Matsya Purāṇa 175

*मत्स्य उवाच ताभ्यां बलाभ्यां संजज्ञे तुमुलो विग्रहस्तदा । सुराणामसुराणां च परस्परजयैषिणाम्

*matsya uvāca tābhyāṃ balābhyāṃ saṃjajñe tumulo vigrahastadā / surāṇāmasurāṇāṃ ca parasparajayaiṣiṇām

Sanskrit only: no published translation is held for this verse.

दानवा दैवतैः सार्धं नानाप्रहरणोद्यताः । समीयुर्युध्यमाना वै पर्वता इव पर्वतैः

dānavā daivataiḥ sārdhaṃ nānāpraharaṇodyatāḥ / samīyuryudhyamānā vai parvatā iva parvataiḥ

Sanskrit only: no published translation is held for this verse.

तत्सुरासुरसंयुक्तं युद्धमत्यद्भुतं बभौ । धर्माधर्मसमायुक्तं दर्पेण विनयेन च

tatsurāsurasaṃyuktaṃ yuddhamatyadbhutaṃ babhau / dharmādharmasamāyuktaṃ darpeṇa vinayena ca

Sanskrit only: no published translation is held for this verse.

ततो रथैर्विप्रयुक्तैर् वारणैश्च प्रचोदितैः । उत्पतद्भिश्च गगनम् असिहस्तैः समन्ततः

tato rathairviprayuktair vāraṇaiśca pracoditaiḥ / utpatadbhiśca gaganam asihastaiḥ samantataḥ

Sanskrit only: no published translation is held for this verse.

क्षिप्यमाणैश्च मुसलैः संपतद्भिश्च सायकैः । चापैर्विस्फार्यमाणैश्च पात्यमानैश्च मुद्गरैः

kṣipyamāṇaiśca musalaiḥ saṃpatadbhiśca sāyakaiḥ / cāpairvisphāryamāṇaiśca pātyamānaiśca mudgaraiḥ

Sanskrit only: no published translation is held for this verse.

तद्युद्धमभवद्घोरं देवदानवसंकुलम् । जगतस्त्रासजननं युगसंवर्तकोपमम्

tadyuddhamabhavadghoraṃ devadānavasaṃkulam / jagatastrāsajananaṃ yugasaṃvartakopamam

Sanskrit only: no published translation is held for this verse.

हस्तमुक्तैश्च परिघैर् विप्रयुक्तैश्च पर्वतैः । दानवाः समरे जघ्नुर् देवानिन्द्रपुरोगमान्

hastamuktaiśca parighair viprayuktaiśca parvataiḥ / dānavāḥ samare jaghnur devānindrapurogamān

Sanskrit only: no published translation is held for this verse.

ते वध्यमाना बलिभिर् दानवैर्जितकाशिभिः । विषण्णवदना देवा जग्मुरार्तिं परां मृधे

te vadhyamānā balibhir dānavairjitakāśibhiḥ / viṣaṇṇavadanā devā jagmurārtiṃ parāṃ mṛdhe

Sanskrit only: no published translation is held for this verse.

ते ऽस्त्रशूलप्रमथिताः परिघैर्भिन्नमस्तकाः । भिन्नोरस्का दितिसुतैर् वेमू रक्तं व्रणैर्बहु

te 'straśūlapramathitāḥ parighairbhinnamastakāḥ / bhinnoraskā ditisutair vemū raktaṃ vraṇairbahu

Sanskrit only: no published translation is held for this verse.

वेष्टिताः शरजालैश्च निर्यत्नाश्चासुरैः कृताः । प्रविष्टा दानवीं मायां न शेकुस्ते विचेष्टितुम्

veṣṭitāḥ śarajālaiśca niryatnāścāsuraiḥ kṛtāḥ / praviṣṭā dānavīṃ māyāṃ na śekuste viceṣṭitum

Sanskrit only: no published translation is held for this verse.

अस्तं गतमिवाभाति निष्प्राणसदृशाकृति । बलं सुराणामसुरैर् निष्प्रयत्नायुधं कृतम्

astaṃ gatamivābhāti niṣprāṇasadṛśākṛti / balaṃ surāṇāmasurair niṣprayatnāyudhaṃ kṛtam

Sanskrit only: no published translation is held for this verse.

