Library·Matsya Purāṇa·159
*सूत उवाच वामं विदार्य निष्क्रान्तः सुतो देव्याः पुनः शिशुः । स्कन्दाच्च वदने वह्नेः शुक्रात्सुवदनो ऽरिहा
*sūta uvāca vāmaṃ vidārya niṣkrāntaḥ suto devyāḥ punaḥ śiśuḥ / skandācca vadane vahneḥ śukrātsuvadano 'rihā
Sanskrit only: no published translation is held for this verse.
कृत्तिकामेलनादेव शाखाभिः सविशेषतः । शाखाभिधाः समाख्याताः षट्सु वक्त्रेषु विस्तृताः
kṛttikāmelanādeva śākhābhiḥ saviśeṣataḥ / śākhābhidhāḥ samākhyātāḥ ṣaṭsu vaktreṣu vistṛtāḥ
Sanskrit only: no published translation is held for this verse.
यतस्ततो विशाखो ऽसौ ख्यातो लोकेषु षण्मुखः । स्कन्दो विशाखः षड्वक्त्रः कार्तिकेयश्च विश्रुतः
yatastato viśākho 'sau khyāto lokeṣu ṣaṇmukhaḥ / skando viśākhaḥ ṣaḍvaktraḥ kārtikeyaśca viśrutaḥ
Sanskrit only: no published translation is held for this verse.
चैत्रस्य बहुले पक्षे पञ्चदश्यां महाबलौ । सम्भूतावर्कसदृशौ विशाले शरकानने
caitrasya bahule pakṣe pañcadaśyāṃ mahābalau / sambhūtāvarkasadṛśau viśāle śarakānane
Sanskrit only: no published translation is held for this verse.
चैत्रस्यैव सिते पक्षे पञ्चम्यां पाकशासनः । बालकाभ्यां चकारैकं मत्वा चामरभूतये
caitrasyaiva site pakṣe pañcamyāṃ pākaśāsanaḥ / bālakābhyāṃ cakāraikaṃ matvā cāmarabhūtaye
Sanskrit only: no published translation is held for this verse.
तस्यामेव ततः षष्ठ्याम् अभिषिक्तो गुहः प्रभुः । सर्वैरमरसंघातैर् ब्रह्मेन्द्रोपेन्द्रभास्करैः
tasyāmeva tataḥ ṣaṣṭhyām abhiṣikto guhaḥ prabhuḥ / sarvairamarasaṃghātair brahmendropendrabhāskaraiḥ
Sanskrit only: no published translation is held for this verse.
गन्धमाल्यैः शुभैर्धूपैस् तथा क्रीडनकैरपि । छत्रैश्चामरजालैश्च भूषणैश्च विलेपनैः
gandhamālyaiḥ śubhairdhūpais tathā krīḍanakairapi / chatraiścāmarajālaiśca bhūṣaṇaiśca vilepanaiḥ
Sanskrit only: no published translation is held for this verse.
अभिषिक्तो विधानेन यथावत्षण्मुखः प्रभुः । सुतामस्मै ददौ शक्रो देवसेनेति विश्रुताम्
abhiṣikto vidhānena yathāvatṣaṇmukhaḥ prabhuḥ / sutāmasmai dadau śakro devaseneti viśrutām
Sanskrit only: no published translation is held for this verse.
पत्न्यर्थं देवदेवस्य ददौ विष्णुस्तदायुधम् । यक्षाणां दशलक्षाणि ददावस्मै धनाधिपः
patnyarthaṃ devadevasya dadau viṣṇustadāyudham / yakṣāṇāṃ daśalakṣāṇi dadāvasmai dhanādhipaḥ
Sanskrit only: no published translation is held for this verse.
ददौ हुताशनस्तेजो ददौ वायुश्च वाहनम् । ददौ क्रीडनकं त्वष्टा कुक्कुटं कामरूपिणम् । एवं सुरास्तु ते सर्वे परिवारमनुत्तमम्
dadau hutāśanastejo dadau vāyuśca vāhanam / dadau krīḍanakaṃ tvaṣṭā kukkuṭaṃ kāmarūpiṇam / evaṃ surāstu te sarve parivāramanuttamam
Sanskrit only: no published translation is held for this verse.
ददुर्मुदितचेतस्काः स्कन्दायादित्यवर्चसे
dadurmuditacetaskāḥ skandāyādityavarcase
Sanskrit only: no published translation is held for this verse.
