*सूत उवाच इत्येतच्छौनकाद्राजा शतानीको निशम्य तु । विस्मितः परया प्रीत्या पूर्णचन्द्र इवाबभौ
*sūta uvāca ityetacchaunakādrājā śatānīko niśamya tu / vismitaḥ parayā prītyā pūrṇacandra ivābabhau
Sanskrit only: no published translation is held for this verse.
पूजयामास नृपतिर् विधिवच्चाथ शौनकम् । रत्नैर्गोभिः सुवर्णैश्च वासोभिर्विविधैस्तथा
pūjayāmāsa nṛpatir vidhivaccātha śaunakam / ratnairgobhiḥ suvarṇaiśca vāsobhirvividhaistathā
Sanskrit only: no published translation is held for this verse.
प्रतिगृह्य ततः सर्वं यद्राज्ञा प्रहितं धनम् । दत्त्वा च ब्राह्मणेभ्यश्च शौनको ऽन्तरधीयत
pratigṛhya tataḥ sarvaṃ yadrājñā prahitaṃ dhanam / dattvā ca brāhmaṇebhyaśca śaunako 'ntaradhīyata
Sanskrit only: no published translation is held for this verse.
*ऋषय ऊचुः ययातेर्वंशमिच्छामः श्रोतुं विस्तरतो वद । यदुप्रभृतिभिः पुत्रैर् यदा लोके प्रतिष्ठितम्
*ṛṣaya ūcuḥ yayātervaṃśamicchāmaḥ śrotuṃ vistarato vada / yaduprabhṛtibhiḥ putrair yadā loke pratiṣṭhitam
Sanskrit only: no published translation is held for this verse.
*सूत उवाच यदोर्वंशं प्रवक्ष्यामि ज्येष्ठस्योत्तमतेजसः । विस्तरेणानुपूर्व्या च गदतो मे निबोधत
*sūta uvāca yadorvaṃśaṃ pravakṣyāmi jyeṣṭhasyottamatejasaḥ / vistareṇānupūrvyā ca gadato me nibodhata
Sanskrit only: no published translation is held for this verse.
यदोः पुत्रा बभूवुर्हि पञ्च देवसुतोपमाः । महारथा महेष्वासा नामतस्तान्निबोधत
yadoḥ putrā babhūvurhi pañca devasutopamāḥ / mahārathā maheṣvāsā nāmatastānnibodhata
Sanskrit only: no published translation is held for this verse.
सहस्रजिर् अथो ज्येष्ठः क्रोष्टुर्नीलो ऽन्तिको लघुः । सहस्रजेस्तु दायादः शतजिर्नाम पार्थिवः
sahasrajir atho jyeṣṭhaḥ kroṣṭurnīlo 'ntiko laghuḥ / sahasrajestu dāyādaḥ śatajirnāma pārthivaḥ
Sanskrit only: no published translation is held for this verse.
शतजेरपि दायादास् त्रयः परमकीर्तयः । हैहयश्च हयश्चैव तथा वेणुहयश्च यः
śatajerapi dāyādās trayaḥ paramakīrtayaḥ / haihayaśca hayaścaiva tathā veṇuhayaśca yaḥ
Sanskrit only: no published translation is held for this verse.
हैहयस्य तु दायादो धर्मनेत्रः प्रतिश्रुतः । धर्मनेत्रस्य कुन्तिस्तु संहतस्तस्य चात्मजः
haihayasya tu dāyādo dharmanetraḥ pratiśrutaḥ / dharmanetrasya kuntistu saṃhatastasya cātmajaḥ
Sanskrit only: no published translation is held for this verse.
संहतस्य तु दायादो महिष्मान्नाम पार्थिवः । आसीन्महिष्मतः पुत्रो रुद्रश्रेण्यः प्रतापवान्
saṃhatasya tu dāyādo mahiṣmānnāma pārthivaḥ / āsīnmahiṣmataḥ putro rudraśreṇyaḥ pratāpavān
Sanskrit only: no published translation is held for this verse.
