*ऋषय ऊचुः किमर्थं तद्वनं दग्धम् आपवस्य महात्मनः । कार्तवीर्येण विक्रम्य सूत प्रब्रूहि तत्त्वतः
*ṛṣaya ūcuḥ kimarthaṃ tadvanaṃ dagdham āpavasya mahātmanaḥ / kārtavīryeṇa vikramya sūta prabrūhi tattvataḥ
Sanskrit only: no published translation is held for this verse.
रक्षिता स तु राजर्षिः प्रजानामिति नः श्रुतम् । स कथं रक्षिता भूत्वा अदहत्तत्तपोवनम्
rakṣitā sa tu rājarṣiḥ prajānāmiti naḥ śrutam / sa kathaṃ rakṣitā bhūtvā adahattattapovanam
Sanskrit only: no published translation is held for this verse.
*सूत उवाच आदित्यो द्विजरूपेण कार्तवीर्यमुपस्थितः । तृप्तिमेकां प्रयच्छस्व आदित्यो ऽहं नरेश्वर
*sūta uvāca ādityo dvijarūpeṇa kārtavīryamupasthitaḥ / tṛptimekāṃ prayacchasva ādityo 'haṃ nareśvara
Sanskrit only: no published translation is held for this verse.
*राजोवाच भगवन्केन तृप्तिस्ते भवत्येव दिवाकर । कीदृशं भोजनं दद्मि हुत्वा तु विदधाम्यहम्
*rājovāca bhagavankena tṛptiste bhavatyeva divākara / kīdṛśaṃ bhojanaṃ dadmi hutvā tu vidadhāmyaham
Sanskrit only: no published translation is held for this verse.
*आदित्य उवाच स्थावरं देहि मे सर्वम् आहारं ददतां वर । तेन तृप्तो भवेयं वै सा मे तृप्तिर्हि पार्थिव
*āditya uvāca sthāvaraṃ dehi me sarvam āhāraṃ dadatāṃ vara / tena tṛpto bhaveyaṃ vai sā me tṛptirhi pārthiva
Sanskrit only: no published translation is held for this verse.
*कार्तवीर्य उवाच न शक्याः स्थावराः सर्वे तेजसा च बलेन च । निर्दग्धुं तपतां श्रेष्ठ तेन त्वां प्रणमाम्यहम्
*kārtavīrya uvāca na śakyāḥ sthāvarāḥ sarve tejasā ca balena ca / nirdagdhuṃ tapatāṃ śreṣṭha tena tvāṃ praṇamāmyaham
Sanskrit only: no published translation is held for this verse.
*आदित्य उवाच तुष्टस्ते ऽहं शरान्दद्मि अक्षयान्सर्वतोमुखान् । ये प्रक्षिप्ता ज्वलिष्यन्ति मम तेजःसमन्विताः
*āditya uvāca tuṣṭaste 'haṃ śarāndadmi akṣayānsarvatomukhān / ye prakṣiptā jvaliṣyanti mama tejaḥsamanvitāḥ
Sanskrit only: no published translation is held for this verse.
आविष्टा मम तेजोभिः शोषयिष्यन्ति स्थावरान् । शुष्कान् भस्मीकरिष्यन्ति तेन तृप्तिर्नराधिप
āviṣṭā mama tejobhiḥ śoṣayiṣyanti sthāvarān / śuṣkān bhasmīkariṣyanti tena tṛptirnarādhipa
Sanskrit only: no published translation is held for this verse.
*सूत उवाच ततः शरांस्तदादित्यस् त्व् अर्जुनाय प्रयच्छत । ततो ददाह सम्प्राप्तान् स्थावरान् सर्वमेव च
*sūta uvāca tataḥ śarāṃstadādityas tv arjunāya prayacchata / tato dadāha samprāptān sthāvarān sarvameva ca
Sanskrit only: no published translation is held for this verse.
ग्रामांस्तथाश्रमांश्चैव घोषाणि नगराणि च । तपोवनानि रम्याणि वनान्युपवनानि च
grāmāṃstathāśramāṃścaiva ghoṣāṇi nagarāṇi ca / tapovanāni ramyāṇi vanānyupavanāni ca
Sanskrit only: no published translation is held for this verse.
