Matsya Purāṇa 161

*ऋषय ऊचुः इदानीं श्रोतुमिच्छामो हिरण्यकशिपोर्वधम् । नरसिंहस्य माहात्म्यं तथा पापविनाशनम्

*ṛṣaya ūcuḥ idānīṃ śrotumicchāmo hiraṇyakaśiporvadham / narasiṃhasya māhātmyaṃ tathā pāpavināśanam

Sanskrit only: no published translation is held for this verse.

*सूत उवाच पुरा कृतयुगे विप्रा हिरण्यकशिपुः प्रभुः । दैत्यानामादिपुरुषश् चकार स महत्तपः

*sūta uvāca purā kṛtayuge viprā hiraṇyakaśipuḥ prabhuḥ / daityānāmādipuruṣaś cakāra sa mahattapaḥ

Sanskrit only: no published translation is held for this verse.

दश वर्षसहस्राणि दश वर्षशतानि च । जलवासी समभवत् स्नानमौनधृतव्रतः

daśa varṣasahasrāṇi daśa varṣaśatāni ca / jalavāsī samabhavat snānamaunadhṛtavrataḥ

Sanskrit only: no published translation is held for this verse.

ततः शमदमाभ्यां च ब्रह्मचर्येण चैव हि । ब्रह्मा प्रीतो ऽभवत्तस्य तपसा नियमेन च

tataḥ śamadamābhyāṃ ca brahmacaryeṇa caiva hi / brahmā prīto 'bhavattasya tapasā niyamena ca

Sanskrit only: no published translation is held for this verse.

ततः स्वयंभूर्भगवान् स्वयमागम्य तत्र ह । विमानेनार्कवर्णेन हंसयुक्तेन भास्वता

tataḥ svayaṃbhūrbhagavān svayamāgamya tatra ha / vimānenārkavarṇena haṃsayuktena bhāsvatā

Sanskrit only: no published translation is held for this verse.

आदित्यैर्वसुभिः साध्यैर् मरुद्भिर्दैवतैस्तथा । रुद्रैर्विश्वसहायैश्च यक्षराक्षसपन्नगैः

ādityairvasubhiḥ sādhyair marudbhirdaivataistathā / rudrairviśvasahāyaiśca yakṣarākṣasapannagaiḥ

Sanskrit only: no published translation is held for this verse.

दिग्भिश् चैव विदिग्भिश् च नदीभिः सागरैस्तथा । नक्षत्रैश्च मुहूर्तैश्च खेचरैश्च महाग्रहैः

digbhiś caiva vidigbhiś ca nadībhiḥ sāgaraistathā / nakṣatraiśca muhūrtaiśca khecaraiśca mahāgrahaiḥ

Sanskrit only: no published translation is held for this verse.

देवैर्ब्रह्मर्षिभिः सार्धं सिद्धैः सप्तर्षिभिस्तथा । राजर्षिभिः पुण्यकृद्भिर् गन्धर्वाप्सरसां गणैः

devairbrahmarṣibhiḥ sārdhaṃ siddhaiḥ saptarṣibhistathā / rājarṣibhiḥ puṇyakṛdbhir gandharvāpsarasāṃ gaṇaiḥ

Sanskrit only: no published translation is held for this verse.

चराचरगुरुः श्रीमान् वृतः सर्वैर्दिवौकसैः । ब्रह्मा ब्रह्मविदां श्रेष्ठो दैत्यं वचनमब्रवीत्

carācaraguruḥ śrīmān vṛtaḥ sarvairdivaukasaiḥ / brahmā brahmavidāṃ śreṣṭho daityaṃ vacanamabravīt

Sanskrit only: no published translation is held for this verse.

प्रीतो ऽस्मि तव भक्तस्य तपसानेन सुव्रत । वरं वरय भद्रं ते यथेष्टं काममाप्नुहि

prīto 'smi tava bhaktasya tapasānena suvrata / varaṃ varaya bhadraṃ te yatheṣṭaṃ kāmamāpnuhi

Sanskrit only: no published translation is held for this verse.

*हिरण्यकशिपुरुवाच न देवासुरगन्धर्वा न यक्षोरगराक्षसाः । न मानुषाः पिशाचा वा हन्युर्मां देवसत्तम

*hiraṇyakaśipuruvāca na devāsuragandharvā na yakṣoragarākṣasāḥ / na mānuṣāḥ piśācā vā hanyurmāṃ devasattama

Sanskrit only: no published translation is held for this verse.