वाराणस्याम् अभूद्राजा कथितं पूर्वमेव तु । रुद्रश्रेण्यस्य पुत्रो ऽभूद् दुर्दमो नाम पार्थिवः
vārāṇasyām abhūdrājā kathitaṃ pūrvameva tu / rudraśreṇyasya putro 'bhūd durdamo nāma pārthivaḥ
Sanskrit only: no published translation is held for this verse.
दुर्दमस्य सुतो धीमान् कनको नाम वीर्यवान् । कनकस्य तु दायादाश् चत्वारो लोकविश्रुताः
durdamasya suto dhīmān kanako nāma vīryavān / kanakasya tu dāyādāś catvāro lokaviśrutāḥ
Sanskrit only: no published translation is held for this verse.
कृतवीर्यः कृताग्निश्च कृतवर्मा तथैव च । कृतौजाश्च चतुर्थो ऽभूत् कृतवीर्यात्ततो ऽर्जुनः
kṛtavīryaḥ kṛtāgniśca kṛtavarmā tathaiva ca / kṛtaujāśca caturtho 'bhūt kṛtavīryāttato 'rjunaḥ
Sanskrit only: no published translation is held for this verse.
जातः करसहस्रेण सप्तद्वीपेश्वरो नृपः । वर्षायुतं तपस्तेपे दुश्चरं पृथिवीपतिः
jātaḥ karasahasreṇa saptadvīpeśvaro nṛpaḥ / varṣāyutaṃ tapastepe duścaraṃ pṛthivīpatiḥ
Sanskrit only: no published translation is held for this verse.
दत्तमाराधयामास कार्तवीर्यो ऽत्रिसम्भवम् । तस्मै दत्ता वरास्तेन चत्वारः पुरुषोत्तम
dattamārādhayāmāsa kārtavīryo 'trisambhavam / tasmai dattā varāstena catvāraḥ puruṣottama
Sanskrit only: no published translation is held for this verse.
पूर्वं बाहुसहस्रं तु स वव्रे राजसत्तमः । अधर्मं चरमाणस्य सद्भिश्चापि निवारणम्
pūrvaṃ bāhusahasraṃ tu sa vavre rājasattamaḥ / adharmaṃ caramāṇasya sadbhiścāpi nivāraṇam
Sanskrit only: no published translation is held for this verse.
युद्धेन पृथिवीं जित्वा धर्मेणैवानुपालनम् । संग्रामे वर्तमानस्य वधश्चैवाधिकाद्भवेत्
yuddhena pṛthivīṃ jitvā dharmeṇaivānupālanam / saṃgrāme vartamānasya vadhaścaivādhikādbhavet
Sanskrit only: no published translation is held for this verse.
तेनेयं पृथिवी सर्वा सप्तद्वीपा सपर्वता । सप्तोदधिपरिक्षिप्ता क्षात्त्रेण विधिना जिता
teneyaṃ pṛthivī sarvā saptadvīpā saparvatā / saptodadhiparikṣiptā kṣāttreṇa vidhinā jitā
Sanskrit only: no published translation is held for this verse.
जज्ञे बाहुसहस्रं वै इच्छतस्तस्य धीमतः । रथो ध्वजश्च संजज्ञ इत्येवमनुशुश्रुम
jajñe bāhusahasraṃ vai icchatastasya dhīmataḥ / ratho dhvajaśca saṃjajña ityevamanuśuśruma
Sanskrit only: no published translation is held for this verse.
दश यज्ञसहस्राणि राज्ञां द्वीपेषु वै तदा । निरर्गलानि वृत्तानि श्रूयन्ते तस्य धीमतः
daśa yajñasahasrāṇi rājñāṃ dvīpeṣu vai tadā / nirargalāni vṛttāni śrūyante tasya dhīmataḥ
Sanskrit only: no published translation is held for this verse.
सर्वे यज्ञा महाराज्ञस् तस्यासन् भूरिदक्षिणाः । सर्वे काञ्चनयूपास्ते सर्वाः काञ्चनवेदिकाः
sarve yajñā mahārājñas tasyāsan bhūridakṣiṇāḥ / sarve kāñcanayūpāste sarvāḥ kāñcanavedikāḥ
Sanskrit only: no published translation is held for this verse.
