* इन्द्र उवाच सर्वाणि कार्याणि समाप्य राजन् गृहान्परित्यज्य वनं गतो ऽसि । तत्त्वां पृच्छामि नहुषस्य पुत्र केनापि तुल्यस्तपसा ययाते
* indra uvāca sarvāṇi kāryāṇi samāpya rājan gṛhānparityajya vanaṃ gato 'si / tattvāṃ pṛcchāmi nahuṣasya putra kenāpi tulyastapasā yayāte
Sanskrit only: no published translation is held for this verse.
*ययातिरुवाच नाहं देवमनुष्येषु न गन्धर्वमहर्षिषु । आत्मनस्तपसा तुल्यं कंचित्पश्यामि वासव
*yayātiruvāca nāhaṃ devamanuṣyeṣu na gandharvamaharṣiṣu / ātmanastapasā tulyaṃ kaṃcitpaśyāmi vāsava
Sanskrit only: no published translation is held for this verse.
*इन्द्र उवाच यदावमंस्थाः सदृशः श्रेयसश्च पापीयसश् चाविदितप्रभावः । तस्माल्लोका ह्य् अन्तवन्तस्तवेमे क्षीणे पुण्ये पतितो ऽस्यद्य राजन्
*indra uvāca yadāvamaṃsthāḥ sadṛśaḥ śreyasaśca pāpīyasaś cāviditaprabhāvaḥ / tasmāllokā hy antavantastaveme kṣīṇe puṇye patito 'syadya rājan
Sanskrit only: no published translation is held for this verse.
*ययातिरुवाच सुरर्षिगन्धर्वनरावमानात् क्षयं गता मे यदि शक्रलोकाः । इच्छाम्यहं सुरलोकाद्विहीनः सतां मध्ये पतितुं देवराज
*yayātiruvāca surarṣigandharvanarāvamānāt kṣayaṃ gatā me yadi śakralokāḥ / icchāmyahaṃ suralokādvihīnaḥ satāṃ madhye patituṃ devarāja
Sanskrit only: no published translation is held for this verse.
*इन्द्र उवाच सतां सकाशे पतितो ऽसि राजंश् च्युतः प्रतिष्ठां यत्र लब्धासि भूयः । एवं विदित्वा तु पुनर्ययाते न ते ऽवमान्याः सदृशः श्रेयसे च
*indra uvāca satāṃ sakāśe patito 'si rājaṃś cyutaḥ pratiṣṭhāṃ yatra labdhāsi bhūyaḥ / evaṃ viditvā tu punaryayāte na te 'vamānyāḥ sadṛśaḥ śreyase ca
Sanskrit only: no published translation is held for this verse.
*शौनक उवाच ततः पपातामरराजजुष्टात् पुण्याल्लोकात्पतमानं ययातिम् । सम्प्रेक्ष्य राजर्षिवरो ऽष्टकस् तम् उवाच सद्धर्मविधानगोप्ता
*śaunaka uvāca tataḥ papātāmararājajuṣṭāt puṇyāllokātpatamānaṃ yayātim / samprekṣya rājarṣivaro 'ṣṭakas tam uvāca saddharmavidhānagoptā
Sanskrit only: no published translation is held for this verse.
*अष्टक उवाच कस्त्वं युवा वासवतुल्यरूपः स्वतेजसा दीप्यमानो यथाग्निः । पतस्युदीर्णाम्बुधरप्रकाशः खे खेचराणां प्रवरो यथार्कः
*aṣṭaka uvāca kastvaṃ yuvā vāsavatulyarūpaḥ svatejasā dīpyamāno yathāgniḥ / patasyudīrṇāmbudharaprakāśaḥ khe khecarāṇāṃ pravaro yathārkaḥ
Sanskrit only: no published translation is held for this verse.
दृष्ट्वा च त्वां सूर्यपथात्पतन्तं वैश्वानरार्कद्युतिमप्रमेयम् । किंनुस्विद् एतत् पततीव सर्वे वितर्कयन्तः परिमोहिताः स्मः
dṛṣṭvā ca tvāṃ sūryapathātpatantaṃ vaiśvānarārkadyutimaprameyam / kiṃnusvid etat patatīva sarve vitarkayantaḥ parimohitāḥ smaḥ
Sanskrit only: no published translation is held for this verse.
दृष्ट्वा च त्वाधिष्ठितं देवमार्गे शक्रार्कविष्णुप्रतिमप्रभावम् । प्रत्युद्गतास्त्वां वयमद्य सर्वे तस्मात्पाते तव जिज्ञासमानाः
dṛṣṭvā ca tvādhiṣṭhitaṃ devamārge śakrārkaviṣṇupratimaprabhāvam / pratyudgatāstvāṃ vayamadya sarve tasmātpāte tava jijñāsamānāḥ
Sanskrit only: no published translation is held for this verse.
न चापि त्वां धृष्णवः प्रष्टुम् अग्रे न च त्वमस्मान्पृच्छसि के वयं स्म । तत्त्वां पृच्छामि स्पृहणीयरूपं कस्य त्वं वा किंनिमित्तं त्वमागाः
na cāpi tvāṃ dhṛṣṇavaḥ praṣṭum agre na ca tvamasmānpṛcchasi ke vayaṃ sma / tattvāṃ pṛcchāmi spṛhaṇīyarūpaṃ kasya tvaṃ vā kiṃnimittaṃ tvamāgāḥ
Sanskrit only: no published translation is held for this verse.
भयं तु ते व्येतु विषादमोहौ त्यजाशु देवेन्द्रसमानरूप । त्वां वर्तमानं हि सतां सकाशे शक्रो न सोढुं बलहापि शक्तः
bhayaṃ tu te vyetu viṣādamohau tyajāśu devendrasamānarūpa / tvāṃ vartamānaṃ hi satāṃ sakāśe śakro na soḍhuṃ balahāpi śaktaḥ
Sanskrit only: no published translation is held for this verse.
सन्तः प्रतिष्ठा हि सुखच्युतानां सतां सदैवामरराजकल्प । ते संगताः स्थावरजङ्गमेशाः प्रतिष्ठितस्त्वं सदृशेषु सत्सु
santaḥ pratiṣṭhā hi sukhacyutānāṃ satāṃ sadaivāmararājakalpa / te saṃgatāḥ sthāvarajaṅgameśāḥ pratiṣṭhitastvaṃ sadṛśeṣu satsu
Sanskrit only: no published translation is held for this verse.
प्रभुरग्निः प्रतपने भूमिरावपने प्रभुः । प्रभुः सूर्यः प्रकाशाच्च सतां चाभ्यागतः प्रभुः
prabhuragniḥ pratapane bhūmirāvapane prabhuḥ / prabhuḥ sūryaḥ prakāśācca satāṃ cābhyāgataḥ prabhuḥ
Sanskrit only: no published translation is held for this verse.