ऋषयो वा न मां शापैः शपेयुः प्रपितामह । यदि मे भगवान्प्रीतो वर एष वृतो मया

ṛṣayo vā na māṃ śāpaiḥ śapeyuḥ prapitāmaha / yadi me bhagavānprīto vara eṣa vṛto mayā

Sanskrit only: no published translation is held for this verse.

न चास्त्रेण न शस्त्रेण गिरिणा पादपेन च । न शुष्केण न चार्द्रेण न दिवा न निशाथ वा

na cāstreṇa na śastreṇa giriṇā pādapena ca / na śuṣkeṇa na cārdreṇa na divā na niśātha vā

Sanskrit only: no published translation is held for this verse.

भवेयमहमेवार्कः सोमो वायुर्हुताशनः । सलिलं चान्तरिक्षं च नक्षत्राणि दिशो दश

bhaveyamahamevārkaḥ somo vāyurhutāśanaḥ / salilaṃ cāntarikṣaṃ ca nakṣatrāṇi diśo daśa

Sanskrit only: no published translation is held for this verse.

अहं क्रोधश्च कामश्च वरुणो वासवो यमः । धनदश्च धनाध्यक्षो यक्षः किंपुरुषाधिपः

ahaṃ krodhaśca kāmaśca varuṇo vāsavo yamaḥ / dhanadaśca dhanādhyakṣo yakṣaḥ kiṃpuruṣādhipaḥ

Sanskrit only: no published translation is held for this verse.

*ब्रह्मोवाच एते दिव्या वरास्तात मया दत्तास्तवाद्भुताः । सर्वान्कामान्सदा वत्स प्राप्स्यसि त्वं न संशयः

*brahmovāca ete divyā varāstāta mayā dattāstavādbhutāḥ / sarvānkāmānsadā vatsa prāpsyasi tvaṃ na saṃśayaḥ

Sanskrit only: no published translation is held for this verse.

एवमुक्त्वा स भगवाञ् जगामाकाश एव हि । वैराजं ब्रह्मसदनं ब्रह्मर्षिगणसेवितम्

evamuktvā sa bhagavāñ jagāmākāśa eva hi / vairājaṃ brahmasadanaṃ brahmarṣigaṇasevitam

Sanskrit only: no published translation is held for this verse.

ततो देवाश्च नागाश्च गन्धर्वा ऋषिभिः सह । वरप्रदानं श्रुत्वैव पितामहमुपस्थिताः

tato devāśca nāgāśca gandharvā ṛṣibhiḥ saha / varapradānaṃ śrutvaiva pitāmahamupasthitāḥ

Sanskrit only: no published translation is held for this verse.

वरप्रदानाद्भगवन् वधिष्यति स नो ऽसुरः । तत्प्रसीदाशु भगवन् वधो ऽप्यस्य विचिन्त्यताम्

varapradānādbhagavan vadhiṣyati sa no 'suraḥ / tatprasīdāśu bhagavan vadho 'pyasya vicintyatām

Sanskrit only: no published translation is held for this verse.

भगवन्सर्वभूतानाम् आदिकर्ता स्वयं प्रभुः । स्रष्टा त्वं हव्यकव्यानाम् अव्यक्तप्रकृतिर् बुधः

bhagavansarvabhūtānām ādikartā svayaṃ prabhuḥ / sraṣṭā tvaṃ havyakavyānām avyaktaprakṛtir budhaḥ

Sanskrit only: no published translation is held for this verse.

सर्वलोकहितं वाक्यं श्रुत्वा देवः प्रजापतिः । आश्वासयामास सुरान् सुशीतैर्वचनाम्बुभिः

sarvalokahitaṃ vākyaṃ śrutvā devaḥ prajāpatiḥ / āśvāsayāmāsa surān suśītairvacanāmbubhiḥ

Sanskrit only: no published translation is held for this verse.

अवश्यं त्रिदशास्तेन प्राप्तव्यं तपसः फलम् । तपसो ऽन्ते ऽस्य भगवान् वधं विष्णुः करिष्यति

avaśyaṃ tridaśāstena prāptavyaṃ tapasaḥ phalam / tapaso 'nte 'sya bhagavān vadhaṃ viṣṇuḥ kariṣyati

Sanskrit only: no published translation is held for this verse.

