Matsya Purāṇa 171

*मत्स्य उवाच स्थित्वा च तस्मिन्कमले ब्रह्मा ब्रह्मविदां वरः । ऊर्ध्वबाहुर्महातेजास् तपो घोरं समाश्रितः

*matsya uvāca sthitvā ca tasminkamale brahmā brahmavidāṃ varaḥ / ūrdhvabāhurmahātejās tapo ghoraṃ samāśritaḥ

Sanskrit only: no published translation is held for this verse.

प्रज्वलन्निव तेजोभिर् भाभिः स्वाभिस्तमोनुदः । बभासे सर्वधर्मस्थः सहस्रांशुरिवांशुभिः

prajvalanniva tejobhir bhābhiḥ svābhistamonudaḥ / babhāse sarvadharmasthaḥ sahasrāṃśurivāṃśubhiḥ

Sanskrit only: no published translation is held for this verse.

अथान्यद्रूपमास्थाय शंभुर्नारायणो ऽव्ययः । आजगाम महातेजा योगाचार्यो महायशाः

athānyadrūpamāsthāya śaṃbhurnārāyaṇo 'vyayaḥ / ājagāma mahātejā yogācāryo mahāyaśāḥ

Sanskrit only: no published translation is held for this verse.

सांख्याचार्यो हि मतिमान् कपिलो ब्राह्मणो वरः । उभावपि महात्मानौ स्तुवन्तौ क्षेत्रतत्परौ

sāṃkhyācāryo hi matimān kapilo brāhmaṇo varaḥ / ubhāvapi mahātmānau stuvantau kṣetratatparau

Sanskrit only: no published translation is held for this verse.

तौ प्राप्तावूचतुस्तत्र ब्रह्माणममितौजसम् । परावरविशेषज्ञौ पूजितौ च महर्षिभिः

tau prāptāvūcatustatra brahmāṇamamitaujasam / parāvaraviśeṣajñau pūjitau ca maharṣibhiḥ

Sanskrit only: no published translation is held for this verse.

ब्रह्मात्मदृढबन्धश्च विशालो जगदास्थितः । ग्रामणीः सर्वभूतानां ब्रह्मा त्रैलोक्यपूजितः

brahmātmadṛḍhabandhaśca viśālo jagadāsthitaḥ / grāmaṇīḥ sarvabhūtānāṃ brahmā trailokyapūjitaḥ

Sanskrit only: no published translation is held for this verse.

तयोस्तद्वचनं श्रुत्वा ब्रह्माभ्याहृतयोगवित् । त्रीनिमान् कृतवांल्लोकान् यथेयं ब्रह्मणः श्रुतिः

tayostadvacanaṃ śrutvā brahmābhyāhṛtayogavit / trīnimān kṛtavāṃllokān yatheyaṃ brahmaṇaḥ śrutiḥ

Sanskrit only: no published translation is held for this verse.

पुत्रं च शंभवे चैकं समुत्पादितवानृषिः । तस्याग्रे वाग्यतस्तस्थौ ब्रह्मा तामसमव्ययम्

putraṃ ca śaṃbhave caikaṃ samutpāditavānṛṣiḥ / tasyāgre vāgyatastasthau brahmā tāmasamavyayam

Sanskrit only: no published translation is held for this verse.

सोत्पन्नमात्रो ब्रह्माणम् उक्तवान्मानसः सुतः । किं कुर्मस्तव साहाय्यं ब्रवीतु भगवानृषिः

sotpannamātro brahmāṇam uktavānmānasaḥ sutaḥ / kiṃ kurmastava sāhāyyaṃ bravītu bhagavānṛṣiḥ

Sanskrit only: no published translation is held for this verse.

*ब्रह्मोवाच य एष कपिलो ब्रह्म नारायणमयस्तथा । वदते भवतस्तत्त्वं तत्कुरुष्व महामते

*brahmovāca ya eṣa kapilo brahma nārāyaṇamayastathā / vadate bhavatastattvaṃ tatkuruṣva mahāmate

Sanskrit only: no published translation is held for this verse.

