*शौनक उवाच एवं स नाहुषो राजा ययातिः पुत्रमीप्सितम् । राज्ये ऽभिषिच्य मुदितो वानप्रस्थो ऽभवन्मुनिः
*śaunaka uvāca evaṃ sa nāhuṣo rājā yayātiḥ putramīpsitam / rājye 'bhiṣicya mudito vānaprastho 'bhavanmuniḥ
Sanskrit only: no published translation is held for this verse.
उषित्वा वनवासं स ब्राह्मणैः सह संश्रितः । फलमूलाशनो दान्तो यथा स्वर्गमितो गतः
uṣitvā vanavāsaṃ sa brāhmaṇaiḥ saha saṃśritaḥ / phalamūlāśano dānto yathā svargamito gataḥ
Sanskrit only: no published translation is held for this verse.
स गतः स्वर्गवासं तु न्यवसन्मुदितः सुखी । कालस्य नातिमहतः पुनः शक्रेण पातितः
sa gataḥ svargavāsaṃ tu nyavasanmuditaḥ sukhī / kālasya nātimahataḥ punaḥ śakreṇa pātitaḥ
Sanskrit only: no published translation is held for this verse.
विवशः प्रच्युतः स्वर्गाद् अप्राप्तो मेदिनीतलम् । स्थितश्चासीद् अन्तरिक्षे स तदेति श्रुतं मया
vivaśaḥ pracyutaḥ svargād aprāpto medinītalam / sthitaścāsīd antarikṣe sa tadeti śrutaṃ mayā
Sanskrit only: no published translation is held for this verse.
तत एव पुनश्चापि गतः स्वर्गमिति श्रुतिः । राज्ञा वसुमता सार्धम् अष्टकेन च वीर्यवान् । प्रतर्दनेन शिबिना समेत्य किल संसदि
tata eva punaścāpi gataḥ svargamiti śrutiḥ / rājñā vasumatā sārdham aṣṭakena ca vīryavān / pratardanena śibinā sametya kila saṃsadi
Sanskrit only: no published translation is held for this verse.
*शतानीक उवाच कर्मणा केन स दिवं पुनः प्राप्तो महीपतिः । कथमिन्द्रेण भगवन् पातितो मेदिनीतले
*śatānīka uvāca karmaṇā kena sa divaṃ punaḥ prāpto mahīpatiḥ / kathamindreṇa bhagavan pātito medinītale
Sanskrit only: no published translation is held for this verse.
सर्वमेतद् अशेषेण श्रोतुमिच्छामि तत्त्वतः । कथ्यमानं त्वया विप्र देवर्षिगणसंनिधौ
sarvametad aśeṣeṇa śrotumicchāmi tattvataḥ / kathyamānaṃ tvayā vipra devarṣigaṇasaṃnidhau
Sanskrit only: no published translation is held for this verse.
देवराजसमो ह्य् आसीद् ययातिः पृथिवीपतिः । वर्धनः कुरुवंशस्य विभावसुसमद्युतिः
devarājasamo hy āsīd yayātiḥ pṛthivīpatiḥ / vardhanaḥ kuruvaṃśasya vibhāvasusamadyutiḥ
Sanskrit only: no published translation is held for this verse.
तस्य विस्तीर्णयशसः सत्यकीर्तेर् महात्मनः । श्रोतुमिच्छामि देवेश दिवि चेह च सर्वशः
tasya vistīrṇayaśasaḥ satyakīrter mahātmanaḥ / śrotumicchāmi deveśa divi ceha ca sarvaśaḥ
Sanskrit only: no published translation is held for this verse.
*शौनक उवाच हन्त ते कथयिष्यामि ययातेरुत्तमां कथाम् । दिवि चेह च पुण्यार्थां सर्वपापप्रणाशिनीम्
*śaunaka uvāca hanta te kathayiṣyāmi yayāteruttamāṃ kathām / divi ceha ca puṇyārthāṃ sarvapāpapraṇāśinīm
Sanskrit only: no published translation is held for this verse.
ययातिर्नाहुषो राजा पूरुं पुत्रं कनीयसम् । राज्ये ऽभिषिच्य मुदितः प्रवव्राज वनं तदा
yayātirnāhuṣo rājā pūruṃ putraṃ kanīyasam / rājye 'bhiṣicya muditaḥ pravavrāja vanaṃ tadā
Sanskrit only: no published translation is held for this verse.
अन्तेषु स विनिक्षिप्य पुत्रान् यदुपुरोगमान् । फलमूलाशनो राजा वने ऽसौ न्यवसच्चिरम्
anteṣu sa vinikṣipya putrān yadupurogamān / phalamūlāśano rājā vane 'sau nyavasacciram
Sanskrit only: no published translation is held for this verse.
स जितात्मा जितक्रोधस् तर्पयन् पितृदेवताः । अग्नींश्च विधिवज्जुह्वन् वानप्रस्थविधानतः
sa jitātmā jitakrodhas tarpayan pitṛdevatāḥ / agnīṃśca vidhivajjuhvan vānaprasthavidhānataḥ
Sanskrit only: no published translation is held for this verse.
अतिथीन् पूजयन्नित्यं वन्येन हविषा विभुः । शिलोञ्छवृत्तिमास्थाय शेषान्नकृतभोजनः
atithīn pūjayannityaṃ vanyena haviṣā vibhuḥ / śiloñchavṛttimāsthāya śeṣānnakṛtabhojanaḥ
Sanskrit only: no published translation is held for this verse.
पूर्णं सहस्रं वर्षाणाम् एवंवृत्तिर् अभून्नृपः । अम्बुभक्षः स चाब्दांस्त्रीन् आसीन् नियतवाङ्मनाः
pūrṇaṃ sahasraṃ varṣāṇām evaṃvṛttir abhūnnṛpaḥ / ambubhakṣaḥ sa cābdāṃstrīn āsīn niyatavāṅmanāḥ
Sanskrit only: no published translation is held for this verse.
ततस्तु वायुभक्षो ऽभूत् संवत्सरमतन्द्रितः । पञ्चाग्निमध्ये च तपस् तेपे संवत्सरं पुनः
tatastu vāyubhakṣo 'bhūt saṃvatsaramatandritaḥ / pañcāgnimadhye ca tapas tepe saṃvatsaraṃ punaḥ
Sanskrit only: no published translation is held for this verse.
एकपादस्थितश्चासीत् षण्मासान् अनिलाशनः । पुण्यकीर्तिस्ततः स्वर्गं जगामावृत्य रोदसी
ekapādasthitaścāsīt ṣaṇmāsān anilāśanaḥ / puṇyakīrtistataḥ svargaṃ jagāmāvṛtya rodasī
Sanskrit only: no published translation is held for this verse.