तच्छ्रुत्वा विबुधा वाक्यं सर्वे पङ्कजजन्मनः । स्वानि स्थानानि दिव्यानि विप्रजग्मुर्मुदान्विताः

tacchrutvā vibudhā vākyaṃ sarve paṅkajajanmanaḥ / svāni sthānāni divyāni viprajagmurmudānvitāḥ

Sanskrit only: no published translation is held for this verse.

लब्धमात्रे वरे चाथ सर्वाः सो ऽबाधत प्रजाः । हिरण्यकशिपुर्दैत्यो वरदानेन दर्पितः

labdhamātre vare cātha sarvāḥ so 'bādhata prajāḥ / hiraṇyakaśipurdaityo varadānena darpitaḥ

Sanskrit only: no published translation is held for this verse.

आश्रमेषु महाभागान् स मुनीञ्छंसितव्रतान् । सत्यधर्मपरान्दान्तान् धर्षयामास दानवः

āśrameṣu mahābhāgān sa munīñchaṃsitavratān / satyadharmaparāndāntān dharṣayāmāsa dānavaḥ

Sanskrit only: no published translation is held for this verse.

देवांस्त्रिभुवनस्थांश्च पराजित्य महासुरः । त्रैलोक्यं वशमानीय स्वर्गे वसति दानवः

devāṃstribhuvanasthāṃśca parājitya mahāsuraḥ / trailokyaṃ vaśamānīya svarge vasati dānavaḥ

Sanskrit only: no published translation is held for this verse.

यदा वरमदोत्सिक्तश् चोदितः कालधर्मतः । यज्ञियानकरोद्दैत्यान् अयज्ञियाश्च देवताः

yadā varamadotsiktaś coditaḥ kāladharmataḥ / yajñiyānakaroddaityān ayajñiyāśca devatāḥ

Sanskrit only: no published translation is held for this verse.

तदादित्याश्च साध्याश्च विश्वे च वसवस्तथा । सेन्द्रा देवगणा यक्षाः सिद्धद्विजमहर्षयः

tadādityāśca sādhyāśca viśve ca vasavastathā / sendrā devagaṇā yakṣāḥ siddhadvijamaharṣayaḥ

Sanskrit only: no published translation is held for this verse.

शरण्यं शरणं विष्णुम् उपतस्थुर्महाबलम् । देवदेवं यज्ञमयं वासुदेवं सनातनम्

śaraṇyaṃ śaraṇaṃ viṣṇum upatasthurmahābalam / devadevaṃ yajñamayaṃ vāsudevaṃ sanātanam

Sanskrit only: no published translation is held for this verse.

*देवा ऊचुः नारायण महाभाग देवास्त्वां शरणं गताः । त्रायस्व जहि दैत्येन्द्रं हिरण्यकशिपुं प्रभो

*devā ūcuḥ nārāyaṇa mahābhāga devāstvāṃ śaraṇaṃ gatāḥ / trāyasva jahi daityendraṃ hiraṇyakaśipuṃ prabho

Sanskrit only: no published translation is held for this verse.

त्वं हि नः परमो धाता त्वं हि नः परमो गुरुः । त्वं हि नः परमो देवो ब्रह्मादीनां सुरोत्तम

tvaṃ hi naḥ paramo dhātā tvaṃ hi naḥ paramo guruḥ / tvaṃ hi naḥ paramo devo brahmādīnāṃ surottama

Sanskrit only: no published translation is held for this verse.

*विष्णुरुवाच भयं त्यजध्वममरा अभयं वो ददाम्यहम् । तथैव त्रिदिवं देवाः प्रतिपद्यत मा चिरम्

*viṣṇuruvāca bhayaṃ tyajadhvamamarā abhayaṃ vo dadāmyaham / tathaiva tridivaṃ devāḥ pratipadyata mā ciram

Sanskrit only: no published translation is held for this verse.

एषो ऽहं सगणं दैत्यं वरदानेन दर्पितम् । अवध्यममरेन्द्राणां दानवेन्द्रं निहन्म्यहम्

eṣo 'haṃ sagaṇaṃ daityaṃ varadānena darpitam / avadhyamamarendrāṇāṃ dānavendraṃ nihanmyaham

Sanskrit only: no published translation is held for this verse.