जानुभ्यामवनौ स्थित्वा सुरसंघास्तमस्तुवन् । स्तोत्रेणानेन वरदं षण्मुखं मुख्यशः सुराः
jānubhyāmavanau sthitvā surasaṃghāstamastuvan / stotreṇānena varadaṃ ṣaṇmukhaṃ mukhyaśaḥ surāḥ
Sanskrit only: no published translation is held for this verse.
*देवा ऊचुः नमः कुमाराय महाप्रभाय स्कन्दाय च स्कन्दितदानवाय । नवार्कविद्युद्द्युतये नमो ऽस्तुते नमो ऽस्तु ते षण्मुख कामरूप
*devā ūcuḥ namaḥ kumārāya mahāprabhāya skandāya ca skanditadānavāya / navārkavidyuddyutaye namo 'stute namo 'stu te ṣaṇmukha kāmarūpa
Sanskrit only: no published translation is held for this verse.
पिनद्धनानाभरणाय भर्त्रे नमो रणे दानवदारणाय । नमो ऽस्तु ते ऽर्कप्रतिमप्रभाय नमो ऽस्तु गुह्याय गुहाय तुभ्यम्
pinaddhanānābharaṇāya bhartre namo raṇe dānavadāraṇāya / namo 'stu te 'rkapratimaprabhāya namo 'stu guhyāya guhāya tubhyam
Sanskrit only: no published translation is held for this verse.
नमो ऽस्तु त्रैलोक्यभयापहाय नमो ऽस्तु ते बाल कृपापराय । नमो विशालामललोचनाय नमो विशाखाय महाव्रताय
namo 'stu trailokyabhayāpahāya namo 'stu te bāla kṛpāparāya / namo viśālāmalalocanāya namo viśākhāya mahāvratāya
Sanskrit only: no published translation is held for this verse.
नमो नमस्ते ऽस्तु मनोहराय नमो नमस्ते ऽस्तु रणोत्कटाय । नमो मयूरोज्ज्वलवाहनाय नमो ऽस्तु केयूरधराय तुभ्यम्
namo namaste 'stu manoharāya namo namaste 'stu raṇotkaṭāya / namo mayūrojjvalavāhanāya namo 'stu keyūradharāya tubhyam
Sanskrit only: no published translation is held for this verse.
नमो धृतोदग्रपताकिने नमस्ते नमः प्रभावप्रणताय ते ऽस्तु । नमस्ते नमस्ते वरवीर्यशालिने कृपापरो नो भव भव्यमूर्ते
namo dhṛtodagrapatākine namaste namaḥ prabhāvapraṇatāya te 'stu / namaste namaste varavīryaśāline kṛpāparo no bhava bhavyamūrte
Sanskrit only: no published translation is held for this verse.
क्रियापरा यज्ञपतिं च स्तुत्वा विनेमुरेवं त्वमराधिपाद्याः । एवं तदा षड्वदनस्तु सेन्द्रान् उवाच तुष्टश्च गुहस्ततस्तान् । निरीक्ष्य नेत्रैरमलैः सुरेशाञ् शत्रून्हनिष्यामि गतज्वराः स्थ
kriyāparā yajñapatiṃ ca stutvā vinemurevaṃ tvamarādhipādyāḥ / evaṃ tadā ṣaḍvadanastu sendrān uvāca tuṣṭaśca guhastatastān / nirīkṣya netrairamalaiḥ sureśāñ śatrūnhaniṣyāmi gatajvarāḥ stha
Sanskrit only: no published translation is held for this verse.
*कुमार उवाच कं वः कामं प्रयच्छामि देवता ब्रूत निर्वृताः । यद्यप्यसाध्यं हृद्यं वो हृदये चिन्तितं परम्
*kumāra uvāca kaṃ vaḥ kāmaṃ prayacchāmi devatā brūta nirvṛtāḥ / yadyapyasādhyaṃ hṛdyaṃ vo hṛdaye cintitaṃ param
Sanskrit only: no published translation is held for this verse.
इत्युक्तास्तु सुरास्तेन प्रोचुः प्रणतमौलयः । सर्व एव महात्मानं गुहं तद्गतमानसाः
ityuktāstu surāstena procuḥ praṇatamaulayaḥ / sarva eva mahātmānaṃ guhaṃ tadgatamānasāḥ
Sanskrit only: no published translation is held for this verse.
दैत्येन्द्रस्तारको नाम सर्वामरकुलान्तकृत् । बलवान्दुर्जयो दुष्टो दुराचारो ऽतिकोपनः । तमेव जहि हृद्यो ऽर्थ एषो ऽस्माकं भयापह
daityendrastārako nāma sarvāmarakulāntakṛt / balavāndurjayo duṣṭo durācāro 'tikopanaḥ / tameva jahi hṛdyo 'rtha eṣo 'smākaṃ bhayāpaha
Sanskrit only: no published translation is held for this verse.