सर्वे देवैः समं प्राप्तैर् विमानस्थैरलंकृताः । गन्धर्वैरप्सरोभिश्च नित्यमेवोपशोभिताः
sarve devaiḥ samaṃ prāptair vimānasthairalaṃkṛtāḥ / gandharvairapsarobhiśca nityamevopaśobhitāḥ
Sanskrit only: no published translation is held for this verse.
तस्य यज्ञे जगौ गाथां गन्धर्वो नारदस्तथा । कार्तवीर्यस्य राजर्षेर् महिमानं निरीक्ष्य सः
tasya yajñe jagau gāthāṃ gandharvo nāradastathā / kārtavīryasya rājarṣer mahimānaṃ nirīkṣya saḥ
Sanskrit only: no published translation is held for this verse.
न नूनं कार्तवीर्यस्य गतिं यास्यन्ति क्षत्रियाः । यज्ञैर्दानैस्तपोभिश्च विक्रमेण श्रुतेन च
na nūnaṃ kārtavīryasya gatiṃ yāsyanti kṣatriyāḥ / yajñairdānaistapobhiśca vikrameṇa śrutena ca
Sanskrit only: no published translation is held for this verse.
स हि सप्तसु द्वीपेषु खड्गी चक्री शरासनी । रथी द्वीपान्यनुचरन् योगी पश्यति तस्करान्
sa hi saptasu dvīpeṣu khaḍgī cakrī śarāsanī / rathī dvīpānyanucaran yogī paśyati taskarān
Sanskrit only: no published translation is held for this verse.
पञ्चाशीतिसहस्राणि वर्षाणां स नराधिपः । स सर्वरत्नसम्पूर्णश् चक्रवर्ती बभूव ह
pañcāśītisahasrāṇi varṣāṇāṃ sa narādhipaḥ / sa sarvaratnasampūrṇaś cakravartī babhūva ha
Sanskrit only: no published translation is held for this verse.
स एव पशुपालो ऽभूत् क्षेत्रपालः स एव हि । स एव वृष्ट्या पर्जन्यो योगित्वादर्जुनो ऽभवत्
sa eva paśupālo 'bhūt kṣetrapālaḥ sa eva hi / sa eva vṛṣṭyā parjanyo yogitvādarjuno 'bhavat
Sanskrit only: no published translation is held for this verse.
यो ऽसौ बाहुसहस्रेण ज्याघातकठिनत्वचा । भाति रश्मिसहस्रेण शारदेनेव भास्करः
yo 'sau bāhusahasreṇa jyāghātakaṭhinatvacā / bhāti raśmisahasreṇa śāradeneva bhāskaraḥ
Sanskrit only: no published translation is held for this verse.
एष नागं मनुष्येषु माहिष्मत्यां महाद्युतिः । कर्कोटकसुतं जित्वा पुर्यां तत्र न्यवेशयत्
eṣa nāgaṃ manuṣyeṣu māhiṣmatyāṃ mahādyutiḥ / karkoṭakasutaṃ jitvā puryāṃ tatra nyaveśayat
Sanskrit only: no published translation is held for this verse.
एष वेगं समुद्रस्य प्रावृट्काले भजेत वै । क्रीडन्नेव सुखोद्भिन्नः प्रतिस्रोतो महीपतिः
eṣa vegaṃ samudrasya prāvṛṭkāle bhajeta vai / krīḍanneva sukhodbhinnaḥ pratisroto mahīpatiḥ
Sanskrit only: no published translation is held for this verse.
ललता क्रीडता तेन प्रतिस्रग्दाममालिनी । ऊर्मिभ्रुकुटिसंत्रासाच् चकिताभ्येति नर्मदा
lalatā krīḍatā tena pratisragdāmamālinī / ūrmibhrukuṭisaṃtrāsāc cakitābhyeti narmadā
Sanskrit only: no published translation is held for this verse.