एवं प्राचीमन्वदहत् ततः सर्वां स दक्षिणाम् । निर्वृक्षा निस्तृणा भूमिर् हता घोरेण तेजसा
evaṃ prācīmanvadahat tataḥ sarvāṃ sa dakṣiṇām / nirvṛkṣā nistṛṇā bhūmir hatā ghoreṇa tejasā
Sanskrit only: no published translation is held for this verse.
एतस्मिन्नेव काले तु आपवो जलमास्थितः । दश वर्षसहस्राणि तत्रास्ते स महानृषिः
etasminneva kāle tu āpavo jalamāsthitaḥ / daśa varṣasahasrāṇi tatrāste sa mahānṛṣiḥ
Sanskrit only: no published translation is held for this verse.
पूर्णे व्रते महातेजा उदतिष्ठंस्तपोधनः । सो ऽपश्यदाश्रमं दग्धम् अर्जुनेन महामुनिः
pūrṇe vrate mahātejā udatiṣṭhaṃstapodhanaḥ / so 'paśyadāśramaṃ dagdham arjunena mahāmuniḥ
Sanskrit only: no published translation is held for this verse.
क्रोधाच्छशाप राजर्षिं कीर्तितं वो यथा मया । क्रोष्टोः शृणुत राजर्षेर् वंशमुत्तमपौरुषम्
krodhācchaśāpa rājarṣiṃ kīrtitaṃ vo yathā mayā / kroṣṭoḥ śṛṇuta rājarṣer vaṃśamuttamapauruṣam
Sanskrit only: no published translation is held for this verse.
यस्यान्ववाये सम्भूतो विष्णुर्वृष्णिकुलोद्वहः । क्रोष्टोरेवाभवत्पुत्रो वृजिनीवान्महारथः
yasyānvavāye sambhūto viṣṇurvṛṣṇikulodvahaḥ / kroṣṭorevābhavatputro vṛjinīvānmahārathaḥ
Sanskrit only: no published translation is held for this verse.
वृजिनीवतश्च पुत्रो ऽभूत् स्वाहो नाम महाबलः । स्वाहपुत्रो ऽभवद् राजन् रुषङ्गुर् वदतां वरः
vṛjinīvataśca putro 'bhūt svāho nāma mahābalaḥ / svāhaputro 'bhavad rājan ruṣaṅgur vadatāṃ varaḥ
Sanskrit only: no published translation is held for this verse.
स तु प्रसूतिमिच्छन् वै रुषङ्गुः सौम्यमात्मजम् । चित्रश्चित्ररथश्चास्य पुत्रः कर्मभिरन्वितः
sa tu prasūtimicchan vai ruṣaṅguḥ saumyamātmajam / citraścitrarathaścāsya putraḥ karmabhiranvitaḥ
Sanskrit only: no published translation is held for this verse.
अथ चैत्ररथिवीरो जज्ञे विपुलदक्षिणः । शशबिन्दुरिति ख्यातश् चक्रवर्ती बभूव ह
atha caitrarathivīro jajñe vipuladakṣiṇaḥ / śaśabinduriti khyātaś cakravartī babhūva ha
Sanskrit only: no published translation is held for this verse.
अत्रानुवंशश्लोको ऽयं गीतस् तस्मिन्पुराभवत् । शशबिन्दोस्तु पुत्राणां शतानाम् अभवच्छतम्
atrānuvaṃśaśloko 'yaṃ gītas tasminpurābhavat / śaśabindostu putrāṇāṃ śatānām abhavacchatam
Sanskrit only: no published translation is held for this verse.
धीमतां चाभिरूपाणां भूरिद्रविणतेजसाम् । तेषां शतप्रधानानां पृथुसाह्वा महाबलाः
dhīmatāṃ cābhirūpāṇāṃ bhūridraviṇatejasām / teṣāṃ śatapradhānānāṃ pṛthusāhvā mahābalāḥ
Sanskrit only: no published translation is held for this verse.
पृथुश्रवाः पृथुयशाः पृथुधर्मा पृथुंजयः । पृथुकीर्तिः पृथुमना राजानः शशबिन्दवः
pṛthuśravāḥ pṛthuyaśāḥ pṛthudharmā pṛthuṃjayaḥ / pṛthukīrtiḥ pṛthumanā rājānaḥ śaśabindavaḥ
Sanskrit only: no published translation is held for this verse.