एवमुक्तस्तथेत्युक्त्वा सर्वामरपदानुगः । जगाम जगतां नाथः स्तूयमानो ऽमरेश्वरैः
evamuktastathetyuktvā sarvāmarapadānugaḥ / jagāma jagatāṃ nāthaḥ stūyamāno 'mareśvaraiḥ
Sanskrit only: no published translation is held for this verse.
तारकस्य वधार्थाय जगतः कण्टकस्य वै । ततश्च प्रेषयामास शक्रो लब्धसमाश्रयः
tārakasya vadhārthāya jagataḥ kaṇṭakasya vai / tataśca preṣayāmāsa śakro labdhasamāśrayaḥ
Sanskrit only: no published translation is held for this verse.
दूतं दानवसिंहस्य परुषाक्षरवादिनम् । स तु गत्वाब्रवीद्दैत्यं निर्भयो भीमदर्शनः
dūtaṃ dānavasiṃhasya paruṣākṣaravādinam / sa tu gatvābravīddaityaṃ nirbhayo bhīmadarśanaḥ
Sanskrit only: no published translation is held for this verse.
*दूत उवाच शक्रस्त्वामाह देवेशो दैत्यकेतो दिवस्पतिः । तारकासुर तच्छ्रुत्वा घटशक्त्या यथेच्छया
*dūta uvāca śakrastvāmāha deveśo daityaketo divaspatiḥ / tārakāsura tacchrutvā ghaṭaśaktyā yathecchayā
Sanskrit only: no published translation is held for this verse.
यज्जगद्दलनादाप्तं किल्बिषं दानव त्वया । तस्याहं शासकस्ते ऽद्य राजास्मि भुवनत्रये
yajjagaddalanādāptaṃ kilbiṣaṃ dānava tvayā / tasyāhaṃ śāsakaste 'dya rājāsmi bhuvanatraye
Sanskrit only: no published translation is held for this verse.
श्रुत्वैतद्दूतवचनं कोपसंरक्तलोचनः । उवाच दूतं दुष्टात्मा नष्टप्रायविभूतिकः
śrutvaitaddūtavacanaṃ kopasaṃraktalocanaḥ / uvāca dūtaṃ duṣṭātmā naṣṭaprāyavibhūtikaḥ
Sanskrit only: no published translation is held for this verse.
*तारक उवाच दृष्टं ते पौरुषं शक्र रणेषु शतशो मया । निस्त्रपत्वान्न ते लज्जा विद्यते शक्र दुर्मते
*tāraka uvāca dṛṣṭaṃ te pauruṣaṃ śakra raṇeṣu śataśo mayā / nistrapatvānna te lajjā vidyate śakra durmate
Sanskrit only: no published translation is held for this verse.
एवमुक्ते गते दूते चिन्तयामास दानवः । नालब्धसंश्रयः शक्रो वक्तुमेवं हि चार्हति
evamukte gate dūte cintayāmāsa dānavaḥ / nālabdhasaṃśrayaḥ śakro vaktumevaṃ hi cārhati
Sanskrit only: no published translation is held for this verse.
जितः स शक्रो नाकस्माज् जायते संश्रयाश्रयः । निमित्तानि च दुष्टानि सो ऽपश्यद्दुष्टचेष्टितः
jitaḥ sa śakro nākasmāj jāyate saṃśrayāśrayaḥ / nimittāni ca duṣṭāni so 'paśyadduṣṭaceṣṭitaḥ
Sanskrit only: no published translation is held for this verse.
पांशुवर्षमसृक्पातं गगनादवनीतले । भुजनेत्रप्रकम्पं च वक्त्रशोषमनोभ्रमम्
pāṃśuvarṣamasṛkpātaṃ gaganādavanītale / bhujanetraprakampaṃ ca vaktraśoṣamanobhramam
Sanskrit only: no published translation is held for this verse.
स्वकान्तावक्त्रपद्मानां म्लानतां च व्यलोकयत् । दुष्टांश्च प्राणिनो रौद्रान् सो ऽपश्यद्दुष्टवेदिनः
svakāntāvaktrapadmānāṃ mlānatāṃ ca vyalokayat / duṣṭāṃśca prāṇino raudrān so 'paśyadduṣṭavedinaḥ
Sanskrit only: no published translation is held for this verse.
तदचिन्त्वैव दितिजो न्यस्तचिन्तो ऽभवत्क्षणात् । यावद्गजघटाघण्टा-रणत्काररवोत्कटाम्
tadacintvaiva ditijo nyastacinto 'bhavatkṣaṇāt / yāvadgajaghaṭāghaṇṭā-raṇatkāraravotkaṭām
Sanskrit only: no published translation is held for this verse.
