Matsya Purāṇa 176

*मत्स्य उवाच एवमस्त्विति संहृष्टः शक्रस्त्रिदशवर्धनः । संदिदेशाग्रतः सोमं युद्धाय शिशिरायुधम्

*matsya uvāca evamastviti saṃhṛṣṭaḥ śakrastridaśavardhanaḥ / saṃdideśāgrataḥ somaṃ yuddhāya śiśirāyudham

Sanskrit only: no published translation is held for this verse.

गच्छ सोम सहायत्वं कुरु पाशधरस्य वै । असुराणां विनाशाय जयार्थं च दिवौकसाम्

gaccha soma sahāyatvaṃ kuru pāśadharasya vai / asurāṇāṃ vināśāya jayārthaṃ ca divaukasām

Sanskrit only: no published translation is held for this verse.

त्वं मत्तः प्रतिवीर्यश्च ज्योतिषां चेश्वरेश्वरः । त्वन्मयं सर्वलोकेषु रसं रसविदो विदुः

tvaṃ mattaḥ prativīryaśca jyotiṣāṃ ceśvareśvaraḥ / tvanmayaṃ sarvalokeṣu rasaṃ rasavido viduḥ

Sanskrit only: no published translation is held for this verse.

क्षयवृद्धी तव व्यक्ते सागरस्येव मण्डले । परिवर्तस्यहोरात्रं कालं जगति योजयन्

kṣayavṛddhī tava vyakte sāgarasyeva maṇḍale / parivartasyahorātraṃ kālaṃ jagati yojayan

Sanskrit only: no published translation is held for this verse.

लोकच्छायामयं लक्ष्म तवाङ्कः शशसंनिभः । न विदुः सोम देवापि ये च नक्षत्रयोनयः

lokacchāyāmayaṃ lakṣma tavāṅkaḥ śaśasaṃnibhaḥ / na viduḥ soma devāpi ye ca nakṣatrayonayaḥ

Sanskrit only: no published translation is held for this verse.

त्वमादित्यपथादूर्ध्वं ज्योतिषां चोपरि स्थितः । तमः प्रोत्सार्य महसा भासयस्यखिलं जगत्

tvamādityapathādūrdhvaṃ jyotiṣāṃ copari sthitaḥ / tamaḥ protsārya mahasā bhāsayasyakhilaṃ jagat

Sanskrit only: no published translation is held for this verse.

श्वेतभानुर् हिमतनुर् ज्योतिषाम् अधिपः शशी । अधिकृत् कालयोगात्मा इष्टो यज्ञरसो ऽव्ययः

śvetabhānur himatanur jyotiṣām adhipaḥ śaśī / adhikṛt kālayogātmā iṣṭo yajñaraso 'vyayaḥ

Sanskrit only: no published translation is held for this verse.

ओषधीशः क्रियायोनिर् हरशेखरभाक्तथा । शीतांशुरमृताधारश् चपलः श्वेतवाहनः

oṣadhīśaḥ kriyāyonir haraśekharabhāktathā / śītāṃśuramṛtādhāraś capalaḥ śvetavāhanaḥ

Sanskrit only: no published translation is held for this verse.

त्वं कान्तिः कान्तिवपुषां त्वं सोमः सोमपायिनाम् । सौम्यस्त्वं सर्वभूतानां तिमिरघ्नस्त्वम् ऋक्षराट्

tvaṃ kāntiḥ kāntivapuṣāṃ tvaṃ somaḥ somapāyinām / saumyastvaṃ sarvabhūtānāṃ timiraghnastvam ṛkṣarāṭ

Sanskrit only: no published translation is held for this verse.

तद्गच्छ त्वं महासेन वरुणेन वरूथिना । शमय त्वासुरीं मायां यया दह्याम संयुगे

tadgaccha tvaṃ mahāsena varuṇena varūthinā / śamaya tvāsurīṃ māyāṃ yayā dahyāma saṃyuge

Sanskrit only: no published translation is held for this verse.

*सोम उवाच यन्मां वदसि युद्धार्थे देवराज वरप्रद । एष वर्षामि शिशिरं दैत्यमायापकर्षणम्

*soma uvāca yanmāṃ vadasi yuddhārthe devarāja varaprada / eṣa varṣāmi śiśiraṃ daityamāyāpakarṣaṇam

Sanskrit only: no published translation is held for this verse.

एतान्मच्छीतनिर्दग्धान् पश्य त्वं हिमवेष्टितान् । विमायान्विमदांश्चैव दैत्यसिंहान्महाहवे

etānmacchītanirdagdhān paśya tvaṃ himaveṣṭitān / vimāyānvimadāṃścaiva daityasiṃhānmahāhave

Sanskrit only: no published translation is held for this verse.

इत्युक्त्वा तारकाधीशः सजलेशः शिवोदकैः । प्लावयामास सैन्यानि सुराणां शान्तिवृद्धये

ityuktvā tārakādhīśaḥ sajaleśaḥ śivodakaiḥ / plāvayāmāsa sainyāni surāṇāṃ śāntivṛddhaye

Sanskrit only: no published translation is held for this verse.

तेषां हिमकरोत्सृष्टाः सपाशा हिमवृष्टयः । वेष्टयन्ति स्म तान्घोरान् दैत्यान्मेघगणा इव

teṣāṃ himakarotsṛṣṭāḥ sapāśā himavṛṣṭayaḥ / veṣṭayanti sma tānghorān daityānmeghagaṇā iva

Sanskrit only: no published translation is held for this verse.