ब्रह्मणस्तु तदर्थं तु तदा भूयः समुत्थितः । शुश्रूषुरस्मि युवयोः किं करोमि कृताञ्जलिः

brahmaṇastu tadarthaṃ tu tadā bhūyaḥ samutthitaḥ / śuśrūṣurasmi yuvayoḥ kiṃ karomi kṛtāñjaliḥ

Sanskrit only: no published translation is held for this verse.

*श्रीभगवानुवाच यत्सत्यमक्षरं ब्रह्म ह्य् अष्टादशविधं तु तत् । यत्सत्यं यदृतं तत्तु परं पदमनुस्मर

*śrībhagavānuvāca yatsatyamakṣaraṃ brahma hy aṣṭādaśavidhaṃ tu tat / yatsatyaṃ yadṛtaṃ tattu paraṃ padamanusmara

Sanskrit only: no published translation is held for this verse.

एतद्वचो निशम्यैव ययौ स दिशमुत्तराम् । गत्वा च तत्र ब्रह्मत्वम् अगमज्ज्ञानतेजसा

etadvaco niśamyaiva yayau sa diśamuttarām / gatvā ca tatra brahmatvam agamajjñānatejasā

Sanskrit only: no published translation is held for this verse.

ततो ब्रह्मा भुवं नाम द्वितीयमसृजत्प्रभुः । संकल्पयित्वा मनसा तमेव च महामनाः

tato brahmā bhuvaṃ nāma dvitīyamasṛjatprabhuḥ / saṃkalpayitvā manasā tameva ca mahāmanāḥ

Sanskrit only: no published translation is held for this verse.

ततः सो ऽथाब्रवीद्वाक्यं किं करोमि पितामह । पितामहसमाज्ञातो ब्रह्माणं समुपस्थितः

tataḥ so 'thābravīdvākyaṃ kiṃ karomi pitāmaha / pitāmahasamājñāto brahmāṇaṃ samupasthitaḥ

Sanskrit only: no published translation is held for this verse.

ब्रह्माभ्यासं तु कृतवान् भुवश्च पृथिवीं गतः । प्राप्तश्च परमं स्थानं स तयोः पार्श्वमागतः

brahmābhyāsaṃ tu kṛtavān bhuvaśca pṛthivīṃ gataḥ / prāptaśca paramaṃ sthānaṃ sa tayoḥ pārśvamāgataḥ

Sanskrit only: no published translation is held for this verse.

तस्मिन्नपि गते पुत्रे तृतीयमसृजत्प्रभुः । मोक्षप्रवृत्तिकुशलं भूर्भुवं नामतो विभुम्

tasminnapi gate putre tṛtīyamasṛjatprabhuḥ / mokṣapravṛttikuśalaṃ bhūrbhuvaṃ nāmato vibhum

Sanskrit only: no published translation is held for this verse.

गोपतित्वं समासाद्य तयोरेवागमद्गतिम् । एवं पुत्रास्त्रयो ऽप्येत उक्ताः शंभोर्महात्मनः

gopatitvaṃ samāsādya tayorevāgamadgatim / evaṃ putrāstrayo 'pyeta uktāḥ śaṃbhormahātmanaḥ

Sanskrit only: no published translation is held for this verse.

तान्गृहीत्वा सुतांस्तस्य प्रयातः स्वार्जितां गतिम् । नारायणश्च भगवान् कपिलश्च यतीश्वरः

tāngṛhītvā sutāṃstasya prayātaḥ svārjitāṃ gatim / nārāyaṇaśca bhagavān kapilaśca yatīśvaraḥ

Sanskrit only: no published translation is held for this verse.

यं कालं तौ गतौ मुक्तौ ब्रह्मा तं कालमेव हि । ततो घोरतमं भूयः संश्रितः परमं व्रतम्

yaṃ kālaṃ tau gatau muktau brahmā taṃ kālameva hi / tato ghoratamaṃ bhūyaḥ saṃśritaḥ paramaṃ vratam

Sanskrit only: no published translation is held for this verse.