शंसन्ति च पुराणज्ञाः पृथुश्रवसमुत्तमम् । अन्तरस्य सुयज्ञस्य सुयज्ञस्तनयो ऽभवत्
śaṃsanti ca purāṇajñāḥ pṛthuśravasamuttamam / antarasya suyajñasya suyajñastanayo 'bhavat
Sanskrit only: no published translation is held for this verse.
उशना तु सुयज्ञस्य यो रक्षन्पृथिवीमिमाम् । आजहाराश्वमेधानां शतमुत्तमधार्मिकः
uśanā tu suyajñasya yo rakṣanpṛthivīmimām / ājahārāśvamedhānāṃ śatamuttamadhārmikaḥ
Sanskrit only: no published translation is held for this verse.
तितिक्षुरभवत्पुत्र औशनः शत्रुतापनः । मरुत्तस्तस्य तनयो राजर्षीणामनुत्तमः
titikṣurabhavatputra auśanaḥ śatrutāpanaḥ / maruttastasya tanayo rājarṣīṇāmanuttamaḥ
Sanskrit only: no published translation is held for this verse.
आसीन्मरुत्ततनयौ वीरः कम्बलबर्हिषः । पुत्रस्तु रुक्मकवचो विद्वान्कम्बलबर्हिषः
āsīnmaruttatanayau vīraḥ kambalabarhiṣaḥ / putrastu rukmakavaco vidvānkambalabarhiṣaḥ
Sanskrit only: no published translation is held for this verse.
निहत्य रुक्मकवचः परान्कवचधारिणः । धन्विनो विविधैर्बाणैर् अवाप्य पृथिवीमिमाम्
nihatya rukmakavacaḥ parānkavacadhāriṇaḥ / dhanvino vividhairbāṇair avāpya pṛthivīmimām
Sanskrit only: no published translation is held for this verse.
अश्वमेधे ददौ राजा ब्राह्मणेभ्यस्तु दक्षिणाम् । यज्ञे तु रुक्मकवचः कदाचित्परवीरहा
aśvamedhe dadau rājā brāhmaṇebhyastu dakṣiṇām / yajñe tu rukmakavacaḥ kadācitparavīrahā
Sanskrit only: no published translation is held for this verse.
जज्ञिरे पञ्च पुत्रास्तु महावीर्या धनुर्भृतः । रुक्मेषुः पृथुरुक्मश्च ज्यामघः परिघो हरिः
jajñire pañca putrāstu mahāvīryā dhanurbhṛtaḥ / rukmeṣuḥ pṛthurukmaśca jyāmaghaḥ parigho hariḥ
Sanskrit only: no published translation is held for this verse.
परिघं च हरिं चैव विदेहे ऽस्थापयत्पिता । रुक्मेषुरभवद्राजा पृथुरुक्मस्तदाश्रयः
parighaṃ ca hariṃ caiva videhe 'sthāpayatpitā / rukmeṣurabhavadrājā pṛthurukmastadāśrayaḥ
Sanskrit only: no published translation is held for this verse.
तेभ्यः प्रव्राजितो राज्याज् ज्यामघस्तु तदाश्रमे । प्रशान्तश्चाश्रमस्थश्च ब्राह्मणेनावबोधितः
tebhyaḥ pravrājito rājyāj jyāmaghastu tadāśrame / praśāntaścāśramasthaśca brāhmaṇenāvabodhitaḥ
Sanskrit only: no published translation is held for this verse.
जगाम धनुरादाय देशमन्यं ध्वजी रथी । नर्मदां नृप एकाकी केवलं वृत्तिकामतः
jagāma dhanurādāya deśamanyaṃ dhvajī rathī / narmadāṃ nṛpa ekākī kevalaṃ vṛttikāmataḥ
Sanskrit only: no published translation is held for this verse.
ऋक्षवन्तं गिरिं गत्वा भुक्तमन्यैरुपाविशत् । ज्यामघस्याभवद्भार्या चैत्रा परिणता सती
ṛkṣavantaṃ giriṃ gatvā bhuktamanyairupāviśat / jyāmaghasyābhavadbhāryā caitrā pariṇatā satī
Sanskrit only: no published translation is held for this verse.
