Matsya Purāṇa 169

*मत्स्य उवाच अथ योगवतां श्रेष्ठम् असृजद्भूरितेजसम् । स्रष्टारं सर्वलोकानां ब्रह्माणं सर्वतोमुखम्

*matsya uvāca atha yogavatāṃ śreṣṭham asṛjadbhūritejasam / sraṣṭāraṃ sarvalokānāṃ brahmāṇaṃ sarvatomukham

Sanskrit only: no published translation is held for this verse.

यस्मिन्हिरण्मये पद्मे बहुयोजनविस्तृतम् । सर्वतेजोगुणमयं पार्थिवैर्लक्षणैर्वृतम्

yasminhiraṇmaye padme bahuyojanavistṛtam / sarvatejoguṇamayaṃ pārthivairlakṣaṇairvṛtam

Sanskrit only: no published translation is held for this verse.

तच्च पद्मं पुराणज्ञाः पृथिवीरूपमुत्तमम् । नारायणसमुद्भूतं प्रवदन्ति महर्षयः

tacca padmaṃ purāṇajñāḥ pṛthivīrūpamuttamam / nārāyaṇasamudbhūtaṃ pravadanti maharṣayaḥ

Sanskrit only: no published translation is held for this verse.

या पद्मा सा रसा देवी पृथिवी परिचक्ष्यते । ये पद्मसारगुरवस् तान्दिव्यान् पर्वतान्विदुः

yā padmā sā rasā devī pṛthivī paricakṣyate / ye padmasāraguravas tāndivyān parvatānviduḥ

Sanskrit only: no published translation is held for this verse.

हिमवन्तं च मेरुं च नीलं निषधमेव च । कैलासं मुञ्जवन्तं च तथान्यं गन्धमादनम्

himavantaṃ ca meruṃ ca nīlaṃ niṣadhameva ca / kailāsaṃ muñjavantaṃ ca tathānyaṃ gandhamādanam

Sanskrit only: no published translation is held for this verse.

पुण्यं त्रिशिखरं चैव कान्तं मन्दरमेव च । उदयं पिञ्जरं चैव विन्ध्यवन्तं च पर्वतम्

puṇyaṃ triśikharaṃ caiva kāntaṃ mandarameva ca / udayaṃ piñjaraṃ caiva vindhyavantaṃ ca parvatam

Sanskrit only: no published translation is held for this verse.

एते देवगणानां च सिद्धानां च महात्मनाम् । आश्रयाः पुण्यशीलानां सर्वकामफलप्रदाः

ete devagaṇānāṃ ca siddhānāṃ ca mahātmanām / āśrayāḥ puṇyaśīlānāṃ sarvakāmaphalapradāḥ

Sanskrit only: no published translation is held for this verse.

एतेषामन्तरे देशो जम्बूद्वीप इति स्मृतः । जम्बूद्वीपस्य संस्थानं यज्ञिया यत्र वै क्रियाः

eteṣāmantare deśo jambūdvīpa iti smṛtaḥ / jambūdvīpasya saṃsthānaṃ yajñiyā yatra vai kriyāḥ

Sanskrit only: no published translation is held for this verse.

एभ्यो यत्स्रवते तोयं दिव्यामृतरसोपमम् । दिव्यास्तीर्थशताधाराः सुरम्याः सरितः स्मृताः

ebhyo yatsravate toyaṃ divyāmṛtarasopamam / divyāstīrthaśatādhārāḥ suramyāḥ saritaḥ smṛtāḥ

Sanskrit only: no published translation is held for this verse.

स्मृतानि यानि पद्मस्य केसराणि समन्ततः । असंख्येयाः पृथिव्यास्ते विश्वे वै धातुपर्वताः

smṛtāni yāni padmasya kesarāṇi samantataḥ / asaṃkhyeyāḥ pṛthivyāste viśve vai dhātuparvatāḥ

Sanskrit only: no published translation is held for this verse.

यानि पद्मस्य पर्णानि भूरीणि तु नराधिप । ते दुर्गमाः शैलचिता म्लेच्छदेशा विकल्पिताः

yāni padmasya parṇāni bhūrīṇi tu narādhipa / te durgamāḥ śailacitā mlecchadeśā vikalpitāḥ

Sanskrit only: no published translation is held for this verse.

यान्यधोभागपर्णानि ते निवासास्तु भागशः । दैत्यानामुरगाणां च पतङ्गानां च पार्थिव

yānyadhobhāgaparṇāni te nivāsāstu bhāgaśaḥ / daityānāmuragāṇāṃ ca pataṅgānāṃ ca pārthiva

Sanskrit only: no published translation is held for this verse.

तेषां महार्णवो यत्र तद्रसेत्यभिसंज्ञितम् । महापातककर्माणो मज्जन्ते यत्र मानवाः

teṣāṃ mahārṇavo yatra tadrasetyabhisaṃjñitam / mahāpātakakarmāṇo majjante yatra mānavāḥ

Sanskrit only: no published translation is held for this verse.

पद्मस्यान्तरतो यत्तद् एकार्णवगता मही । प्रोक्ताथ दिक्षु सर्वासु चत्वारः सलिलाकराः

padmasyāntarato yattad ekārṇavagatā mahī / proktātha dikṣu sarvāsu catvāraḥ salilākarāḥ

Sanskrit only: no published translation is held for this verse.

एवं नारायणस्यार्थे मही पुष्करसंभवा । प्रादुर्भावो ऽप्ययं तस्मान् नाम्ना पुष्करसंज्ञितः

evaṃ nārāyaṇasyārthe mahī puṣkarasaṃbhavā / prādurbhāvo 'pyayaṃ tasmān nāmnā puṣkarasaṃjñitaḥ

Sanskrit only: no published translation is held for this verse.

एतस्मात्कारणात्तज्ज्ञैः पुराणैः परमर्षिभिः । याज्ञिकैर्वेददृष्टान्तैर् यज्ञे पद्मविधिः स्मृतः

etasmātkāraṇāttajjñaiḥ purāṇaiḥ paramarṣibhiḥ / yājñikairvedadṛṣṭāntair yajñe padmavidhiḥ smṛtaḥ

Sanskrit only: no published translation is held for this verse.

एवं भगवता तेन विश्वेषां धारणाविधिः । पर्वतानां नदीनां च ह्रदानां चैव निर्मितः

evaṃ bhagavatā tena viśveṣāṃ dhāraṇāvidhiḥ / parvatānāṃ nadīnāṃ ca hradānāṃ caiva nirmitaḥ

Sanskrit only: no published translation is held for this verse.

विभुस्तथैवाप्रतिमप्रभावः प्रभाकराभो वरुणः सितद्युतिः । शनैः स्वयंभूः शयनं सृजत्तदा जगन्मयं पद्मविधिं महार्णवे

vibhustathaivāpratimaprabhāvaḥ prabhākarābho varuṇaḥ sitadyutiḥ / śanaiḥ svayaṃbhūḥ śayanaṃ sṛjattadā jaganmayaṃ padmavidhiṃ mahārṇave

Sanskrit only: no published translation is held for this verse.