एको बाहुसहस्रेण वगाहे स महार्णवम् । करोत्युद्वृत्तवेगां तु नर्मदां प्रावृडुद्धताम्
eko bāhusahasreṇa vagāhe sa mahārṇavam / karotyudvṛttavegāṃ tu narmadāṃ prāvṛḍuddhatām
Sanskrit only: no published translation is held for this verse.
तस्य बाहुसहस्रेण क्षोभ्यमाणे महोदधौ । भवन्त्यतीव निश्चेष्टाः पातालस्था महासुराः
tasya bāhusahasreṇa kṣobhyamāṇe mahodadhau / bhavantyatīva niśceṣṭāḥ pātālasthā mahāsurāḥ
Sanskrit only: no published translation is held for this verse.
चूर्णीकृतमहावीचि-लीनमीनमहातिमिम् । मारुताविद्धफेनौघम् आवर्ताक्षिप्तदुःसहम्
cūrṇīkṛtamahāvīci-līnamīnamahātimim / mārutāviddhaphenaugham āvartākṣiptaduḥsaham
Sanskrit only: no published translation is held for this verse.
करोत्यालोडयन्नेव दोःसहस्रेण सागरम् । मन्दरक्षोभचकिता ह्य् अमृतोत्पादशङ्किताः
karotyāloḍayanneva doḥsahasreṇa sāgaram / mandarakṣobhacakitā hy amṛtotpādaśaṅkitāḥ
Sanskrit only: no published translation is held for this verse.
तदा निश्चलमूर्धानो भवन्ति च महोरगाः । सायाह्ने कदलीखण्डा निर्वातस्तिमिता इव
tadā niścalamūrdhāno bhavanti ca mahoragāḥ / sāyāhne kadalīkhaṇḍā nirvātastimitā iva
Sanskrit only: no published translation is held for this verse.
एवं बद्ध्वा धनुर्ज्यायाम् उत्सिक्तं पञ्चभिः शरैः । लङ्कायां मोहयित्वा तु सबलं रावणं बलात्
evaṃ baddhvā dhanurjyāyām utsiktaṃ pañcabhiḥ śaraiḥ / laṅkāyāṃ mohayitvā tu sabalaṃ rāvaṇaṃ balāt
Sanskrit only: no published translation is held for this verse.
निर्जित्य बद्ध्वा चानीय माहिष्मत्यां बबन्ध च । ततो गत्वा पुलस्त्यस्तु ह्य् अर्जुनं संप्रसादयन्
nirjitya baddhvā cānīya māhiṣmatyāṃ babandha ca / tato gatvā pulastyastu hy arjunaṃ saṃprasādayan
Sanskrit only: no published translation is held for this verse.
मुमोच रक्षः पौलस्त्यं पुलस्त्येनेह सान्त्वितम् । तस्य बाहुसहस्रेण बभूव ज्यातलस्वनः
mumoca rakṣaḥ paulastyaṃ pulastyeneha sāntvitam / tasya bāhusahasreṇa babhūva jyātalasvanaḥ
Sanskrit only: no published translation is held for this verse.
युगान्ताभ्रसहस्रस्य आस्फोटस्त्वशनेरिव । अहो बत विधेर्वीर्यं भार्गवो ऽयं यदाछिनत्
yugāntābhrasahasrasya āsphoṭastvaśaneriva / aho bata vidhervīryaṃ bhārgavo 'yaṃ yadāchinat
Sanskrit only: no published translation is held for this verse.
तद्वै सहस्रं बाहूनां हेमतालवनं यथा । यत्रापवस्तु संक्रुद्धो ह्य् अर्जुनं शप्तवान्प्रभुः
tadvai sahasraṃ bāhūnāṃ hematālavanaṃ yathā / yatrāpavastu saṃkruddho hy arjunaṃ śaptavānprabhuḥ
Sanskrit only: no published translation is held for this verse.
यस्माद्वनं प्रदग्धं वै विश्रुतं मम हैहय । तस्मात्ते दुष्करं कर्म कृतमन्यो हरिष्यति
yasmādvanaṃ pradagdhaṃ vai viśrutaṃ mama haihaya / tasmātte duṣkaraṃ karma kṛtamanyo hariṣyati
Sanskrit only: no published translation is held for this verse.