एवमुक्त्वा तु भगवान् विसृज्य त्रिदशेश्वरान् । वधं संकल्पयामास हिरण्यकशिपोः प्रभुः

evamuktvā tu bhagavān visṛjya tridaśeśvarān / vadhaṃ saṃkalpayāmāsa hiraṇyakaśipoḥ prabhuḥ

Sanskrit only: no published translation is held for this verse.

साहाय्यं च महाबाहुर् ॐकारं गृह्य सत्वरम् । अथौंकारसहायस्तु भगवान्विष्णुरव्ययः

sāhāyyaṃ ca mahābāhur oṃkāraṃ gṛhya satvaram / athauṃkārasahāyastu bhagavānviṣṇuravyayaḥ

Sanskrit only: no published translation is held for this verse.

हिरण्यकशिपुस्थानं जगाम हरिरीश्वरः । तेजसा भास्कराकारः शशी कान्त्येव चापरः

hiraṇyakaśipusthānaṃ jagāma harirīśvaraḥ / tejasā bhāskarākāraḥ śaśī kāntyeva cāparaḥ

Sanskrit only: no published translation is held for this verse.

नरस्य कृत्वार्धतनुं सिंहस्यार्धतनुं तथा । नारसिंहेन वपुषा पाणिं संस्पृश्य पाणिना

narasya kṛtvārdhatanuṃ siṃhasyārdhatanuṃ tathā / nārasiṃhena vapuṣā pāṇiṃ saṃspṛśya pāṇinā

Sanskrit only: no published translation is held for this verse.

ततो ऽपश्यत विस्तीर्णां दिव्यां रम्यां मनोरमाम् । सर्वकामयुतां शुभ्रां हिरण्यकशिपोः सभाम्

tato 'paśyata vistīrṇāṃ divyāṃ ramyāṃ manoramām / sarvakāmayutāṃ śubhrāṃ hiraṇyakaśipoḥ sabhām

Sanskrit only: no published translation is held for this verse.

विस्तीर्णां योजनशतं शतमध्यर्धमायताम् । वैहायसीं कामगमां पञ्चयोजनविस्तृताम्

vistīrṇāṃ yojanaśataṃ śatamadhyardhamāyatām / vaihāyasīṃ kāmagamāṃ pañcayojanavistṛtām

Sanskrit only: no published translation is held for this verse.

जराशोकक्लमापेतां निष्प्रकम्पां शिवां सुखाम् । वेश्महर्म्यवतीं रम्यां ज्वलन्तीमिव तेजसा

jarāśokaklamāpetāṃ niṣprakampāṃ śivāṃ sukhām / veśmaharmyavatīṃ ramyāṃ jvalantīmiva tejasā

Sanskrit only: no published translation is held for this verse.

अन्तःसलिलसंयुक्तां विहितां विश्वकर्मणा । दिव्यरत्नमयैर्वृक्षैः फलपुष्पप्रदैर्युताम्

antaḥsalilasaṃyuktāṃ vihitāṃ viśvakarmaṇā / divyaratnamayairvṛkṣaiḥ phalapuṣpapradairyutām

Sanskrit only: no published translation is held for this verse.

नीलपीतसितश्यामैः कृष्णैर्लोहितकैरपि । अवतानैस्तथा गुल्मैर् मञ्जरीशतधारिभिः

nīlapītasitaśyāmaiḥ kṛṣṇairlohitakairapi / avatānaistathā gulmair mañjarīśatadhāribhiḥ

Sanskrit only: no published translation is held for this verse.

सिताभ्रघनसंकाशा प्लवन्तीव व्यदृश्यत । रश्मिवती भास्वरा च दिव्यगन्धमनोरमा

sitābhraghanasaṃkāśā plavantīva vyadṛśyata / raśmivatī bhāsvarā ca divyagandhamanoramā

Sanskrit only: no published translation is held for this verse.

सुसुखा न च दुःखा सा न शीता न च घर्मदा । न क्षुत्पिपासे ग्लानिं वा प्राप्य तां प्राप्नुवन्ति ते

susukhā na ca duḥkhā sā na śītā na ca gharmadā / na kṣutpipāse glāniṃ vā prāpya tāṃ prāpnuvanti te

Sanskrit only: no published translation is held for this verse.