दैत्यचापच्युतान् घोरांश् छित्त्वा वज्रेण ताञ्छरान् । शक्रो दैत्यबलं घोरं विवेश बहुलोचनः

daityacāpacyutān ghorāṃś chittvā vajreṇa tāñcharān / śakro daityabalaṃ ghoraṃ viveśa bahulocanaḥ

Sanskrit only: no published translation is held for this verse.

स दैत्यप्रमुखान्हत्वा तद्दानवबलं महत् । तामसेनास्त्रजालेन तमोभूतमथाकरोत्

sa daityapramukhānhatvā taddānavabalaṃ mahat / tāmasenāstrajālena tamobhūtamathākarot

Sanskrit only: no published translation is held for this verse.

ते ऽन्योन्यं नावबुध्यन्त देवानां वाहनानि च । घोरेण तमसाविष्टाः पुरुहूतस्य तेजसा

te 'nyonyaṃ nāvabudhyanta devānāṃ vāhanāni ca / ghoreṇa tamasāviṣṭāḥ puruhūtasya tejasā

Sanskrit only: no published translation is held for this verse.

मायापाशैर्विमुक्तास्तु यत्नवन्तः सुरोत्तमाः । वपूंषि दैत्यसिंहानां तमोभूतान्यपातयन्

māyāpāśairvimuktāstu yatnavantaḥ surottamāḥ / vapūṃṣi daityasiṃhānāṃ tamobhūtānyapātayan

Sanskrit only: no published translation is held for this verse.

अपध्वस्ता विसंज्ञाश्च तमसा नीलवर्चसा । पेतुस्ते दानवगणाश् छिन्नपक्षा इवाद्रयः

apadhvastā visaṃjñāśca tamasā nīlavarcasā / petuste dānavagaṇāś chinnapakṣā ivādrayaḥ

Sanskrit only: no published translation is held for this verse.

तद्घनीभूतदैत्येन्द्रम् अन्धकार इवार्णवे । दानवं देवकदनं तमोभूतमिवाभवत्

tadghanībhūtadaityendram andhakāra ivārṇave / dānavaṃ devakadanaṃ tamobhūtamivābhavat

Sanskrit only: no published translation is held for this verse.

तदासृजन्महामायां मयस्तां तामसीं दहन् । युगान्तोद्योतजननीं सृष्टामौर्वेण वह्निना

tadāsṛjanmahāmāyāṃ mayastāṃ tāmasīṃ dahan / yugāntodyotajananīṃ sṛṣṭāmaurveṇa vahninā

Sanskrit only: no published translation is held for this verse.

सा ददाह ततः सर्वान् माया मयविकल्पिता । दैत्याश्चादित्यवपुषः सद्य उत्तस्थुराहवे

sā dadāha tataḥ sarvān māyā mayavikalpitā / daityāścādityavapuṣaḥ sadya uttasthurāhave

Sanskrit only: no published translation is held for this verse.

मायामौर्वीं समासाद्य दह्यमाना दिवौकसः । भेजिरे चन्द्रविषयं शीतांशुसलिलप्रदम्

māyāmaurvīṃ samāsādya dahyamānā divaukasaḥ / bhejire candraviṣayaṃ śītāṃśusalilapradam

Sanskrit only: no published translation is held for this verse.

ते दह्यमाना ह्यौर्वेण वह्निना नष्टचेतसः । शशंसुर्वज्रिणं देवाः संतप्ताः शरणैषिणः

te dahyamānā hyaurveṇa vahninā naṣṭacetasaḥ / śaśaṃsurvajriṇaṃ devāḥ saṃtaptāḥ śaraṇaiṣiṇaḥ

Sanskrit only: no published translation is held for this verse.

संतते मायया सैन्ये हन्यमाने च दानवैः । चोदितो देवराजेन वरुणो वाक्यमब्रवीत्

saṃtate māyayā sainye hanyamāne ca dānavaiḥ / codito devarājena varuṇo vākyamabravīt

Sanskrit only: no published translation is held for this verse.