अपुत्रो न्यवसद्राजा भार्यामन्यां न विन्दत । तस्यासीद्विजयो युद्धे तत्र कन्यामवाप्य सः
aputro nyavasadrājā bhāryāmanyāṃ na vindata / tasyāsīdvijayo yuddhe tatra kanyāmavāpya saḥ
Sanskrit only: no published translation is held for this verse.
भार्यामुवाच संत्रासात् स्नुषेयं ते शुचिस्मिते । एवमुक्ताब्रवीदेनं कस्य चेयं स्नुषेति च
bhāryāmuvāca saṃtrāsāt snuṣeyaṃ te śucismite / evamuktābravīdenaṃ kasya ceyaṃ snuṣeti ca
Sanskrit only: no published translation is held for this verse.
*राजोवाच यस्ते जनिष्यते पुत्रस् तस्य भार्या भविष्यति । तस्मात्सा तपसोग्रेण कन्यायाः सम्प्रसूयत
*rājovāca yaste janiṣyate putras tasya bhāryā bhaviṣyati / tasmātsā tapasogreṇa kanyāyāḥ samprasūyata
Sanskrit only: no published translation is held for this verse.
पुत्रं विदर्भं सुभगा चैत्रा परिणता सती । राजपुत्र्यां च विद्वान्स स्नुषायां क्रथकैशिकौ । लोमपादं तृतीयं तु पुत्रं परमधार्मिकम्
putraṃ vidarbhaṃ subhagā caitrā pariṇatā satī / rājaputryāṃ ca vidvānsa snuṣāyāṃ krathakaiśikau / lomapādaṃ tṛtīyaṃ tu putraṃ paramadhārmikam
Sanskrit only: no published translation is held for this verse.
तस्यां विदर्भो ऽजनयच् छरान्रणविशारदान् । लोमपादान्मनुः पुत्रा ज्ञातिस्तस्य तु चात्मजः
tasyāṃ vidarbho 'janayac charānraṇaviśāradān / lomapādānmanuḥ putrā jñātistasya tu cātmajaḥ
Sanskrit only: no published translation is held for this verse.
कैशिकस्य चिदिः पुत्रस् तस्माच्चैद्या नृपाः स्मृताः । क्रथो विदर्भपुत्रस्तु कुन्तिस् तस्यात्मजो ऽभवत्
kaiśikasya cidiḥ putras tasmāccaidyā nṛpāḥ smṛtāḥ / kratho vidarbhaputrastu kuntis tasyātmajo 'bhavat
Sanskrit only: no published translation is held for this verse.
कुन्तेर्धृष्टः सुतो जज्ञे रणधृष्टः प्रतापवान् । धृष्टस्य पुत्रो धर्मात्मा निर्वृतिः परवीरहा
kunterdhṛṣṭaḥ suto jajñe raṇadhṛṣṭaḥ pratāpavān / dhṛṣṭasya putro dharmātmā nirvṛtiḥ paravīrahā
Sanskrit only: no published translation is held for this verse.
तदेको निर्वृतेः पुत्रो नाम्ना स तु विदूरथः । दशार्हस्तस्य वै पुत्रो व्योमस्तस्य च वै स्मृतः । दाशार्हाच्चैव व्योमात्तु पुत्रो जीमूत उच्यते
tadeko nirvṛteḥ putro nāmnā sa tu vidūrathaḥ / daśārhastasya vai putro vyomastasya ca vai smṛtaḥ / dāśārhāccaiva vyomāttu putro jīmūta ucyate
Sanskrit only: no published translation is held for this verse.
जीमूतपुत्रो विमलस् तस्य भीमरथः सुतः । सुतो भीमरथस्यासीत् स्मृतो नवरथः किल
jīmūtaputro vimalas tasya bhīmarathaḥ sutaḥ / suto bhīmarathasyāsīt smṛto navarathaḥ kila
Sanskrit only: no published translation is held for this verse.
तस्य चासीद् दृढरथः शकुनिस्तस्य चात्मजः । तस्मात्करम्भः कारम्भिर् देवरातो बभूव ह
tasya cāsīd dṛḍharathaḥ śakunistasya cātmajaḥ / tasmātkarambhaḥ kārambhir devarāto babhūva ha
Sanskrit only: no published translation is held for this verse.