तद्वत्तुरगसंघात-क्षुण्णभूरेणुपिञ्जराम् । चञ्चलस्यन्दनोदग्र-ध्वजराजिविराजिताम्
tadvatturagasaṃghāta-kṣuṇṇabhūreṇupiñjarām / cañcalasyandanodagra-dhvajarājivirājitām
Sanskrit only: no published translation is held for this verse.
विमानैश्चाद्भुताकारैश् चलितामरचामरैः । तां भूषणनिबद्धां च किंनरोद्गतिनादिताम्
vimānaiścādbhutākāraiś calitāmaracāmaraiḥ / tāṃ bhūṣaṇanibaddhāṃ ca kiṃnarodgatināditām
Sanskrit only: no published translation is held for this verse.
नानानाकतरूत्फुल्ल-कुसुमापीडधारिणीम् । विकोशास्त्रपरिष्कारां वर्मनिर्मलदर्शनाम्
nānānākatarūtphulla-kusumāpīḍadhāriṇīm / vikośāstrapariṣkārāṃ varmanirmaladarśanām
Sanskrit only: no published translation is held for this verse.
बन्द्युद्घुष्टस्तुतिरवां नानावाद्यनिनादिताम् । सेनां नाकसदां दैत्यः प्रासादस्थो व्यलोकयत्
bandyudghuṣṭastutiravāṃ nānāvādyanināditām / senāṃ nākasadāṃ daityaḥ prāsādastho vyalokayat
Sanskrit only: no published translation is held for this verse.
चिन्तयामास स तदा किंचिदुद्भ्रान्तमानसः । अपूर्वः को भवेद्योद्धा यो मया न विनिर्जितः
cintayāmāsa sa tadā kiṃcidudbhrāntamānasaḥ / apūrvaḥ ko bhavedyoddhā yo mayā na vinirjitaḥ
Sanskrit only: no published translation is held for this verse.
ततश्चिन्ताकुलो दैत्यः शुश्राव कटुकाक्षरम् । सिद्धबन्दिभिरुद्घुष्टम् इदं हृदयदारणम्
tataścintākulo daityaḥ śuśrāva kaṭukākṣaram / siddhabandibhirudghuṣṭam idaṃ hṛdayadāraṇam
Sanskrit only: no published translation is held for this verse.
अथ गाथा जयातुलशक्तिदीधितिपिञ्जर भुजदण्डचण्डरणरभस । सुरवदन कुमुदकानन-विकासनेन्दो कुमार जय दितिजकुलमहोदधिवडवानल
atha gāthā jayātulaśaktidīdhitipiñjara bhujadaṇḍacaṇḍaraṇarabhasa | suravadana kumudakānana-vikāsanendo kumāra jaya ditijakulamahodadhivaḍavānala
Sanskrit only: no published translation is held for this verse.
षण्मुख मधुररवमयूररथ सुरमुकुटकोटिघट्टितचरणनखाङ्कुरमहासन । जय ललितचूडाकलापनवविमलदलकमलकान्त दैत्यवंशदुःसहदावानल
ṣaṇmukha madhuraravamayūraratha suramukuṭakoṭighaṭṭitacaraṇanakhāṅkuramahāsana | jaya lalitacūḍākalāpanavavimaladalakamalakānta daityavaṃśaduḥsahadāvānala
Sanskrit only: no published translation is held for this verse.
जय विशाख विभो जय सकललोकतारक जय देवसेनानायक । स्कन्द जय गौरीनन्दन घण्टाप्रिय प्रिय विशाख विभो धृतपताकप्रकीर्णपटल । कनकभूषण भासुरदिनकरच्छाय
jaya viśākha vibho jaya sakalalokatāraka jaya devasenānāyaka | skanda jaya gaurīnandana ghaṇṭāpriya priya viśākha vibho dhṛtapatākaprakīrṇapaṭala | kanakabhūṣaṇa bhāsuradinakaracchāya
Sanskrit only: no published translation is held for this verse.
जय जनितसंभ्रम लीलालूनाखिलाराते जय सकललोकतारक दितिजासुरवरतारकान्तक । स्कन्द जय बाल सप्तवासर जय भुवनावलिशोकविनाशन
jaya janitasaṃbhrama līlālūnākhilārāte jaya sakalalokatāraka ditijāsuravaratārakāntaka | skanda jaya bāla saptavāsara jaya bhuvanāvaliśokavināśana
Sanskrit only: no published translation is held for this verse.