न रेमे ऽथ ततो ब्रह्मा प्रभुरेकस्तपश्चरन् । शरीरार्धात्ततो भार्यां समुत्पादितवाञ्छुभाम्

na reme 'tha tato brahmā prabhurekastapaścaran / śarīrārdhāttato bhāryāṃ samutpāditavāñchubhām

Sanskrit only: no published translation is held for this verse.

तपसा तेजसा चैव वर्चसा नियमेन च । सदृशीमात्मनो देवीं समर्थां लोकसर्जने

tapasā tejasā caiva varcasā niyamena ca / sadṛśīmātmano devīṃ samarthāṃ lokasarjane

Sanskrit only: no published translation is held for this verse.

तया समाहितस्तत्र रेमे ब्रह्मा तपश्चरन् । ततो जगाद त्रिपदां गायत्रीं वेदपूजिताम्

tayā samāhitastatra reme brahmā tapaścaran / tato jagāda tripadāṃ gāyatrīṃ vedapūjitām

Sanskrit only: no published translation is held for this verse.

सृजन्प्रजानां पतयः सागरांश्चासृजद्विभुः । अपरांश्चैव चतुरो वेदान्गायत्रिसंभवान्

sṛjanprajānāṃ patayaḥ sāgarāṃścāsṛjadvibhuḥ / aparāṃścaiva caturo vedāngāyatrisaṃbhavān

Sanskrit only: no published translation is held for this verse.

आत्मनः सदृशान्पुत्रान् असृजद्वै पितामहः । विश्वे प्रजानां पतयो येभ्यो लोका विनिःसृताः

ātmanaḥ sadṛśānputrān asṛjadvai pitāmahaḥ / viśve prajānāṃ patayo yebhyo lokā viniḥsṛtāḥ

Sanskrit only: no published translation is held for this verse.

विश्वेशं प्रथमं तावन् महातापसमात्मजम् । सर्वमन्त्रहितं पुण्यं नाम्ना धर्मं स सृष्टवान्

viśveśaṃ prathamaṃ tāvan mahātāpasamātmajam / sarvamantrahitaṃ puṇyaṃ nāmnā dharmaṃ sa sṛṣṭavān

Sanskrit only: no published translation is held for this verse.

दक्षं मरीचिमत्रिं च पुलस्त्यं पुलहं क्रतुम् । वसिष्ठं गौतमं चैव भृगुमङ्गिरसं मनुम्

dakṣaṃ marīcimatriṃ ca pulastyaṃ pulahaṃ kratum / vasiṣṭhaṃ gautamaṃ caiva bhṛgumaṅgirasaṃ manum

Sanskrit only: no published translation is held for this verse.

अथैवाद्भुतमित्येते ज्ञेयाः पैतामहर्षयः । त्रयोदशगुणं धर्मम् आलभन्त महर्षयः

athaivādbhutamityete jñeyāḥ paitāmaharṣayaḥ / trayodaśaguṇaṃ dharmam ālabhanta maharṣayaḥ

Sanskrit only: no published translation is held for this verse.

अदितिर्दितिर्दनुः काला अनायुः सिंहिका मुनिः । ताम्रा क्रोधाथ सुरता विनता कद्रुरेव च

aditirditirdanuḥ kālā anāyuḥ siṃhikā muniḥ / tāmrā krodhātha suratā vinatā kadrureva ca

Sanskrit only: no published translation is held for this verse.

दक्षस्यापत्यमेता वै कन्या द्वादश पार्थिव । मरीचेः कश्यपः पुत्रस् तपसा निर्मितः किल

dakṣasyāpatyametā vai kanyā dvādaśa pārthiva / marīceḥ kaśyapaḥ putras tapasā nirmitaḥ kila

Sanskrit only: no published translation is held for this verse.