देवक्षत्रो ऽभवद्राजा दैवरातिर्महायशाः । देवगर्भसमो जज्ञे देवनक्षत्रनन्दनः
devakṣatro 'bhavadrājā daivarātirmahāyaśāḥ / devagarbhasamo jajñe devanakṣatranandanaḥ
Sanskrit only: no published translation is held for this verse.
मधुर्नाम महातेजा मधोः पुरवसस् तथा । आसीत् पुरवसात् पुत्रः पुरुद्वान्पुरुषोत्तमः
madhurnāma mahātejā madhoḥ puravasas tathā / āsīt puravasāt putraḥ purudvānpuruṣottamaḥ
Sanskrit only: no published translation is held for this verse.
जन्तुर्जज्ञे ऽथ वैदर्भ्यां भद्रसेन्यां पुरुद्वतः । ऐक्ष्वाकी चाभवद्भार्या जन्तोस्तस्यामजायत
janturjajñe 'tha vaidarbhyāṃ bhadrasenyāṃ purudvataḥ / aikṣvākī cābhavadbhāryā jantostasyāmajāyata
Sanskrit only: no published translation is held for this verse.
सात्वतः सत्त्वसंयुक्तः सात्वतां कीर्तिवर्धनः । इमां विसृष्टिं विज्ञाय ज्यामघस्य महात्मनः । प्रजावान् एति सायुज्यं राज्ञः सोमस्य धीमतः
sātvataḥ sattvasaṃyuktaḥ sātvatāṃ kīrtivardhanaḥ / imāṃ visṛṣṭiṃ vijñāya jyāmaghasya mahātmanaḥ / prajāvān eti sāyujyaṃ rājñaḥ somasya dhīmataḥ
Sanskrit only: no published translation is held for this verse.
सात्वतान् सत्त्वसम्पन्नान् कौशल्या सुषुवे सुतान् । भजिनं भजमानं तु दिव्यं देवावृधं नृप
sātvatān sattvasampannān kauśalyā suṣuve sutān / bhajinaṃ bhajamānaṃ tu divyaṃ devāvṛdhaṃ nṛpa
Sanskrit only: no published translation is held for this verse.
अन्धकं च महाभोजं वृष्णिं च यदुनन्दनम् । तेषां तु सर्गाश् चत्वारो विस्तरेणैव तच्छृणु
andhakaṃ ca mahābhojaṃ vṛṣṇiṃ ca yadunandanam / teṣāṃ tu sargāś catvāro vistareṇaiva tacchṛṇu
Sanskrit only: no published translation is held for this verse.
भजमानस्य सृञ्जय्यां बाह्यकायां च बाह्यकाः । सृञ्जयस्य सुते द्वे तु बाह्यकास्तु तदाभवन्
bhajamānasya sṛñjayyāṃ bāhyakāyāṃ ca bāhyakāḥ / sṛñjayasya sute dve tu bāhyakāstu tadābhavan
Sanskrit only: no published translation is held for this verse.
तस्य भार्ये भगिन्यौ द्वे सुषुवाते बहून्सुतान् । निमिं च कृमिलं चैव वृष्णिं परपुरंजयम् । ते बाह्यकायां सृञ्जय्यां भजमानाद् विजज्ञिरे
tasya bhārye bhaginyau dve suṣuvāte bahūnsutān / nimiṃ ca kṛmilaṃ caiva vṛṣṇiṃ parapuraṃjayam / te bāhyakāyāṃ sṛñjayyāṃ bhajamānād vijajñire
Sanskrit only: no published translation is held for this verse.
यज्ञे देवावृधो राजा बन्धूनां मित्रवर्धनः । अपुत्रस्त्वभवद्राजा चचार परमं तपः । पुत्रः सर्वगुणोपेतो मम भूयादिति स्पृहन्
yajñe devāvṛdho rājā bandhūnāṃ mitravardhanaḥ / aputrastvabhavadrājā cacāra paramaṃ tapaḥ / putraḥ sarvaguṇopeto mama bhūyāditi spṛhan
Sanskrit only: no published translation is held for this verse.