पुरा ब्रह्मर्षिजः शक्र तपस्तेपे सुदारुणम् । ऊर्वः सपूर्वतेजस्वी सदृशो ब्रह्मणो गुणैः

purā brahmarṣijaḥ śakra tapastepe sudāruṇam / ūrvaḥ sapūrvatejasvī sadṛśo brahmaṇo guṇaiḥ

Sanskrit only: no published translation is held for this verse.

तं तपन्तमिवादित्यं तपसा जगदव्ययम् । उपतस्थुर्मुनिगणा दिव्या देवर्षिभिः सह

taṃ tapantamivādityaṃ tapasā jagadavyayam / upatasthurmunigaṇā divyā devarṣibhiḥ saha

Sanskrit only: no published translation is held for this verse.

हिरण्यकशिपुश्चैव दानवो दानवेश्वरः । ऋषिं विज्ञापयामासुः पुरा परमतेजसम्

hiraṇyakaśipuścaiva dānavo dānaveśvaraḥ / ṛṣiṃ vijñāpayāmāsuḥ purā paramatejasam

Sanskrit only: no published translation is held for this verse.

ऊचुर्ब्रह्मर्षयस्तं तु वचनं धर्मसंहितम् । ऋषिवंशेषु भगवंश् छिन्नमूलमिदं पदम्

ūcurbrahmarṣayastaṃ tu vacanaṃ dharmasaṃhitam / ṛṣivaṃśeṣu bhagavaṃś chinnamūlamidaṃ padam

Sanskrit only: no published translation is held for this verse.

एकस्त्वमनपत्यश्च गोत्रजो ऽन्यो न वर्तते । कौमारं व्रतमास्थाय क्लेशमेवानुवर्तसे

ekastvamanapatyaśca gotrajo 'nyo na vartate / kaumāraṃ vratamāsthāya kleśamevānuvartase

Sanskrit only: no published translation is held for this verse.

बहूनि विप्र गोत्राणि मुनीनां भावितात्मनाम् । एकदेहानि तिष्ठन्ति विविक्तानि विना प्रजाः

bahūni vipra gotrāṇi munīnāṃ bhāvitātmanām / ekadehāni tiṣṭhanti viviktāni vinā prajāḥ

Sanskrit only: no published translation is held for this verse.

एवमुच्छिन्नमूलैश्च पुत्रैर्नो नास्ति कारणम् । भवांस्तु तपसा श्रेष्ठो प्रजापातसमद्युतिः

evamucchinnamūlaiśca putrairno nāsti kāraṇam / bhavāṃstu tapasā śreṣṭho prajāpātasamadyutiḥ

Sanskrit only: no published translation is held for this verse.

तत्र वर्तस्व वंशाय वर्धयात्मानम् आत्मना । त्वया धर्मो ऽर्जितस्तेन द्वितीयां कुरु वै तनुम्

tatra vartasva vaṃśāya vardhayātmānam ātmanā / tvayā dharmo 'rjitastena dvitīyāṃ kuru vai tanum

Sanskrit only: no published translation is held for this verse.

स एवमुक्तो मुनिभिर् मुनिर् मर्मसु ताडितः । जगर्हे तानृषिगणान् वचनं चेदमब्रवीत्

sa evamukto munibhir munir marmasu tāḍitaḥ / jagarhe tānṛṣigaṇān vacanaṃ cedamabravīt

Sanskrit only: no published translation is held for this verse.

यथायं विहितो धरो मुनीनां शाश्वतः पुरा । आर्षं वै सेवतः कर्म वन्यमूलफलाशिनः

yathāyaṃ vihito dharo munīnāṃ śāśvataḥ purā / ārṣaṃ vai sevataḥ karma vanyamūlaphalāśinaḥ

Sanskrit only: no published translation is held for this verse.

ब्रह्मयोनौ प्रसूतस्य ब्राह्मणस्यात्मदर्शिनः । ब्रह्मचर्यं सुचरितं ब्रह्माणमपि चालयेत्

brahmayonau prasūtasya brāhmaṇasyātmadarśinaḥ / brahmacaryaṃ sucaritaṃ brahmāṇamapi cālayet

Sanskrit only: no published translation is held for this verse.

