Matsya Purāṇa 168

*मत्स्य उवाच आपवः स विभुर्भूत्वा चारयामास वै तपः । छादयित्वात्मनो देहं यादसां कुलसंभवम्

*matsya uvāca āpavaḥ sa vibhurbhūtvā cārayāmāsa vai tapaḥ / chādayitvātmano dehaṃ yādasāṃ kulasaṃbhavam

Sanskrit only: no published translation is held for this verse.

ततो महात्मातिबलो मतिं लोकस्य सर्जने । महतां पञ्चभूतानां विश्वो विश्वमचिन्तयत्

tato mahātmātibalo matiṃ lokasya sarjane / mahatāṃ pañcabhūtānāṃ viśvo viśvamacintayat

Sanskrit only: no published translation is held for this verse.

तस्य चिन्तयमानस्य निर्वाते संस्थिते ऽर्णवे । निराकाशे तोयमये सूक्ष्मे जगति गह्वरे

tasya cintayamānasya nirvāte saṃsthite 'rṇave / nirākāśe toyamaye sūkṣme jagati gahvare

Sanskrit only: no published translation is held for this verse.

ईषत्संक्षोभयामास सो ऽर्णवं सलिलाश्रयः । अनन्तरोर्मिभिः सूक्ष्मम् अथ छिद्रमभूत्पुरा

īṣatsaṃkṣobhayāmāsa so 'rṇavaṃ salilāśrayaḥ / anantarormibhiḥ sūkṣmam atha chidramabhūtpurā

Sanskrit only: no published translation is held for this verse.

शब्दं प्रति तदोद्भूतो मारुतश्छिद्रसंभवः । स लब्ध्वान्तरमक्षोभ्यो व्यवर्धत समीरणः

śabdaṃ prati tadodbhūto mārutaśchidrasaṃbhavaḥ / sa labdhvāntaramakṣobhyo vyavardhata samīraṇaḥ

Sanskrit only: no published translation is held for this verse.

विवर्धता बलवता वेगाद्विक्षोभितो ऽर्णवः । तस्यार्णवस्य क्षुब्धस्य तस्मिन्नम्भसि मन्थिते । कृष्णवर्त्मा समभवत् प्रभुर्वैश्वानरो महान्

vivardhatā balavatā vegādvikṣobhito 'rṇavaḥ / tasyārṇavasya kṣubdhasya tasminnambhasi manthite / kṛṣṇavartmā samabhavat prabhurvaiśvānaro mahān

Sanskrit only: no published translation is held for this verse.

ततः संशोषयामास पावकः सलिलं बहु । क्षयाज्जलनिधेश्छिद्रम् अभवद्विस्तृतं नभः

tataḥ saṃśoṣayāmāsa pāvakaḥ salilaṃ bahu / kṣayājjalanidheśchidram abhavadvistṛtaṃ nabhaḥ

Sanskrit only: no published translation is held for this verse.

आत्मतेजोद्भवाः पुण्या आपो ऽमृतरसोपमाः । आकाशं छिद्रसम्भूतं वायुराकाशसंभवः

ātmatejodbhavāḥ puṇyā āpo 'mṛtarasopamāḥ / ākāśaṃ chidrasambhūtaṃ vāyurākāśasaṃbhavaḥ

Sanskrit only: no published translation is held for this verse.

आभ्यां संघर्षणोद्भूतं पावकं वायुसंभवम् । दृष्ट्वा प्रीतो महादेवो महाभूतविभावनः

ābhyāṃ saṃgharṣaṇodbhūtaṃ pāvakaṃ vāyusaṃbhavam / dṛṣṭvā prīto mahādevo mahābhūtavibhāvanaḥ

Sanskrit only: no published translation is held for this verse.

दृष्ट्वा भूतानि भगवांल् लोकसृष्ट्यर्थमुत्तमम् । ब्रह्मणो जन्मसहितं बहुरूपो व्यचिन्तयत्

dṛṣṭvā bhūtāni bhagavāṃl lokasṛṣṭyarthamuttamam / brahmaṇo janmasahitaṃ bahurūpo vyacintayat

Sanskrit only: no published translation is held for this verse.

चतुर्युगाभिसंख्याते सहस्रयुगपर्यये । बहुजन्मा हि विश्वात्मा ब्रह्मणो हविरुच्यते

caturyugābhisaṃkhyāte sahasrayugaparyaye / bahujanmā hi viśvātmā brahmaṇo havirucyate

Sanskrit only: no published translation is held for this verse.

यत्पृथिव्यां द्विजेन्द्राणां तपसा भावितात्मनाम् । ज्ञानं वृष्टं तु विश्वार्थे योगिनां याति मुख्यताम्

yatpṛthivyāṃ dvijendrāṇāṃ tapasā bhāvitātmanām / jñānaṃ vṛṣṭaṃ tu viśvārthe yogināṃ yāti mukhyatām

Sanskrit only: no published translation is held for this verse.

तं योगवन्तं विज्ञाय सम्पूर्णैश्वर्यमुत्तमम् । पदे ब्रह्मणि विश्वेशं न्ययोजयत योगवित्

taṃ yogavantaṃ vijñāya sampūrṇaiśvaryamuttamam / pade brahmaṇi viśveśaṃ nyayojayata yogavit

Sanskrit only: no published translation is held for this verse.

ततस्तस्मिन्महातोये महीशो हरिरच्युतः । जले क्रीडंश्च विधिवन् मोदते सर्वलोककृत्

tatastasminmahātoye mahīśo hariracyutaḥ / jale krīḍaṃśca vidhivan modate sarvalokakṛt

Sanskrit only: no published translation is held for this verse.

पद्मं नाभ्युद्भवं चैकं समुत्पादितवांस्तदा । सहस्रपर्णं विरजं भास्कराभं हिरण्मयम्

padmaṃ nābhyudbhavaṃ caikaṃ samutpāditavāṃstadā / sahasraparṇaṃ virajaṃ bhāskarābhaṃ hiraṇmayam

Sanskrit only: no published translation is held for this verse.

हुताशनज्वलितशिखोज्ज्वलत्प्रभम् उपस्थितं शरदमलार्कतेजसम् । विराजते कमलमुदारवर्चसं महात्मनस्तनुरुहचारुदर्शनम्

hutāśanajvalitaśikhojjvalatprabham upasthitaṃ śaradamalārkatejasam / virājate kamalamudāravarcasaṃ mahātmanastanuruhacārudarśanam

Sanskrit only: no published translation is held for this verse.