*शौनक उवाच समापितव्रतं तं तु विसृष्टं गुरुणा तदा । प्रस्थितं त्रिदशावासं देवयानीदमब्रवीत्
*śaunaka uvāca samāpitavrataṃ taṃ tu visṛṣṭaṃ guruṇā tadā / prasthitaṃ tridaśāvāsaṃ devayānīdamabravīt
Sanskrit only: no published translation is held for this verse.
*देवयान्युवाच ऋषेर् अङ्गिरसः पौत्र वृत्तेनाभिजनेन च । भ्राजसे विद्यया चैव तपसा च दमेन च
*devayānyuvāca ṛṣer aṅgirasaḥ pautra vṛttenābhijanena ca / bhrājase vidyayā caiva tapasā ca damena ca
Sanskrit only: no published translation is held for this verse.
ऋषिर् यथाङ्गिरा मान्यः पितुर्मम महायशाः । तथा मान्यश्च पूज्यश्च मम भूयो बृहस्पतिः
ṛṣir yathāṅgirā mānyaḥ piturmama mahāyaśāḥ / tathā mānyaśca pūjyaśca mama bhūyo bṛhaspatiḥ
Sanskrit only: no published translation is held for this verse.
एवं ज्ञात्वा विजानीहि यद्ब्रवीमि तपोधन । व्रतस्थे नियमोपेते यथा वर्ताम्यहं त्वयि
evaṃ jñātvā vijānīhi yadbravīmi tapodhana / vratasthe niyamopete yathā vartāmyahaṃ tvayi
Sanskrit only: no published translation is held for this verse.
स समापितविद्यो मां भक्तां न त्यक्तुमर्हसि । गृहाण पाणिं विधिवन् मम मन्त्रपुरस्कृतम्
sa samāpitavidyo māṃ bhaktāṃ na tyaktumarhasi / gṛhāṇa pāṇiṃ vidhivan mama mantrapuraskṛtam
Sanskrit only: no published translation is held for this verse.
*कच उवाच पूज्यो मान्यश्च भगवान् यथा मम पिता तव । तथा त्वमनवद्याङ्गि पूजनीयतमा मता
*kaca uvāca pūjyo mānyaśca bhagavān yathā mama pitā tava / tathā tvamanavadyāṅgi pūjanīyatamā matā
Sanskrit only: no published translation is held for this verse.
आत्मप्राणैः प्रियतमा भार्गवस्य महात्मनः । त्वं भद्रे धर्मतः पूज्या गुरुपुत्री सदा मम
ātmaprāṇaiḥ priyatamā bhārgavasya mahātmanaḥ / tvaṃ bhadre dharmataḥ pūjyā guruputrī sadā mama
Sanskrit only: no published translation is held for this verse.
यथा मम गुरुर्नित्यं मान्यः शुक्रः पिता तव । देवयानि तथैव त्वं नैवं मां वक्तुमर्हसि
yathā mama gururnityaṃ mānyaḥ śukraḥ pitā tava / devayāni tathaiva tvaṃ naivaṃ māṃ vaktumarhasi
Sanskrit only: no published translation is held for this verse.
*देवयान्युवाच गुरुपुत्रस्य पुत्रो मे न तु त्वमसि मे पितुः । तस्मान्मान्यश्च पूज्यश्च ममापि त्वं द्विजोत्तम
*devayānyuvāca guruputrasya putro me na tu tvamasi me pituḥ / tasmānmānyaśca pūjyaśca mamāpi tvaṃ dvijottama
Sanskrit only: no published translation is held for this verse.
असुरैर्हन्यमाने तु कचे त्वयि पुनः पुनः । तदाप्रभृति या प्रीतिस् तां त्वमेव स्मरस्व मे
asurairhanyamāne tu kace tvayi punaḥ punaḥ / tadāprabhṛti yā prītis tāṃ tvameva smarasva me
Sanskrit only: no published translation is held for this verse.
सौहार्दे चानुरागे च वेत्थ मे भक्तिमुत्तमाम् । न मामर्हसि धर्मज्ञ त्यक्तुं भक्तामनागसम्
sauhārde cānurāge ca vettha me bhaktimuttamām / na māmarhasi dharmajña tyaktuṃ bhaktāmanāgasam
Sanskrit only: no published translation is held for this verse.
*कच उवाच अनियोज्ये नियोगे मां नियुनक्षि शुभव्रते । प्रसीद सुभ्रूर्मह्यं त्वं गुरोर् गुरुतरा शुभे
*kaca uvāca aniyojye niyoge māṃ niyunakṣi śubhavrate / prasīda subhrūrmahyaṃ tvaṃ guror gurutarā śubhe
Sanskrit only: no published translation is held for this verse.