जनानां वृत्तयस्तिस्रो ये गृहाश्रमवासिनः । अस्माकं तु वरं वृत्तिर् वनाश्रमनिवासिनाम्

janānāṃ vṛttayastisro ye gṛhāśramavāsinaḥ / asmākaṃ tu varaṃ vṛttir vanāśramanivāsinām

Sanskrit only: no published translation is held for this verse.

अब्भक्षा वायुभक्षाश्च दन्तोलूखलिनस्तथा । अश्मकुट्टा ह्यशनकाः पञ्चातपसहाश्च ये

abbhakṣā vāyubhakṣāśca dantolūkhalinastathā / aśmakuṭṭā hyaśanakāḥ pañcātapasahāśca ye

Sanskrit only: no published translation is held for this verse.

एते तपसि तिष्ठन्ति व्रतैरपि सुदुष्करैः । ब्रह्मचर्यं पुरस्कृत्य प्रार्थयन्ति परां गतिम्

ete tapasi tiṣṭhanti vratairapi suduṣkaraiḥ / brahmacaryaṃ puraskṛtya prārthayanti parāṃ gatim

Sanskrit only: no published translation is held for this verse.

ब्रह्यचर्याद्ब्राह्मणस्य ब्राह्मणत्वं विधीयते । एवमाहुः परे लोके ब्रह्मचर्यविदो जनाः

brahyacaryādbrāhmaṇasya brāhmaṇatvaṃ vidhīyate / evamāhuḥ pare loke brahmacaryavido janāḥ

Sanskrit only: no published translation is held for this verse.

ब्रह्मचर्ये स्थितं सत्यं ब्रह्मचर्ये स्थितं तपः । ये स्थिता ब्रह्मचर्ये तु ब्राह्मणा दिवि संस्थिताः

brahmacarye sthitaṃ satyaṃ brahmacarye sthitaṃ tapaḥ / ye sthitā brahmacarye tu brāhmaṇā divi saṃsthitāḥ

Sanskrit only: no published translation is held for this verse.

नास्ति योगं विना सिद्धिर् न वा सिद्धिं विना यशः । नास्ति लोके यशोमूलं ब्रह्मचर्यात्परं तपः

nāsti yogaṃ vinā siddhir na vā siddhiṃ vinā yaśaḥ / nāsti loke yaśomūlaṃ brahmacaryātparaṃ tapaḥ

Sanskrit only: no published translation is held for this verse.

यो निगृह्येन्द्रियग्रामं भूतग्रामं च पञ्चकम् । ब्रह्मचर्यं समाधत्ते किमतः परमं तपः

yo nigṛhyendriyagrāmaṃ bhūtagrāmaṃ ca pañcakam / brahmacaryaṃ samādhatte kimataḥ paramaṃ tapaḥ

Sanskrit only: no published translation is held for this verse.

अयोगे केशधरणम् असंकल्पव्रतक्रियां । अब्रह्मचर्ये चर्या च त्रयं स्याद् दम्भसंज्ञकम्

ayoge keśadharaṇam asaṃkalpavratakriyāṃ / abrahmacarye caryā ca trayaṃ syād dambhasaṃjñakam

Sanskrit only: no published translation is held for this verse.

क्व दाराः क्व च संयोगः क्व च भावविपर्ययः । नन्वियं ब्रह्मणा सृष्टा मनसा मानसी प्रजा

kva dārāḥ kva ca saṃyogaḥ kva ca bhāvaviparyayaḥ / nanviyaṃ brahmaṇā sṛṣṭā manasā mānasī prajā

Sanskrit only: no published translation is held for this verse.

यद्यस्ति तपसो वीर्यं युष्माकं विदितात्मनाम् । सृजध्वं मानसान्पुत्रान् प्राजापत्येन कर्मणा

yadyasti tapaso vīryaṃ yuṣmākaṃ viditātmanām / sṛjadhvaṃ mānasānputrān prājāpatyena karmaṇā

Sanskrit only: no published translation is held for this verse.

