Matsya Purāṇa 157

*देव्युवाच मातरं मा परित्यज्य यस्मात्त्वं स्नेहविक्लवाम् । विहितावसरः स्त्रीणां शंकरस्य रहोविधौ

*devyuvāca mātaraṃ mā parityajya yasmāttvaṃ snehaviklavām / vihitāvasaraḥ strīṇāṃ śaṃkarasya rahovidhau

Sanskrit only: no published translation is held for this verse.

तस्मात्ते परुषा रूक्षा जडा हृदयवर्जिता । गणेश क्षारसदृशी शिला माता भविष्यति

tasmātte paruṣā rūkṣā jaḍā hṛdayavarjitā / gaṇeśa kṣārasadṛśī śilā mātā bhaviṣyati

Sanskrit only: no published translation is held for this verse.

निमित्तमेतद्विख्यातं वीरकस्य शिलोदये । सो ऽभवत्प्रक्रमेणैव विचित्राख्यानसंश्रयः

nimittametadvikhyātaṃ vīrakasya śilodaye / so 'bhavatprakrameṇaiva vicitrākhyānasaṃśrayaḥ

Sanskrit only: no published translation is held for this verse.

एवमुत्सृष्टशपाया गिरिपुत्र्यास्त्वनन्तरम् । निर्जगाम मुखात्क्रोधः सिंहरूपी महाबलः

evamutsṛṣṭaśapāyā giriputryāstvanantaram / nirjagāma mukhātkrodhaḥ siṃharūpī mahābalaḥ

Sanskrit only: no published translation is held for this verse.

स तु सिंहः करालास्यो जटाजटिलकंधरः । प्रोद्धूतलम्बलाङ्गूलो दंष्ट्रोत्कटमुखातटः

sa tu siṃhaḥ karālāsyo jaṭājaṭilakaṃdharaḥ / proddhūtalambalāṅgūlo daṃṣṭrotkaṭamukhātaṭaḥ

Sanskrit only: no published translation is held for this verse.

व्यादितास्यो ललज्जिह्वः क्षामकुक्षिश्चिखादिषुः । तस्याशु वर्तितुं देवी व्यवस्यत सती तदा

vyāditāsyo lalajjihvaḥ kṣāmakukṣiścikhādiṣuḥ / tasyāśu vartituṃ devī vyavasyata satī tadā

Sanskrit only: no published translation is held for this verse.

ज्ञात्वा मनोगतं तस्या भगवांश्चतुराननः । आजगामाश्रमपदं संपदामाश्रयं तदा । आगम्योवाच देवेशो गिरिजां स्पष्टया गिरा

jñātvā manogataṃ tasyā bhagavāṃścaturānanaḥ / ājagāmāśramapadaṃ saṃpadāmāśrayaṃ tadā / āgamyovāca deveśo girijāṃ spaṣṭayā girā

Sanskrit only: no published translation is held for this verse.

*ब्रह्मोवाच किं पुत्रि प्राप्तुकामासि किमलभ्यं ददामि ते । विरम्यताम् अतिक्लेशात् तपसो ऽस्मान्मदाज्ञया

*brahmovāca kiṃ putri prāptukāmāsi kimalabhyaṃ dadāmi te / viramyatām atikleśāt tapaso 'smānmadājñayā

Sanskrit only: no published translation is held for this verse.

तच्छ्रुत्वोवाच गिरिजा गुरोर्गौरत्वगर्भितम् । वाक्यं वाचा चिरोद्गीर्ण-वर्णनिर्णीतवाञ्छितम्

tacchrutvovāca girijā gurorgauratvagarbhitam / vākyaṃ vācā cirodgīrṇa-varṇanirṇītavāñchitam

Sanskrit only: no published translation is held for this verse.

*देव्युवाच तपसा दुष्करेणाप्तः पतित्वे शंकरो मया । स मां श्यामलवर्णेति बहुशः प्रोक्तवान्भवः

*devyuvāca tapasā duṣkareṇāptaḥ patitve śaṃkaro mayā / sa māṃ śyāmalavarṇeti bahuśaḥ proktavānbhavaḥ

Sanskrit only: no published translation is held for this verse.

स्यामहं काञ्चनाकारा वाल्लभ्येन च संयुता । भर्तुर्भूतपतेरङ्गम् एकतो निर्विशे ऽङ्गवत्

syāmahaṃ kāñcanākārā vāllabhyena ca saṃyutā / bharturbhūtapateraṅgam ekato nirviśe 'ṅgavat

Sanskrit only: no published translation is held for this verse.