संयोज्य मन्त्रमेवाथ पर्णाशाजलमस्पृशत् । तदोपस्पर्शनात्तस्य चकार प्रियमापगा
saṃyojya mantramevātha parṇāśājalamaspṛśat / tadopasparśanāttasya cakāra priyamāpagā
Sanskrit only: no published translation is held for this verse.
कल्याणत्वान्नरपतेस् तस्मै सा निम्नगोत्तमा । चिन्तयाथ परीतात्मा जगामाथ विनिश्चयम्
kalyāṇatvānnarapates tasmai sā nimnagottamā / cintayātha parītātmā jagāmātha viniścayam
Sanskrit only: no published translation is held for this verse.
नाधिगच्छाम्यहं नारीं यस्यामेवंविधः सुतः । जायेत तस्मादद्याहं भवाम्यथ सहस्रशः
nādhigacchāmyahaṃ nārīṃ yasyāmevaṃvidhaḥ sutaḥ / jāyeta tasmādadyāhaṃ bhavāmyatha sahasraśaḥ
Sanskrit only: no published translation is held for this verse.
अथ भूत्वा कुमारी सा बिभ्रती परमं वपुः । ज्ञापयामास राजानं तामियेष महाव्रतः
atha bhūtvā kumārī sā bibhratī paramaṃ vapuḥ / jñāpayāmāsa rājānaṃ tāmiyeṣa mahāvrataḥ
Sanskrit only: no published translation is held for this verse.
अथ सा नवमे मासि सुषुवे सरितां वरा । पुत्रं सर्वगुणोपेतं बभ्रुं देवावृधान्नृपात्
atha sā navame māsi suṣuve saritāṃ varā / putraṃ sarvaguṇopetaṃ babhruṃ devāvṛdhānnṛpāt
Sanskrit only: no published translation is held for this verse.
अनुवंशे पुराणज्ञा गायन्तीति परिश्रुतम् । गुणान्देवावृधस्यापि कीर्तयन्तो महात्मनः
anuvaṃśe purāṇajñā gāyantīti pariśrutam / guṇāndevāvṛdhasyāpi kīrtayanto mahātmanaḥ
Sanskrit only: no published translation is held for this verse.
यथैव शृणुमो दूराद् अपश्यामस् तथान्तिकात् । बभ्रुः श्रेष्ठो मनुष्याणां देवैर्देवावृधः समः
yathaiva śṛṇumo dūrād apaśyāmas tathāntikāt / babhruḥ śreṣṭho manuṣyāṇāṃ devairdevāvṛdhaḥ samaḥ
Sanskrit only: no published translation is held for this verse.
षष्टिश्च पूर्वपुरुषाः सहस्राणि च सप्ततिः । एते ऽमृतत्वं सम्प्राप्ता बभ्रोर् देवावृधान्नृप
ṣaṣṭiśca pūrvapuruṣāḥ sahasrāṇi ca saptatiḥ / ete 'mṛtatvaṃ samprāptā babhror devāvṛdhānnṛpa
Sanskrit only: no published translation is held for this verse.
यज्वा दानपतिर् वीरो ब्रह्मण्यश्च दृढव्रतः । रूपवान्सुमहातेजाः श्रुतवीर्यधरस्तथा
yajvā dānapatir vīro brahmaṇyaśca dṛḍhavrataḥ / rūpavānsumahātejāḥ śrutavīryadharastathā
Sanskrit only: no published translation is held for this verse.
अथ कङ्कस्य दुहिता सुषुवे चतुरः सुतान् । कुकुरं भजमानं च शशिं कम्बलबर्हिषम्
atha kaṅkasya duhitā suṣuve caturaḥ sutān / kukuraṃ bhajamānaṃ ca śaśiṃ kambalabarhiṣam
Sanskrit only: no published translation is held for this verse.
कुकुरस्य सुतो वृष्णिर् वृष्णेस्तु तनयो धृतिः । कपोतरोमा तस्याथ तैत्तिरिस्तस्य चात्मजः
kukurasya suto vṛṣṇir vṛṣṇestu tanayo dhṛtiḥ / kapotaromā tasyātha taittiristasya cātmajaḥ
Sanskrit only: no published translation is held for this verse.