मनसा निर्मिता योनिर् आधातव्या तपस्विभिः । न दारयोगो बीजं वा व्रतमुक्तं तपस्विनाम्

manasā nirmitā yonir ādhātavyā tapasvibhiḥ / na dārayogo bījaṃ vā vratamuktaṃ tapasvinām

Sanskrit only: no published translation is held for this verse.

यदिदं लुप्तधर्मार्थं युष्माभिरिह निर्भयैः । व्याहृतं सद्भिरत्यर्थम् असद्भिरिव मे मतम्

yadidaṃ luptadharmārthaṃ yuṣmābhiriha nirbhayaiḥ / vyāhṛtaṃ sadbhiratyartham asadbhiriva me matam

Sanskrit only: no published translation is held for this verse.

वपुर्दीप्तान्तरात्मानम् एतत्कृत्वा मनोमयम् । दारयोगं विना स्रक्ष्ये पुत्रम् आत्मतनूरुहम्

vapurdīptāntarātmānam etatkṛtvā manomayam / dārayogaṃ vinā srakṣye putram ātmatanūruham

Sanskrit only: no published translation is held for this verse.

एवमात्मानमात्मा मे द्वितीयं जनयिष्यति । वन्येनानेन विधिना दिधक्षन्तमिव प्रजाः

evamātmānamātmā me dvitīyaṃ janayiṣyati / vanyenānena vidhinā didhakṣantamiva prajāḥ

Sanskrit only: no published translation is held for this verse.

ऊर्वस्तु तपसाविष्टो निवेश्योरुं हुताशने । ममन्थैकेन दर्भेण सुतस्य प्रभवारणिम्

ūrvastu tapasāviṣṭo niveśyoruṃ hutāśane / mamanthaikena darbheṇa sutasya prabhavāraṇim

Sanskrit only: no published translation is held for this verse.

तस्योरुं सहसा भित्त्वा ज्वालामाली ह्यनिन्धनः । जगतो दहनाकाङ्क्षी पुत्रो ऽग्निः समपद्यत

tasyoruṃ sahasā bhittvā jvālāmālī hyanindhanaḥ / jagato dahanākāṅkṣī putro 'gniḥ samapadyata

Sanskrit only: no published translation is held for this verse.

ऊर्वस्योरुं विनिर्भिद्य और्वो नामान्तको ऽनलः । दिधक्षन्निव लोकांस्त्रीञ् जज्ञे परमकोपनः

ūrvasyoruṃ vinirbhidya aurvo nāmāntako 'nalaḥ / didhakṣanniva lokāṃstrīñ jajñe paramakopanaḥ

Sanskrit only: no published translation is held for this verse.

उत्पन्नमात्रश्चोवाच पितरं क्षीणया गिरा । क्षुधा मे बाधते तात जगद्भक्ष्ये त्यजस्व माम्

utpannamātraścovāca pitaraṃ kṣīṇayā girā / kṣudhā me bādhate tāta jagadbhakṣye tyajasva mām

Sanskrit only: no published translation is held for this verse.

त्रिदिवारोहिभिर्ज्वालैर् जृम्भमाणो दिशो दश । निर्दहन्सर्वभूतानि ववृधे सो ऽन्तको ऽनलः

tridivārohibhirjvālair jṛmbhamāṇo diśo daśa / nirdahansarvabhūtāni vavṛdhe so 'ntako 'nalaḥ

Sanskrit only: no published translation is held for this verse.

एतस्मिन्नन्तरे ब्रह्मा मुनिमूर्वं सभाजयन् । उवाच वार्यतां पुत्रो जगतश्च दयां कुरु

etasminnantare brahmā munimūrvaṃ sabhājayan / uvāca vāryatāṃ putro jagataśca dayāṃ kuru

Sanskrit only: no published translation is held for this verse.

अस्यापत्यस्य ते विप्र करिष्ये स्थानमुत्तमम् । तथ्यमेतद्वचः पुत्र शृणु त्वं वदतां वर

asyāpatyasya te vipra kariṣye sthānamuttamam / tathyametadvacaḥ putra śṛṇu tvaṃ vadatāṃ vara

Sanskrit only: no published translation is held for this verse.