यत्रोषितं विशालाक्षि त्वया चन्द्रनिभानने । तत्राहमुषितो भद्रे कुक्षौ काव्यस्य भामिनि
yatroṣitaṃ viśālākṣi tvayā candranibhānane / tatrāhamuṣito bhadre kukṣau kāvyasya bhāmini
Sanskrit only: no published translation is held for this verse.
भगिनी धर्मतो मे त्वं मैवं वोचः शुभानने । सुखेनाध्युषितो भद्रे न मन्युर्विद्यते मम
bhaginī dharmato me tvaṃ maivaṃ vocaḥ śubhānane / sukhenādhyuṣito bhadre na manyurvidyate mama
Sanskrit only: no published translation is held for this verse.
आपृच्छे त्वां गमिष्यामि शिवमस्त्वथ मे पथि । अविरोधेन धर्मस्य स्मर्तव्यो ऽस्मि कथान्तरे । अप्रमत्तोद्यता नित्यम् आराधय गुरुं मम
āpṛcche tvāṃ gamiṣyāmi śivamastvatha me pathi / avirodhena dharmasya smartavyo 'smi kathāntare / apramattodyatā nityam ārādhaya guruṃ mama
Sanskrit only: no published translation is held for this verse.
*देवयान्युवाच दैत्यैर्हतस्त्वं यद्भर्तृ-बुद्ध्या त्वं रक्षितो मया । यदि मां धर्मकामार्थं प्रत्याख्यास्यसि धर्मतः
*devayānyuvāca daityairhatastvaṃ yadbhartṛ-buddhyā tvaṃ rakṣito mayā / yadi māṃ dharmakāmārthaṃ pratyākhyāsyasi dharmataḥ
Sanskrit only: no published translation is held for this verse.
ततः कच न ते विद्या सिद्धिमेषा गमिष्यति
tataḥ kaca na te vidyā siddhimeṣā gamiṣyati
Sanskrit only: no published translation is held for this verse.
*कच उवाच गुरुपुत्रीति कृत्वाहं प्रत्याख्यास्ये न दोषतः । गुरुणा चाभ्यनुज्ञातः काममेव शपस्व माम्
*kaca uvāca guruputrīti kṛtvāhaṃ pratyākhyāsye na doṣataḥ / guruṇā cābhyanujñātaḥ kāmameva śapasva mām
Sanskrit only: no published translation is held for this verse.
आर्षं धर्मं ब्रुवाणो ऽहं देवयानि यथा त्वया । शप्तुं नार्हो ऽस्मि कल्याणि कामतो ऽद्य च धर्मतः
ārṣaṃ dharmaṃ bruvāṇo 'haṃ devayāni yathā tvayā / śaptuṃ nārho 'smi kalyāṇi kāmato 'dya ca dharmataḥ
Sanskrit only: no published translation is held for this verse.
तस्माद्भवत्या यः कामो न तथा सम्भविष्यति । ऋषिपुत्रो न ते कश्चिज् जातु पाणिं ग्रहीष्यति
tasmādbhavatyā yaḥ kāmo na tathā sambhaviṣyati / ṛṣiputro na te kaścij jātu pāṇiṃ grahīṣyati
Sanskrit only: no published translation is held for this verse.
फलिष्यति न मे विद्या त्वद्वचश्चेति तत्तया । अध्यापयिष्यामि च यं तस्य विद्या फलिष्यति
phaliṣyati na me vidyā tvadvacaśceti tattayā / adhyāpayiṣyāmi ca yaṃ tasya vidyā phaliṣyati
Sanskrit only: no published translation is held for this verse.
*शौनक उवाच एवमुक्त्वा नृपश्रेष्ठ देवयानीं कचस्तदा । त्रिदशेशालयं शीघ्रं जगाम द्विजसत्तमः
*śaunaka uvāca evamuktvā nṛpaśreṣṭha devayānīṃ kacastadā / tridaśeśālayaṃ śīghraṃ jagāma dvijasattamaḥ
Sanskrit only: no published translation is held for this verse.
तमागतमभिप्रेक्ष्य देवाः सेन्द्रपुरोगमाः । बृहस्पतिं सभाज्येदं कचमाहुर्मुदान्विताः
tamāgatamabhiprekṣya devāḥ sendrapurogamāḥ / bṛhaspatiṃ sabhājyedaṃ kacamāhurmudānvitāḥ
Sanskrit only: no published translation is held for this verse.
*देवा ऊचुः त्वं कचास्मद्धितं कर्म कृतवान्महदद्भुतम् । न ते यशः प्रणशिता भागभाक्च भविष्यसि
*devā ūcuḥ tvaṃ kacāsmaddhitaṃ karma kṛtavānmahadadbhutam / na te yaśaḥ praṇaśitā bhāgabhākca bhaviṣyasi
Sanskrit only: no published translation is held for this verse.