तस्यास्तद्भाषितं श्रुत्वा प्रोवाच कमलासनः । एवं भव त्वं भूयश्च भर्तृदेहार्धधारिणी

tasyāstadbhāṣitaṃ śrutvā provāca kamalāsanaḥ / evaṃ bhava tvaṃ bhūyaśca bhartṛdehārdhadhāriṇī

Sanskrit only: no published translation is held for this verse.

ततस्तत्याज भृङ्गाङ्गं फुल्लनीलोत्पलत्वचम्

tatastatyāja bhṛṅgāṅgaṃ phullanīlotpalatvacam

Sanskrit only: no published translation is held for this verse.

त्वचा सा चाभवद्दीप्ता घण्टाहस्ता त्रिलोचना । नानाभरणपूर्णाङ्गी पीतकौशेयधारिणी

tvacā sā cābhavaddīptā ghaṇṭāhastā trilocanā / nānābharaṇapūrṇāṅgī pītakauśeyadhāriṇī

Sanskrit only: no published translation is held for this verse.

तामब्रवीत्ततो ब्रह्मा देवीं नीलाम्बुजत्विषम् । निशे भूधरजादेह-सम्पर्कात् त्वं ममाज्ञया

tāmabravīttato brahmā devīṃ nīlāmbujatviṣam / niśe bhūdharajādeha-samparkāt tvaṃ mamājñayā

Sanskrit only: no published translation is held for this verse.

सम्प्राप्ता कृतकृत्यत्वम् एकानंशा पुरा ह्यसि । य एष सिंहः प्रोद्भूतो देव्याः क्रोधाद्वरानने

samprāptā kṛtakṛtyatvam ekānaṃśā purā hyasi / ya eṣa siṃhaḥ prodbhūto devyāḥ krodhādvarānane

Sanskrit only: no published translation is held for this verse.

स ते ऽस्तु वाहनं देवि केतौ चास्तु महाबलः । गच्छ विन्ध्याचलं तत्र सुरकार्यं करिष्यसि

sa te 'stu vāhanaṃ devi ketau cāstu mahābalaḥ / gaccha vindhyācalaṃ tatra surakāryaṃ kariṣyasi

Sanskrit only: no published translation is held for this verse.

पञ्चालो नाम यक्षो ऽयं यक्षलक्षपदानुगः । दत्तस्ते किंकरो देवि मया मायाशतैर्युतः

pañcālo nāma yakṣo 'yaṃ yakṣalakṣapadānugaḥ / dattaste kiṃkaro devi mayā māyāśatairyutaḥ

Sanskrit only: no published translation is held for this verse.

इत्युक्ता कौशिकी देवी विन्ध्यशैलं जगाम ह । उमापि प्राप्तसंकल्पा जगाम गिरिशान्तिकम्

ityuktā kauśikī devī vindhyaśailaṃ jagāma ha / umāpi prāptasaṃkalpā jagāma giriśāntikam

Sanskrit only: no published translation is held for this verse.

प्रविशन्तीं तु तां द्वाराद् अपकृष्य समाहितः । रुरोध वीरको देवीं हेमवेत्रलताधरः

praviśantīṃ tu tāṃ dvārād apakṛṣya samāhitaḥ / rurodha vīrako devīṃ hemavetralatādharaḥ

Sanskrit only: no published translation is held for this verse.

तामुवाच स कोपेन रूपात्तु व्यभिचारिणीम् । प्रयोजनं न ते ऽस्तीह गच्छ यावन्न भेत्स्यसे

tāmuvāca sa kopena rūpāttu vyabhicāriṇīm / prayojanaṃ na te 'stīha gaccha yāvanna bhetsyase

Sanskrit only: no published translation is held for this verse.

देव्या रूपधरो दैत्यो देवं वञ्चयितुं त्विह । प्रविष्टो न च दृष्टो ऽसौ स वै देवेन घातितः

devyā rūpadharo daityo devaṃ vañcayituṃ tviha / praviṣṭo na ca dṛṣṭo 'sau sa vai devena ghātitaḥ

Sanskrit only: no published translation is held for this verse.

घातिते चाहमाज्ञप्तो नीलकण्ठेन कोपिना । द्वारेषु नावधानं ते यस्मात्पश्यामि वै ततः

ghātite cāhamājñapto nīlakaṇṭhena kopinā / dvāreṣu nāvadhānaṃ te yasmātpaśyāmi vai tataḥ

Sanskrit only: no published translation is held for this verse.

भविष्यसि न मद्द्वाःस्थो वर्षपूगान्यनेकशः । अतस्ते ऽत्र न दास्यामि प्रवेशं गम्यतां द्रुतम्

bhaviṣyasi na maddvāḥstho varṣapūgānyanekaśaḥ / ataste 'tra na dāsyāmi praveśaṃ gamyatāṃ drutam

Sanskrit only: no published translation is held for this verse.