तस्यासीत्तनुजः सर्पो विद्वान्पुत्रो नलः किल । ख्यायते तस्य नाम्ना स नन्दनो दरदुन्दुभिः
tasyāsīttanujaḥ sarpo vidvānputro nalaḥ kila / khyāyate tasya nāmnā sa nandano daradundubhiḥ
Sanskrit only: no published translation is held for this verse.
तस्मिन्प्रवितते यज्ञे अभिजातः पुनर्वसुः । अश्वमेधं च पुत्रार्थम् आजहार नरोत्तमः
tasminpravitate yajñe abhijātaḥ punarvasuḥ / aśvamedhaṃ ca putrārtham ājahāra narottamaḥ
Sanskrit only: no published translation is held for this verse.
तस्य मध्ये ऽतिरात्रस्य सभामध्यात्समुत्थितः । अतस्तु विद्वान्कर्मज्ञो यज्वा दाता पुनर्वसुः
tasya madhye 'tirātrasya sabhāmadhyātsamutthitaḥ / atastu vidvānkarmajño yajvā dātā punarvasuḥ
Sanskrit only: no published translation is held for this verse.
तस्यासीत् पुत्रमिथुनं बभूवाविजितं किल । आहुकश्चाहुकी चैव ख्यातं मातेमतां वर
tasyāsīt putramithunaṃ babhūvāvijitaṃ kila / āhukaścāhukī caiva khyātaṃ mātematāṃ vara
Sanskrit only: no published translation is held for this verse.
इमांश्चोदाहरन्त्यत्र श्लोकान्प्रति तमाहुकम् । सोपासङ्गानुकर्षाणां सध्वजानां वरूथिनाम्
imāṃścodāharantyatra ślokānprati tamāhukam / sopāsaṅgānukarṣāṇāṃ sadhvajānāṃ varūthinām
Sanskrit only: no published translation is held for this verse.
रथानां मेघघोषाणां सहस्राणि दशैव तु । नासत्यवादी नातेजा नायज्वा नासहस्रदः
rathānāṃ meghaghoṣāṇāṃ sahasrāṇi daśaiva tu / nāsatyavādī nātejā nāyajvā nāsahasradaḥ
Sanskrit only: no published translation is held for this verse.
नाशुचिर्नाप्यविद्वान् हि यो भोजेष्वभ्यजायत । आहुकस्य भृतिं प्राप्ता इत्येतद्वै तदुच्यते
nāśucirnāpyavidvān hi yo bhojeṣvabhyajāyata / āhukasya bhṛtiṃ prāptā ityetadvai taducyate
Sanskrit only: no published translation is held for this verse.
आहुकश्चाप्यवन्तीषु स्वसारं चाहुकीं ददौ । आहुकात्काश्यदुहिता द्वौ पुत्रौ समसूयत
āhukaścāpyavantīṣu svasāraṃ cāhukīṃ dadau / āhukātkāśyaduhitā dvau putrau samasūyata
Sanskrit only: no published translation is held for this verse.
देवकश्चोग्रसेनश्च देवगर्भसमाव् उभौ । देवकस्य सुता वीरा जज्ञिरे त्रिदशोपमाः
devakaścograsenaśca devagarbhasamāv ubhau / devakasya sutā vīrā jajñire tridaśopamāḥ
Sanskrit only: no published translation is held for this verse.
देववानुपदेवश्च सुदेवो देवरक्षितः । तेषां स्वसारः सप्तासन् वसुदेवाय ता ददौ
devavānupadevaśca sudevo devarakṣitaḥ / teṣāṃ svasāraḥ saptāsan vasudevāya tā dadau
Sanskrit only: no published translation is held for this verse.
देवकी श्रुतदेवी च मित्रदेवी यशोधरा । श्रीदेवी सत्यदेवी च सुतापी चेति सप्तमी
devakī śrutadevī ca mitradevī yaśodharā / śrīdevī satyadevī ca sutāpī ceti saptamī
Sanskrit only: no published translation is held for this verse.
नवोग्रसेनस्य सुताः कंसस्तेषां तु पूर्वजः । न्यग्रोधश्च सुनामा च कङ्कः शङ्कुश्च भूयसः
navograsenasya sutāḥ kaṃsasteṣāṃ tu pūrvajaḥ / nyagrodhaśca sunāmā ca kaṅkaḥ śaṅkuśca bhūyasaḥ
Sanskrit only: no published translation is held for this verse.