तस्मै कन्या द्वादशान्या दक्षस्ताः प्रददौ तदा । नक्षत्राणि च सोमाय तदा वै दत्तवानृषिः

tasmai kanyā dvādaśānyā dakṣastāḥ pradadau tadā / nakṣatrāṇi ca somāya tadā vai dattavānṛṣiḥ

Sanskrit only: no published translation is held for this verse.

रोहिण्यादीनि सर्वाणि पुण्यानि रविनन्दन । लक्ष्मीर्मरुत्वती साध्या विश्वेशा च मता शुभा

rohiṇyādīni sarvāṇi puṇyāni ravinandana / lakṣmīrmarutvatī sādhyā viśveśā ca matā śubhā

Sanskrit only: no published translation is held for this verse.

देवी सरस्वती चैव ब्रह्मणा निर्मिताः पुरा । एताः पञ्च वरिष्ठा वै सुरश्रेष्ठाय पार्थिव

devī sarasvatī caiva brahmaṇā nirmitāḥ purā / etāḥ pañca variṣṭhā vai suraśreṣṭhāya pārthiva

Sanskrit only: no published translation is held for this verse.

दत्ता भद्राय धर्माय ब्रह्मणा दृष्टकर्मणा । या तु रूपवती पत्नी ब्रह्मणः कामरूपिणी

dattā bhadrāya dharmāya brahmaṇā dṛṣṭakarmaṇā / yā tu rūpavatī patnī brahmaṇaḥ kāmarūpiṇī

Sanskrit only: no published translation is held for this verse.

सुरभिः सा हिता भूत्वा ब्रह्माणं समुपस्थिता । ततस्तामगमद्ब्रह्मा मैथुनं लोकपूजितः

surabhiḥ sā hitā bhūtvā brahmāṇaṃ samupasthitā / tatastāmagamadbrahmā maithunaṃ lokapūjitaḥ

Sanskrit only: no published translation is held for this verse.

लोकसर्जनहेतुज्ञो गवामर्थाय सत्तमः । जज्ञिरे च सुतास्तस्यां विपुला धूमसंनिभाः

lokasarjanahetujño gavāmarthāya sattamaḥ / jajñire ca sutāstasyāṃ vipulā dhūmasaṃnibhāḥ

Sanskrit only: no published translation is held for this verse.

नक्तसंध्याभ्रसंकाशाः प्रादहंस्तिग्मतेजसः । ते रुदन्तो द्रवन्तश्च गर्हयन्तः पितामहम्

naktasaṃdhyābhrasaṃkāśāḥ prādahaṃstigmatejasaḥ / te rudanto dravantaśca garhayantaḥ pitāmaham

Sanskrit only: no published translation is held for this verse.

रोदनाद्रवणाच्चैव रुद्रा इति ततः स्मृताः । निरृतिश्चैव शंभुर्वै तृतीयश्चापराजितः

rodanādravaṇāccaiva rudrā iti tataḥ smṛtāḥ / nirṛtiścaiva śaṃbhurvai tṛtīyaścāparājitaḥ

Sanskrit only: no published translation is held for this verse.

मृगव्याधः कपर्दी च दहनो ऽथेश्वरश्च वै । अहिर्बुध्न्यश्च भगवान् कपाली चापि पिङ्गलः

mṛgavyādhaḥ kapardī ca dahano 'theśvaraśca vai / ahirbudhnyaśca bhagavān kapālī cāpi piṅgalaḥ

Sanskrit only: no published translation is held for this verse.

सेनानीश्च महातेजा रुद्रास्त्वेकादश स्मृताः । तस्यामेव सुरभ्यां च गावो यज्ञेश्वराश्च वै

senānīśca mahātejā rudrāstvekādaśa smṛtāḥ / tasyāmeva surabhyāṃ ca gāvo yajñeśvarāśca vai

Sanskrit only: no published translation is held for this verse.