नानारूपैरुपकृतां विचित्रैरतिभास्वरैः । स्तम्भैर्न विभृता सा वै शाश्वती चाक्षपा सदा

nānārūpairupakṛtāṃ vicitrairatibhāsvaraiḥ / stambhairna vibhṛtā sā vai śāśvatī cākṣapā sadā

Sanskrit only: no published translation is held for this verse.

अति चन्द्रं च सूर्यं च शिखिनं च स्वयंप्रभा । दीप्यते नाकपृष्ठस्था भासयन्तीव भास्करम्

ati candraṃ ca sūryaṃ ca śikhinaṃ ca svayaṃprabhā / dīpyate nākapṛṣṭhasthā bhāsayantīva bhāskaram

Sanskrit only: no published translation is held for this verse.

सर्वे च कामाः प्रचुरा ये दिव्या ये च मानुषाः । रसयुक्तं प्रभूतं च भक्ष्यभोज्यमनन्तकम्

sarve ca kāmāḥ pracurā ye divyā ye ca mānuṣāḥ / rasayuktaṃ prabhūtaṃ ca bhakṣyabhojyamanantakam

Sanskrit only: no published translation is held for this verse.

पुण्यगन्धस्रजश्चात्र नित्यपुष्पफलद्रुमाः । उष्णे शीतानि तोयानि शीते चोष्णानि सन्ति च

puṇyagandhasrajaścātra nityapuṣpaphaladrumāḥ / uṣṇe śītāni toyāni śīte coṣṇāni santi ca

Sanskrit only: no published translation is held for this verse.

पुष्पिताग्रा महाशाखाः प्रवालाङ्कुरधारिणः । लतावितानसंछन्ना नदीषु च सरःसु च

puṣpitāgrā mahāśākhāḥ pravālāṅkuradhāriṇaḥ / latāvitānasaṃchannā nadīṣu ca saraḥsu ca

Sanskrit only: no published translation is held for this verse.

वृक्षान्बहुविधांस्तत्र मृगेन्द्रो ददृशे प्रभुः । गन्धवन्ति च पुष्पाणि रसवन्ति फलानि च

vṛkṣānbahuvidhāṃstatra mṛgendro dadṛśe prabhuḥ / gandhavanti ca puṣpāṇi rasavanti phalāni ca

Sanskrit only: no published translation is held for this verse.

नातिशीतानि नोष्णानि तत्र तत्र सरांसि च । अपश्यत्सर्वतीर्थानि सभायां तस्य स प्रभुः

nātiśītāni noṣṇāni tatra tatra sarāṃsi ca / apaśyatsarvatīrthāni sabhāyāṃ tasya sa prabhuḥ

Sanskrit only: no published translation is held for this verse.

नलिनैः पुण्डरीकैश्च शतपत्त्रैः सुगन्धिभिः । रक्तैः कुवलयैर्नीलैः कुमुदैः संवृतानि च

nalinaiḥ puṇḍarīkaiśca śatapattraiḥ sugandhibhiḥ / raktaiḥ kuvalayairnīlaiḥ kumudaiḥ saṃvṛtāni ca

Sanskrit only: no published translation is held for this verse.

सुकान्तैर्धार्तराष्ट्रैश्च राजहंसैश्च सुप्रियैः । कारण्डवैश्चक्रवाकैः सारसैः कुररैरपि

sukāntairdhārtarāṣṭraiśca rājahaṃsaiśca supriyaiḥ / kāraṇḍavaiścakravākaiḥ sārasaiḥ kurarairapi

Sanskrit only: no published translation is held for this verse.

विमलैः स्फाटिकाभैश्च पाण्डुरच्छदनैर्द्विजैः । बहुहंसोपगीतानि सारसाभिरुतानि च

vimalaiḥ sphāṭikābhaiśca pāṇḍuracchadanairdvijaiḥ / bahuhaṃsopagītāni sārasābhirutāni ca

Sanskrit only: no published translation is held for this verse.

गन्धवत्यः शुभास्तत्र पुष्टमञ्जरिधारिणीः । दृष्टवान्पर्वताग्रेषु नानापुष्पधरा लताः

gandhavatyaḥ śubhāstatra puṣṭamañjaridhāriṇīḥ / dṛṣṭavānparvatāgreṣu nānāpuṣpadharā latāḥ

Sanskrit only: no published translation is held for this verse.