अजभू राष्ट्रपालश्च युद्धमुष्टिः सुमुष्टिदः । तेषां स्वसारः पञ्चासन् कंसा कंसवती तथा
ajabhū rāṣṭrapālaśca yuddhamuṣṭiḥ sumuṣṭidaḥ / teṣāṃ svasāraḥ pañcāsan kaṃsā kaṃsavatī tathā
Sanskrit only: no published translation is held for this verse.
सुतन्तू राष्ट्रपाली च कङ्का चेति वराङ्गनाः । उग्रसेनः सहापत्यो व्याख्यातः कुकुरोद्भवः
sutantū rāṣṭrapālī ca kaṅkā ceti varāṅganāḥ / ugrasenaḥ sahāpatyo vyākhyātaḥ kukurodbhavaḥ
Sanskrit only: no published translation is held for this verse.
भजमानस्य पुत्रो ऽथ रथिमुख्यो विदूरथः । राजाधिदेवः शूरश्च विदूरथसुतो ऽभवत्
bhajamānasya putro 'tha rathimukhyo vidūrathaḥ / rājādhidevaḥ śūraśca vidūrathasuto 'bhavat
Sanskrit only: no published translation is held for this verse.
राजाधिदेवस्य सुतौ जज्ञाते देवसंमितौ । नियमव्रतप्रधानौ शोणाश्वः श्वेतवाहनः
rājādhidevasya sutau jajñāte devasaṃmitau / niyamavratapradhānau śoṇāśvaḥ śvetavāhanaḥ
Sanskrit only: no published translation is held for this verse.
शोणाश्वस्य सुताः पञ्च शूरा रणविशारदाः । शमी च देवशर्मा च निकुन्तः शक्रशत्रुजित्
śoṇāśvasya sutāḥ pañca śūrā raṇaviśāradāḥ / śamī ca devaśarmā ca nikuntaḥ śakraśatrujit
Sanskrit only: no published translation is held for this verse.
शमिपुत्रः प्रतिक्षत्रः प्रतिक्षत्रस्य चात्मजः । प्रतिक्षेत्रः सुतो भोजो हृदीकस्तस्य चात्मजः
śamiputraḥ pratikṣatraḥ pratikṣatrasya cātmajaḥ / pratikṣetraḥ suto bhojo hṛdīkastasya cātmajaḥ
Sanskrit only: no published translation is held for this verse.
हृदीकस्याभवन्पुत्रा दश भीमपराक्रमाः । कृतवर्माग्रजस् तेषां शतधन्वा च मध्यमः
hṛdīkasyābhavanputrā daśa bhīmaparākramāḥ / kṛtavarmāgrajas teṣāṃ śatadhanvā ca madhyamaḥ
Sanskrit only: no published translation is held for this verse.
देवार्हश्चैव नाभश्च भीषणश्च महाबलः । अजातो वनजातश्च कनीयककरम्भकौ
devārhaścaiva nābhaśca bhīṣaṇaśca mahābalaḥ / ajāto vanajātaśca kanīyakakarambhakau
Sanskrit only: no published translation is held for this verse.
देवार्हस्य सुतो विद्वाञ् जज्ञे कम्बलबर्हिषः । असामञ्जाः सुतस्तस्य तमोजातस्य चात्मजः
devārhasya suto vidvāñ jajñe kambalabarhiṣaḥ / asāmañjāḥ sutastasya tamojātasya cātmajaḥ
Sanskrit only: no published translation is held for this verse.
अजातपुत्रा विक्रान्तास् त्रयः परमकीर्तयः । सुदंष्ट्रश्च सुनाभश्च कृष्ण इत्यन्धका मताः
ajātaputrā vikrāntās trayaḥ paramakīrtayaḥ / sudaṃṣṭraśca sunābhaśca kṛṣṇa ityandhakā matāḥ
Sanskrit only: no published translation is held for this verse.
अन्धकानामिमं वंशं यः कीर्तयति नित्यशः । आत्मनो विपुलं वंशं प्रजावानाप्नुते नरः
andhakānāmimaṃ vaṃśaṃ yaḥ kīrtayati nityaśaḥ / ātmano vipulaṃ vaṃśaṃ prajāvānāpnute naraḥ
Sanskrit only: no published translation is held for this verse.