शङ्खभेरीरवेण च । तूर्याणां चैव निर्घोषैर् मातंगानां च बृंहितैः

garjatāṃ devadaityānāṃ śaṅkhabherīraveṇa ca / tūryāṇāṃ caiva nirghoṣair mātaṃgānāṃ ca bṛṃhitaiḥ

Sanskrit only: no published translation is held for this verse.

ह्वेषतां हयवृन्दानां रथनेमिस्वनेन च । ज्याघोषेण च शूराणां तुमुलो ऽतिमहानभूत्

hveṣatāṃ hayavṛndānāṃ rathanemisvanena ca / jyāghoṣeṇa ca śūrāṇāṃ tumulo 'timahānabhūt

Sanskrit only: no published translation is held for this verse.

समासाद्योभये सेने परस्परजयैषिणाम् । रोषेणातिपरीतानां त्यक्तजीवितचेतसाम्

samāsādyobhaye sene parasparajayaiṣiṇām / roṣeṇātiparītānāṃ tyaktajīvitacetasām

Sanskrit only: no published translation is held for this verse.

समासाद्य तु ते ऽन्योन्यं प्रक्रमेण विलोमतः । रथेनासक्तपादातो रथेन च तुरंगमः

samāsādya tu te 'nyonyaṃ prakrameṇa vilomataḥ / rathenāsaktapādāto rathena ca turaṃgamaḥ

Sanskrit only: no published translation is held for this verse.

हस्ती पदातिसंयुक्तो रथिना च क्वचिद्रथी । मातंगेनापरो हस्ती तुरंगैर्बहुभिर्गजः

hastī padātisaṃyukto rathinā ca kvacidrathī / mātaṃgenāparo hastī turaṃgairbahubhirgajaḥ

Sanskrit only: no published translation is held for this verse.

पदातिरेको बहुभिर् गजैर्मत्तैश्च युज्यते । ततः प्रासाशनिगदा-भिन्दिपालपरश्वधैः

padātireko bahubhir gajairmattaiśca yujyate / tataḥ prāsāśanigadā-bhindipālaparaśvadhaiḥ

Sanskrit only: no published translation is held for this verse.

शक्तिभिः पट्टिशैः शूलैर् मुद्गरैः कुणपैर्गडैः । चक्रैश्च शङ्कुभिश्चैव तोमरैरङ्कुशैः सितैः

śaktibhiḥ paṭṭiśaiḥ śūlair mudgaraiḥ kuṇapairgaḍaiḥ / cakraiśca śaṅkubhiścaiva tomarairaṅkuśaiḥ sitaiḥ

Sanskrit only: no published translation is held for this verse.

कर्णिनालीकनाराच-वत्सदन्तार्धचन्द्रकैः । भल्लैश्च शतपत्त्रैश्च शुकतुण्डैश्च निर्मलैः

karṇinālīkanārāca-vatsadantārdhacandrakaiḥ / bhallaiśca śatapattraiśca śukatuṇḍaiśca nirmalaiḥ

Sanskrit only: no published translation is held for this verse.

वृष्टिरत्यद्भुताकारा गगने समदृश्यत । संप्रच्छाद्य दिशः सर्वास् तमोमयमिवाकरोत्

vṛṣṭiratyadbhutākārā gagane samadṛśyata / saṃpracchādya diśaḥ sarvās tamomayamivākarot

Sanskrit only: no published translation is held for this verse.

न प्राज्ञायत ते ऽन्योन्यं तस्मिंस्तमसि संकुले । अलक्ष्यं विसृजन्तस्ते हेतिसंघातमुद्धतम्

na prājñāyata te 'nyonyaṃ tasmiṃstamasi saṃkule / alakṣyaṃ visṛjantaste hetisaṃghātamuddhatam

Sanskrit only: no published translation is held for this verse.

पतितं सेनयोर्मध्ये निरीक्षन्ते परस्परम् । ततो ध्वजैर्भुजैश्छत्त्रैः शिरोभिश्च सकुण्डलैः

patitaṃ senayormadhye nirīkṣante parasparam / tato dhvajairbhujaiśchattraiḥ śirobhiśca sakuṇḍalaiḥ

Sanskrit only: no published translation is held for this verse.

गजैस्तुरंगैः पादातैः पतद्भिः पतितैरपि । आकाशसरसो भ्रष्टैः पङ्कजैरिव भूः स्तृता

gajaisturaṃgaiḥ pādātaiḥ patadbhiḥ patitairapi / ākāśasaraso bhraṣṭaiḥ paṅkajairiva bhūḥ stṛtā

Sanskrit only: no published translation is held for this verse.

भग्नदन्ता भिन्नकुम्भाश् छिन्नदीर्घमहाकराः । गजाः शलनिभाः पेतुर् धरण्यां रुधिरस्रवाः

bhagnadantā bhinnakumbhāś chinnadīrghamahākarāḥ / gajāḥ śalanibhāḥ petur dharaṇyāṃ rudhirasravāḥ

Sanskrit only: no published translation is held for this verse.

भग्नेषादण्डचक्राक्षा रथाश्च शकलीकृताः । पेतुः शकलतां यातास् तुरंगाश्च सहस्रशः

bhagneṣādaṇḍacakrākṣā rathāśca śakalīkṛtāḥ / petuḥ śakalatāṃ yātās turaṃgāśca sahasraśaḥ

Sanskrit only: no published translation is held for this verse.

ततो ऽसृघ्रददुस्तारा पृथिवी समजायत । नद्यश्च रुधिरावर्ता हर्षदाः पिशिताशिनाम् । वेतालाक्रीडमभवत् तत्संकुलरणाजिरम्

tato 'sṛghradadustārā pṛthivī samajāyata / nadyaśca rudhirāvartā harṣadāḥ piśitāśinām / vetālākrīḍamabhavat tatsaṃkularaṇājiram

Sanskrit only: no published translation is held for this verse.