छित्त्वा बाहुसहस्रं ते प्रथमं तरसा बली । तपस्वी ब्राह्मणश्च त्वां स वधिष्यति भार्गव
chittvā bāhusahasraṃ te prathamaṃ tarasā balī / tapasvī brāhmaṇaśca tvāṃ sa vadhiṣyati bhārgava
Sanskrit only: no published translation is held for this verse.
*सूत उवाच तस्य रामस्तदा त्व् आसीन् मृत्युः शापेन धीमतः । वरश्चैव तु राजर्षेः स्वयमेव वृतः पुरा
*sūta uvāca tasya rāmastadā tv āsīn mṛtyuḥ śāpena dhīmataḥ / varaścaiva tu rājarṣeḥ svayameva vṛtaḥ purā
Sanskrit only: no published translation is held for this verse.
तस्य पुत्रशतं त्व् आसीत् पञ्च तत्र महारथाः । कृतास्त्रा बलिनः शूरा धर्मात्मानो महाबलाः
tasya putraśataṃ tv āsīt pañca tatra mahārathāḥ / kṛtāstrā balinaḥ śūrā dharmātmāno mahābalāḥ
Sanskrit only: no published translation is held for this verse.
शूरसेनश्च शूरश्च धृष्टः क्रोष्टुस्तथैव च । जयध्वजश्च वैकर्ता अवन्तिश्च विशांपते
śūrasenaśca śūraśca dhṛṣṭaḥ kroṣṭustathaiva ca / jayadhvajaśca vaikartā avantiśca viśāṃpate
Sanskrit only: no published translation is held for this verse.
जयध्वजस्य पुत्रस्तु तालजङ्घो महाबलः । तस्य पुत्रशतान्येव तालजङ्घा इति श्रुताः
jayadhvajasya putrastu tālajaṅgho mahābalaḥ / tasya putraśatānyeva tālajaṅghā iti śrutāḥ
Sanskrit only: no published translation is held for this verse.
तेषां पञ्च कुलाः ख्याता हैहयानां महात्मनाम् । वीतिहोत्राश्च शार्यातो भोजाश्चावन्तयस्तथा
teṣāṃ pañca kulāḥ khyātā haihayānāṃ mahātmanām / vītihotrāśca śāryāto bhojāścāvantayastathā
Sanskrit only: no published translation is held for this verse.
कुण्डिकेराश्च विक्रान्तास् तालजङ्घास् तथैव च । वीतिहोत्रसुतश्चापि आनर्तो नाम वीर्यवान् । दुर्जेयस्तस्य पुत्रस्तु बभूव मित्रकर्शनः
kuṇḍikerāśca vikrāntās tālajaṅghās tathaiva ca / vītihotrasutaścāpi ānarto nāma vīryavān / durjeyastasya putrastu babhūva mitrakarśanaḥ
Sanskrit only: no published translation is held for this verse.
सद्भावेन महाराज प्रजा धर्मेण पालयन् । कार्तवीर्यार्जुनो नाम राजा बाहुसहस्रवान्
sadbhāvena mahārāja prajā dharmeṇa pālayan / kārtavīryārjuno nāma rājā bāhusahasravān
Sanskrit only: no published translation is held for this verse.
येन सागरपर्यन्ता धनुषा निर्जिता मही । यस्तस्य कीर्तयेन्नाम कल्यमुत्थाय मानवः
yena sāgaraparyantā dhanuṣā nirjitā mahī / yastasya kīrtayennāma kalyamutthāya mānavaḥ
Sanskrit only: no published translation is held for this verse.
न तस्य वित्तनाशः स्यान् नष्टं च लभते पुनः । कार्तवीर्यस्य यो जन्म कथयेदिह धीमतः । यथावत्स्विष्टपूतात्मा स्वर्गलोके महीयते
na tasya vittanāśaḥ syān naṣṭaṃ ca labhate punaḥ / kārtavīryasya yo janma kathayediha dhīmataḥ / yathāvatsviṣṭapūtātmā svargaloke mahīyate
Sanskrit only: no published translation is held for this verse.