केतक्यशोकसरलाः पुंनागतिलकार्जुनाः । चूता नीपाः प्रस्थपुष्पाः कदम्बा बकुला धवाः

ketakyaśokasaralāḥ puṃnāgatilakārjunāḥ / cūtā nīpāḥ prasthapuṣpāḥ kadambā bakulā dhavāḥ

Sanskrit only: no published translation is held for this verse.

प्रियङ्गुपाटलावृक्षाः शाल्मल्यः सहरिद्रकाः । सालास्तालास्तमालाश्च चम्पकाश्च मनोरमाः

priyaṅgupāṭalāvṛkṣāḥ śālmalyaḥ saharidrakāḥ / sālāstālāstamālāśca campakāśca manoramāḥ

Sanskrit only: no published translation is held for this verse.

तथैवान्ये व्यराजन्त सभायां पुष्पिता द्रुमाः । विद्रुमाश्च द्रुमाश्चैव ज्वलिताग्निसमप्रभाः

tathaivānye vyarājanta sabhāyāṃ puṣpitā drumāḥ / vidrumāśca drumāścaiva jvalitāgnisamaprabhāḥ

Sanskrit only: no published translation is held for this verse.

स्कन्धवन्तः सुशाखाश्च बहुतालसमुच्छ्रयाः । अञ्जनाशोकवर्णाश्च बहवश्चित्रका द्रुमाः

skandhavantaḥ suśākhāśca bahutālasamucchrayāḥ / añjanāśokavarṇāśca bahavaścitrakā drumāḥ

Sanskrit only: no published translation is held for this verse.

वरुणो वत्सनाभश्च पनसाः सह चन्दनैः । नीपाः सुमनसश्चैव निम्बा अश्वत्थतिन्दुकाः

varuṇo vatsanābhaśca panasāḥ saha candanaiḥ / nīpāḥ sumanasaścaiva nimbā aśvatthatindukāḥ

Sanskrit only: no published translation is held for this verse.

पारिजाताश्च लोध्राश्च मल्लिका भद्रदारवः । आमलक्यस्तथा जम्बू-लकुचाः शैलवालुकाः

pārijātāśca lodhrāśca mallikā bhadradāravaḥ / āmalakyastathā jambū-lakucāḥ śailavālukāḥ

Sanskrit only: no published translation is held for this verse.

खर्जूर्यो नारिकेलाश्च हरीतकविभीतकाः । कालीयका द्रुकालाश्च हिङ्गवः पारियात्रकाः

kharjūryo nārikelāśca harītakavibhītakāḥ / kālīyakā drukālāśca hiṅgavaḥ pāriyātrakāḥ

Sanskrit only: no published translation is held for this verse.

मन्दारकुन्दलक्ताश्च पतङ्गाः कुटजास्तथा । रक्ताः कुरण्टकाश्चैव नीलाश्चागरुभिः सह

mandārakundalaktāśca pataṅgāḥ kuṭajāstathā / raktāḥ kuraṇṭakāścaiva nīlāścāgarubhiḥ saha

Sanskrit only: no published translation is held for this verse.

कदम्बाश्चैव भव्याश्च दाडिमा बीजपूरकाः । सप्तपर्णाश्च बिल्वाश्च मधुपैरावृतास्तथा

kadambāścaiva bhavyāśca dāḍimā bījapūrakāḥ / saptaparṇāśca bilvāśca madhupairāvṛtāstathā

Sanskrit only: no published translation is held for this verse.

अशोकाश्च तमालाश्च नानागुल्मलतावृताः । मधूकाः सप्तपर्णाश्च बहवः क्षीरका द्रुमाः

aśokāśca tamālāśca nānāgulmalatāvṛtāḥ / madhūkāḥ saptaparṇāśca bahavaḥ kṣīrakā drumāḥ

Sanskrit only: no published translation is held for this verse.

लताश्च विविधाकाराः पत्रपुष्पफलोपगाः । एते चान्ये च बहवस् तत्र काननजा द्रुमाः

latāśca vividhākārāḥ patrapuṣpaphalopagāḥ / ete cānye ca bahavas tatra kānanajā drumāḥ

Sanskrit only: no published translation is held for this verse.