प्रकृष्टाश्च तथा मायाः सुरभ्याः पशवो ऽक्षराः । अजाश्चैव तु हंसाश्च तथैवामृतमुत्तमम्

prakṛṣṭāśca tathā māyāḥ surabhyāḥ paśavo 'kṣarāḥ / ajāścaiva tu haṃsāśca tathaivāmṛtamuttamam

Sanskrit only: no published translation is held for this verse.

ओषध्यः प्रवरायाश्च सुरस्यास्ताः समुत्थिताः । धर्माल्लक्ष्मीस्तथा कामं साध्या साध्यान्व्यजायत

oṣadhyaḥ pravarāyāśca surasyāstāḥ samutthitāḥ / dharmāllakṣmīstathā kāmaṃ sādhyā sādhyānvyajāyata

Sanskrit only: no published translation is held for this verse.

भवं च प्रभवं चैव हीशं चासुरहं तथा । अरुणं चारुणिं चैव विश्वावसुबलध्रुवौ

bhavaṃ ca prabhavaṃ caiva hīśaṃ cāsurahaṃ tathā / aruṇaṃ cāruṇiṃ caiva viśvāvasubaladhruvau

Sanskrit only: no published translation is held for this verse.

हविष्यं च वितानं च विधानशमितावपि । वत्सरं चैव भूतिं च सर्वासुरनिषूदनम्

haviṣyaṃ ca vitānaṃ ca vidhānaśamitāvapi / vatsaraṃ caiva bhūtiṃ ca sarvāsuraniṣūdanam

Sanskrit only: no published translation is held for this verse.

सुपर्वाणं बृहत्कान्तिः साध्या लोकनमस्कृताः । वासवानुगता देवी जनयामास वै सुरान्

suparvāṇaṃ bṛhatkāntiḥ sādhyā lokanamaskṛtāḥ / vāsavānugatā devī janayāmāsa vai surān

Sanskrit only: no published translation is held for this verse.

वरं वै प्रथमं देवं द्वितीयं ध्रुवमव्ययम् । विश्वावसुं तृतीयं च चतुर्थं सोममीश्वरम्

varaṃ vai prathamaṃ devaṃ dvitīyaṃ dhruvamavyayam / viśvāvasuṃ tṛtīyaṃ ca caturthaṃ somamīśvaram

Sanskrit only: no published translation is held for this verse.

ततो ऽनुरूपमायं च यमस्तस्मादनन्तरम् । सप्तमं च तथा वायुम् अष्टमं निरृतिं वसुम्

tato 'nurūpamāyaṃ ca yamastasmādanantaram / saptamaṃ ca tathā vāyum aṣṭamaṃ nirṛtiṃ vasum

Sanskrit only: no published translation is held for this verse.

धर्मस्यापत्यम् एतद्वै सुदेव्यां समजायत । विश्वे देवाश्च विश्वायां धर्माज्जाता इति श्रुतिः

dharmasyāpatyam etadvai sudevyāṃ samajāyata / viśve devāśca viśvāyāṃ dharmājjātā iti śrutiḥ

Sanskrit only: no published translation is held for this verse.

दक्षश्चैव महाबाहुः पुष्करस्वन एव च । चाक्षुषस्तु मनुश्चैव तथा मधुमहोरगौ

dakṣaścaiva mahābāhuḥ puṣkarasvana eva ca / cākṣuṣastu manuścaiva tathā madhumahoragau

Sanskrit only: no published translation is held for this verse.

विश्रान्तकवपुर्बालो विष्कम्भश्च महायशाः । गरुडश्चातिसत्त्वौजा भास्करप्रतिमद्युतिः

viśrāntakavapurbālo viṣkambhaśca mahāyaśāḥ / garuḍaścātisattvaujā bhāskarapratimadyutiḥ

Sanskrit only: no published translation is held for this verse.

विश्वान्देवान्देवमाता विश्वेशाजनयत् सुतान् । मरुत्वती मरुत्वतो देवानजनयत्सुतान्

viśvāndevāndevamātā viśveśājanayat sutān / marutvatī marutvato devānajanayatsutān

Sanskrit only: no published translation is held for this verse.