*ऊर्व उवाच धन्यो ऽस्म्यनुगृहीतो ऽस्मि यन्मे ऽद्य भगवाञ्छिशोः । मतिमेतां ददातीह परमानुग्रहाय वै

*ūrva uvāca dhanyo 'smyanugṛhīto 'smi yanme 'dya bhagavāñchiśoḥ / matimetāṃ dadātīha paramānugrahāya vai

Sanskrit only: no published translation is held for this verse.

प्रभातकाले सम्प्राप्ते काङ्क्षितव्ये समागमे । भगवंस्तर्पितः पुत्रः कैर्हव्यैः प्राप्स्यते सुखम्

prabhātakāle samprāpte kāṅkṣitavye samāgame / bhagavaṃstarpitaḥ putraḥ kairhavyaiḥ prāpsyate sukham

Sanskrit only: no published translation is held for this verse.

कुत्र चास्य निवासः स्याद् भोजनं वा किमात्मकम् । विधास्यतीह भगवान् वीर्यतुल्यं महौजसः

kutra cāsya nivāsaḥ syād bhojanaṃ vā kimātmakam / vidhāsyatīha bhagavān vīryatulyaṃ mahaujasaḥ

Sanskrit only: no published translation is held for this verse.

*ब्रह्मोवाच वडवामुखे ऽस्य वसतिः समुद्रे वै भविष्यति । मम योनिर्जलं विप्र तस्य पीतवतः सुखम्

*brahmovāca vaḍavāmukhe 'sya vasatiḥ samudre vai bhaviṣyati / mama yonirjalaṃ vipra tasya pītavataḥ sukham

Sanskrit only: no published translation is held for this verse.

यत्राहमास नियतं पिबन्वारिमयं हविः । तद्धविस्तव पुत्रस्य विसृजाम्यालयं च तत्

yatrāhamāsa niyataṃ pibanvārimayaṃ haviḥ / taddhavistava putrasya visṛjāmyālayaṃ ca tat

Sanskrit only: no published translation is held for this verse.

ततो युगान्ते भूतानाम् एष चाहं च पुत्रक । सहितौ विचरिष्यावो निष्पुत्राणामृणापहः

tato yugānte bhūtānām eṣa cāhaṃ ca putraka / sahitau vicariṣyāvo niṣputrāṇāmṛṇāpahaḥ

Sanskrit only: no published translation is held for this verse.

एषो ऽग्निर् अन्तकाले तु सलिलाशी मया कृतः । दहनः सर्वभूतानां सदेवासुररक्षसाम्

eṣo 'gnir antakāle tu salilāśī mayā kṛtaḥ / dahanaḥ sarvabhūtānāṃ sadevāsurarakṣasām

Sanskrit only: no published translation is held for this verse.

एवमस्त्विति तं सो ऽग्निः संवृतज्वालमण्डलः । प्रविवेशार्णवमुखं प्रक्षिप्य पितरि प्रभाम्

evamastviti taṃ so 'gniḥ saṃvṛtajvālamaṇḍalaḥ / praviveśārṇavamukhaṃ prakṣipya pitari prabhām

Sanskrit only: no published translation is held for this verse.

प्रतियातस्ततो ब्रह्मा ये च सर्वे महर्षयः । और्वस्याग्नेः प्रभां ज्ञात्वा स्वां स्वां गतिमुपाश्रिताः

pratiyātastato brahmā ye ca sarve maharṣayaḥ / aurvasyāgneḥ prabhāṃ jñātvā svāṃ svāṃ gatimupāśritāḥ

Sanskrit only: no published translation is held for this verse.

हिरण्यकशिपुर्दृष्ट्वा तदा तन्महदद्भुतम् । उच्चैः प्रणतसर्वाङ्गो वाक्यमेतदुवाच ह

hiraṇyakaśipurdṛṣṭvā tadā tanmahadadbhutam / uccaiḥ praṇatasarvāṅgo vākyametaduvāca ha

Sanskrit only: no published translation is held for this verse.

