*शुक्र उवाच यः परेषां नरो नित्यम् अतिवादांस्तितिक्षति । देवयानि विजानीहि तेन सर्वमिदं जितम्
*śukra uvāca yaḥ pareṣāṃ naro nityam ativādāṃstitikṣati / devayāni vijānīhi tena sarvamidaṃ jitam
Sanskrit only: no published translation is held for this verse.
यः समुत्पतितं क्रोधं निगृह्णाति हयं यथा । स यन्तेत्युच्यते सद्भिर् न यो रश्मिषु लम्बते
yaḥ samutpatitaṃ krodhaṃ nigṛhṇāti hayaṃ yathā / sa yantetyucyate sadbhir na yo raśmiṣu lambate
Sanskrit only: no published translation is held for this verse.
यः समुत्पतितं क्रोधम् अक्रोधने नियच्छति । देवयानि विजानीहि तेन सर्वमिदं जितम्
yaḥ samutpatitaṃ krodham akrodhane niyacchati / devayāni vijānīhi tena sarvamidaṃ jitam
Sanskrit only: no published translation is held for this verse.
यः समुत्पतितं कोपं क्षमयैव निरस्यति । यथोरगस्त्वचं जीर्णां स वै पुरुष उच्यते
yaḥ samutpatitaṃ kopaṃ kṣamayaiva nirasyati / yathoragastvacaṃ jīrṇāṃ sa vai puruṣa ucyate
Sanskrit only: no published translation is held for this verse.
यस्तु भावयते धर्मं यो ऽतिमात्रं तितिक्षति । यश्च तप्तो न तपति भृशं सो ऽर्थस्य भाजनम्
yastu bhāvayate dharmaṃ yo 'timātraṃ titikṣati / yaśca tapto na tapati bhṛśaṃ so 'rthasya bhājanam
Sanskrit only: no published translation is held for this verse.
यो यजेदश्वमेधेन मासि मासि शतं समाः । यस्तु कुप्येन्न सर्वस्य तयोरक्रोधनो वरः
yo yajedaśvamedhena māsi māsi śataṃ samāḥ / yastu kupyenna sarvasya tayorakrodhano varaḥ
Sanskrit only: no published translation is held for this verse.
ये कुमाराः कुमार्यश्च वैरं कुर्युरचेतसः । नैतत्प्राज्ञस्तु कुर्वीत विदुस्ते न बलाबलम्
ye kumārāḥ kumāryaśca vairaṃ kuryuracetasaḥ / naitatprājñastu kurvīta viduste na balābalam
Sanskrit only: no published translation is held for this verse.
*देवयान्युवाच वेदाहं तात बालापि कार्याणां तु गतागतम् । क्रोधे चैवातिवादे वा कार्यस्यापि बलाबले
*devayānyuvāca vedāhaṃ tāta bālāpi kāryāṇāṃ tu gatāgatam / krodhe caivātivāde vā kāryasyāpi balābale
Sanskrit only: no published translation is held for this verse.
शिष्यस्याशिष्यवृत्तं हि न क्षन्तव्यं बुभूषुणा । असत्संकीर्णवृत्तेषु वासो मम न रोचते
śiṣyasyāśiṣyavṛttaṃ hi na kṣantavyaṃ bubhūṣuṇā / asatsaṃkīrṇavṛtteṣu vāso mama na rocate
Sanskrit only: no published translation is held for this verse.
पुंसो ये नाभिनन्दन्ति वृत्तेनाभिजनेन च । न तेषु निवसेत्प्राज्ञः श्रेयोर्थी पापबुद्धिषु
puṃso ye nābhinandanti vṛttenābhijanena ca / na teṣu nivasetprājñaḥ śreyorthī pāpabuddhiṣu
Sanskrit only: no published translation is held for this verse.
ये नैनमभिजानन्ति वृत्तेनाभिजनेन च । तेषु साधुषु वस्तव्यं स वासः श्रेष्ठ उच्यते
ye nainamabhijānanti vṛttenābhijanena ca / teṣu sādhuṣu vastavyaṃ sa vāsaḥ śreṣṭha ucyate
Sanskrit only: no published translation is held for this verse.
तन्मे मथ्नाति हृदयम् अग्निकल्पमिवारणम् । वाग्दुरुक्तं महाघोरं दुहितुर्वृषपर्वणः
tanme mathnāti hṛdayam agnikalpamivāraṇam / vāgduruktaṃ mahāghoraṃ duhiturvṛṣaparvaṇaḥ
Sanskrit only: no published translation is held for this verse.
न ह्य् अतो दुष्करं मन्ये तात लोकेष्वपि त्रिषु । यः सपत्नश्रियं दीप्तां हीनश्रीः पर्युपासते
na hy ato duṣkaraṃ manye tāta lokeṣvapi triṣu / yaḥ sapatnaśriyaṃ dīptāṃ hīnaśrīḥ paryupāsate
Sanskrit only: no published translation is held for this verse.