अग्निं चक्षुं रविर्ज्योतिः सावित्रं मित्रमेव च । अमरं शरवृष्टिं च सुकर्षं च महाभुजम्

agniṃ cakṣuṃ ravirjyotiḥ sāvitraṃ mitrameva ca / amaraṃ śaravṛṣṭiṃ ca sukarṣaṃ ca mahābhujam

Sanskrit only: no published translation is held for this verse.

विराजं चैव वाचं च विश्वावसुमतिं तथा । अश्वमित्रं चित्ररश्मिं तथा निषधनं नृप

virājaṃ caiva vācaṃ ca viśvāvasumatiṃ tathā / aśvamitraṃ citraraśmiṃ tathā niṣadhanaṃ nṛpa

Sanskrit only: no published translation is held for this verse.

हूयन्तं वाडवं चैव चारित्रं मन्दपन्नगम् । बृहन्तं वै बृहद्रूपं तथा वै पूतनानुगम्

hūyantaṃ vāḍavaṃ caiva cāritraṃ mandapannagam / bṛhantaṃ vai bṛhadrūpaṃ tathā vai pūtanānugam

Sanskrit only: no published translation is held for this verse.

मरुत्वती पुरा जज्ञ एतान्वै मरुतां गणान् । अदितिः कश्यपाज्जज्ञ आदित्यान्द्वादशैव हि

marutvatī purā jajña etānvai marutāṃ gaṇān / aditiḥ kaśyapājjajña ādityāndvādaśaiva hi

Sanskrit only: no published translation is held for this verse.

इन्द्रो विष्णुर्भगस्त्वष्टा वरुणो ह्यर्यमा रविः । पूषा मित्रश्च धनदो धाता पर्जन्य एव च

indro viṣṇurbhagastvaṣṭā varuṇo hyaryamā raviḥ / pūṣā mitraśca dhanado dhātā parjanya eva ca

Sanskrit only: no published translation is held for this verse.

इत्येते द्वादशादित्या वरिष्ठास्त्रिदिवौकसः । आदित्यस्य सरस्वत्यां जज्ञाते द्वौ सुतौ वरौ

ityete dvādaśādityā variṣṭhāstridivaukasaḥ / ādityasya sarasvatyāṃ jajñāte dvau sutau varau

Sanskrit only: no published translation is held for this verse.

तपःश्रेष्ठौ गुणश्रेष्ठौ त्रिदिवस्यापि संमतौ । दनुस्तु दानवाञ्जज्ञे दितिर्दैत्यान्व्यजायत

tapaḥśreṣṭhau guṇaśreṣṭhau tridivasyāpi saṃmatau / danustu dānavāñjajñe ditirdaityānvyajāyata

Sanskrit only: no published translation is held for this verse.

काला तु वै कालकेयान् असुरान्सुरसा तु वै । अनायुषायास्तनया व्याधयः सुमहाबलाः

kālā tu vai kālakeyān asurānsurasā tu vai / anāyuṣāyāstanayā vyādhayaḥ sumahābalāḥ

Sanskrit only: no published translation is held for this verse.

सिंहिका ग्रहमाता वै गन्धर्वजननी मुनिः । ताम्रा त्वप्सरसां माता पुण्यानां भारतोद्भव

siṃhikā grahamātā vai gandharvajananī muniḥ / tāmrā tvapsarasāṃ mātā puṇyānāṃ bhāratodbhava

Sanskrit only: no published translation is held for this verse.

क्रोधायाः सर्वभूतानि पिशाचाश्चैव पार्थिव । जज्ञे यक्षगणांश्चैव राक्षसांश्च विशांपते

krodhāyāḥ sarvabhūtāni piśācāścaiva pārthiva / jajñe yakṣagaṇāṃścaiva rākṣasāṃśca viśāṃpate

Sanskrit only: no published translation is held for this verse.