नानापुष्पफलोपेता व्यराजन्त समन्ततः । चकोराः शतपत्राश्च मत्तकोकिलसारिकाः

nānāpuṣpaphalopetā vyarājanta samantataḥ / cakorāḥ śatapatrāśca mattakokilasārikāḥ

Sanskrit only: no published translation is held for this verse.

पुष्पिताः पुष्पिताग्रैश्च संपतन्ति महाद्रुमाः । रक्तपीतारुणास्तत्र पादपाग्रगताः खगाः

puṣpitāḥ puṣpitāgraiśca saṃpatanti mahādrumāḥ / raktapītāruṇāstatra pādapāgragatāḥ khagāḥ

Sanskrit only: no published translation is held for this verse.

परस्परमवेक्षन्ते प्रहृष्टा जीवजीवकाः । तस्यां सभायां दैत्येन्द्रो हिरण्यकशिपुस्तदा

parasparamavekṣante prahṛṣṭā jīvajīvakāḥ / tasyāṃ sabhāyāṃ daityendro hiraṇyakaśipustadā

Sanskrit only: no published translation is held for this verse.

स्त्रीसहस्रैः परिवृतो विचित्राभरणाम्बरः । अनर्घ्यमणिवज्रार्चिः शिखाज्वलितकुण्डलः

strīsahasraiḥ parivṛto vicitrābharaṇāmbaraḥ / anarghyamaṇivajrārciḥ śikhājvalitakuṇḍalaḥ

Sanskrit only: no published translation is held for this verse.

आसीनश्चासने चित्रे दशनल्वप्रमाणतः । दिवाकरनिभे दिव्ये दिव्यास्तरणसंस्तृते

āsīnaścāsane citre daśanalvapramāṇataḥ / divākaranibhe divye divyāstaraṇasaṃstṛte

Sanskrit only: no published translation is held for this verse.

दिव्यगन्धवहस्तत्र मारुतः सुसुखो ववौ । हिरण्यकशिपुर्दैत्य आस्ते ज्वलितकुण्डलः

divyagandhavahastatra mārutaḥ susukho vavau / hiraṇyakaśipurdaitya āste jvalitakuṇḍalaḥ

Sanskrit only: no published translation is held for this verse.

उपचेरुर्महादैत्यं हिरण्यकशिपुं तदा । दिव्यतानेन गीतानि जगुर् गन्धर्वसत्तमाः

upacerurmahādaityaṃ hiraṇyakaśipuṃ tadā / divyatānena gītāni jagur gandharvasattamāḥ

Sanskrit only: no published translation is held for this verse.

विश्वाची सहजन्या च प्रम्लोचेत्यभिविश्रुता । दिव्याथ सौरभेयी च समीची पुञ्जिकस्थली

viśvācī sahajanyā ca pramlocetyabhiviśrutā / divyātha saurabheyī ca samīcī puñjikasthalī

Sanskrit only: no published translation is held for this verse.

मिश्रकेशी च रम्भा च चित्रलेखा शुचिस्मिता । चारुकेशी घृताची च मेनका चोर्वशी तथा

miśrakeśī ca rambhā ca citralekhā śucismitā / cārukeśī ghṛtācī ca menakā corvaśī tathā

Sanskrit only: no published translation is held for this verse.

एताः सहस्रशश्चान्या नृत्यगीतविशारदाः । उपतिष्ठन्ति राजानं हिरण्यकशिपुं प्रभुम्

etāḥ sahasraśaścānyā nṛtyagītaviśāradāḥ / upatiṣṭhanti rājānaṃ hiraṇyakaśipuṃ prabhum

Sanskrit only: no published translation is held for this verse.

तत्रासीनं महाबाहुं हिरण्यकशिपुं प्रभुम् । उपासते दितेः पुत्राः सर्वे लब्धवरास्तथा

tatrāsīnaṃ mahābāhuṃ hiraṇyakaśipuṃ prabhum / upāsate diteḥ putrāḥ sarve labdhavarāstathā

Sanskrit only: no published translation is held for this verse.

तमप्रतिमकर्माणं शतशो ऽथ सहस्रशः । बलिर्विरोचनस्तत्र नरकः पृथिवीसुतः

tamapratimakarmāṇaṃ śataśo 'tha sahasraśaḥ / balirvirocanastatra narakaḥ pṛthivīsutaḥ

Sanskrit only: no published translation is held for this verse.