भगवन्नद्भुतमिदं संवृत्तं लोकसाक्षिकम् । तपसा ते मुनिश्रेष्ठ परितुष्टः पितामहः

bhagavannadbhutamidaṃ saṃvṛttaṃ lokasākṣikam / tapasā te muniśreṣṭha parituṣṭaḥ pitāmahaḥ

Sanskrit only: no published translation is held for this verse.

अहं तु तव पुत्रस्य तव चैव महाव्रत । भृत्य इत्यवगन्तव्यः साध्यो यदिह कर्मणा

ahaṃ tu tava putrasya tava caiva mahāvrata / bhṛtya ityavagantavyaḥ sādhyo yadiha karmaṇā

Sanskrit only: no published translation is held for this verse.

तन्मां पश्य समापन्नं तवैवाराधने रतम् । यदि सीदेन्मुनिश्रेष्ठ तवैव स्यात्पराजयः

tanmāṃ paśya samāpannaṃ tavaivārādhane ratam / yadi sīdenmuniśreṣṭha tavaiva syātparājayaḥ

Sanskrit only: no published translation is held for this verse.

*और्व उवाच धन्यो ऽस्म्यनुगृहीतो ऽस्मि यस्य ते ऽहं गुरुः स्थितः । नास्ति मे तपसानेन भयमद्येह सुव्रत

*aurva uvāca dhanyo 'smyanugṛhīto 'smi yasya te 'haṃ guruḥ sthitaḥ / nāsti me tapasānena bhayamadyeha suvrata

Sanskrit only: no published translation is held for this verse.

तामेव मायां गृह्णीष्व मम पुत्रेण निर्मिताम् । निरिन्धनामग्निमयीं दुर्धर्षां पावकैरपि

tāmeva māyāṃ gṛhṇīṣva mama putreṇa nirmitām / nirindhanāmagnimayīṃ durdharṣāṃ pāvakairapi

Sanskrit only: no published translation is held for this verse.

एषा ते स्वस्य वंशस्य वशगारिविनिग्रहे । संरक्षत्यात्मपक्षं च विपक्षं च प्रधक्ष्यति

eṣā te svasya vaṃśasya vaśagārivinigrahe / saṃrakṣatyātmapakṣaṃ ca vipakṣaṃ ca pradhakṣyati

Sanskrit only: no published translation is held for this verse.

एवमस्त्विति तां गृह्य प्रणम्य मुनिपुंगवम् । जगाम त्रिदिवं हृष्टः कृतार्थो दानवेश्वरः

evamastviti tāṃ gṛhya praṇamya munipuṃgavam / jagāma tridivaṃ hṛṣṭaḥ kṛtārtho dānaveśvaraḥ

Sanskrit only: no published translation is held for this verse.

एषा दुर्विषहा माया देवैरपि दुरासदा । और्वेण निर्मिता पूर्वं पावकेनोर्वसूनुना

eṣā durviṣahā māyā devairapi durāsadā / aurveṇa nirmitā pūrvaṃ pāvakenorvasūnunā

Sanskrit only: no published translation is held for this verse.

तस्मिंस्तु व्युत्थिते दैत्ये निर्वीर्यैषा न संशयः । शापो ह्यस्याः पुरा दत्तः सृष्टा येनैव तेजसा

tasmiṃstu vyutthite daitye nirvīryaiṣā na saṃśayaḥ / śāpo hyasyāḥ purā dattaḥ sṛṣṭā yenaiva tejasā

Sanskrit only: no published translation is held for this verse.

यद्येषा प्रतिहन्तव्या कर्तव्यो भगवान्सुखी । दीयतां मे सखा शक्र तोययोनिर्निशाकरः

yadyeṣā pratihantavyā kartavyo bhagavānsukhī / dīyatāṃ me sakhā śakra toyayonirniśākaraḥ

Sanskrit only: no published translation is held for this verse.

तेनाहं सह संगम्य यादोभिश्च समावृतः । मायामेतां हनिष्यामि त्वत्प्रसादान्न संशयः

tenāhaṃ saha saṃgamya yādobhiśca samāvṛtaḥ / māyāmetāṃ haniṣyāmi tvatprasādānna saṃśayaḥ

Sanskrit only: no published translation is held for this verse.