चतुष्पदानि सत्त्वानि तथा गावस्तु सौरभाः । सुपर्णान्पक्षिणश्चैव विनता च व्यजायत

catuṣpadāni sattvāni tathā gāvastu saurabhāḥ / suparṇānpakṣiṇaścaiva vinatā ca vyajāyata

Sanskrit only: no published translation is held for this verse.

महीधरान्सर्वनागान् देवी कद्रूर्व्यजायत । एवं वृद्धिं समगमन् विश्वे लोकाः परंतप

mahīdharānsarvanāgān devī kadrūrvyajāyata / evaṃ vṛddhiṃ samagaman viśve lokāḥ paraṃtapa

Sanskrit only: no published translation is held for this verse.

तदा वै पौष्करो राजन् प्रादुर्भावो महात्मनः । प्रादुर्भावः पौष्करस्ते मया द्वैपायनेरितः

tadā vai pauṣkaro rājan prādurbhāvo mahātmanaḥ / prādurbhāvaḥ pauṣkaraste mayā dvaipāyaneritaḥ

Sanskrit only: no published translation is held for this verse.

पुराणः पुरुषश्चैव मया विष्णुर्हरिः प्रभुः । कथितस्ते ऽनुपूर्वेण संस्तुतः परमर्षिभिः

purāṇaḥ puruṣaścaiva mayā viṣṇurhariḥ prabhuḥ / kathitaste 'nupūrveṇa saṃstutaḥ paramarṣibhiḥ

Sanskrit only: no published translation is held for this verse.

यश्चेदमग्र्यं शृणुयात् पुराणं सदा नरः पर्वसु गौरवेण । अवाप्य लोकान्स हि वीतरागः परत्र च स्वर्गफलानि भुङ्क्ते

yaścedamagryaṃ śṛṇuyāt purāṇaṃ sadā naraḥ parvasu gauraveṇa / avāpya lokānsa hi vītarāgaḥ paratra ca svargaphalāni bhuṅkte

Sanskrit only: no published translation is held for this verse.

चक्षुषा मनसा वाचा कर्मणा च चतुर्विधम् । प्रसादयति यः कृष्णं तं कृष्णो ऽनुप्रसीदति

cakṣuṣā manasā vācā karmaṇā ca caturvidham / prasādayati yaḥ kṛṣṇaṃ taṃ kṛṣṇo 'nuprasīdati

Sanskrit only: no published translation is held for this verse.

राजा च लभते राज्यम् अधनश्चोत्तमं धनम् । क्षीणायुर्लभते चायुः पुत्रकामः सुतं तथा

rājā ca labhate rājyam adhanaścottamaṃ dhanam / kṣīṇāyurlabhate cāyuḥ putrakāmaḥ sutaṃ tathā

Sanskrit only: no published translation is held for this verse.

यज्ञा वेदास्तथा कामास् तपांसि विविधानि च । प्राप्नोति विविधं पुण्यं विष्णुभक्तो धनानि च

yajñā vedāstathā kāmās tapāṃsi vividhāni ca / prāpnoti vividhaṃ puṇyaṃ viṣṇubhakto dhanāni ca

Sanskrit only: no published translation is held for this verse.

यद्यत्कामयते किंचित् तत्तल्लोकेश्वराद् भवेत् । सर्वं विहाय य इमं पठेत्पौष्करकं हरेः

yadyatkāmayate kiṃcit tattallokeśvarād bhavet / sarvaṃ vihāya ya imaṃ paṭhetpauṣkarakaṃ hareḥ

Sanskrit only: no published translation is held for this verse.

प्रादुर्भावं नृपश्रेष्ठ न तस्य ह्यशुभं भवेत् । एष पौष्करको नाम प्रादुर्भावो महात्मनः । कीर्तितस्ते महाभाग व्यासश्रुतिनिदर्शनात्

prādurbhāvaṃ nṛpaśreṣṭha na tasya hyaśubhaṃ bhavet / eṣa pauṣkarako nāma prādurbhāvo mahātmanaḥ / kīrtitaste mahābhāga vyāsaśrutinidarśanāt

Sanskrit only: no published translation is held for this verse.