प्रह्लादो विप्रचित्तिश्च गविष्ठश्च महासुरः । सुरहन्ता सुनामा च प्रमतिः सुमतिर्वरः

prahlādo vipracittiśca gaviṣṭhaśca mahāsuraḥ / surahantā sunāmā ca pramatiḥ sumatirvaraḥ

Sanskrit only: no published translation is held for this verse.

घटोदरो महापार्श्वः क्रथनः पिठरस्तथा । विश्वरूपः सुरूपश्च स्वबलश्च महाबलः

ghaṭodaro mahāpārśvaḥ krathanaḥ piṭharastathā / viśvarūpaḥ surūpaśca svabalaśca mahābalaḥ

Sanskrit only: no published translation is held for this verse.

दशग्रीवश्च वाली च मेघवासा महासुरः । घटास्यो ऽकम्पनश्चैव प्रजनश्चेन्द्रतापनः

daśagrīvaśca vālī ca meghavāsā mahāsuraḥ / ghaṭāsyo 'kampanaścaiva prajanaścendratāpanaḥ

Sanskrit only: no published translation is held for this verse.

दैत्यदानवसंघास्ते सर्वे ज्वलितकुण्डलाः । स्रग्विणो वाग्मिनः सर्वे सदैव चरितव्रताः

daityadānavasaṃghāste sarve jvalitakuṇḍalāḥ / sragviṇo vāgminaḥ sarve sadaiva caritavratāḥ

Sanskrit only: no published translation is held for this verse.

सर्वे लब्धवराः शूराः सर्वे विगतमृत्यवः । एते चान्ये च बहवो हिरण्यकशिपुं प्रभुम्

sarve labdhavarāḥ śūrāḥ sarve vigatamṛtyavaḥ / ete cānye ca bahavo hiraṇyakaśipuṃ prabhum

Sanskrit only: no published translation is held for this verse.

उपासन्ति महात्मानं सर्वे दिव्यपरिच्छदाः । विमानैर्विविधाकारैर् भ्राजमानैरिवाग्निभिः

upāsanti mahātmānaṃ sarve divyaparicchadāḥ / vimānairvividhākārair bhrājamānairivāgnibhiḥ

Sanskrit only: no published translation is held for this verse.

महेन्द्रवपुषः सर्वे विचित्राङ्गदबाहवः । भूषिताङ्गा दितेः पुत्रास् तमुपासन्त सर्वशः

mahendravapuṣaḥ sarve vicitrāṅgadabāhavaḥ / bhūṣitāṅgā diteḥ putrās tamupāsanta sarvaśaḥ

Sanskrit only: no published translation is held for this verse.

तस्यां सभायां दिव्यायाम् असुराः पर्वतोपमाः । हिरण्यवपुषः सर्वे दिवाकरसमप्रभाः

tasyāṃ sabhāyāṃ divyāyām asurāḥ parvatopamāḥ / hiraṇyavapuṣaḥ sarve divākarasamaprabhāḥ

Sanskrit only: no published translation is held for this verse.

न श्रुतं नैव दृष्टं हि हिरण्यकशिपोर्यथा । ऐश्वर्यं दैत्यसिंहस्य यथा तस्य महात्मनः

na śrutaṃ naiva dṛṣṭaṃ hi hiraṇyakaśiporyathā / aiśvaryaṃ daityasiṃhasya yathā tasya mahātmanaḥ

Sanskrit only: no published translation is held for this verse.

कनकरजतचित्रवेदिकायां परिहृतरत्नविचित्रवीथिकायाम् । स ददर्श मृगाधिपः सभायां सुरचितरत्नगवाक्षशोभितायाम्

kanakarajatacitravedikāyāṃ parihṛtaratnavicitravīthikāyām / sa dadarśa mṛgādhipaḥ sabhāyāṃ suracitaratnagavākṣaśobhitāyām

Sanskrit only: no published translation is held for this verse.

कनकविमलहारभूषिताङ्गं दितितनयं स मृगाधिपो ददर्श । दिवसकरमहाप्रभाज्वलन्तं दितिजसहस्रशतैर्निषेव्यमाणम्

kanakavimalahārabhūṣitāṅgaṃ dititanayaṃ sa mṛgādhipo dadarśa / divasakaramahāprabhājvalantaṃ ditijasahasraśatairniṣevyamāṇam

Sanskrit only: no published translation is held for this verse.