*ऋषय ऊचुः कथं कव्यानि देयानि हव्यानि च जनैरिह । गच्छन्ति पितृलोकस्थान् प्रापकः को ऽत्र गद्यते
*ṛṣaya ūcuḥ kathaṃ kavyāni deyāni havyāni ca janairiha / gacchanti pitṛlokasthān prāpakaḥ ko 'tra gadyate
Sanskrit only: no published translation is held for this verse.
यदि मर्त्यो द्विजो भुङ्क्ते हूयते यदि वानले । शुभाशुभात्मकैः प्रेतैर् दत्तं तद्भुज्यते कथम्
yadi martyo dvijo bhuṅkte hūyate yadi vānale / śubhāśubhātmakaiḥ pretair dattaṃ tadbhujyate katham
Sanskrit only: no published translation is held for this verse.
*सूत उवाच वसून्वदन्ति च पितॄन् रुद्रांश्चैव पितामहान् । प्रपितामहांस्तथादित्यान् इत्येवं वैदिकी श्रुतिः
*sūta uvāca vasūnvadanti ca pitṝn rudrāṃścaiva pitāmahān / prapitāmahāṃstathādityān ityevaṃ vaidikī śrutiḥ
Sanskrit only: no published translation is held for this verse.
नाम गोत्रं पितॄणां तु प्रापकं हव्यकव्ययोः । श्राद्धस्य मन्त्राः श्रद्धा च उपयोज्यातिभक्तितः
nāma gotraṃ pitṝṇāṃ tu prāpakaṃ havyakavyayoḥ / śrāddhasya mantrāḥ śraddhā ca upayojyātibhaktitaḥ
Sanskrit only: no published translation is held for this verse.
अग्निष्वात्तादयस्तेषाम् आधिपत्ये व्यवस्थिताः । नामगोत्रकालदेशा भवान्तरगतानपि
agniṣvāttādayasteṣām ādhipatye vyavasthitāḥ / nāmagotrakāladeśā bhavāntaragatānapi
Sanskrit only: no published translation is held for this verse.
प्राणिनः प्रीणयन्त्येते तदाहारत्वमागतान् । देवो यदि पिता जातः शुभकर्मानुयोगतः
prāṇinaḥ prīṇayantyete tadāhāratvamāgatān / devo yadi pitā jātaḥ śubhakarmānuyogataḥ
Sanskrit only: no published translation is held for this verse.
तस्यान्नममृतं भूत्वा दिव्यत्वे ऽप्यनुगच्छति । दैत्यत्वे भोगरूपेण पशुत्वे च तृणं भवेत्
tasyānnamamṛtaṃ bhūtvā divyatve 'pyanugacchati / daityatve bhogarūpeṇa paśutve ca tṛṇaṃ bhavet
Sanskrit only: no published translation is held for this verse.
श्राद्धान्नं वायुरूपेण सर्पत्वे ऽप्युपतिष्ठति । पानं भवति यक्षत्वे राक्षसत्वे तथामिषम्
śrāddhānnaṃ vāyurūpeṇa sarpatve 'pyupatiṣṭhati / pānaṃ bhavati yakṣatve rākṣasatve tathāmiṣam
Sanskrit only: no published translation is held for this verse.
दनुजत्वे तथा माया प्रेतत्वे रुधिरोदकम् । मनुष्यत्वे ऽन्नपानानि नानाभोगरसं भवेत्
danujatve tathā māyā pretatve rudhirodakam / manuṣyatve 'nnapānāni nānābhogarasaṃ bhavet
Sanskrit only: no published translation is held for this verse.
रतिशक्तिः स्त्रियः कान्ता भोज्यं भोजनशक्तिता । दानशक्तिः सविभवा रूपमारोग्यमेव च
ratiśaktiḥ striyaḥ kāntā bhojyaṃ bhojanaśaktitā / dānaśaktiḥ savibhavā rūpamārogyameva ca
Sanskrit only: no published translation is held for this verse.
श्रद्धा पुष्पमिदं प्रोक्तं फलं ब्रह्मसमागमः । आयुः पुत्रान् धनं विद्यां स्वर्गं मोक्षं सुखानि च
śraddhā puṣpamidaṃ proktaṃ phalaṃ brahmasamāgamaḥ / āyuḥ putrān dhanaṃ vidyāṃ svargaṃ mokṣaṃ sukhāni ca
Sanskrit only: no published translation is held for this verse.
राज्यं चैव प्रयच्छन्ति प्रीताः पितृगणा नृणाम् । श्रूयते च पुरा मोक्षं प्राप्ताः कौशिकसूनवः । पञ्चभिर्जन्मसम्बन्धैर् गता विष्णोः परं पदम्
rājyaṃ caiva prayacchanti prītāḥ pitṛgaṇā nṛṇām / śrūyate ca purā mokṣaṃ prāptāḥ kauśikasūnavaḥ / pañcabhirjanmasambandhair gatā viṣṇoḥ paraṃ padam
Sanskrit only: no published translation is held for this verse.